နောက်ဆုံးသတင်း/ဆောင်းပါးများ

တပ်ရင်း ၃၄၅ များ ဗိုလ်ကြီးနှစ်ဦးနှင့် စစ်သားများက လက်ဝဲဒက်ပုဇွန်ချောင်း၊ မောင်ကြီးတောင်နှင့် ဒါးပိုင်ဆရာ ရွာများမှ ငွေညှစ်၊ ခြိမ်းခြောက်၊ သစ်များတောင်း

RB News
24.1.2018

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် လက်ဝဲဒက်ပုဇွန်ချောင်း ကျေးရွာသို့ တပ်ရင်း ၃၄၅ မှ ဗိုလ်ကြီးနှစ်ဦးနှင့် စစ်သားများ ရောက်ရှိလာပြီး၊ ငွေညှစ်ခြင်း၊ သစ်များတောင်းယူခြင်းနှင့် ခြိမ်းခြောက်ခြင်းများ ပြုလုပ်ခဲ့ကြောင်း သတင်းရရှိပါသည်။

တပ်ရင်း ၃၄၅ မှ ဗိုလ်ကြီးနှစ်ဦးနှင့် စစ်သား (၁၂) ဦးခန့် တို့သည် ဘူးသီးတောင်မြို့နယ် လက်ဝဲဒက်ပုဇွန်ချောင်း ကျေးရွာသို့ ရောက်ရှိလာပြီး ကျေးရွာအုပ်ချုပ်ရေးမှူးကို ဆင့်ခေါ်ကာ ၎င်းတို့၏ ဘောလုံးကွင်းတွင် အဆောင်ဆောက်ရန် သစ်များလိုအပ်နေကြောင်း၊ ရွာမှ သစ်များပေးရန် တောင်းခံခဲ့သည်။ ရွာသူရွာသားများ အားလုံးမှာ အလုပ်လက်မဲ့ ဖြစ်နေပြီး သစ်ဝယ်ပေးရန် မရှိသော်လည်း သစ်များရှာဖွေ၍ ခွဲပေးခဲ့ရကြောင်း ဒေသခံများက RB News သို့ပြောပါသည်။

အဆိုပါ ဗိုလ်ကြီးများနှင့် စစ်သားများသည် လက်ဝဲဒက်ပုဇွန်ချောင်းကျေးရွာမှ တဆင့် မောင်ကြီးတောင်ရွာသို့ သွားရောက်၍ ကျေးရွာအတွင်း ငွေကျပ် ၃ သောင်းဖိုးခန့် တန်ဖိုးရှိသည့် ကြက်များ ယူခဲ့ပြီး၊ ကျေးရွာမှ အပြန်တွင် ယင်းကျေးရွာ၏ အုပ်ချုပ်ရေးမှူးနှင့် ဒါးပိုင်ဆရာရွာမှ အုပ်ချုပ်ရေးမှူးတို့ကို လက်ဝဲဒက်ပုဇွန်ချောင်းသို့ ခေါ်ယူလာခဲ့သည်။ ထို့နောက် မောင်ကြီးတောင်ရွာ အုပ်ချုပ်ရေးမှူး ထံမှ ငွေကျပ် တစ်သိန်းသုံးသောင်းနှင့် ဒါးပိုင်ဆရာရွာ အုပ်ချုပ်ရေးမှူး ထံမှ ငွေကျပ် တစ်သိန်း ညှစ်ယူခဲ့ကြောင်း သိရှိရသည်။

လက်ဝဲဒက်ပုဇွန်ချောင်းရွာတွင် မှာထားခဲ့သည့် သစ်ချောင်း ၁၃ ချောင်းကိုယူပြီးနောက် ယင်းရွာမှ ကြက်နှစ်ကောင်ကို သတ်ဖြတ်ကာ အရက်များနှင့် စားသောက်ခဲ့သည်။ ရွာအတွင်းတွင် ရွာသားများကို အကြောင်းမဲ့ ရိုက်နှက် ကန်ကျောက်ခဲ့ကြောင်း၊ ထို့အပြင် ရွာသားတစ်ဦး၏ ခြံမှ ငွေကျပ်နှစ်သောင်းတန် ကြက်ဖတစ်ကောင်ကိုလည်း လေးခွဖြင့် ပစ်ခတ်၍ ဖမ်းယူသွားကြောင်း၊ ဂျူနိုက် (ဘ) ဦးအဲကရာမ် (အသက် ၂၁) နှစ်၏ ဆိတ်တစ်ကောင်ကိုလည်း ဖမ်းယူသွားကြောင်း၊ ဆိတ်ပိုင်ရှင် ဂျူနိုက် က ၎င်း၏ ဆိတ်ကို ပြန်တောင်းသောအခါ သေနတ်ဖြင့် ပစ်သတ်မည်ဟု ခြိမ်းခြောက်၍ ပါးပြင်ကို လက်သီးဖြင့် ထိုးခဲ့ကြောင်း၊ ဆိုင်တစ်ဆိုင်မှာ အအေးဗူးများ ယူသောက်ပြီးနောက် ဆိုင်ရှင် ဖြစ်သူက ငွေတောင်းသောအခါ ဆိုင်ရှင်ကို “အသေရှင်ချင်လား၊ သေချင်လား” ဟု မေး၍ ခြိမ်းခြောက်ပြီး ငွေမပေးခြင်းများ ပြုလုပ်ခဲ့ကြောင်း ဒေသခံများက ပြောပါသည်။




Comment ရေးရန်

Rohingya Exodus