မောင်တော မြို့မရွာသစ်ကေ ရွာအနီးရှိ ရဲကင်းစခန်းက ၀င်ထွက်သည့် ကားများမှ ငွေကျပ် ၅၀၀ စီ ကောက်ခံနေ

RB News

28.5.2018

မောင်တော ။ ။ ရခိုင်ပြည်နယ်၊ မောင်တောမြို့နယ် မြို့မရွာသစ်ကေရပ်ကွက် အနီးရှိ ရဲကင်းစခန်းက မြို့ဝင်/ထွက် စာရင်းမှတ်သည့် အပြင် ငွေကျပ် ၅၀၀ စီလည်း ပြန်လည် ကောက်ခံလျက် ရှိသည်။

မြို့မရွာသစ်ကေရပ်ကွက် (အမှတ် ၅ ရပ်ကွက်) အနောက်အုပ်စုနှင့် မြို့မအရှေ့ရပ်ကွက် (အမှတ် ၄ ရပ်ကွက်) စံပြရွာ ခွဆုံရှိ ရဲကင်းစခန်းသည် မေလ (၂၆) ရက်နေ့မှစ၍ ကားများနှင့် သုံးဘီးတက္ကစီများကို မြို့ဝင်/ထွက် စာရင်းမှတ်သည့် အပြင် ငွေကျပ် ၅၀၀ စီလည်း ပြန်လည် ကောက်ခံလျက် ရှိကြောင်း ဒေသခံများက RB News သို့ပြောသည်။ 

ဧပြီလကုန်ပိုင်းတွင် စစ်ဆေးမှုခံယူစဉ် ငွေတောင်းခံပါက ဆက်သွယ်တိုင်ကြားရန်ဟုဆိုကာ မြို့နယ် စခန်းမှူးနှင့် ဒု-စခန်းမှူးတို့၏ ဖုန်းနံပါတ်များကို ရေးသား၍ စာရွက်ချိတ်ဆွဲထားသည့်နေ့မှစ၍ ငွေကောက်ခံခြင်းကို ရပ်တန့်ခဲ့သည်။ သို့သော်လည်း ယခုအခါ ပြန်လည် ကောက်ခံနေပြီး ချိတ်ဆွဲထားသည့် စာရွက်လည်း မတွေ့ရှိရတော့ဟု ဒေသခံများက ဆိုသည်။ 

“သုံးဘီးတက္ကစီသမား တစ်ယောက်က မြို့မရွာသစ်ကေကို တစ်ရက်ကို အနည်းဆုံး ၃ ကြိမ်နဲ့ အထက် သွားနေရတယ်။ မသွားရင် ၀င်ငွေက ဘယ်လိုမှ ပြည့်မှာ မဟုတ်ဘူး။ အခု ၀င်တိုင်း ၅၀၀ ကျပ်စီ ပေးနေရတော့ သွားချင်စိတ် မရှိတော့ဘူး။ မြို့ထဲကနေ လူတစ်ယောက်ကို ၅၀၀ နဲ့ တင်သွားတာ ရဲကင်းစခန်းကို ၅၀၀ ပေးလိုက်ရတော့ ကိုယ့်ဖက်က ဆီဖိုးက အရှုံးဖြစ်နေတယ်။ ရဲကို ရှာကျွေးနေသလို ဖြစ်နေတယ်။ မနက် ၁၁ နာရီကနေ ညနေ ၄ နာရီ ၀န်းကျင်ထိ ဖြတ်သန်း သွားလာတိုင်း ကောက်ခံတယ်။ ကျန်တဲ့ အချိန်တွေမှာတော့ တချို့ကပေးရတယ်။ တချို့ကမပေးရဘူး” ဟု ဒေသခံတစ်ဦးက ပြောသည်။