ရေခဲချောင်းခွဆုံ တောင်ရွာတွင် ရိုဟင်ဂျာ ကလေးများနှင့် အမျိုးသမီးများ ၃၀ ကျော် မီးရှို့ သတ်ဖြတ်ခံရ

RB News

15.11.2016

မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း ရေခဲချောင်းခွဆုံ တောင်ရွာမှ ကလေးများနှင့် အမျိုးသမီးများ ၃၀ ကျော်ကို စစ်သားများက နေအိမ်များတွင် ပိတ်ဆို့၍ မီးရှို့သတ်ဖြတ်ခဲ့ကြောင်း သတင်း ရရှိပါသည်။ 

နိုဝင်ဘာလ (၁၄) ရက်နေ့ နံနက် ၈း၃၀ နာရီ အချိန်တွင် စစ်တပ်နှင့် နယ်ခြားစောင့်ရဲတပ်ဖွဲ့ အင်အား ၁၅၀ ကျော်တို့သည် ရေတွင်းကျွန်း ကျေးရွာကို ၀ိုင်း၍  ရွာသူရွာသား ၁၅၀ ကျော်ကို ဖမ်းဆီးခဲ့သည်။ ဖမ်းဆီးခဲ့သည့်သူများထဲတွင် ရေခဲချောင်းခွဆုံ၊ ဓါးကြီးစား၊ ကျားခေါင်းတောင်၊ မျောတောင် တို့မှ ရွာသားများ ပါဝင်ကြောင်း ဒေသခံများက RB News သို့ပြောသည်။ 

ဖမ်းဆီးထားသူများထဲမှ ငွေကြေး ချမ်းသာသူ ၂၀ ကျော်ကို ရွေးယူ၍ ငါးခူရ နယ်မြေစခန်းသို့ ခေါ်သွားခဲ့သည်။ ကျန်သည့်သူများကို ရွက်ညိုတောင် စခန်း (၁၂) သို့ ခေါ်ဆောင်သွားပြီး စစ်ဆေးကာ ရေတွင်းကျွန်း ရွာသားများကို ပြန်လည် လွှတ်ပေးခဲ့သည်။ ကျန်သည့်သူများကို ညနေ နေ၀င်ချိန်ခန့်တွင် ကံပြင်ကျေးရွာ (ရခိုင်ရွာ) သို့ ခေါ်ဆောင်သွားပြီး လမ်းမပေါ်တွင် တုတ်၊ ဓါး၊ သေနတ်များ ကိုင်စေကာ သက္ကဗိရ် (အစ္စလာမ် ဘာသာဝင်များ အရေးပေါ် အချိန်တွင် ရွတ်ဆိုသည့်စာ) ရွတ်ဆိုခိုင်းပြီး ဗီဒီယို ရိုက်ကူး၍ မှတ်တမ်းတင်ခဲ့သည်။ ထို့နောက် ၎င်းတို့ကို ရွက်ညိုတောင် စခန်းသို့ ခေါ်ဆောင်သွားခဲ့သည်။ 

ယနေ့ နိုဝင်ဘာလ (၁၅) ရက်နေ့ နေ့လည် ၂ နာရီအချိန်တွင် ဖမ်းဆီးခံနေရသူများထဲတွင် ပါဝင်သော ရေခဲချာင်းခွဆုံမှ ကလေးများနှင့် အမျိုးသမီး ၃၀ ကျော်ကို အိမ်သို့ ပြန်ပို့မည်ဟု ဆိုကာ ရေခဲချောင်းခွဆုံ တောင်ရွာသို့ ခေါ်လာပြီး၊ အိမ်များထဲသို့ သွင်းပေးကာ စစ်သားများက ၀ိုင်းထားပြီး အိမ်များကို မီးရှို့ ခဲ့သည်။ အိမ်များထဲမှ အမျိုးသမီးများနှင့် ကလေးများက ထွက်၍ ထွက်ပြေးရန် ကြိုးစားခဲ့သော်လည်း စစ်သားများက အဆက်မပြတ် သေနတ်ပစ်ဖောက်နေမှုကြောင့် မထွက်နိုင်ဘဲ အိမ်ထဲတွင်ပင် မီးရှို့ခံ၍ သေဆုံးခဲ့ရကြောင်း ဒေသခံများက RB News သို့ပြောသည်။ 

စစ်သားများက ရေခဲချောင်းခွဆုံ တောင်ရွာမှ အိမ်ခြေ ၁၂၀ ခန့်ကို ယနေ့ နေ့လည်ပိုင်းတွင် မီးရှို့ဖျက်ဆီးခဲ့ပြီး၊ ယင်းကျေးရွာတွင် အိမ်ခြေဟူ၍ လုံးဝ မရှိတော့ဟု ဆိုသည်။ ယနေ့ ညနေ နေ၀င်ချိန်ထိ မီးလောင်ကျွမ်းခဲ့ကြောင်း သိရှိရသည်။ 

လွန်ခဲ့သည့် နိုဝင်ဘာလ (၁၂) ရက်နေ့မှ စ၍ ရွာ (၆) ရွာတွင် စစ်သားများနှင့် နယ်ခြားစောင့်ရဲများက နေအိမ်များ မီးရှို့ခြင်း၊ ဒေသခံ ရိုဟင်ဂျာများကို လောင်ချာများ သုံး၍ ပစ်ခတ်ခြင်း၊ ရဟတ်ယာဉ်ပေါ်မှ ပစ်ခတ်ခြင်း၊ နေအိမ်များထဲတွင် မီးရှို့သတ်ဖြတ်ခြင်းများ နေ့စဉ်ရက်ဆက် ပြုလုပ်ခဲ့ရာ အသေအပျောက် စာရင်း အတိအကျ ပြုစုရန်ပင် ခက်ခဲလျက် ရှိသည်။