ဘူးသီးတောင် ခမရ (၅၅၂) မှ အရာရှိများက ဒေသခံ (၆) ဦးထံမှ ငွေညှစ်
RB News
1.11.2016
ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် အခြေစိုက် ခမရ (၅၅၂) မှ အရာရှိများက မောင်တောမြို့နယ်၏ အခြေအနေကို အခွင့်ကောင်းယူ၍ ဒေသခံ (၆) ဦးထံမှ ငွေညှစ်ခဲ့ကြောင်း သတင်း ရရှိပါသည်။
အောက်တိုဘာလ (၃၁) ရက်နေ့ နံနက် ၁၀ နာရီခန့်တွင် ဘူးသီးတောင်မြို့နယ် အခြေစိုက် ခမရ (၅၅၂) မှ ဆရာစောမြ ဆိုသူနှင့် အရာရှိ နှစ်ဦးတို့သည် မီးကျောင်းဈေး ကျေးရွာအုပ်စု၊ ရပ်ကွက် (၈) မှ ဦးဟာမိတ်ဟူဆောင်း (ဘ) ဦးနာဇီရ်ဟူဆောင်း (ခမရ ၅၅၂ ၏ ကိုယ်စားလှယ်ဟောင်း) နှင့် ဦးမာမတ်ဆောလမ် (ဘ) ဦးမာမတ်ကာဆိမ်း တို့ကို ခေါ်၍ အပြစ်မဲ့ ဒေသခံ (၆) ဦးကို နည်းမျိုးစုံဖြင့် ခြိမ်းခြောက်ကာ ငွေညှစ်ခဲ့ကြောင်း ဒေသခံများက RB News သို့ပြောသည်။
စစ်သားများက ငွေညှစ်ခြင်းကို ရံဖန်ရံခါသာ ပြုလုပ်လေ့ရှိသော်လည်း မောင်တောမြို့နယ်၏ အခြေအနေကို အခွင့်ကောင်းယူ၍ ငွေညှစ်နေခြင်းအတွက် ရွာသားများက အထူးစိုးရိမ် နေကြသည်။
ငွေညှစ်ခံရသူများမှာ --
(၁) ဦးအစ္စမိုင်လ် (ဘ) ဦးကာလူ (ရပ်ကွက် ၈) ညှစ်ခံရသည့် ငွေကျပ် ၃ သိန်း
(၂) ဦးမာမတ်အော်လီ (ရပ်ကွက် ၈) ညှစ်ခံရသည့် ငွေကျပ် ၇ သောင်း
(၃) ဦးဟာမိတ်ဟူဆောင်း (ရပ်ကွက် ၈) ညှစ်ခံရသည့် ငွေကျပ် ၃ သိန်း
(၄) ဦးဖောယာစ် (ဘ) ဦးအေန်ဒါဟူဆောင်း (ရပ်ကွက် ၉) ညှစ်ခံရသည့် ငွေကျပ် ၅ သောင်း
(၅) ဦးမာမတ်ဂျူနိုက် (ဘ) ဦးအဘူလ်ကာလောမ် (ရပ်ကွက် ၈) ညှစ်ခံရသည့် ငွေကျပ် ၉ သောင်း
(၆) မော်လ၀ီမာမတ်အူလ္လာ (ဘ) မော်လ၀ီတာဟဲရ် (ရပ်ကွက် ၉) ညှစ်ခံရသည့် ငွေကျပ် တစ်သိန်းငါးသောင်း -- တို့ဖြစ်ကြသည်။
