လက်ရှိ လူနေထိုင်လျက်ရှိသော အိမ်ခြေများကို မီးလောင်ပြင် အဖြစ်သတ်မှတ်၍ ဖြိုဖျက် ရှင်းလင်းလျက်ရှိ

RB News

14.12.2017

မောင်တော ။ ။ ရခိုင်ပြည်နယ်၊ မောင်တောမြို့နယ် အမှတ် (၅) ရပ်ကွက် အနောက်ရွာတွင် မီးရှို့ခံထားရသော နေရာများအပြင် လက်ရှိ လူနေထိုင်လျက်ရှိသော အိမ်ခြေများကိုပါ ဖျက်၍ မီးလောင်ပြင် အဖြစ် သတ်မှတ်၍ ရှင်းလင်းလျက်ရှိကြောင်း သတင်းရရှိပါသည်။ 

မောင်တောမြို့နယ် အမှတ် (၅) ရပ်ကွက် အနောက်ရွာတွင် မီးရှို့ခံထားရသော နေရာများကို မီးလောင်ပြင်အဖြစ်နေရာသတ်မှတ်၍ ဒီဇင်ဘာလ (၁၁) ရက်နေ့မှစ၍ မြေညှိစက်များဖြင့် ရှင်းလင်းလျက် ရှိသည်။ ထိုသို့ ရှင်းလင်းနေသည့် နေရာတွင် မီးမလောင်ဘဲ ကျန်ရှိနေသည့် ဗလီဝတ်ကျောင်းတော်၊ ဘာသာရေးကျောင်းနှင့် နေအိမ် (၆) လုံး အပြင် လက်ရှိလူနေထိုင်လျက်ရှိသည့် အိမ်ခြေ (၂၀) ကျော်ပါဝင်သည်။ 

လူများနေထိုင်လျက် ရှိသည့် အိမ်ခြေ (၂၀) ကျော်မှ ဒေသခံများသည် ရွာအတွင်း နေအိမ်များ မီးရှို့ခံနေရသော်လည်း မည်သည့် နေရာကိုမှ ထွက်မပြေးဘဲ မိမိတို့၏ နေအိမ်များတွင် နေထိုင်နေခဲ့ရာ ယနေ့ထိပင် ဖြစ်သည်ဟု ဒေသခံများက RB News သို့ပြောပါသည်။ 

ဗလီဝတ်ကျောင်းတော်၊ ဘာသာရေးကျောင်းနှင့် နေအိမ် (၆) လုံးမှ သွပ်၊ သစ်သား၊ တံခါးများနှင့် ပြတင်းပေါက်များကို ရခိုင်အစွန်းရောက်များက ယနေ့ ဒီဇင်ဘာလ (၁၄) ရက်နေ့ နံနက်ပိုင်းတွင် ဖြုတ်၍ လုယက် ယူဆောင်သွားပြီးနောက် အာဏာပိုင်များက မြေညှိစက်များဖြင့် ဖြိုဖျက် ဖျက်ဆီးလိုက်ကြောင်း သိရှိရသည်။ 

“လူနေတဲ့ အိမ် (၂၀) ကျော်ကိုတော့ အခုထိ ဖြိုတာ မလုပ်သေးဘူး။ ဒါပေမယ့် ဖြိုမယ်လို့ ပြောနေကြတယ်။ အဲဒါကြောင့် အဲဒီအိမ်တွေဖြိုလိုက်ရင် မိသားစုတွေ နေထိုင်ဖို့ တော်တော်လေး အခက်အခဲ ရှိမယ်။ အဲဒီမိသားစုတွေလည်း အတော်လေး စိုးရိမ်နေကြတယ်” ဟု ဒေသခံတစ်ဦးက ပြောပါသည်။ 

မောင်တောမြို့နယ် ဒေသဆိုင်ရာ အာဏာပိုင်များက နေအိမ်များထဲတွင် နေထိုင်နေကြသူများကို နေအိမ်များမှ နှင်ထုတ်၍ အိမ်များကို ဖြိုဖျက်နေခြင်းသည် နေအိမ်များ အတွင်းမှ မိသားစုများကို တစ်ဖက်နိုင်ငံသို့ ထွက်ပြေးရန် သွယ်ဝိုက်သောနည်းဖြင့် တွန်းပို့နေခြင်း ဖြစ်သည်။ 

ယခုကဲ့သို့ မီးရှို့မခံရသည့် နေအိမ်များကို ဖြိုဖျက်နေခြင်းအား အမြန်ဆုံး ရပ်တန့်ပေးရန် ပြည်ထောင်စုအစိုးရအား တောင်းဆိုကြောင်း၊ ဒေသဆိုင်ရာ အာဏာပိုင်များနှင့် ရခိုင်အစွန်းရောက်များ ပူးပေါင်း၍ လုယက် ဖြိုဖျက်နေခြင်းကို ပြည်ထောင်စုအစိုးရမှ သိရှိရန် အတွက် မြေပြင်သို့ လာရောက်၍ လေ့လာရန် လိုအပ်သည်ဟု ဒေသခံများက ပြောပါသည်။