မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း၊ အလယ်သံကျော် ကညင်တန်း အုပ်ချုပ်ရေးမှူး ဦးဆီရာဇူလ္လာသည် ၎င်း၏ သက်တမ်း မကုန်ဆုံးမှီ ရွာသားများအား နတ်ခေါင်း (မ်) ဒီးယား အခြေစိုက် နယ်ခြားစောင့် ရဲတပ်ဖွဲ့မှ နယ်ခြားစောင့်ရဲ များနှင့် ပူးပေါင်း၍ အင်အားသုံးကာ ရွာသားများကို ခြိမ်းခြောက်၍ ငွေညှစ်လျက် ရှိသည်။ 

မတ်လ (၄) ရက်နေ့တွင် ဦးအာဇီမူလ္လာ (ဘ) ဦးဆာလေ (အသက် ၅၀ နှစ်) ကို တစ်ဖက်နိုင်ငံသို့ တရားမ၀င် သွားရောက်ခဲ့သည်ဟု လုပ်ကြံ စွပ်စွဲ၍ ငွေကျပ် (၅) သိန်း ညှစ်ယူခဲ့ကြောင်း ဒေသခံများက RB News သို့ပြောသည်။ 

ထို့အပြင် ကုန်လွန်ခဲ့သည့်နှစ် နှစ်ကုန်ပိုင်းတွင်လည်း အောက်ဖော်ပြပါ ရွာသားများထံမှ ငွေညှစ်ခဲ့သည်။ 

(၁) ဦးဇီယာဘူရာမန် (ဘ) ဟာဂျီဦးအဒူမူနာဖ် (အသက် ၃၀ နှစ်) ထံတွင် ငွေစက္ကူ အတုရှိသည်ဟု စွပ်စွဲ၍ ငွေကျပ် သိန်း (၄၀) ညှစ်ယူခဲ့သည်။ 

(၂) ဦးဟာဘီရောန်သည် ဟာဂ်ျဘုရားဖူးသွားရန် အတွက် တစ်ဖက်နိုင်ငံမှ တဆင့် တရားမ၀င် သွားခဲ့သည်ဟု စွပ်စွဲ၍ ငွေကျပ် (၃၃) သိန်း ညှစ်ယူခဲ့သည်။ 

(၃) ဦးအလီဇူဟာရ်၏ ဇနီး ဒေါ်အာရော်ဖာ (အသက် ၄၅ နှစ်) သည် တစ်ဖက်နိုင်ငံမှ တဆင့် တရားမ၀င် ဟဂ်ျဘုရားဖူး သွားခဲ့သည်ဟု စွပ်စွဲ၍ ငွေကျပ် သိန်း (၃၀) ညှစ်ယူခဲ့သည်။ 

(၄) ဦးမာမတ်ဟူဆောင်း၏ ချွေးမသည် မိမိကိုယ့်မိမိ အဆိပ်သောက်၍ သေကြောင်းကြံစည်ပြီး သေဆုံးသွားခဲ့သည်ကို ဦးမာမတ်ဟူဆောင်းက အဆိပ်တိုက်ခဲ့သည်ဟု လုပ်ကြံ စွပ်စွဲ၍ ငွေကျပ် (၄၅) သိန်း ညှစ်ယူခဲ့သည်။ 

ဦးဆီရာဇူလ္လာသည် အုပ်ချုပ်ရေးမှူး တစ်ဦး၏ တာဝန် ၀တ္တရားအတိုင်း ထမ်းဆောင်ခြင်းမျိုး မဟုတ်ဘဲ လူဆိုးလူမိုက်ကဲ့သို့ ဆိုးသွမ်း ရမ်းကား၍ ငွေညှစ်နေခြင်းကို အထက် အာဏာပိုင်များက အမြန်ဆုံး အရေးယူ ဟန့်တားပေးရန် ဒေသခံ ရွာသားများက တောင်းဆိုနေကြသည်။

ရသေ့တောင် ။ ။ ရခိုင်ပြည်နယ်၊ ဘူးသီးတောင် မြို့နယ် တောင်ပိုင်း၊ ဖုရားပြင်အောင်ပ ကျေးရွာအုပ်စု၊ အကွက် (၄) မှ ဦးနုရ်အာလောမ် (ဘ) ဦးဆုလ်တာန်အာမတ် (အသက် ၃၅ နှစ်) အပါအ၀င် ဒေသခံ (၆) ဦးသည် မတ်လ (၆) ရက်နေ့ ညပိုင်းတွင် ငါးခြောက်၊ ကွမ်းသီး၊ အာလူးများ ယူပြီး ဦးအဒူလာမိန် ပိုင်ဆိုင်သည့် စက်တပ် လှေငယ် တစ်စီးဖြင့် ရသေ့တောင် မြို့နယ်၊ အာဂါတောင် ကျေးရွာအနီးရှိ ဥပေါက်ဈေးသို့ ဈေးရောင်းရန် သွားရောက်ခဲ့သည်။ ၎င်းတို့နှင့် အတူ သမီးလှ ကျေးရွာမှ သက်ကြီး ဇနီးမောင်နှံ နှစ်ဦးနှင့် ကလေးငယ် တစ်ဦးလည်း သွားရောက်ခဲ့သည်။ ည ၁၂ နာရီခန့် အချိန်တွင် ဥပေါက်ဈေး အနီးသို့ ရောက်ရှိပြီး လှေပေါ်တွင်သာ အိပ်ရန် ပြင်ဆင်နေချိန်တွင် ဥပေါက်ကျေးရွာရှိ ကင်းစခန်းမှ နယ်ခြားစောင့်ရဲ (၄) ဦးရောက်ရှိလာပြီး ဈေးသည်များကို “ဘယ်ရွာကလာတာလဲ၊ ဘာကြောင့် လာတာလဲ” ဟုမေးမြန်းခဲ့ရာ ဈေးသည်များက ၎င်းတို့သည် ဈေးရောင်းရန် ရောက်ရှိလာခြင်း ဖြစ်သည်ဟု ဖြေကြားခဲ့သည်။ 

နယ်ခြားစောင့်ရဲများက သက်ကြီး ဇနီးမောင်နှံနှင့် ကလေးငယ်ကို လှေပေါ်တွင် ထား၍ ဈေးသည် (၆) ဦးကို စခန်းသို့ ခေါ်ဆောင် သွားခဲ့သည်။ စခန်းသို့ ရောက်သည်နှင့် (၆) ဦးစလုံးကို ရိုက်နှက်ခဲ့သည်။ ထို့နောက် ဦးအဒူလာမိန်နှင့် ဦးနူရ်အာလောမ် တို့နှစ်ဦးကို စခန်းတွင် ထိန်းသိမ်းထားပြီး ကျန်သည့် (၄) ဦးကို လှေရှိရာသို့ ပြန်လွှတ်ခဲ့သည်။ စခန်းတွင် ထိန်းသိမ်းထားသူ နှစ်ဦးကို နံနက် (၃) နာရီထိ ရိုက်နှက်ခဲ့သည်။ နယ်ခြားစောင့်ရဲ များ၏ ရိုက်နှက်မှုကြောင့် ဦးအဒူလာမိန်သည် ဒဏ်ရာအနည်းငယ် ရရှိခဲ့ပြီး၊ ဦးနူရ်အာလောမ်၏ ဦးခေါင်းနှင့် နှုတ်ခမ်းများ ကွဲပြတ်ကာ ဒဏ်ရာပြင်းထန်စွာ ရရှိ၍ သတိလစ်သွားခဲ့သည်။ နံနက် (၃) နာရီ အချိန်တွင် နယ်ခြားစောင့်ရဲ များက ဦးအဒူလာမိန်ကို ဦးနူရ်အာလောမ်အား ထမ်းခိုင်းက နယ်ခြားစောင့်ရဲများ နောက်ကလိုက်၍ လှေရှိရာသို့ ပို့ကာ ပြန်သွားခိုင်းခဲ့သည်။ 

နံနက် (၄) နာရီအချိန်တွင် အိမ်သို့ ပြန်လည် ရောက်ရှိလာပြီး ချက်ချင်းဆိုသလို ညောင်ချောင်းရှိ နယ်ခြားစောင့် ရဲတပ်ဖွဲ့ စခန်းသို့ သွားရောက် တိုင်ကြားရာ နယ်ခြားစောင့်ရဲ များက နံနက်မိုးလင်းမှသာ လာရောက်ရန် ပြောကြားပြီး ပြန်လွှတ် ခဲ့သည်။ ထို့နောက် ကျေးရွာရှိ ရမ်းကုအား ဆေးကုသပေးရန် ခေါ်သော်လည်း ၎င်းက ရဲစခန်း ထောက်ခံချက် မပါဘဲ ဆေးကုသ မပေးနိုင်ကြောင်း ပြောကြားခဲ့သည်။ 

နံနက် မိုးလင်းသည်နှင့် ညောင်ချောင်း နယ်ခြားစောင့် ရဲတပ်ဖွဲ့ စခန်းသို့ ထပ်မံ သွားရောက် တိုင်ကြားရာ နယ်ခြားစောင့်ရဲ များက ရသေ့တောင် မြို့နယ် ပိုင်နက်တွင် ဖြစ်ပွားခဲ့သောကြောင့် ၎င်းတို့နှင့် မသက်ဆိုင်ကြောင်း ပြောကြားခဲ့သည်။ သို့ဖြစ်၍ ဦးနူရ်အာလောမ်၏ မိသားစုက ဘူးသီးတောင် မြို့နယ်သို့ သွားရောက်၍ သက်ဆိုင်ရာ ဌာနများကို တိုင်ကြားခဲ့သည်။ နေ့လည် ၁၂ နာရီခန့် အချိန်တွင် ဘူးသီးတောင် မြို့နယ် ရဲတပ်ဖွဲ့မှူး ဦးအောင်ဘာလေနှင့် အဖွဲ့သည် ဦးနူရ်အာလောမ်၏ နေအိမ်သို့ သွားရောက် စစ်ဆေးကာ ဘူးသီးတောင် ဆေးရုံသို့ ပို့ဆောင်၍ ဆေးကုသမှု ခံယူစေခဲ့သည်။ ယခုအခါ ဦးနူရ်အာလောမ်သည် ဘူးသီးတောင် ဆေးရုံတွင် ဆေးကုသမှု ခံယူလျက် ရှိသည်။ သို့သော်လည်း ၎င်း၏ ကျန်းမာရေး အခြေအနေမှာ စိုးရိမ်ဖွယ်ရာ ဖြစ်နေသည်ဟု ဒေသခံများက ပြောပါသည်။ 

ဥပေါက်ဈေးတွင် တနင်္လာနေ့နှင့် သောကြာနေ့များသည် ဈေးနေ့များ ဖြစ်သည်။ နံနက် အာရုဏ်တက်ချိန်မှ နံနက် ၁၀ နာရီထိသာ ဈေးရောင်းကြလေ့ ရှိသည်။ သို့ဖြစ်၍ နံနက် စောစော ဈေးရောင်းနိုင်ရန် ညအချိန်ကပင် သွားရောက် စောင့်ဆိုင်း နေရသည်။ ဥပေါက်ဈေးတွင် ၂၀၁၂ ခုနှစ် အရေးအခင်း နောက်ပိုင်းတွင် ရိုဟင်ဂျာများကို ဈေးရောင်းဝယ်ခွင့် မပြုခဲ့သော်လည်း ဖေဖော်ဝါရီလတွင် ဈေးခေါင်း (ဈေးကောက်) အဖွဲ့က မည်သူမဆို လာရောက် ဈေးရောင်းဝယ် နိုင်ကြောင်း ပြောကြားခဲ့သော်လည်း ယခုကဲ့သို့ ဈေးရောင်းရန် လာရခြင်း ဖြစ်သည်ဟု ဒေသခံများက ပြောပါသည်။

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် တောင်ပိုင်း၊ သပိတ်တောက် ကျေးရွာ၌ ကျေးရွာတာဝန်ခံ ရွေးချယ်ရာတွင် လက်ရှိ ကျေးရွာ တာဝန်ခံ ဦးရှောရ်ဟူစိန်း ရှုံးနိမ့်ခဲ့သောကြောင့် ၎င်းက ညောင်ချောင်း စခန်းမှ နယ်ခြားစောင့်ရဲ များနှင့် ပူးပေါင်း၍ ရွာသားများကို အမျိုးမျိုး လုပ်ကြံ၍ ငွေညှစ်လျက် ရှိသည်။ 

ဖေဖော်ဝါရီလ (၂၈) ရက်နေ့ ည ၉း၃၀ နာရီ အချိန်တွင် ညောင်ချောင်း စခန်းမှ နယ်ခြားစောင့်ရဲများ ခေါ်လာပြီး ဦးအေနာမူလ္လာ (ဘ) ဦးနူရ်ဟူစိန်း၊ ဦးရှောမ်ရှု (ဘ) ဦးနူရ်အစ္စလာမ်နှင့် ဦးနူရ်မာမတ် (ဘ) ဦးအေဇာရ်မျာ တို့ကို ၎င်းတို့၏ နေအိမ် အသီးသီးမှ ဖမ်းဆီး၍ ခွင့်ပြုချက် မပါဘဲ အိမ်ပြုပြင် ခဲ့သည်ဟု ဆိုကာ ငွေကျပ် တစ်သိန်းစီ ညှစ်ယူခဲ့ကြောင်း ဒေသခံများက RB News သို့ပြောသည်။ ၎င်းတို့ (၃) ဦးသည် နေအိမ်များ၏ ပျက်စီးနေသည့် အစိတ်အပိုင်း အချို့ကိုသာ ပြုပြင်ခဲ့ခြင်း ဖြစ်ပြီး၊ နေအိမ်တစ်အိမ်လုံး ပြုပြင်ခဲ့ခြင်း မရှိခဲ့ကြောင်း ဒေသခံများက ပြောပါသည်။ 

ထို့နောက် ည ၁၀း၃၀ နာရီ အချိန်တွင် စကားပြော၍ လမ်းလျှောက် သွားနေသည့် ဆယ်ကျော်သက် ကလေး (၃) ဦးကို အကြောင်းမဲ့ ဖမ်းဆီးပြီး ငွေကျပ် (၈) သောင်း ညှစ်ယူခဲ့သည်။ ငွေညှစ်ခံရသည့် ကလေးများမှာ -- 

(၁) ရှာကဲရ် (ဘ) မော်လ၀ီ ဇာဖောရ်အာလောမ် - ညှစ်ခံရငွေကျပ် (၃) သောင်း

(၂) မူဟီအုဒ္ဒိန် (ဘ) ဦးအီနုစ် -- ညှစ်ခံရငွေကျပ် နှစ်သောင်းငါးထောင်
(၃) ဆော်လိမ် (ဘ) ဦးဂျော်မိလ် -- ညှစ်ခံရငွေကျပ် နှစ်သောင်းငါးထောင် -- တို့ဖြစ်သည်။

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း လိပ်ရ ကျေးရွာ အခြေစိုက် နယ်မြေ (၄) နယ်ခြားစောင့် ရဲတပ်ဖွဲ့ စခန်းမှ ရဲမှူး ပြည်ပြည်ဦးသည် လိပ်ရ ရွာသားများ အိမ်၊ ဆိုင်များ ပြုပြင်လျှင် အသစ် ဆောက်လုပ်နေသည်ဟု စွပ်စွဲ၍ နယ်မြေရုံးသို့ ဖမ်းဆီး ခေါ်ဆောင် သွားပြီး ငွေညှစ်၍ ပြန်လွှတ်ပေး နေကြောင်း သတင်း ရရှိပါသည်။ 

ရဲမှူး ပြည်ပြည်ဦးက မတ်လ (၂) ရက်နေ့တွင် မုန့်ဆိုင်ရောင်းသည့် ဦးနူရ်ဟူဆောင်း (ဘ) ဦးအလီမျာ (အသက် ၃၀ နှစ်) ၏ ဆိုင်မှ ပစ္စည်း အချို့ကို ဘင်္ဂလားဒေ့ရှ် နိုင်ငံမှ ပစ္စည်းများဟု စွပ်စွဲ၍ ငွေကျပ် တစ်သိန်း ညှစ်ယူခဲ့သည်။

ဖူတူယာ (ဘ) ဦးအဒူမာဘူဒ် (အသက် ၂၁ နှစ်) က ဆိုင်မှ ပျက်စီးနေသည့် ၀ါးထရံများကို အစားထိုး လဲလှယ်နေသည်ကို အသစ် ဆောက်လုပ်နေသည်ဟု စွပ်စွဲ၍ ငွေကျပ် နှစ်သိန်း ညှစ်ယူခဲ့ကြောင်း ဒေသခံများက RB News သို့ပြောပါသည်။ 

ဦးရူလ်အာမီးန် (ဘ) ဦးအဒူဇော်ဘော်ရ် (အသက် ၄၀ နှစ်) က နေအိမ် ပြုပြင်နေသည်ကို အကြောင်းပြ၍ ရဲမှူးက ဖမ်ဆီး ခေါ်ဆောင်သွားပြီး ယခုအချိန်ထိ ပြန်လည် လွှတ်ပေးခြင်း မရှိသေးကြောင်း သိရှိရသည်။ 

ရဲမှူး ပြည်ပြည်ဦးအား ငွေညှစ်နိုင်ရန် မဟုတ်မမှန် သတင်းပေးနေသူမှာ ဇူးမ်းခါးရာရွာမှ ဦးအာယုပ် (ဘ) ဦးကာဆိမ်း (အသက် ၃၅ နှစ်) ဖြစ်ပြီး၊ ၎င်းသည် ရဲမှူး ပြည်ပြည်ဦးနှင့် လွန်စွာ ရင်းနှီးနေရခြင်းမှာ ရဲမှူးအတွက် ညအချိန်တွင် ပြည့်တန်ဆာ မိန်းကလေးများ ခေါ်ယူပေးခြင်းမှ ဖြစ်သည်ဟု ဒေသခံများက ပြောပါသည်။ မတရားသဖြင့် ငွေညှစ်နေသည့် ရဲမှူး ပြည်ပြည်ဦးအား အထက် အာဏာပိုင်များက စုံစမ်း စစ်ဆေးပြီး အရေးယူပေးရန် ဒေသခံများက လိုလားနေကြသည်ဟု ဆိုသည်။

ရသေ့တောင် ။ ။ ရခိုင်ပြည်နယ်၊ ရသေ့တောင် မြို့နယ်၊ အနောက်ပြင် ကျေးရွာ အုပ်ချုပ်ရေးမှူး ဦးမောင်မောင်သည် ဇန်န၀ါရီလတွင် ကျင်းပခဲ့သည့် ကျေးရွာ အုပ်ချုပ်ရေးမှူး ရွေးကောက်ပွဲတွင် ပြိုင်ဘက် ဦးရှကူရ်ကို ရှုံးနိမ့်ခဲ့သော်လည်း ရွေးကောက်ပွဲ ရလာဒ်ကို လက်မခံဘဲ ရွေးကောက်ပွဲကို သုံးကြိမ်တိုင်တိုင် ကျင်းပစေခဲ့သည်။ သုံးကြိမ်စလုံးတွင် ဦးရှကူရ်သာ အနိုင်ရခဲ့သည်။ 

သို့ဖြစ်၍ ကျေးရွာ အုပ်ချုပ်ရေးမှူး ဦးမောင်မောင်က ကူတောင် အခြေစိုက် အမှတ် (၅၅၁) တပ်ရင်းမှ ဗိုလ်မှူး စိုင်းအောင်ကျော်ကို ငွေသိန်းပေါင်းများစွား ပေး၍ ရွာသားများကို ညှဉ်းပန်း နှိပ်စက်စေသည်ဟု ဒေသခံများက RB News သို့ပြောသည်။ ၎င်းက စစ်တပ်ကို အသုံးချ၍ ရွာသားများအပေါ် ရက်စက်လျက် ရှိသည်။ ၎င်း၏ ရက်စက်မှုကြောင့် ကျေးရွာရှိ အများပြည်သူ လေးစားခြင်း ခံရသူ အများအပြား ကျေးရွာတွင် မနေနိုင်တော့ဘဲ တိမ်းရှောင်နေရသည်။ 

ဖေဖော်ဝါရီလ (၂၈) ရက်နေ့တွင် တပ်ရင်း (၅၅၁) မှ ဗိုလ်မှူး စိုင်းအောင်ကျော်ကို ငွေကျပ် သိန်း ၃၀ ပေး၍ ရွာသားများကို အစည်းအဝေး ကျင်းပရန် ရှိသည်ဟု ဆိုကာ ခေါ်စေပြီး ယင်းကျေးရွာရှိ ဗလီခြံဝင်းထဲတွင် စုဝေးစေပြီးနောက် စစ်သားများက အစည်းအဝေး တက်ရောက်လာကြသည့် ရွာသားများကို ခြိမ်းခြောက်၍ လျှောက်လွှာ အလွတ်ပေါ်တွင် အတင်းအဓမ္မ လက်မှတ်ရေးထိုး ခိုင်းခဲ့သည်။ ရွာသားများ လက်မှတ်ထိုးပြီးသည်နှင့် လျှောက်လွှာပေါ်တွင် ရွာသားများ အနေဖြင့် ဦးရှကူရ်ကို အလိုမရှိကြောင်း၊ ဦးမောင်မောင်ကိုသာ ထောက်ခံ လိုလားကြောင်း ရေးသား၍ မြို့နယ် အုပ်ချုပ်ရေးမှူး ရုံးသို့ တင်ပြခဲ့သည်။ 

ထို့နောက် အစည်းအဝေး တက်ရောက်ခြင်း မရှိသောသူ များကို စစ်သားများနှင့် အတူသွား၍ ဖမ်းဆီးရန် ရှာဖွေခဲ့သည်။ ထို့ကြောင့် အစည်းအဝေး မတက်ရောက် ခဲ့သူများ ကျေးရွာတွင် မနေနိုင်တော့ဘဲ တိမ်းရှောင်နေရသည်။ ယင်းကျေးရွာရှိ အများ ပြည်သူ လေးစားသော လူကြီးများ အားလုံးက ဦးရှကူရ်ကိုသာ ထောက်ခံသဖြင့် ၎င်းတို့ကို မကြာခဏ စစ်သားများနှင့် အတူ လာရောက် ဖမ်းဆီး ရိုက်နှက် ငွေညှစ်လျက် ရှိသဖြင့် တိမ်းရှောင်နေရသည်ဟု ဒေသခံများက ပြောပါသည်။

ကျေးရွာ အုပ်ချုပ်ရေးမှူး ဦးမောင်မောင်က ယခုကဲ့သို့ သောင်းကျန်း၍ ညှဉ်းပန်း နှိပ်စက်နိုင်ရန် ရန်ကုန်မြို့မှ ၎င်း၏ ဦးလေး တော်စပ်သူ ဦးဆော်လိမ်က ငွေကြေး ထောက်ပံ့လျက် ရှိပြီး၊ ဦးဆော်လိမ်က အနောက်ပြင် ရွာသားများ ၂၀၁၂ ခုနှစ် အရေးအခင်းမှ စ၍ ရွာအတွင်း ပိတ်မိနေသဖြင့် စားဝတ်နေရေး အတွက် ထောက်ပံ့ပေးရန် လုပ်ငန်းရှင် များထံမှ အလှူငွေများ ရယူကာ တူတော်စပ်သူ ဦးမောင်မောင် အုပ်ချုပ်ရေးမှူး ရာထူး ရရန် အတွက် အလွဲသုံးစား ပြုလုပ်နေသည်ဟု ရွာသားများက ဝေဖန် ပြောဆိုနေကြသည်။

7.3.2016

မတ်လ ၆ ရက်နေ့က ရန်ကုန်မှာ တော်ဝင်နှင်းဆီ ခန်းမမှာ သတင်းစာ ရှင်းလင်း ခဲ့ကြတဲ့ ဗဟို အလုပ်အမှုဆောင် ကော်မတီဝင် ၆ ဦးကို မတ်လ ၁၁ ရက်နေ့ ကျရင် စစ်တွေမြို့ ပါတီဌာနချုပ်မှာ စစ်ဆေးဖို့ ရခိုင် အမျိုးသားပါတီ စည်းကမ်း ထိန်းသိမ်းရေး ဥက္ကဋ္ဌ ဦးခိုင်ပြည်စိုးက စာထုတ်ပါတယ်။

အခုစစ်ဆေးခံရမယ့် ဦးကျော်မြင့်၊ ဦးလှမြင့်၊ ဦးမျိုးကျော်၊ ဦးမျိုးဆွေ၊ ဦးထွန်းရွှေသိန်း၊ ဦးသန်းနိုင်မြင့်တို့ဖြစ်ကြပြီး အဖွဲ့ဝင် ၅ ဦးပါ စုံစမ်းစစ်ဆေးရေးအဖွဲ့ရဲ့ စစ်ဆေးတွေ့ရှိချက် တွေကို မှတ်ချက်နဲ့တကွ မတ်လ ၁၂ ရက်နေ့ အပြီးသတ်တင်ပြရမယ်လို့ဆိုပါတယ်။

ပြည်နယ်အစိုးရကို ဦးဆောင်ဖွဲ့ခွင့်မရရင် အတိုက်အခံအဖြစ် ရပ်တည်မည်ဆိုတဲ့ ရခိုင်အမျိုးသားပါတီကြေညာချက်ဟာ တရားမ၀င်ကြောင်းနဲ့ ညီညွတ်သော တိုင်းရင်းသား လူမျိုးများအဖွဲ့ချုပ် (ယူအန်အေ)နဲ့လည်း ဆက်ဆံရေးဖြတ်တောက်မှာ မဟုတ်ကြောင်း ၆ ဦးက ရှင်းလင်းခဲ့ကြတာဖြစ်ပါတယ်။

၂၀၁၀ ရွေးကောက်ပွဲကာလမှာ အနိုင်ရတဲ့ ရခိုင်တိုင်းရင်းသားများတိုးတက်ရေးပါတီနဲ့ ၁၉၉၀ ပြည့် ရွေေးကာက်ပွဲမှာ အနိုင်ရတဲ့ ရခိုင်ဒီမိုကရေစီအဖွဲ့ချုပ်တို့ဟာ ၂၀၁၄ ခုနှစ်မှာ ပူးပေါင်းပြီး ရခိုင်အမျိုးသားပါတီအဖွဲ့ ဖွဲ့စည်းခဲ့ပါတယ်။ အခု စစ်ဆေးခံကြရမယ့် ၆ ဦးဟာ ရခိုင် ဒီမိုကရေစီအဖွဲ့ချုပ်က ဖြစ်ပါတယ်။

RB ကဗျာ

6.3.2016

နင်း​ချေခံ​ ​မျှော်​လင့်ချက်

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် တောင်ပိုင်း ညောင်ချောင်း ကျေးရွာ အခြေစိုက် နယ်ခြားစောင့် ရဲတပ်ဖွဲ့ စခန်းသို့ လွန်ခဲ့သည့် ရက်ပိုင်းအတွင်းက ပြောင်းရွှေ့လာခဲ့သည့် ရဲမှူး အသစ်သည် ဖေဖော်ဝါရီလ (၂၆) ရက်နေ့တွင် ညောင်ချောင်း နယ်ခြားစောင့် ရဲတပ်ဖွဲ့ စခန်း အပိုင် ကျေးရွာအုပ်စုများ ဖြစ်သည့် ကကျက်ဘက်၊ ကကျဘက်ကံပြင်၊ အလယ်ချောင်း၊ မြောင်နား၊ ဂိုတာပြင်၊ ဖိုးခေါင်ချောင်း၊ စိမ်းညှင်းပြား၊ သိမ်တောင်ပြင်၊ ဖရုံချောင်း၊ ပြိုင်းတောင်၊ ဖုရားပြင်အောင်ပ၊ သပိတ်တောင်၊ အထက်ကျွဲကြိုမော်၊ ဒုအိုးသည်မ၊ ရွှေထား စသော ကျေးရွာအုပ်စု များမှ ကျေးရွာ အုပ်ချုပ်ရေးမှူး များနှင့် အဖွဲ့များကို စခန်းသို့ ဆင့်ခေါ်၍ အစည်းအဝေး တစ်ရပ် ကျင်းပခဲ့သည်။ 

အဆိုပါ အစည်းအဝေးတွင် ရဲမှူးက လွန်ခဲ့သည့် သုံးလေးလ ကာလ အတွင်း (ယခင် ရဲမှူးလက်ထက်) ဆောက်လုပ် မွမ်းမံခဲ့သည့် နေအိမ်များကို နယ်ခြားစောင့် ရဲတပ်ဖွဲ့မှ ကွင်းဆင်း စစ်ဆေး သွားမည် ဖြစ်ကြောင်း၊ ထိုနေအိမ်များ ဆောက်လုပ်ရာတွင် သက်ဆိုင်ရာ မြို့နယ် အထွေထွေ အုပ်ချုပ်ရေး ဦးစီးဌာနှင့် မြို့နယ် စည်ပင်သာယာရေး ဦးစီးဌာ တို့မှ ခွင့်ပြုချက် ရယူပြီး ဆောက်လုပ်ခဲ့ခြင်း ဖြစ်သော်လည်း နယ်ခြားစောင့် ရဲတပ်ဖွဲ့မှ ဆောက်လုပ်ခွင့် ရယူခဲ့ခြင်း ရှိ/မရှိ ကိုလည်း စစ်ဆေးသွားမည် ဖြစ်ကြောင်း၊ အကယ်၍ နယ်ခြားစောင့် ရဲတပ်ဖွဲ့၏ နေအိမ် ဆောက်လုပ်ခွင့် အမိန့်စာ မတွေ့ရှိပါက အရေးယူ ဆောင်ရွက် သွားမည် ဖြစ်ကြောင်း ပြောကြားခဲ့သည်။ 

အကယ်၍ မြို့နယ် အုပ်ချုပ်ရေးမှူးနှင့် နယ်ခြားစောင့် ရဲတပ်ဖွဲ့မှ ယခင် ရဲမှူး ထံမှ ခွင့်ပြုချက် ရယူခဲ့သော်လည်း ယခုအခါ ၎င်း၏ ချုပ်ကိုင်မှုအောက်တွင် ရှိသောကြောင့် အိမ်တစ်အိမ်လျှင် ငွေကျပ် ၂၅၀၀၀/- စီ ပေးသွင်း ရမည် ဖြစ်ကြောင်း၊ ငွေမပေးသွင်းသူ များကို ဖမ်းဆီး အရေးယူ သွားမည်ဟု ခြိမ်းခြောက် ပြောဆိုခဲ့သည်။ 

ဆက်လက်၍ ရဲမှူးက ၎င်းပိုင် ကျေးရွာအုပ်စုများ အတွင်းရှိ လှေငယ်များ တစ်စီးလျှင် ငွေကျပ် ၂၅၀၀၀/- စီ ပေးသွားရမည် ဖြစ်ကြောင်း၊ စက်လှေ တစ်စီးလျှင် ငွေကျပ် ၅ သောင်းစီ ပေးသွင်းရမည် ဖြစ်ကြောင်း၊ ငွေမပေးသည့် စက်လှေများနှင့် လှေများကို သွားလာခွင့် ပိတ်ပင်သွားမည်ဟု ပြောကြားခဲ့သည်။ 

မတ်လ (၁) ရက်နေ့မှ စ၍ နယ်ခြားစောင့်ရဲ များကို ကျေးရွာများသို့ စေလွှတ်၍ အိမ်အသစ် ဆောက်လုပ်ခဲ့သူများ၊ လှေများနှင့် စက်လှေ ပိုင်ရှင်များ၏ စာရင်းများ ပြုစု၍ ၎င်းတို့ကို စခန်းသို့ ဆင့်ခေါ်လျက် ရှိသည်။ ရိုဟင်ဂျာများသည် ယခင် စစ်အစိုးရ လက်ထက်မှ စ၍ နေအိမ်အသစ်များ ဆောက်လုပ်ခြင်း မပြုလုပ်နိုင်သည့် အပြင် ယိုယွင်း ပျက်စီးနေသည့် နေအိမ်ဟောင်းများကို မွမ်းမံရန် အတွက် ငွေကျပ် သိန်းပေါင်းများစွာ အကုန်အကျခံပြီး ခွင့်ပြုချက် ရယူခဲ့ရသည်။ ထိုသို့ ခွင့်ပြုချက် ရယူရာတွင်လည်း ခွင့်ပြုချက်တွင် အိမ်ကို တစ်လအတွက် အပြီး ဆောက်လုပ်ရမည်ဟု ပါရှိသည်။ တစ်လအတွင်း မဆောက်နိုင်၍ တစ်စိတ်တစ်ပိုင်း ကျန်ရှိသော အိမ်များကို ညောင်ချောင်း စခန်းမှ နယ်ခြားစောင့်ရဲများက ကွင်းဆင်း၍ ဓါတ်ပုံ ရိုက်ယူပြီး အိမ်ကို ဆက်လက် မဆောက်ရန် တားမြစ်ခဲ့သည်။ ယခုအခါ ဆောက်လုပ်ဆဲ ဖြစ်နေသည့် အိမ်များကို ဆက်လက် ဆောက်လိုပါက ငွေကျပ် ၅ သောင်းစီ ပေးရမည်ဟု ခြိမ်းခြောက် ပြောဆိုလျက် ရှိကြောင်း ဒေသခံများက ပြောပါသည်။

မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း ခလုံး ကျေးရွာ အခြေစိုက် နယ်ခြားစောင့် ရဲတပ်ဖွဲ့ ကင်းစခန်းမှ နယ်ခြားစောင့်ရဲ များသည် ဖေဖော်ဝါရီလ (၂၆) ရက်နေ့ ညနေ (၄) နာရီ အချိန်တွင် ဦးဟာဆောင်း (ဘ) ဦးအဒူဂေါ်ဖော်ရ် (အသက် ၄၇ နှစ်) ကို ဖမ်းဆီး၍ စခန်းတွင် ချုပ်နှောင် ထားခဲ့သည်။ နယ်ခြားစောင့်ရဲ များက ၎င်းအား တုတ်ဖြင့် လူမဆန်စွာ ရိုက်နှက်မှုကြောင့် ဦးခေါင်းနှင့် လက်မောင်းတို့တွင် ဒဏ်ရာ ရရှိခဲ့သည်။ ဒဏ်ရာများ သက်သာစေရန် ဆေးကုသခွင့် မပေးဘဲ စခန်းတွင် ဆက်လက်၍ ချုပ်နှောင် ထားဆဲ ဖြစ်ကြောင်း သိရသည်။ ၎င်းအား အိမ်နီးချင်း တစ်ဦးနှင့် စကားများသည်ကို အကြောင်းပြု၍ ဖမ်းဆီးခဲ့ခြင်း ဖြစ်သည်။ 

ယင်းနေ့တွင်ပင် အဆိုပါ နယ်ခြားစောင့်ရဲ များက ဦးမာမတ်ဟာရှိမ်း (ဘ) ဦးအဒူလော်တိဖ် (အသက် ၄၆ နှစ်) ကိုင်ဆောင်သော MPT ဆင်းမ်ကဒ်ပါ ဖုန်းကို စစ်ဆေးပြီး ဘင်္ဂလား ဆင်းမ်ကဒ် ထည့်သွင်းပေးကာ ဘင်္ဂလား ဖုန်းမိသည်ဟု လုပ်ကြံ၍ ငွေကျပ် နှစ်သိန်း ညှစ်ယူခဲ့ကြောင်း ဒေသခံ တစ်ဦးက RB News သို့ပြောပါသည်။

Rohingya Eye
RB News
6.3.2016

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း ကျောက်ပြင်ဆိပ် (နာရီးဘီလ်) ကျေးရွာအုပ်စု အခြေစိုက် နယ်ခြားစောင့် ရဲတပ်ဖွဲ့ စခန်းမှ နယ်ခြားစောင့်ရဲ များသည် အဆိုပါ ကျေးရွာအုပ်စု တောင်ရွာမှ ဦးအီဒီရိစ် (ဘ) ဦးယူဆုပ် (အသက် ၄၇ နှစ်)၊ အရှေ့ရွာမှ ဦးဆော်လိမ် (ဘ) ဦးဘာရှုး (အသက် ၃၀ နှစ်) တို့နှင့် ပူးပေါင်းပြီး ဖေဖော်ဝါရီလ (၂၀) ရက်နေ့မှ စတင်၍ ဒေသခံ ရိုဟင်ဂျာများ၏ သစ်သားအိမ်များ၊ တဲအိမ်များ ပြုပြင်နေမှုကို အကြောင်းပြု၍ အိမ်အသစ် ဆောက်လုပ်နေသည်ဟု စွပ်စွဲ၍ ငွေညှစ်လျက် ရှိနေကြောင်း ဒေသခံများက RB News သို့ပြောပါသည်။ 

ငွေညှစ်ခံရသူများမှာ -- 

(၁) ဦးဘော်ဆီရ်အာမတ် (ဘ) ဦးဖော်ဇော်လ်အာမတ် (အသက် ၃၅ နှစ်) -- ညှစ်ခံရငွေကျပ် ၃ သောင်း

(၂) ဦးမာမတ်အာလောမ် (အသက် ၅၅ နှစ်) -- ညှစ်ခံရငွေကျပ် ၃ သောင်း

(၃) ဦးအဒူဟာကိမ်း (အသက် ၅၀ နှစ်) -- ညှစ်ခံရငွေကျပ် ၃ သောင်း

(၄) ဦးဆော်ဒူး (ဘ) ဦးဂူရာမျာ (အသက် ၅၀ နှစ်) -- ညှစ်ခံရငွေကျပ် ၃ သောင်း

(၅) ဦးရော်ရှိတ် (အသက် ၆၅ နှစ်) -- ညှစ်ခံရငွေကျပ် ၃ သောင်း -- တို့ဖြစ်သည်။

အထက်ပါ (၅) ဦးသည် ကျဘန်း လုပ်ငန်း လုပ်ကိုင်၍ အသက်မွေးဝမ်းကျောင်း ပြုသူများ ဖြစ်ပြီး၊ ၎င်းတို့၏ တစ်နေ့ ၀င်ငွေမှာ (၅) ထောင်ကျပ် ခန့်သာ ဖြစ်သည်ဟု ဒေသခံများက ပြောပါသည်။ ၎င်းတို့၏ (၆) ရက်စာ ၀င်ငွေကို လက်နက် အင်အားပြ၍ ညှစ်ယူခြင်းကြောင့် မိသားစု စားဝတ်နေရေး အခက်ကြုံနေရသည်ဟု ဆိုသည်။ 

အဆိုပါ နယ်ခြားစောင့်ရဲ များသည် ဒေသခံ ရိုဟင်ဂျာများ၏ စားဝတ်နေရေး ကျပ်တည်းလာပါက တိုင်းပြည်ထဲမှ ထွက်သွားမည်ဟု ဆိုကာ ယခုကဲ့သို့ ညှဉ်းပန်း နှိပ်စက်၍ ငွေညှစ်နေခြင်း ဖြစ်သည်ဟု ဒေသခံများက ပြောပါသည်။ 

မြန်မာနိုင်ငံ အ၀န်းတွင်း အစိုးရ အရာရှိများအား အဂတိလိုက်စားမှုဖြင့် ပြည်ထောင်စု အစိုးရက အရေးယူဆောင်ရွက်လျက် ရှိသော်လည်း မောင်တော မြို့ရှိ အောက်ခြေ လုံခြုံရေးတပ်ဖွဲ့ဝင် များ၏ ငွေညှစ်နေမှု များကို သိလျက်နှင့် ခွင့်ပြုထားသည်ဟု ဒေသခံများက ဝေဖန် ပြောဆိုနေကြသည်။

RB News
6.3.2016

ဗွီအိုအေမြန်မာပိုင်း

5.3.2016

NLD အစိုးရအဖွဲ့ ကို ပြင်ပပုဂ္ဂိုလ် အများစုနဲ့ ဖွဲ့စည်းမှာ ဖြစ်ပြီး လက်ရှိ ဝန်ကြီးဌာနတွေ အနက် (၁၀) ခု ကျော်ကိုလည်း ဖျက်သိမ်းမှာ ဖြစ်တယ်လို့ ပါတီ ထိပ်တန်း ခေါင်းဆောင် တဦးက မနေ့က ပြောဆို လိုက်ပါတယ်။ NLD အနေနဲ့ သမ္မတ ရွေးချယ်မယ့် ကိစ္စ အပါအ၀င် ပြည်ထောင်စု အစိုးရ၊ တိုင်းနဲ့ ပြည်နယ် အစိုးရ အဖွဲ့တွေမှာ ပါဝင်မယ့် ပုဂ္ဂိုလ် စာရင်းတွေကို မတ်လ (၆)ရက်နေ့မှာ အပြီးသတ် ကြေညာမှာ ဖြစ်တယ်လို့လည်း ဆိုပါတယ်။ မအင်ကြင်းနိုင်က အပြည့်အစုံကို ပြောပြမှာပါ။

အမျိုးသားဒီမိုကရေစီအဖွဲ့ချုပ် NLD က ဦးဆောင် ဖွဲ့စည်းမယ့် ပြည်ထောင်စုအစိုးရ အပါအဝင် ပြည်နယ်နဲ့ တိုင်း အစိုးရအဖွဲ့တွေနဲ့ ပတ်သက်လို့ ဥက္ကဋ္ဌ ဒေါ်အောင်ဆန်း စုကြည် နဲ့ NLD ထိပ်ပိုင်းခေါင်းဆောင် တချို့ နေပြည်တော်က နှင်းဆီစံအိမ်မှာ မနေ့ သောကြာနေ့က ဆွေးနွေးခဲ့ကြတာပါ။

အစိုးရအဖွဲ့မှာ NLD ပါတီဝင် နည်းနည်းပဲရှိမှာဖြစ်ပြီး အများစုက ပညာရှင်တွေနဲ့ အခြား ပါတီဝင်တချို့လည်း ပါဝင်မှာဖြစ်တယ်လို့ ပါတီရဲ့ထိပ်ပိုင်းခေါင်းဆောင် လည်းဖြစ်၊ ပြောခွင့်ရပုဂ္ဂိုလ်လည်းဖြစ်တဲ့ ဦးဝင်းထိန်က ဆွေးနွေးပွဲအပြီး သတင်းထောက်တွေနဲ့တွေ့ဆုံရာမှာပြောသွားပါတယ်။ ဒါပေမဲ့ ဝန်ကြီးတွေရဲ့ အမည်စာရင်း အပြီးသတ်ကိုတော့ မတ်လ (၆)ရက်နေ့ ပြုလုပ်မယ့် NLD ဗဟို အလုပ် အမှုဆောင်ဆွေးနွေးပွဲမှာ ထုတ်ပြန်ကြေညာမှာဖြစ်တယ်လို့ အခုလိုပြောသွားပါတယ်။

"ကျနော်တို့အခု ပြည်ထောင်စုအဆင့်မှာ ပါမယ့်ဝန်ကြီးတွေရဲ့ ဖွဲ့စည်းပုံမှာ ကျနော်တို့ NLD က ပုဂ္ဂိုလ်တွေလည်း ပါမယ်။ ပညာရှင်တွေလည်းပါမယ်။ တခြားပါတီတွေလည်း ပါမယ်။ ဆိုတော့ ကျနော်တို့ အမျိုးသားဒီမိုကရေစီအဖွဲ့ချုပ်ဝင် ပြည်ထောင်စုအဆင့်က လူနည်းစုတောင် ဖြစ်နိုင်တယ်။ ၃၀% နဲ့ ၄၀% ကြားလောက်ပဲပါမယ်။ ဒါပေမဲ့ ကျနော်တို့ အဲ့ဒီ့အရေအတွက်ကိုတော့ ၆ရက်နေ့မှ သတ်မှတ်ပြီးတော့ ကြေညာနိုင် ပါမယ်။"

ဒါ့အပြင် ဝန်ကြီးဌာနတွေကိုလည်း ပြန်လည် ဖွဲ့စည်းမှာဖြစ်တာကြောင့် အရင် ဝန်ကြီး ဌာနပေါင်း (၃၆)ခုထဲကနေ (၁၀) ခုကျော်လောက်ကို ဖြုတ်ဖို့ စီစဉ်ထားကြောင်း ဦးဝင်းထိန်ကဆိုပါတယ်။

"သမ္မတရုံးမှာ ဝန်ကြီး ခြောက်ခုရှိတယ် အဲ့ခြောက်ခုက ဝန်ကြီးဌာနက တခုတည်းဖြစ် သွားလိမ့်မယ်။ ၃၀ရှိတယ်။ ၃၀က ၂၀လောက်ကျန်မယ်။ တူတာ တူတာ ပေါင်းမယ် ဥပမာဆိုပါတော့ဗျာ ရထားပို့ဆောင်ရေး၊ ကုန်းလမ်းပို့ဆောင်ရေး ၊ လေကြောင်းပို့ဆောင်ရေး၊ ရေကြောင်းပို့ဆောင်ရေး ဒါတွေက ကျနော်တို့ တဖွဲ့တည်း လုပ်လို့ရတယ်။ အဲ့သလိုလုပ်နိုင်အောင်လည်း ကျနော်တို့ အရည်အချင်းရှိတဲ့ ပုဂ္ဂိုလ်တွေ ရွေးထားပြီးပြီ။ အဲ့ဒီ့တော့ ဝန်ကြီးဌာနက ၂၁၊ ၂၂ အဲ့သလောက်ပဲ ရှိတော့မယ်။ အရင်တုန်းကလို ၃၆ခုတော့ ရှိမှာမဟုတ်တော့ဘူး။ သို့သော် အဲ့သလို ဝန်ကြီးဌာနတွေ ပေါင်းလိုက်လို့မို့လို့ ပိုလာတဲ့ဝန်ထမ်းတွေရှိမယ်။ သို့သော် အဲ့ဒီ့ဝန်ထမ်းတွေဟာ သူတို့ရဲ့ နေရာအတွက် ပူစရာမလိုဘူး။ သူတို့အတွက် ဘယ်နေရာချထားမယ်ဆိုတာ နဂိုကတည်းက စဉ်းစားထားပြီးသား။ ချထားစရာနေရာတွေလည်း ရှိတယ်။ "

တခါ အများစိတ်ဝင်စားနေတဲ့ ရခိုင်ပြည်နယ်နဲ့ ရှမ်းပြည်နယ် အစိုးရအဖွဲ့တွေအတွက် ၀န်ကြီးချုပ် ဘယ်သူက ခန့်အပ်မလဲဆိုတဲ့အပိုင်းမှာတော့ ရခိုင်ပြည်နယ်မှာ NLD အမတ် ဦးညီပုကို ဝန်ကြီးချုပ် အဖြစ် ဒေါ်အောင်ဆန်းစုကြည် က ရွေးချယ်ထားတယ် လို့ ဦးဝင်းထိန်ကဆိုပါတယ်။

"ဆိုတော့ တိုင်းနဲ့ပြည်နယ်အစိုးရကို ဝန်ကြီးချုပ် ကျနော်တို့က ခန့်မယ်။ NLD က ခန့်မယ်။ သို့သော်လည်းပဲ ရှမ်းလို ရခိုင်လို နေရာတွေမှာ ရှမ်းပါတီကလူတွေကိုလည်း ပဲ ဝန်ကြီးနေရာတွေ ပေးပြီးတော့ ခန့်မယ်။ ရခိုင်ဝန်ကြီးချုပ်ကို ဦးညီပု ရာ ထားတယ် ဆိုတာ နဂိုကတည်းက ကျနော်တို့ အနိုင်ရပါတီကလည်းဖြစ်တယ်။ ဖွဲ့စည်းပုံအခြေခံနဲ့လည်း ညီတယ်။ ဒါကြောင့်မို့လို့ ဦးညီပုကို ဝန်ကြီးချုပ်အဖြစ် ဒေါ်အောင်ဆန်းစုကြည်က ရွေးချယ်ပြီးပြီ။ သို့သော် အဲ့ဒီ့မှာ တခြားပါတီတွေရှိတယ်။ တခြားပါတီက ပုဂ္ဂိုလ်တွေကိုရော အရည်အချင်းရှိတဲ့ ပုဂ္ဂိုလ်တွေကိုရော ရခိုင်ပြည်နယ် ဝန်ကြီးအဖွဲ့မှာ သူတို့ကို ထည့်ပြီး စဉ်းစားထားတာရှိပါတယ်။"

NLD က တင်မြှောက်မယ့် သမ္မတ ဘယ်သူဖြစ်လာမလဲဆိုတာနဲ့ပတ်သက်လို့တော့ အများကခန့်မှန်းထားတဲ့ အမည်စာရင်းတွေထဲမှာ NLD နာယက သူရဦးတင်ဦးက မဖြစ်နိုင်ဘူးလို့ ဦးဝင်းထိန်က သတင်းဌာနတခုကို အခိုင်အမာပြောကြားခဲ့ပါတယ်။

မတ်လ (၁၀)ရက်နေ့ လွှတ်တော်မှာ NLD က တင်သွင်းမယ့် ဒုသမ္မတလောင်း အမည်စာရင်းတွေထဲမှာ လက်ရှိ ထိပ်ဆုံးက ခန့်မှန်းခံထားရသူတွေကတော့ ဦးထင်ကျော်နဲ့ ဒေါက်တာ မျိုးအောင်တို့နှစ်ဦးဖြစ်ပါတယ်။ သူတို့နှစ်ဦးလုံး ဟာ ဒေါ်အောင်ဆန်းစုကြည် ကိုယ်တိုင် စိတ်ကြိုက်ရွေးချယ်ထားသူတွေအဖြစ် လူအများက ယူဆထားပါတယ်။

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း ကျီးကန်းပြင် ကျေးရွာအုပ်စု၊ အလယ်ရွာရှိ ဂုံးနား နယ်ခြားစောင့် ရဲတပ်ဖွဲ့ ကင်းစခန်း၏ အနီးအနားရှိ ရိုဟင်ဂျာများ၏ ဖရဲသီးစိုက်ခင်းများတွင် ညဘက်၌ စိုက်ခင်း ပိုင်ရှင်များ ကင်းစောင့်လျက် ရှိသည်။ 

စိုက်ခင်း ပိုင်ရှင်များ ညအိပ်၍ ကင်းစောင့်သည်ကို နယ်ခြားစောင့်ရဲ များက ပိတ်ပင်ခဲ့သည်။ ထို့ကြောင့် ပိုင်ရှင်မရှိသည့် စိုက်ခင်းများတွင် ညပိုင်း၌ ဖရဲသီးများ အခိုးခံရသည့် အပြင် စိုက်ခင်းများလည်း ဖျက်ဆီးခံရသည်ဟု ဒေသခံများက RB News သို့ပြောသည်။ 

ယခုအခါ စိုက်ခင်း ပိုင်ရှင်များက ငွေကျပ် ၃၀၀၀/- စီ နယ်ခြားစောင့် ရဲတပ်ဖွဲ့ ကင်းစခန်းသို့ ပေးသွင်း၍ မိမိတို့၏ ဖရဲသီး စိုက်ခင်းများတွင် ညပိုင်း ကင်းစောင့်နေရသည်ဟု ဒေသခံများက ဆိုသည်။ 

ငွေကျပ် ၃၀၀၀/- စီပေး၍ မိမိတို့၏ စိုက်ခင်းတွင် ကင်းစောင့်နေရသူ များမှာ -- 

(၁) ဦးမာမတ်ရော်ဖိခ် (ဘ) ဦးမော်နိရ်အာမတ် (အသက် ၃၃ နှစ်)

(၂) ဦးမာမတ်ဆိဒိတ် (ဘ) ဦးမာမတ်အီလီယာစ် (အသက် ၃၅ နှစ်) 

(၃) ဦးအာဘူလ်ဘော်ရှော်ရ် 

(၄) ဦးအာဘူလ်ကာဆိမ်း

(၅) ဦးမာမတ်တာဟဲရ် -- တို့ဖြစ်သည်။

ဧရာဝတီ

4.3.2016

ပြည်တွင်း ရွှေ့ပြောင်း ဒုက္ခသည် (IDP) များ အရေး ကိစ္စကို အလေးပေးရန် ကုလသမဂ္ဂ အဖွဲ့က မြန်မာအစိုးရကို တောင်းဆို လိုက်သည်။ လူနည်းစု မွတ်စလင်များ အပေါ် ဆက်ဆံမှုလည်း အပါအ၀င် ဖြစ်သည်။

ရခိုင်၊ ကချင်နှင့် ရှမ်းပြည်နယ်တို့ရှိ ဒုက္ခသည်စခန်းများကို သွားရောက်လေ့လာခဲ့သော ကုလသမဂ္ဂမှ အကြီးတန်း အရာရှိ တဦးက ၎င်းကို စိတ်ထိခိုက်စေခဲ့သော အတွေ့အကြုံများကို ပြောပြခဲ့သည်။

ကုလသမဂ္ဂ လူသားချင်း စာနာထောက်ထားမှုဆိုင်ရာ ညှိနှိုင်းရေးရုံး (UNOCHA) ၏ ညွှန်ကြားရေးမှူး ဂျွန်ဂင်းက မြန်မာနိုင်ငံအနေဖြင့် စီးပွားရေးနှင့် နိုင်ငံရေး မျက်နှာစာများတွင် အသွင်ကူးပြောင်းမှု ဆောင်ရွက်နေချိန်၌ အဆိုပါ ဒုက္ခသည်များ၏ သက်သာချောင်ချိရေးကို မျက်ကွယ်ပြု၍ မရကြောင်း ထောက်ပြခဲ့သည်။

ရခိုင်ပြည်နယ်ရှိ ရိုဟင်ဂျာဟု ခေါ်နေကြသည့် မွတ်စလင်များအပြင် လူပေါင်း ၁၅၀ အသတ်ခံခဲ့ရသည့် ၂၀၁၂ ခုနှစ် ဒေသတွင်း အဓိကရုဏ်း နောက်ပိုင်းတွင် အိုးမဲ့အိမ်မဲ့ ဖြစ်နေဆဲ ရခိုင်တိုင်းရင်းသား ၅၀၀၀ ခန့်တို့နှင့် ဂျွန်ဂင်းက တွေ့ဆုံခဲ့ပါသည်။

ရခိုင်ပြည်နယ်ရှိ မွတ်စလင် ဒုက္ခသည်များအနေဖြင့် လှုပ်ရှားသွားလာများတွင် အလွန်အမင်း ကန့်သတ်ခံနေရဆဲဖြစ်ပြီး ဆေးရုံတက်ခွင့်ပင် မရကြောင်း UNOCHA က မှတ်ချက်ပြုခဲ့သည်။

မြန်မာအစိုးရအနေဖြင့် အခြားကဏ္ဍများအတွက် လူနေမှုအခြေအနေများ တိုးတက်ဖွံ့ဖြိုးစေရန် ဆောင်ရွက်နေစဉ်၌ ယာယီဒုက္ခသည်စခန်းမှ အမိုးအကာများမှာ ပြိုပျက်နေပြီး ရေနှင့် သန့်ရှင်းရေးစနစ် အခြေအနေများမှာလည်း ဆိုးရွားနေကြောင်း ဂျွန်ဂင်းက မီးမောင်းထိုးပြခဲ့သည်။ ခွဲခြားဆက်ဆံသည့် မူဝါဒများကို အဆုံးသတ်ရန်လည်း မြန်မာအစိုးရအား မေတ္တာရပ်ခံခဲ့သည်။

ပြီးခဲ့သည့်နှစ်က အပစ်အခတ်ရပ်စဲရေး စာချုပ်ရေးထိုးခဲ့သော်လည်း ပဋိပက္ခများကြောင့် ကချင်ပြည်နယ်နှင့် ရှမ်းပြည်နယ် တွင် စစ်ရှောင်ဒုက္ခသည်ပေါင်း ၁၀၀,၀၀၀ ကျော်ရှိနေဆဲဖြစ်ပါသည်။ အများစုမှာ ယာယီ ဒုက္ခသည်စခန်းများတွင် နေထိုင်ကြရပါသည်။

မြန်မာနိုင်ငံနှင့် နိုင်ငံတကာ အဖွဲ့အစည်းများက ပြည်တွင်း ရွှေ့ပြောင်းဒုက္ခသည်များကို ပြန်လည်နေရာချထားပေးနိုင်ရန် အတူတကွ ပူးပေါင်းဆောင်ရွက်ရမည်ဖြစ်ကြောင်း ဂျွန်ဂင်းက ပြောကြားခဲ့သည်။

မကြာမီ အစိုးရဖြစ်လာမည့် အမျိုးသားဒီမိုကရေစီ အဖွဲ့ချုပ် (NDL) ပါတီကလည်း အိုးမဲ့အိမ်မဲ့ ဖြစ်နေသော မွတ်စလင်များ အရေးနှင့် ပတ်သက်၍ နှုတ်ဆိတ်နေဆဲ ဖြစ်ပါသည်။

မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း၊ သင်္ဘောကွေ့ ကျေးရွာမှ ဦးအာမတ်ရှော်ရိဖ် (ဘ) ဦးဖုက္ခိန္နား၏ ဇနီးနှင့် ၎င်း၏ ညီမ ဖြစ်သူတို့သည် ဖေဖော်ဝါရီလ (၂၅) ရက်နေ့တွင် အချင်းချင်း ရန်ဖြစ်ခဲ့ရာ ဦးအာမတ်ရော်ရိဖ်၏ ဇနီးဖြစ်သူက ညီမဖြစ်သူကို ရိုက်နှက်၍ နားတောင်းကို အတင်းအဓမ္မ လုယက်ယူခဲ့သည်။ နားတောင်းကို ဆွဲယူမှုကြောင့် ညီမဖြစ်သူ၏ နားတစ်ဖက်တွင် ဒဏ်ရာရရှိခဲ့သည်။ သို့ဖြစ်၍ ညီမဖြစ်သူက သင်္ဘောကွေ့ ကျေးရွာရှိ နယ်ခြားစောင့် ရဲတပ်ဖွဲပ ကင်းစခန်းသို့ သွားရောက် တိုင်တန်းခဲ့ရာ နယ်ခြားစောင့်ရဲ များက ဦးအာမတ်ရှော်ရိဖ်ကို ဖမ်းဆီးခဲ့သည်။ 

ထို့နောက် ဦးအာမတ်ရှော်ရိဖ်၏ အလုပ်ရှင် ဦးမာမတ်ဟာရှိမ် (ဘ) ဦးအဒူလော်တီ၏ အိမ်သို့ သွားရောက်၍ အိမ်ထဲဝင်ကာ ဧည့်ခန်းရှိ စင်ပေါ်တွင် ထားရှိသော ကုရ်အာန်ကျမ်း စာအုပ်ထဲသို့ ဟောင်းနွမ်းနေသည့် ဘင်္ဂလား ဆင်းမ်ကဒ် တစ်ခု ထည့်သွင်းပေးကာ ဘင်္ဂလား ဆင်းမ်ကဒ် တွေ့ရှိခဲ့သည်ဟု လုပ်ကြံ၍ ဖမ်းဆီး ခေါ်ဆောင် သွားခဲ့သည်။ ဦးအာမတ်ရှော်ရိဖ်နှင့် ဦးမာမတ်ဟာရှိမ် တို့နှစ်ဦးစလုံးသည် နယ်ခြားစောင့် ရဲတပ်ဖွဲ့ ကင်းစခန်း၌ ချုပ်နှောင်ထားရာမှ ထွက်ပြေးသွားခဲ့သည်။

၎င်းတို့နှစ်ဦး ကျောက်ပန္ဒူ ကျေးရွာတွင် ပုန်းအောင်းနေသည်ဟု သတင်းရ၍ ဖေဖော်ဝါရီလ (၂၆) ရက်နေ့ နေ့လည်ပိုင်းတွင် နယ်ခြားစောင့်ရဲများ ကျောက်ပန္ဒူ ကျေးရွာသို့ သွားရောက်၍ ရှာဖွေခဲ့ရာ ဦးအာမတ်ရှော်ရိဖ်ကို ဖမ်းဆီး ရမိခဲ့သည်။ ၎င်းက ထွက်ပြေးရန် ကြိုးစားခဲ့သဖြင့် နယ်ခြားစောင့်ရဲ များက ၎င်းတို့နှင့် ပါလာသည့် ဓါးငယ်ဖြင့် (၁၁) ချက် တိတိ ထိုး၍ စခန်းသို့ ခေါ်ဆောင်သွားခဲ့သည်။ ထို့နောက် စခန်းတွင်လည်း လူမဆန်စွာ ရိုက်နှက် ရက်စက်ခဲ့သည်။ 

ဖေဖော်ဝါရီလ (၂၇) ရက်နေ့တွင် ငွေကျပ် ၅ သိန်း ညှစ်ယူ၍ ပြန်လည် လွှတ်ပေးခဲ့ကြောင်း ဒေသခံများက RB News သို့ပြောပါသည်။ ဓါးဖြင့် ထိုးထားသည့် ဒဏ်ရာများမှာ တစ်လက်မ တိတိ အသားအတွင်းသို့ ထိုးဖောက် သွားခဲ့သည်ဟု ဆိုသည်။ ဦးမာမတ်ဟာရှိမ်ကို ယခုချိန်ထိ ရှာဖွေ တွေ့ရှိခြင်း မရှိကြောင်း သိရသည်။ 

ဦးအာမတ်ရှော်ရိဖ်ကို ဓါးဖြင့် ရက်စက်စွာ ထိုးသည်ကို အင်းဒင် နယ်ခြားစောင့် ရဲတပ်ဖွဲ့ စခန်းမှ ရဲမှူးက သိရှိသွားပြီး လာရောက် စစ်ဆေးကာ သင်္ဘောကွေ့မှ နယ်ခြားစောင့်ရဲ များကို ဆဲဆိုခဲ့သည်။ နယ်ခြားစောင့်ရဲ များက ဦးအာမတ်ရှော်ရိဖ် ထံမှ ညှစ်ယူခဲ့သည့် ငွေကျပ် ၅ သိန်းမှ နားတောင်း လုယက်ခံရ၍ တိုင်တန်းသူ ညီမ ဖြစ်သူအား တစ်ကျပ်မှ ပေးခဲ့ခြင်း မရှိဟု ဒေသခံများက ပြောပါသည်။ 

လူတစ်ဦးက အပြစ်ကျူးလွန်လျှင် ဖမ်းဆီးပြီး ဥပဒေအရ အရေးယူ၍ ရသော်လည်း သင်္ဘောကွေ့မှ နယ်ခြားစောင့်ရဲ များက ဥပဒေအရ အရေးမယူဘဲ ဓါးပြသဖွယ် ဓါးဖြင့် ထိုးခြင်းဖြင့် လူမဆန်စွာ ရက်စက်ခဲ့သည်မှာ ၎င်းတို့၏ ရက်စက်မှုကို မခံနိုင်၍ တိုင်းပြည်မှ ထွက်ပြေးသွားအောင် ရည်ရွယ်ချက်ရှိရှိ လုပ်ဆောင်ခဲ့ခြင်းသာ ဖြစ်သည်ဟု ဒေသခံများက သုံးသပ် ပြောဆို နေကြသည်။ 

ဖေဖော်ဝါရီလ (၂၂) ရက်နေ့တွင် မ.က.ဖ အဖွဲ့က သင်္ဘောကွေ့ ကျေးရွာတွင် ဆွဲ၊ တင်၊ စစ် စစ်ဆေးနေစဉ် စစ်ဆေးခံရန် လာသည့် ဦးမာမတ်ဆီဒိတ် (ဘ) ဦးမူဆာအလီကို ၂၀၁၅ ခုနှစ် ဆွဲ၊ တင်၊ စစ် ပြီးနောက် တရားမ၀င် ဘင်္ဂလားဒေ့ရှ် နိုင်ငံသို့ သွားရောက် နေထိုင်ခဲ့သည်ဟု စွပ်စွဲ၍ ဖမ်းဆီးကာ ငွေကျပ် ၃ သိန်း ညှစ်ယူခဲ့သည်။

RB News

2.3.2016

သက်တန့်​ဟုဆိုလျှင် ကလေးလူကြီး မကျန် အားလုံး သိကြသည်။ မိုးဦး၊ မိုးနှောင်းချိန်​ ကောင်းကင်တွင် တိမ်များရှိသောအခါ ပေါ်လေ့ရှိသည်​။ ၎င်းသည် စက်ဝိုင်းခြမ်း သဏ္ဌာန် ရောင်စဉ်တန်း (၇) မျိုးဖြင့် ကောင်းကင်ပေါ်တွင် ပေါ်လေ့ရှိသော အရာတစ်ခု ဖြစ်သည်။ ၎င်းသည် နေမင်းကြီး၏ အဖြူရောင်ရှိသော အလင်းကို ထိုးပေါက်သောအခါ အရောင် (၇) မျိုး ဖြစ်စေခြင်းသာဖြစ်သည်။ ဤသည် နေမင်း၏ အဖြူရောင် အလင်းတွင် (၇) မျိုးရှိသည်ဟု ဆိုခြင်းဖြစ်သည်။

ကျွန်​​တော်​တို့ ငယ်​စဉ်​က ကျောင်းတွင် သိပ္ပံဆရာများက သုံးမြောင်း ဖန်တုံးဖြင့်လည်းကောင်း၊ စက်ဝိုင်းတစ်ခု၌ အရောင်အထက်တွင် ဖော်ပြသော အရောင် (၇) မျိုးကို အကွက်အလိုက် ချယ်ပြီး ထိုစက်ဝိုင်းကို အားဖြင့် အမြန် လှည့်လိုက်သောအခါ အဖြူရောင် ဖြစ်လာခြင်းကို လက်တွေ့လေ့လာတွေ့ရှိခဲ့ရသည်။ ဤကား သဘာဝ၏ အံ့ဖွယ်ရာ တစ်ခုဟု ထင်မြင်မိသည်။

ကျနော်တို့ ရခိုင်ပြည်နယ်တွင်လည်း လူမျိုးနွယ်စု (၇) မျိုးရှိသည်။ ရခိုင်၊ ရိုဟင်ဂျာ၊ ဒိုက်နက်၊ မြို၊ ခမွှီး၊ ချင်း နှင့် မာရမာကြီးတို့ ဖြစ်ကြသည်။ အချိုးအဆအားဖြင့် ညီညီမျှမျှ မရှိသလို စည်းရုံးညီညွှတ်မှုတွင်လည်း မညီမညွှတ်၊ စုပေါင်းတိုင်​ပင်ခြင်းလည်း မရှိ၊ ငါတကောကော နေသလို တွေ့ရသည်။ ယုတ်စွအဆုံး ပြောရလျှင် ရခိုင်အမျိုးသားပါတီပင် နှစ်ခြမ်းကွဲနေသလားဟု ခံစားမိသည်။

ရခိုင်အမျိုးသားပါတီမှ ကြေညာချက် ထုတ်ပြန်ရာတွင် မဲအများဆုံးနိုင်သည့်​ ပါတီ ဖြစ်၍ ပြည်နယ်အစိုးရ ဖွဲ့ခွင့်ပေးရမည်။ ထိုသို့မဟုတ်လျှင် အတိုက်အခံအဖြစ် ရပ်တည်သွားမည်ဟု ကြော်​ညာခဲ့သော်လည်း အမျိုးသားလွှတ်တော်အတွက် ဦးအေးသာအောင်ကို ဒုဥက္ကဌအဖြစ် ရွေးချယ်ခန့်ထားရာ ဦး​အေးသာ​အောင်​က မိမိပါတီ၏ ဆုံးဖြတ်​ချက်​ကို ငြင်းပယ်​၍ NLD ပါတီ၏ ကမ်းလှမ်းချက်​ကို လက်ခံလိုက်သည်။ ကျောက်တော်မြို့၌ လူ ၅၀၀ ကျော် ဆန္ဒပြရာတွင် ဦးအေးသာအောင်၏ နောက်လိုက်​လူထုများ ဖြစ်ကြောင်း ကြေညာသဖြင့် ရခိုင် အမျိုးသား ပါတီမှာ လက်မှိုင်​ကျခဲ့ရသည်။ လူမျိုးနွယ်စု အချင်းချင်း တိုက်ခိုက် အပြစ်ပို့နေကြသည်။ အကွဲကွဲအပြားပြားဖြစ်​​နေသော ဘဝဟု ခံစားမိသည်။

ဥပမာအနေဖြင့် တင်ပြလိုပါသည်။ သံလိုက်နှင့် ရိုးရိုးသံတို့ သ​ဘောလိုပင်။ ရိုးရိုးသံများတွင် သံလိုက်ဓာတ် ရှိသည်​။ သို့သော် ညီညာမှု မရှိ။ တစ်ခုမှ မြောက် နောက်တစ်ခုက တောင် အရှေ့အနောက် စသည်ဖြင့် ဆန့်​ကျင်​ဖက်​ ဆွဲနေကြသဖြင့် တခြားသံများကို ဆွဲငင်နိုင်စွမ်း မရှိ ဖြစ်​နေရခြင်းဖြစ်သည်။ ရခိုင်ပြည်နယ်ရှိ လူမျိုးနွယ်စုများသည်လည်း ဤသို့ဤနှယ်ပင် ဖြစ်​​နေသလားဟု ထင်​မိသည်​။

ရိုးရိုးသံကို သံလိုက်ချောင်းနှင့် တောင်မှမြောက်သို့ အကြိမ်ကြိမ် ပွတ်တိုက်လိုက်ပါက ယခင်က သံလိုက်သည် သံရိုင်း ဖြစ်သွားကြောင်း သိပ္ပံပညာရှင်များက သက်သေပြသခဲ့သည်မှာ နှစ်ပေါင်းများစွာ ကြာညောင်းပြီး ဖြစ်သည်။ သင်ခန်းစာယူစရာဟု ယူဆရသည်။ မိမိတို့၏ လူမျိုးနွယ်စုအတွင်း လက်တွေ့ကျင့်သုံးရန် အချိန်တန်နေသည်ဟု ဆိုလိုခြင်း ဖြစ်သည်။ သို့မဟုတ်ပါက ဖျံနှစ်ကောင်က ငါးတစ်ကောင်ကို ဖမ်းမိခဲ့ရာ ယုန်းအား ခွဲဝေပေးခိုင်းပြီး ရလာဒ်ကား မည်ကဲ့သို့ ထွက်ခဲ့ပါသနည်း။ ထိုသို့ ထိုနှယ် ဖြစ်သွားမည်မှာ မြေကြီးလက်ခတ်မလွှဲ သေချာပါသည်။ အချိန်ရှိခိုက် လုံလစိုက်ဖို့ အချိန်တန်နေပြီ ဖြစ်သည်။

အမေရိကန်နိုင်ငံ၏ ဒီမိုကရေစီ ခရီးလမ်းမှာလည်း ကြမ်းတမ်းခဲ့သည်။ အချင်းချင်း တိုက်ခိုက်၍ သွေးချောင်းစီးခဲ့၏။ သို့သော် နောက်ဆုံးတွင် စည်းလုံးခြင်းသည် အင်အား၊ Diversity is strength ဟု နားလည်သဘောပေါက်ကာ စည်းရုံးခဲ့ခြင်းဖြင့် အောင်မြင်မှု အထပ်ထပ် ရရှိလျက် ကမ္ဘာ့အင်အား အကြီးဆုံးနိုင်ငံ ဖြစ်လာသည်ကို အားလုံး အသိပင် ဖြစ်သည်။ နမူနာ ယူစရာ ကောင်းလောက်သည့်​ အချက်​ပင်။

အမဲသား ဟင်းတစ်ခွက် ဖြစ်လာရန် လိုအပ်သော အရာကား များလွန်းသည်။ အမဲသား၊ ဟင်း၊ ခတ်မဆလာမျိုးစုံ၊ ကြက်သွန်​နီ၊ ကြက်​သွန်​ဖြူ ၊ ဂျင်း၊ မီး၊ အိုး၊ ရေ၊ ထင်း စသည့် ပစ္စည်းများဖြင့် ချက်ပြုတ်လျှင် မွှေးကြိုင်ပြီး လျှာရည်ကျလောက်အောင် အရသာ ထူးကဲလှသော အမဲသား ဟင်းတစ်ခွက် ရရှိလာသည်။ ဤကား ပေါင်းစပ်ခြင်း၏ သဘောပင်။ ချိုသာ​သော အကျိုးရလဒ်ပင် ဖြစ်​သည်​။

သက်မဲ့ဖြစ်သော အရောင် (၇) မျိုးကို နေမင်းကြီး၏ အလင်း​ရောင်​ဖြစ်​သည့်​ အဖြူရောင်သို့ ပြောင်းလဲနိုင်ပါက သက်ရှိလူသားများ ဖြစ်ကြသော ကျွန်​​တော်​တို့ လူမျိုးနွယ်စု (၇) မျိုးတို့ စုပေါင်းညီညွှတ်လျှင် ကျွန်​​တော်​တို့၏ ဌာ​နေ ရခိုင်ပြည်ကြီးကို အဘယ်ကြောင့် မထူထောင်နိုင်မှာနည်း။ မကယ်တင်နိုင်မှာနည်း။

ထူထောင်လိုသော စိတ်ဓာတ်၊ တည်ထောင်လိုသော ဆန္ဒ၊ စုပေါင်းလိုသော အာသိသနှင့် အောင်မြင်လိုသော မာနဇောတို့ဖြင့် ကြိုးစားအားထုတ်ကြပါစို့ဟု ​မေတ္တာဖြင့်​ တိုတိုတောင်းတောင်း ရေးသားဖော်ပြလိုက်​ပါသည်​။

RB News

2.3.2016

မောင်တော ။ ။ ရခိုင်ပြည်နယ်၊ မောင်တော မြို့နယ် ရွှေဇား ကျေးရွာအုပ်စု၊ အောင်ဗလရွာ (ရခိုင်ရွာ) ၏ အရှေ့ဘက်နှင့် အနောက်ဘက်ရှိ စခန်းနှစ်ခုမှ နယ်ခြားစောင့်ရဲ များသည် အချိန်မတော် ရိုဟင်ဂျာရွာများ ထဲသို့ ၀င်ရောက်၍ လမ်းသွားလမ်းလာ များကို အကြောင်းမဲ့ ရိုက်နှက်ခြင်း၊ ဘင်္ဂလား ဆင်းမ်ကဒ်နှင့် မူးယစ်ဆေးဝါးများ ထည့်သွင်းပေး၍ လုပ်ကြံ ဖမ်းဆီး ငွေညှစ်ခြင်း၊ ဈေးဆိုင်များကို စစ်ဆေး၍ ကုန်ပစ္စည်းများ လုယက်ဖျက်ဆီးခြင်း၊ အိမ်များထဲသို့ ၀င်ရောက်၍ အမျိုးသမီးများကို မဖွယ်မရာ ပြုလုပ်ခြင်း၊ စသည်များ ပြုလုပ်၍ ကျေးရွာအတွင် ဆူပူမှု ဖြစ်လာနိုင်သည် အထိ ပြုလုပ်လျက် ရှိကြောင်း သတင်း ရရှိပါသည်။

မောင်တော ။ ။ ရခိုင်ပြည်နယ်၊ မောင်တော မြို့နယ် အမှတ် (၁) နယ်မြေ အပိုင်ရှိ ရဲအောင် (ရားနီး) ကျေးရွာအုပ်စု မာဇီးရွာမှ ဦးအီမာန်ဟူဆောင်း (ဘ) ဦးအိုဇိရ်မျာ (အသက် ၄၅ နှစ်) အပါအ၀င် ရွာသား (၄) ဦးတို့သည် ဖေဖော်ဝါရီလ (၂၆) ရက်နေ့ ည (၉) နာရီအချိန်တွင် ကွမ်းယာဆိုင်မှ ကွမ်းဝယ်ရန် သွားနေစဉ် နယ်ခြားစောင့် ရဲတပ်ဖွဲ့မှ နယ်မြေမှူး ရဲအုပ်ညီညီထွန်းနှင့် တပ်ဖွဲ့ဝင်များ ရောက်ရှိလာပြီး ရွာသား (၄) ဦးကို လူမဆန်စွာ ရိုက်နှက်၍ ငွေကျပ် (၅) သောင်းစီ၊ စုစုပေါင်း ငွေကျပ် နှစ်သိန်း ညှစ်ယူခဲ့ကြောင်း ဒေသခံများက RB News သို့ပြောပါသည်။ 

တဖန် ယင်းကျေးရွာအုပ်စု မြောက်ဘောင်းရွာမှ ဦးနူရ်အာလောမ် (အသက် ၄၃ နှစ်) ၏ အိမ်ထဲသို့ ၀င်ရောက်၍ သေတ္တာကို စစ်ဆေးကာ သေတ္တာထဲမှ ငွေကျပ် တစ်သိန်းငါးသောင်းနှင့် လက်စွပ် (၂) ကွင်းကို ဓါးပြတိုက်သကဲ့သို့ ယူဆောင်သွားခဲ့သည်။ ဦးဇော်ကိရ်အာမတ် (အသက် ၃၇ နှစ်) ၏ နေအိမ်သို့ ၀င်ရောက်၍ ဖုန်းနှစ်လုံး ယူဆောင်သွားသည့် အပြင် အိမ်သို့ အလည် ရောက်ရှိနေသည့် သားမက် ဖြစ်သူကိုလည်း ဖမ်းဆီး၍ နယ်မြေရုံးသို့ ခေါ်ဆောင်သွားခဲ့သည်။ ဖမ်းဆီးသွားသူအား မည်သည့် နေရာတွင် ထားရှိသည်ကို မသိရှိသဖြင့် မိသားစုများက စိုးရိမ်ပူပန်လျက် ရှိနေကြသည်။ 

အဆိုပါ နယ်မြေမှူးနှင့် အဖွဲ့သည် ည (၁၁) နာရီအချိန်တွင် ဦးရှောမ်ရှုအာလောမ် (အသက် ၄၇ နှစ်) ၏ အိမ်ကို သွားရောက်၍ (၃) ကြိမ်တိုင်တိုင် တံခါးခေါက်ရာ အိမ်ရှင်ဖြစ်သူ အိပ်ပျော်နေ၍ မကြားသဖြင့် နောက်ဆုံး (၄) ကြိမ်မြောက်တွင် နိုး၍ တံခါးဖွင့်ရာ နယ်ခြားစောင့်ရဲ များက လူမဆန်စွာ ရိုက်နှက်ခဲ့သည်။ ထို့နောက် အိမ်ထဲ၍ တစ်ပေခန့် ရှိသည့် ဓါးရှည်တစ်လက် ယူသွားခဲ့သည်။ 

ထို့အပြင် ဦးအလီဟူစိန်း ဆိုသူကို ခေါ်၍ ၎င်း၏ ဆိုင်ခန်းကို ဖွင့်ခိုင်းပြီး Premier စီးကရက် တစ်တောင့်၊ ကင်းစတား ဆေးလိပ် (၃) ထုပ်နှင့် ကြက်ဥ (၅၀) ကျော် ယူသွားခဲ့ကြောင်း ဒေသခံများက ပြောပါသည်။

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် အုပ်ချုပ်ရေးမှူးရုံးမှ တာဝန်ရှိသူများက အိမ်ဟောင်းနွမ်း ပျက်စီးနေသဖြင့် တစ်စိတ်တစ်ပိုင်း ပြုပြင်သူများ ထံမှ ငွေညှစ်ခဲ့ကြောင်း သတင်း ရရှိပါသည်။ 

ဖေဖော်ဝါရီလ (၂၀) ရက်နေ့တွင် ဘူးသီးတောင် မြို့နယ် အုပ်ချုပ်ရေးမှူးရုံးမှ ဦးစီးမှူး အပါအ၀င် ၀န်ထမ်း (၃) ဦးသည် နန်းရာကုန်း ကျေးရွာအုပ်စုသို့ သွားရောက်၍ ကျေးရွာ အုပ်ချုပ်ရေးမှူး အဖွဲ့နှင့် အတူ ယင်းကျေးရွာအုပ်စုရှိ ရွာငယ် ငါးရွာတွင် တစ်အိမ်ပြီးတစ်အိမ် ၀င်ရောက် စစ်ဆေးခဲ့သည်။ ရွာသားများက အိမ်ဟောင်းနွမ်း ပျက်စီးသွားသည်ကို တစ်စိတ်တစ်ပိုင်း ပြုပြင်ခဲ့သည်။ အချို့က ပြတင်းပေါက် တစ်ခု၊ အချို့က တိုင်တစ်လုံး၊ အချို့က နံရံတစ်ပိုင်း၊ အချို့က ပျဉ်တစ်ချပ် စသည်များ ပြုပြင်ခဲ့သည်။ ထိုသို့ ပြုပြင်ခဲ့သည့် အိမ်များကို စာရင်းကောက်ပြီး အိမ်တစ်အိမ်လျှင် ငွေကျပ် (၅) သောင်းမှ တစ်သိန်း အထိ ညှစ်ယူခဲ့ကြောင်း ဒေသခံများက RB News သို့ပြောပါသည်။ 

ယင်းကျေးရွာ အုပ်စုတွင် အိမ်ခြေ တစ်ထောင်ခန့် ရှိပြီး၊ (၅၇) အိမ်မှ ငွေညှစ်ခဲ့သည်ဟု ဒေသခံများက ဆိုသည်။ ဖေဖော်ဝါရီလ (၂၇) ရက်နေ့တွင် ဘူးသီးတောင် မြို့နယ် တောင်ပိုင်း၊ ညောင်ချောင်း စခန်းမှ နယ်ခြားစောင့်ရဲ များသည် ဖရုံချောင်း ကျေးရွာသို့ သွားရောက်ပြီး၊ မြို့နယ် အုပ်ချုပ်ရေးမှူး ရုံးမှ ခွင့်ပြုချက် ရယူပြီး အိမ်သစ် ဆောက်လုပ် နေသူများ၏ အိမ်ဆောက်လုပ်ခွင့် စစ်ဆေးခဲ့သည်။ ခွင့်ပြုချက် ပြနိုင်ကြသော်လည်း “သစ်တွေ ဘယ်ဆိုင်က ၀ယ်ခဲ့လဲ၊ ဈေးဘယ်လောက် ပေးရလဲ၊ ဘောက်ချာပြ၊ ဘယ်တော့ စဆောက်တာလဲ၊ ဘယ်တော့ ပြီးမလဲ၊ တစ်လအတွင်း ပြီးအောင် ဆောက်ရမယ်၊ သစ်အမျိုးအစား ဘယ်အမျိုးအစားလဲ” စသည်ဖြင့် မဆိုင်သည်များကို မေးမြန်းပြီးနောက် ခြိမ်းခြောက်၍ ငွေညှစ်သည်ဟု ဒေသခံများက ပြောပါသည်။ ထိုသို့ ခြိမ်းခြောက်၍ ပညာမတတ်သူများထံမှ ငွေကျပ် (၃) သောင်းမှ (၅) သောင်းထိ ညှစ်ယူခဲ့သည်ဟု ဆိုသည်။ ဖေဖော်ဝါရီလ အတွင်း အိမ် (၁၃) လုံးမှ ငွေညှစ်ခဲ့ကြောင်း သိရှိရသည်။

MYARF

RB News

29.2.2016

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် ကျောက်ဖြူတောင် ကျေးရွာမှ အသက် (၉) နှစ်အရွယ်ခန့် ရှိသည့် ရိုဟင်ဂျာ မိန်းကလေး တစ်ဦးကို အမှတ် (၂၃၄) ခြေမြန်တပ်ရင်းမှ စစ်သား တစ်ဦးက အတင်းအဓမ္မ မုဒိန်းကျင့်ခဲ့ပြီး၊ အဆိုပါ မိန်းကလေးကို ဆေးရုံတင် ထားရကြောင်း သတင်း ရရှိပါသည်။ 

ဖေဖော်ဝါရီလ (၂၈) ရက်နေ့ ညနေ (၄) ကျော်ခန့် အချိန်တွင် အသက် (၉) နှစ်အရွယ်ခန့် ရှိသည့် ဦးကာဒိရ်ဟူဆောင်း၏ သမီး မအာစ်မီဒါသည် အခြားသော ကလေးများနှင့် အတူ ခမရ (၂၃၄) တပ်ရင်း အနီးရှိ လယ်ကွင်း၌ နွားကျောင်းနေစဉ် မအာစ်မီဒါ ကျောင်းနေသည့် နွားက တပ်ရင်း၏ ခြံစည်းရိုး အနားသို့ ရောက်သွားသောကြောင့် မအာစ်မီဒါနှင့် အခြား နွားကျောင်းနေသည့် လူငယ် ယောက်ျားလေး တစ်ဦးတို့က နွားကို ပြန်ခေါ်လာရန် သွားခဲ့သည်။ 

ထိုစဉ် တပ်ရင်းအတွင်းမှ စစ်သား တစ်ဦး ထွက်လာပြီး ကလေးနှစ်ဦးကို ဖမ်းဆီးကာ တပ်ရင်း ခြံစည်းရိုး အတွင်းသို့ ခေါ်ဆောင် သွားခဲ့သည်။ ထို့နောက် ယောက်ျားလေးကို အခန်းတစ်ခန်းအတွင်း လှောင်ပိတ် ချုပ်နှောင် ထားခဲ့ပြီး မိန်းကလေးငယ်ကို လူမဆန်စွာ မုဒိန်းကျင့် ခဲ့ခြင်း ဖြစ်သည်။ အခန်းအတွင်း ပိတ်လှောင် ချုပ်နှောင် ခံထားရသည့် ယောက်ျားလေးသည် ပြတင်းပေါက်မှ တဆင့် ထွက်ပြေး လွတ်မြောက်လာခဲ့ပြီး၊ အနီးအနားရှိ အခြားသော နွားကျောင်းနေသူများကို အကျိုးအကြောင်း ပြောပြပြီးနောက်၊ ၎င်းတို့က အနီးအနားရှိ စိုက်ခင်းများတွင် အလုပ်လုပ်နေသူ များကို ဆက်လက် ပြောပြခဲ့သည်။ ထို့နောက် မိန်းကလေးငယ်ကို လိုက်ရှာခဲ့ရာ တပ်ရင်း ခြံစည်းရိုး အတွင်း သတိလစ် လဲလျောင်းနေလျက် တွေ့ရှိခဲ့သည်။ မိန်းကလေးငယ်ကို အားလုံးက ပွေ့ချီ၍ တပ်ရင်းအနီးရှိ အားလူး စိုက်ခင်းတွင် ရှိသည့် တဲတစ်ခုတွင် ထားရှိခဲ့သည်။ ထို့နောက် နွားကျောင်းသား တစ်ဦးက ရွာထဲသို့ ပြန်လာ၍ မုဒိန်းကျင့်ခံခဲ့ရသည့် မိန်းကလေး၏ မိဘများထံ အကြောင်းကြားမှသာ မိန်းကလေးငယ်၏ ဖခင်နှင့် အစ်ကိုတို့ အပြေးအလွှား ရောက်ရှိလာခဲ့သည်။ 

ဖခင်ဖြစ်သူက တပ်ရင်းမှ ဗိုလ်ကြီး အဆင့်ရှိသူ တစ်ဦးကို တိုင်တန်းခဲ့ရာ၊ အဆိုပါ ဗိုလ်ကြီးက ဖြစ်စဉ်နှင့် ပတ်သက်၍ မေးမြန်း စစ်ဆေးခဲ့သည်။ ထို့နောက် ဗိုလ်ကြီးက တပ်အတွင်း တာဝန်ရှိ ပုဂ္ဂိုလ် အဆင့်ဆင့်ကို အကြောင်းကြားခဲ့သည်။ ည (၇) နာရီခန့် အချိန်တွင် မုဒိန်းကျင့်ခံရသည့် မိန်းကလေး သတိရလာခဲ့ရာ မိန်းကလေးငယ်ကို မေးမြန်းကြည့်မှ မုဒိန်းကျင့်သည့် မုဒိန်းကောင်ကို သိနိုင်ခဲ့သည်။ ၎င်းကို ခေါ်၍ စစ်ဆေးသည့်အခါတွင်လည်း အစပိုင်းတွင် ငြင်းဆိုခဲ့ပြီး နောက်ပိုင်းတွင် ၀န်ခံခဲ့ကြောင်း ဒေသခံများက RB News သို့ပြောပါသည်။ 

သို့သော် တပ်ရင်းမှ တာဝန်ရှိ ပုဂ္ဂိုလ်က မုဒိန်းကျင့်ခံ ခဲ့ရသည့် မိန်းကလေး၏ ဖခင်ကို အဓမ္မပြုကျင့်သူသည် စစ်တပ်ထဲဝင်ရန် အသစ်ရောက်လာသူသာ ဖြစ်ကြောင်း၊ တရားဝင် စစ်သား တစ်ဦး မဖြစ်သေးသောကြောင့် ၎င်းကို အရပ်သား အနေဖြင့်သာ အရေးယူရမည် ဖြစ်၍ တရားခံကို နယ်ခြားစောင့် ရဲတပ်ဖွဲ့သို့ အပ်နှံရမည် ဖြစ်သည်ဟု ပြောဆိုခဲ့ကြောင်း သိရှိရသည်။ ထိုကဲ့သို့ ပြောဆိုမှုသည် တပ်ရင်းအတွင်း ဖြစ်ပျက်ခဲ့သည့် အဖြစ်အပျက် တစ်ခုကို စစ်တပ်မှ တာဝန်ယူ မဖြေရှင်းလို၍ နယ်ခြားစောင့် ရဲတပ်ဖွဲ့နှင့် ညှိနှိုင်း၍ ဟန်ပြ အလွှဲအပြောင်း ပြုလုပ်သည့် သဘော ဖြစ်နေကြောင်း ဒေသခံများက သုံးသပ် ပြောဆိုနေကြသည်။ 

ထို့နောက် ည (၁၁) နာရီခန့် အချိန်တွင် လက်ဝဲဒက်ပြင်ရှည် ကျေးရွာ အခြေစိုက် နယ်ခြားစောင့် ရဲတပ်ရင်း (ယခင် အမှတ် (၁၃) လုံထိန်း ရဲတပ်ရင်း) သို့ အကြောင်းကြားခဲ့ပြီး တရားခံကို လွှဲပြောင်း ပေးအပ်ခဲ့သည်။ နယ်ခြားစောင့်ရဲ များက ည (၁၂) နာရီခန့် အချိန်တွင် မုဒိန်းကျင့်ခံ ခဲ့ရသည့် မိန်းကလေးငယ်ကို ဘူးသီးတောင် ပြည်သူ့ဆေးရုံ ပို့ဆောင်ပေးပြီး ပြန်သွားခဲ့သည်။ 

မုဒိန်းကျင့်ခံ ခဲ့ရသည့် မိန်းကလေး၏ မိသားစုမှာ အလွန်ပင် ဆင်းရဲ နွမ်းပါးသူများ ဖြစ်ကြသည်။ ယခုအခါ ဆေးကုသ စရိတ်ကို မည်သည့် အာဏာပိုင် အဖွဲ့အစည်းကမှ တာဝန်ယူ ဖြည့်ဆည်း ပေးခြင်း မရှိ၍ မိဘများက မြို့တွင်း ပတ်၍ တောင်းရမ်း၍ ဆေးကုသ စရိတ် စုဆောင်းနေရသည်။ 

ဤကဲ့သို့ ဆင်းရဲနွမ်းပါးသူများ အခက်အခဲ ကြုံတိုင်း လိုက်ပါ ကူညီပေးမည့် အရပ်ဖက် အဖွဲ့အစည်းများ မရှိခြင်းကလည်း အလွန်ပင် စိတ်ပျက်စရာ ကောင်းကြောင်း ဒေသခံတစ်ဦးက RB News သို့ပြောပါသည်။

NLD ဥက္ကဌ ဒေါ်အောင်ဆန်း စုကြည်၊ NLD ခေါင်းဆောင် တချို့နဲ့ သူရဦးရွှေမန်း အမျိုးသား လွှတ်တော်ကို သွားရောက် လေ့လာစဉ် -၃ ဖေဖ၀ါရီ ၂၀၁၆ (Photo-NLD Chairperson)

မအင်ကြင်းနိုင်

ဗွီအိုအေမြန်မာပိုင်း

29.2.2016

လွှတ်တော်မှာ အမတ်နေရာ အများစုနဲ့ အင်အား အကြီးဆုံး ပါတီကြီး ဖြစ်တဲ့ NLD နဲ့ ဒုတိယ အများဆုံး ဖြစ်နေတဲ့ စစ်တပ် နှစ်ဘက်စလုံးဟာ ဒုသမ္မတလောင်း အမည်စာရင်း တွေကို မတ်လ (၁၇) ရက်မှာ တင်သွင်းဖို့ ပြင်ဆင် နေကြပါပြီ။

သမ္မတအဖြစ် ရွေးကောက်တင်မြှောက်ခံရမယ့် ဒုသမ္မတလောင်း ဘယ်သူဖြစ်နိုင်တယ်ဆိုတာကိုလည်း ပြည်သူအများက စိတ်ဝင်တစားစောင့်ကြည့်နေကြတာပါ။ မအင်ကြင်းနိုင် က အပြည့်အစုံကို ပြောပြမှာပါ။

ဒေါ်အောင်ဆန်းစုကြည် ဦးဆောင်တဲ့ အမျိုးသားဒီမိုကရေစီအဖွဲ့ချုပ် NLD ဘက်က လွှတ်တော်မှာ တင်သွင်းမယ့် ဒုသမ္မတလောင်း နှစ်ဦးရဲ့အမည်တွေနဲ့ တပ်မတော်ဘက်ကအဆိုပြုမယ့် ဒုသမ္မတလောင်းတဦးရဲ့အမည် ကို နှစ်ဘက်လုံးက ပြင်ဆင်ထားပြီးပြီလို့ သတင်းတွေထွက်လာချိန်မှာ မနေ့က တနင်္ဂနွေနေ့မှာ NLD ထိပ်ပိုင်းခေါင်းဆောင်တွေကို ဒေါ်အောင်ဆန်းစုကြည်က သူရဲ့နေပြည်တော်နှင်းဆီစံအိမ်မှာ ခေါ်ယူတွေ့ဆုံခဲ့တာပါ။

ထူးခြားချက်ကတော့ ဒီတွေ့ဆုံပွဲမှာ NLD ရဲ့ ဥပဒေအကြံပေး ပုဂ္ဂိုလ် တချို့ပါဝင်တာဖြစ်ပါတယ်။ ဒါပေမဲ့ NLD ပြောခွင့်ရပုဂ္ဂိုလ် ဦးဝင်းထိန်ကတော့ ဒီဆွေးနွေးပွဲဟာ ပါတီဗဟိုအလုပ်အမှုဆောင် ကော်မတီအစည်းအဝေးသာဖြစ်ပြီး ပါတီတွင်း စည်းမျဉ်းစည်းကမ်းကိစ္စတွေသာ အဓိကဆွေးနွေးခဲ့တယ်လို့ သတင်းထောက်တွေနဲ့ ဆွေးနွေးပွဲအပြီးတွေ့ဆုံရာမှာ အခုလိုပြောသွားပါတယ်။

“အရေးကြီးတဲ့ ဆုံးဖြတ်ချက်က နောက်ကျမှ ဆုံးဖြတ်မယ်။ အခုကတော့ ပါတီအတွင်းကိစ္စတွေ၊ နောက် စည်းရုံးရေးကိစ္စတွေ၊ နောက် တိုင်ကြားစာ ကိစ္စတွေ တခြားကတော့ ထွေထွေထူးထူး မရှိပါဘူး။”

ဒီအတောအတွင်းမှာပဲ ပြည်သူ့လွှတ်တော်က တပ်မတော်သားကိုယ်စားလှယ်တွေရဲ့ပြောခွင့်ရ ပုဂ္ဂိုလ် ဗိုလ်မှူးချုပ် တင့်ဆန်းနိုင်ကလည်း တပ်မတော်ဘက်ကတင်သွင်းမယ့် ဒုသမ္မတလောင်းဟာ ကာကွယ်ရေး၊ နိုင်ငံရေး၊ စီးပွားရေး၊ အုပ်ချုပ်ရေးစတဲ့ အမြင်တွေရှိသူဖြစ်တယ်လို့ ပြောဆိုခဲ့ပါတယ်။ ဒါပေမဲ့လည်း လက်တွေ့အခြေအနေမှာတော့ စစ်တပ်တွင်း ရာထူးနေရာပေးတဲ့ပုံစံဟာ အရည်အချင်းထက် ဆရာတပည့်ဖြစ်တဲ့အပေါ်မှာ ဦးစားပေးရွေးချယ်လေ့ရှိတယ်လို့ စစ်သံမှူးဟောင်း ဦးအောင်လင်းထွဋ်ကပြောပါတယ်။

“လက်ရှိ တပ်မတော်မှာ ကျနော်တို့ အရည်အချင်းတို့ စွမ်းရည်တွေထက်ပေါ့လေ၊ ကျနော်တို့ ဆရာတပည့်ပါပဲ၊ ဆရာ တပည့်ဖြစ်တဲ့သူတွေကို ရွေးချယ်ပြီးတော့မှ တင်မြောက် တာတွေရှိခဲ့ပါတယ်။ ဗိုလ်ချုပ်မှူးကြီးမင်းအောင်လှိုင်ကိုယ်တိုင်လည်း ဗိုလ်ချုပ်မှူးကြီး သန်းရွှေရဲ့ စိတ်ချ ယုံကြည်တဲ့အတွက်ကြောင့်မို့လို့ သူကိုယ်တိုင်ရွေးခဲ့တာပါ။ ဗိုလ်ချုပ်မှူးကြီးသန်းရွှေ တပ်မမှူး စစ်စစ် ဘ၀မှာ ဗိုလ်ချုပ်မှူးကြီး မင်းအောင်လှိုင်က သူ့တပ်မအောက်က ဒီတိုက်စစ်မှူးတယောက်ဖြစ်ပါတယ်။ သူကိုယ်တိုင် စိတ်ကြိုက်ရွေးခဲ့တာပါ။ ဘာဖြစ်လို့လဲဆိုတော့ အဲဒီအချိန်တုန်းက ဗိုလ်ချုပ် သူရမြင့်အောင်တို့ ဗိုလ်ချုပ် ကိုကိုတို့ကို ကျော်ပြီးတော့မှ ဗိုလ်ချုပ်မှူးကြီး မင်းအောင်လှိုင်ကို ရွေးခဲ့တာပါ။”

စစ်တပ်ကအဆိုပြုမယ့် ဒုသမ္မတလောင်းအမည်စာရင်းအတွက် ခန့်မှန်းခံထားရသူတွေထဲမှာ လက်ရှိကြံခိုင်ဖွံဖြိုးရေးပါတီ လွှတ်တော်ကိုယ်စားလှယ် အငြိမ်းစားဗိုလ်ချုပ်ကြီး လှဌေးဝင်း ဟာ အလားအလာအကောင်းဆုံးဖြစ်တယ်လို့ မြင်ကြောင်း ဦးအောင်လင်းထွဋ်ကဆိုပါတယ်။

“ဗိုလ်ချုပ်ကြီးဟောင်း လှဌေးဝင်းပါပဲ။ အငြိမ်းစားယူသွားတယ်လေ။ သူကတော့ ဖြစ်နိုင်ခြေအများဆုံးလို့တော့ မြင်ပါတယ်။ ဘာဖြစ်လို့လဲဆိုတော့ ဗိုလ်ချုပ်ကြီး လှဌေးဝင်းက ဘဘကြီးလို့ခေါ်တဲ့ ဗိုလ်ချုပ်မှူးကြီးသန်းရွှေ ရဲ့ ဦးစီးတဲ့ လက်အောက်မှာ သူ G 2 အနေနဲ့ နေသွားတယ်။ G1 ဆိုတာက စစ်ဦးစီး အရာရှိ ပထမတန်း အနေနဲ့နေသွားတယ်။ နောက် စစ်ဦးစီးအရာရှိချုပ် ၊ ဗိုလ်မှူးချုပ်အနေနဲ့လည်း နေသွားတယ်။ တောက်လျှောက်သူနဲ့ ဗိုလ်ချုပ်မှူးကြီးသန်းရွှေ ရဲ့ link ဟာ ကျနော် သံရုံးမှာရှိနေတုန်းက ဒီအမေရိကန်နိုင်ငံရဲ့ ပစ္စည်းလိုအပ်ချက်၊ ဗိုလ်ချုပ်မှူးကြီးသန်းရွှေ ရဲ့လိုအပ်ချက် ကို ဗိုလ်ချုပ်ကြီး လှဌေးဝင်းက လိုက်လုပ်ပေးရတဲ့အနေအထားရှိပါတယ်။

တကယ်လို့ ဗိုလ်ချုပ်ကြီးဟောင်း လှဌေးဝင်းကို ဒုသမ္မတအဖြစ်ရွေးကောက်တင်မြှောက်ခဲ့ မယ်ဆိုရင်လည်း လွှတ်တော်ထဲ ရာခိုင်နှုန်းအနည်းငယ်ပဲရှိတဲ့ ကြံခိုင်ဖွံဖြိုးရေးပါတီအတွက် ဘာမှထူးခြားသွားမှာမဟုတ်ဘူးလို့ ဦးအောင်လင်းထွဋ်ကမြင်ပါတယ်။

စစ်တပ်ကတင်သွင်းမယ့်အမည်စာရင်းမှာ နောက်ထပ်နာမည်ထွက်နေတဲ့ သူတွေနဲ့ ပတ်သက်လို့ ဦးအောင်လင်းထွဋ်ရဲ့အမြင်ကတော့

“အခုသူတို့ ရာထားတဲ့ ဒု သမ္မတ ဆိုတော့ ဗိုလ်ချုပ်ကြီးစိုးဝင်းကတော့ လက်ရှိလည်း သက်တမ်း အသက်ကို ၆၅ နှစ်အထိကို တိုးပေးတဲ့အတွက်ကြောင့်မို့လို့ သိပ်မဖြစ်နိုင်ပါဘူး။ နောက် ကာကွယ်ရေးဦးစီးချုပ် (လေ)နဲ့ ကြည်း၊ရေ၊ လေ ညှိုနှိုင်းကွပ်ကဲရေးမှူး ဗိုလ်ချုပ်ကြီး ခင်အောင်မြင့် ကျနော်တို့တပ်မတော် ထိပ်ပိုင်းပေါ့လေ ဗိုလ်ချုပ်မှူးကြီးသန်းရွှေ ရဲ့အသိုင်းအ၀ိုင်းနဲ့ ဝေးပါတယ်။ ကျနော်တို့ မျက်မြင်ပါပဲ။”

ဒုသမ္မတလောင်း သုံးဦးရဲ့အမည်စာရင်းတွေကို မတ်လ (၁၇)ရက်နေ့ လွှတ်တော်မှာ NLD နဲ့ တပ်မတော် ကိုယ်စားလှယ်တွေ အသီးသီးတင်သွင်းကြမှာဖြစ်ပါတယ်။ အဲဒီထဲကမှာ မဲအများဆုံးရရှိတဲ့ သူဟာ သမ္မတအဖြစ်ရွေးချယ်တင်မြှောက်ခံရမှာဖြစ်ပြီး အရပ်သားအစိုးရသစ်ဖြစ်တဲ့ NLD အစိုးရလက်ထက်မှာ သမ္မတဘယ်သူဖြစ်လာမလဲဆိုတာ ပြည်သူအများစိတ်ဝင်စားနေကြပါတယ်။

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း၊ ကျီးကန်းပြင် ကျေးရွာအုပ်စု၊ အောင်ဇေယျ (န.တ.လ) ရွာမှ ရခိုင်ရွာသား များသည် ၎င်းတို့၏ လယ်မြေများတွင် ယခင်က သီးနှံများ စိုက်ပျိုးခဲ့သော်လည်း ယခုအခါ မြေလွှတ် အဖြစ်ထားသဖြင့်၊ ၎င်းတို့၏ လယ်မြေများတွင် အနီးအနားရွာရှိ ရိုဟင်ဂျာများ၏ နွားများ၊ ဆိတ်များ ကျက်စားလေ့ ရှိရာ၊ အဆိုပါ တိရစ္ဆာန်များကို ရခိုင်ရွာသားများက ဖမ်းဆီး ထိန်းသိမ်း၍ အတင်း အဓမ္မ ငွေညှစ်လျက် ရှိကြောင်း သတင်း ရရှိပါသည်။ 

ဖေဖော်ဝါရီလ (၂၄) ရက်နေ့ ကျီးကန်းပြင် အနောက်ရွာမှ ဦးရှုနာလီ (ဘ) ဦးမာမတ်တွာရဲစ် (အသက် ၆၅ နှစ်) ၏ နွားထီး တစ်ကောင်သည် န.တ.လ ရွာမှ လယ်မြေတွင် ကျက်စားနေစဉ် ရခိုင်ရွာသား များက ဖမ်းဆီး ထိန်းသိမ်းခဲ့သည်။ နွားပိုင်ရှင် ဦးရှုနာလီက န.တ.လ ရွာသို့ သွားရောက်၍ ၎င်း၏ နွားကို ပြန်ပေးရန် တောင်းခံရာ ရခိုင်ရွာသားများက ငွေကျပ် တစ်သိန်း တောင်းခံသဖြင့်၊ ငွေကြေး မတတ်နိုင်သောကြောင့် နေအိမ်သို့ ပြန်လာခဲ့သည်။ ဖေဖော်ဝါရီလ (၂၅) ရက်နေ့တွင် န.တ.လ ရွာသားများကို ငွေကျပ် (၆) သောင်းပေး၍ နွားကို ပြန်လည် ယူဆောင်လာခဲ့ကြောင်း ရွာသားများက RB News သို့ပြောသည်။ 

အလားတူ ကျီးကန်းပြင် အလယ်ရွာမှ ဦးဆော်လိမ် (ဘ) ဦးဟာမိတ် (အသက် ၆၅ နှစ်) ၏ ဆိတ်သုံးကောင်ကိုလည်း ဖမ်းဆီးသွားခဲ့ရာ ငွေကျပ် (၃) သောင်း ပေး၍ ပြန်လည် ယူခဲ့ရသည်။

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် တောင်ပိုင်း၊ ဆေးအိုးကျ ကျေးရွာရှိ နယ်ခြားစောင့် ရဲတပ်ဖွဲ့ ကင်းစခန်းတွင် တာဝန်ထမ်းဆောင် ခဲ့သည့် ဒုတပ်ကြပ် ထွန်းလှသည် ဆေးအိုးကျ ကျေးရွာရှိ ကင်းစခန်းသို့ ထပ်မံ ပြောင်းရွှေ့ လာနိုင်ရန် ကြိုးစားနေသည်ဟု သတင်း ရရှိပါသည်။

ဒုတပ်ကြပ် ထွန်းလှသည် ၂၀၁၄ ခုနှစ် နှစ်လယ်လောက်မှ ၂၀၁၅ ခုနှစ် ဒီဇင်ဘာလ အထိ ဆေးအိုးကျ ကျေးရွာရှိ ကင်းစခန်းတွင် တာဝန် ထမ်းဆောင်ခဲ့သည်။ တာဝန်ထမ်းဆောင်စဉ် ကာလအတွင်း ၎င်းသည် နိုင်ငံတော် တာဝန်ကို အလေးမထားဘဲ ဆေးအိုးကျ ကျေးရွာအုပ်စု၊ သဇင်တောရွာမှ ဦးမာမတ်ဟူစိန်း (ကွယ်လွန်) ၏ ဇနီး ဒေါ်ဂုလ်ဘာနူ (အသက် ၄၀ နှစ်) ၏ နေအိမ်သို့ နေ့ရောညပါ သွားရောက် နေထိုင်ခဲ့သည်။ ဒေါ်ဂုလ်ဘာနူ၏ အိမ်တွင် ယောက်ျားသားဟူ၍ လုံးဝ မရှိဘဲ သမီးပျိုနှစ်ဦးသာ ၎င်းနှင့် အတူ ရှိနေခဲ့သည်။ ထိုသို့ တရားမ၀င် ပေါင်းသင်း နေထိုင်ခြင်းကို ရွာသူရွာသား များက မကျေနပ်ခဲ့သော်လည်း ဒုတပ်ကြပ် ထွန်းလှသည် နိုင်ငံတော် ၀န်ထမ်း တစ်ဦး ဖြစ်၍ တိုက်ရိုက် ဟန့်တားနိုင်ခြင်း မရှိသောကြောင့် မီဒီယာမှ တစ်ဆင့် အထက် အာဏာပိုင်များထံ တိုင်တန်းခဲ့သည်။ သို့သော်လည်း ထိရောက်မှု တစ်စုံတစ်ရာ မရှိခဲ့ဘဲ၊ ဒုတပ်ကြပ် ထွန်းလှကို ၂၀၁၅ ခုနှစ် ဒီဇင်ဘာလတွင် ရသေ့တောင် မြို့နယ် အောက်နန်းရာ ကျေးရွာရှိ နယ်ခြားစောင့် ရဲတပ်ဖွဲ့ ကင်းစခန်းသို့ ပြောင်းရွှေ့ခဲ့သည်။ 

ပြောင်းရွှေ့ သွားပြီးနောက် ယခုအချိန်ထိ ဆေးအိုးကျ ကျေးရွာရှိ အဆိုပါ မုဆိုးမ အိမ်သို့ နှစ်ကြိမ်ထက် မနည်း သွားရောက် လည်ပတ်ခဲ့သည့် အပြင် ဆေးအိုးကျရှိ ကင်းစခန်းသို့ ပြန်လည် ပြောင်းရွှေ့ တာဝန် ထမ်းဆောင်နိုင်ရန် လေးမြို့ကျေးရွာရှိ စခန်းအမှတ် (၂၁) မှ စခန်းမှူး ရဲအုပ်နှင့် ညှိနှိုင်း၍ ကြိုးစားနေကြောင်း ဒေသခံများက RB News သို့ပြောပါသည်။ 

အကယ်၍ ဒုတပ်ကြပ် ထွန်းလှသည် ဆေးအိုးကျရှိ ကင်းစခန်းသို့ ထပ်မံ၍ တာဝန်ဖြင့် ရောက်ရှိလာပါက ကျေးရွာတွင်း တည်ငြိမ် အေးချမ်းမှုကို ပျက်ပြားစေနိုင်ပြီး လူမျိုးရေး၊ ဘာသာရေး ပဋိပက္ခကို မီးမွှေးသကဲ့သို့ပင် ဖြစ်နိုင်သည်ဟု ဒေသခံများက သုံသပ် ပြောဆိုနေကြသည်။ 

ဒုတပ်ကြပ် ထွန်းလှသည် အဆိုပါ မုဆိုးမနှင့် ခင်မင် ရင်းနှီးခွင့် ရခဲ့ခြင်းမှာ ယင်းကျေးရွာရှိ မူလတန်းလွန်ကျောင်းမှ အထွေထွေ လုပ်သား ဦးရှော်ရိဖ်ဟူစိန်း ကြောင့်သာ ဖြစ်သည်။ ဦးရှော်ရိဖ်ဟူစိန်းက ဒုတပ်ကြပ် ထွန်းလှနှင့် ပူးပေါင်း၍ ယင်းကျေးရွာရှိ အခြားသော ဆင်းရဲသည့် အမျိုးသမီးများကို အမျိုးမျိုး ခြိမ်းခြောက်၍ မဖွယ်မရာ ပြုလုပ်ကြောင်း ရွာသားများက ပြောဆို နေကြသည်။

မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း၊ အင်းဒင် နယ်ခြားစောင့် ရဲတပ်ဖွဲ့ စခန်းမှ ရဲမှူးလင်းလင်းနိုင်သည် ၎င်း၏ လက်အောက်ခံ ကျေးရွာများရှိ ဒေသခံ ရိုဟင်ဂျာများ ထံမှ ငွေညှစ်နိုင်ရေး အတွက် နယ်ထိန်း အဖွဲ့တစ်ဖွဲ့ ဖွဲ့စည်းခဲ့သည်။ 

အဆိုပါ အဖွဲ့သည် ရိုဟင်ဂျာ အများစု နေထိုင်ရာ ရွာများသို့ သွားရောက်၍ ကင်းလှည့်နေစဉ် အတွင်း ဖုန်းကိုင်ဆောင် နေသည့် ရိုဟင်ဂျာများကို တွေ့လျှင် ဘင်္ဂလားဆင်းမ်ကဒ် ထည့်ပေး၍ ငွေညှစ်ခြင်းများ ပြုလုပ်နေသလို၊ အရောင်းအ၀ယ် လုပ်နေသည့် ရိုဟင်ဂျာများကို အမျိုးမျိုး လုပ်ကြံ စွပ်စွဲ၍ ငွေညှစ်လျက် ရှိကြောင်း ဒေသခံများက RB News သို့ပြောပါသည်။ 

ဖေဖော်ဝါရီလ (၇) ရက်နေ့မှ စ၍ အင်တာနက် အသုံးပြုနိုင်သည့် မည်သည့် ဖုန်းကိုမဆို တွေ့ရှိပါက သိမ်းယူရန် (သို့) ဒဏ်ငွေယူရန် အဆိုပါ နယ်ထိန်း အဖွဲ့အား ရဲမှူးလင်းလင်းနိုင်က အမိန့်ပေးထားသဖြင့် ရိုဟင်ဂျာများသည် မြန်မာ့ ဆက်သွယ်ရေး ရုံးမှ ထုတ်ပေးသည့် MPT ဆင်းမ်ကဒ်သုံး ဖုန်းများကို ကိုင်ဆောင်ရန်ပင် အခက်အခဲ ဖြစ်လျက် ရှိနေသည်ဟု ဆိုသည်။

ဖေဖော်ဝါရီလ (၁၃) ရက်နေ့တွင် ကျောက်ပန္ဒူ ကျေးရွာအုပ်စု၊ ရွာကြီးဈေးနှင့် ကပ်လျက် ရှိသည့် ဗလီငယ်တစ်လုံးကို မှတ်ပုံတင်ထားခြင်း မရှိဟု အကြောင်းပြ၍ ဖျက်ဆီးခဲ့သည့် သတင်း အင်တာနက်ပေါ်တွင် ပျံ့နှံ့နေသည့် အတွက် ရဲမှူးလင်းလင်းနိုင်က ဖေဖော်ဝါရီလ (၂၁) ရက်နေ့တွင် နယ်ခြားစောင့်ရဲများ စေလွှတ်၍ အဆိုပါ ဗလီငယ်ကို ထပ်မံ ဖျက်ဆီးခိုင်းခဲ့သည်။ 

ဖေဖော်ဝါရီလ (၁၈) ရက်နေ့တွင် သင်္ဘောကွေ့ ကျေးရွာအုပ်စု၊ ခလုံးရွာမှ အန်ဒါတ်အူလ္လာ (ဘ) မော်လ၀ီရှော်ဖီအုလ္လာ (အသက် ၁၈ နှစ်) သည် ညနေ ၄း၃၀ နာရီ အချိန်တွင် ၎င်း၏ အိမ်ရှေ့တွင် ရပ်နေစဉ် အဆိုပါ နယ်ထိန်း အဖွဲ့က စစ်ဆေးခဲ့ရာ ဖုန်းထဲတွင် Youtube မှ ရိုဟင်ဂျာ သတင်းများ တွေ့ရှိသဖြင့် ဖမ်းဆီးသွားကာ ငွေကျပ် (၅) သိန်း ညှစ်ယူ၍ ပြန်လည် လွှတ်ပေးခဲ့ကြောင်း ဒေသခံ တစ်ဦးက RB News သို့ပြောပါသည်။

မအေးအေးမာ

ဗွီအိုအေမြန်မာပိုင်း

26.2.2016

အစိုးရ အာဏာ အလွှဲအပြောင်း မလုပ်ခင် စပ်ကြား နိုင်ငံတော် စီမံကိန်းနဲ့ စီးပွားရေး လုပ်ငန်းတွေနဲ့ပတ်သက်ပြီး အလျင်စလို ကိုင်တွယ် ဆောင်ရွက် နေတာကို ကန့်ကွက်တဲ့ အဆိုအပေါ် ကိုယ်စားလှယ် အများစုက သဘောတူ တာကြောင့် ပြည်သူ့ လွှတ်တော် မှာ အတည်ပြု ခဲ့ပေမဲ့ အတည်ပြုချက် အပေါ် ကိုယ်စားလှယ်တဦးက ထောက်ခံ ဆွေးနွေး နေစဉ် တပ်မတော် ကိုယ်စားလှယ် အားလုံးက တပြိုင်တည်း မတ်တပ်ရပ် ကန့်ကွက် ခဲ့တာကြောင့် လွှတ်တော်တွင်း တင်းမာ ခဲ့ပါတယ်။ ဒီအကြောင်း ဗွီအိုအေ မြန်မာပိုင်း သတင်းထောက် မအေးအေးမာ က သတင်းပေး ပို့ထားပါတယ်။

စစ်ကိုင်းတိုင်း ပုလဲအမတ် ဒေါ်ခင်စန်းလှိုင်ရဲ့ အရေးကြီး အဆိုဖြစ်တဲ့ နိုင်ငံတော် အစိုးရက ရွေးကောက်ပွဲအပြီး လက်ရှိဆောင်ရွက်နေသော နိုင်ငံပိုင်မြေ၊ နိုင်ငံပိုင် စက်ရုံများ နိုင်ငံပိုင်စီးပွားရေးလုပ်ငန်းများ အလျင်စလို ငှားရမ်းရောင်းချ လွှဲပြောင်းမှု၊ ပုဂ္ဂလိကပိုင်ပြုလုပ်မှု၊ စီမံကိန်းတွေကို နေရာတကျမစီမံဘဲ အဆောတလျင်ခွင့်ပြုနေမှု၊ ကျူးကျော်တွေကို အဓမ္မဖယ်ရှားမှု၊ နိုင်ငံပိုင်သယံဇာတတွေကို လိုအပ်တဲ့ ဆောင်ရွက် မှုတွေ၊ သဘောတူညီမှုတွေ မလုပ်ဘဲ အစိုးရတာဝန် မလွှဲပြောင်းမီ အလျင်အမြန် စီမံခန့်ခွဲနေမှုတွေ ကို နိုင်ငံတော်နဲ့ နိုင်ငံသားတို့ အကျိုးအတွက် အသေးစိတ် စိစစ်ဟန့်တား၍ ထိန်းကျောင်း တည့်မတ်ပေး ရန် ပြည်ထောင်စု အစိုးရအား တိုက်တွန်းတဲ့ အဆိုကို ကြာသပတေးနေ့ က တင်သွင်းခဲ့တာပါ။ သောကြာနေ့ မှာတော့ ဒီအဆိုကို ဆက်လက်ဆွေးနွေးရာ လွှတ်တော်တွင်း အခြေအနေ တင်းမာမှုတွေဖြစ်ပြီး မဲခွဲဆုံးဖြတ်တာကြောင့် တင်သွင်းတဲ့အဆိုကို လွှတ်တော်က အတည်ပြုခဲ့ပါတယ်။

ဒီနေ့လွှတ်တော်တွင်း အခြေအနေကိုတော့ အဆိုတင်သွင်းတဲ့ ပုလဲ အမတ် ဒေါ်ခင်စန်းလှိုင် က အခုလိုပြောပြခဲ့ပါတယ်။

"လွှတ်တော်ထဲမှာ ဒီအဆိုနဲ့ပတ်သက်ပြီးတော့ လွှတ်တော်ကိုယ်စားလှယ် ၁၂ယောက်က ဆွေးနွေးတယ်။ အဲ့တာ သူတို့က လက်ပံတောင်းတောင် ကိစ္စနဲ့ပတ်သက်ပြီးတော့ ကိုယ်စားလှယ်ဘက်က ဆွေးနွေးတာကို သူတို့ဘက်က မကျေမနပ်ဖြစ်ပြီးတော့ တပ်မတော်သားတယောက်က ထကန့်ကွက်တယ်။ တယောက်က ထ ကန့်ကွက်တာကို မကျေနပ်လို့ဆိုပြီး အကုန်လုံးက တပြိုင်နက်တည်း ထပြီးတော့ ကန့်ကွက်ကြတယ်။ ဒီနေ့လည်း လွှတ်တော်က တခါတည်း ဆုံးဖြတ်ချက် ချလိုက်ပြီလေ။ အဆိုတင်တာ အောင်မြင်ပြီး လွှတ်တော်က မှတ်တမ်းတင် ထားရှိတာ။"

စေတုတ္ထရာမြို့နယ်ကိုယ်စားလှယ် ဦးကျော်အောင်လွင်က ဒီအဆိုကို ထောက်ခံကာ လက်ပံတောင်းတောင် ကြေးနီစီမံကိန်းနဲ့ ပတ်သက်လို့ ဆွေးနွေးနေချိန်မှာပဲ လွတ်တော်ထဲမှာ ၂၅ရာခိုင်နှုံးရှိတဲ့ တပ်မတော်သားကိုယ်စားလှယ်များအားလုံးက ကြားဖြတ်ကာ မတ်တပ်ရပ် ကန့်ကွက်ခဲ့တဲ့ အတွက် လွှတ်တော် ဥက္ကဋ္ဌက တပ်မတော်သား ကိုယ်စားလှယ်တွေကို တင်ပြခွင့်ပေးခဲ့ပါတယ်။

လွှတ်တော်တွင်း ဒီအဆိုကို ကန့်ကွက်မူတွေ၊ ထောက်ခံမူတွေ လုပ်နေတဲ့ တချိန်တည်းမှာ တပ်မတော်သားကိုယ်စားလှယ်တွေ အားလုံးက မတ်တပ်ရပ် ကန့်ကွက်မှုဟာ ဒုတိယအကြိမ် ကျင်းပတဲ့ လွှတ်တော်မှာ ပထမဦးဆုံးအကြိမ် ထူးထူးခြားခြား ဖြစ်ပွားခဲ့တာပါ။

ဒီအဆိုကိုတော့ ပြည်ထောင်စုကြံ့ခိုင်ရေးနဲ့ ဖွံဖြိုးရေးပါတီရဲ့ ကရင်ပြည်နယ် ဖာပွန်မြို့နယ် ပြည်သူလွှတ်တော်ကိုယ်စားလှယ် ဦးစောထွန်းမြအောင်က လွှတ်တော်တွင်းမှာ အခုလိုကန့်ကွက်ခဲ့ပါတယ် ။

" ဒါကို ကျနော်တို့ လွှတ်တော်က အဆိုတရပ်အနေဖြင့် အတည်ပြု တင်သွင်းလိုက်ခြင်း အားဖြင့် နှစ်ဖက် အဖွဲ့အစည်းများအား ကောင်းသော လုပ်ဆောင်ခြင်း မဖြစ်ပဲ အမျိုးသား ရင်ကြား ပိုမိုကွဲသွားတာမျိုး ဖြစ်လာနိုင်ပါတယ်။"

ဒုတိယအကြိမ်လွှတ်တော်က လွတ်တော်ကိုယ်စားလှယ်တွေ အဆိုပြုထားတဲ့ အချက်တွေနဲ့ ပတ်သက်လို့သက်ဆိုင်ရာဝန်ကြီးဌာနတွေက လွှတ်တော်မှာ လာရောက်ရှင်းပြဖို့အတွက် လွှတ်တော်မှာတင်ပြခဲ့ပေမဲ့ လက်ရှိအစိုးရကတော့ အရင်အစိုးရက အရင်လွှတ်တော်ကိုပဲ တာဝန်ခံတာဖြစ်တယ်လို့ ပြောဆိုခဲ့တာပါ။ ဒါအပြင် နောက်လွှတ်တော်မှာ အဆိုတွေ မေးခွန်းတွေ ဆက်တိုက်တင်လာတဲ့ အတွက် လက်ရှိ အစိုးရအနေနဲ့ တက်ရောက်ဆွေးနွေးဖို့ ဆိုင်းငံ့ ထားတယ် လို့ နိုင်ငံပိုင်သတင်းစာတွေမှာ ပြည်ထောင်စုဝန်ကြီး ဦးရဲထွဋ်က ပြောဆို ထားပါတယ်။

ဒီလို ပြောဆိုချက်နဲ့ ပတ်သက်လို့ ဒေါ်ခင်စန်းလှိုင်က အခုလိုပြောဆိုသွားပါတယ်။

"ပထမအကြိမ် လွှတ်တော်ဖြစ်ဖြစ်၊ ဒုတိယအကြိမ် လွှတ်တော်ဖြစ်ဖြစ် ဝန်ကြီးဌာနတွေအနေနဲ့က လေးလေးစားစားနဲ့ ပြည်သူလူထုက သိချင်နေတဲ့ အချက်လေး ကို ပြည်သူလူထု ကိုယ်စား လွှတ်တော် ကိုယ်စားလှယ်တွေက မေးမြန်းရ တာဖြစ်တဲ့ အတွက်ကြောင့်မို့လို့ တကယ်တမ်းက ဒါလေးက ပြန်လည်ပြီး လာဖြေကြားမယ်ဆိုရင် အင်မတန်မှ ကောင်း တာပါပဲ။ ပြည်သူလူထု ကလည်း ဝန်ကြီးဌာနတွေက ဒီလိုမျိုး တိတိကျကျ ဖြေကြား တယ် ဆိုတာကိုလည်း လိုချင်တယ်။ အဲ့တာကိုလည်း သိချင်နေတယ်ဆိုတဲ့ အခြေအနေ တခုပါ။"

အစိုးရသစ် မတက်လာခင်မှာ သိသာထင်ရှားစွာနဲ့ အလျင်စလို လုပ်ဆောင်နေတယ် လို့ စွပ်စွဲခံနေရတဲ့ကိစ္စကတော့ ကချင်ပြည်နယ် တွင်းမှာ ကျောက်စိမ်း တူးဖော်ရေးလုပ်ငန်းကို စက်အင်အား၊ လူအင်အားအများအပြားနဲ့ အကောင်အထည်ဖော် ဆောင်ရွက်နေတာတွေကို ထောက်ပြဝေဖန်မူတွေရှိနေတာပါဒီလို တူးဖော်နေတာကြောင့် မြေစာပုံတွေ ပြိုကျပြီး လူတွေသေဆုံးမူတွေ ရှိနေတာကြောင့် ဒေသခံတွေက ကန့်ကွက်ရတဲ့အထိ တင်းမာခဲ့ပါတယ်။ ဒါ့အပြင် သံယံဇာတ တူးဖော်နေတဲ့ ကိစ္စတခုဖြစ်တဲ့ လက်ပံတောင်းတောင် ကြေးနီ စီမံကိန်းဟာ မေလမှာ ကြေးနီ စထုတ်လုပ်တော့မယ် လို့ မြန်မာဝမ်ပေါင် ကုမ္ပဏီက ပြောဆိုတဲ့အတွက် ဒီကိစ္စတွေဟာလည်း စုံစမ်း စစ်ဆေးရေးကော်မရှင် ရဲ့ အစီရင်ခံစာ အတိုင်း အပြည့်အဝ လိုက်နာမူမရှိဘူး လို့ ဝေဖန်ခံနေရ တာဖြစ်ပါတယ်။

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း၊ ဦးရှဥ့်ကျ ကျေးရွာတွင် ဆေးခန်း ဖွင့်ထားသူ ရမ်းကု ဦးကျော်နိုင် (ဘ) ဦးချိုဂုံးန်ကို ဖေဖော်ဝါရီလ (၁၃) ရက်နေ့ ညသန်းခေါင်ယံ အချိန်တွင် တစ်ဖက်နိုင်ငံမှ အမည်မသိ လူတစ်စုက ဖမ်းဆီး၍ တစ်ဖက်နိုင်ငံသို့ ခေါ်ဆောင် သွားခဲ့ရာ၊ ဖေဖော်ဝါရီလ (၂၂) ရက်နေ့တွင် ဘင်္ဂလားငွေ တာကာ (၆) သိန်း ပေးပြီးမှ ညနေ ၄း၃၀ နာရီ အချိန်တွင် ငါးခူရ နယ်မြေ (၅) နယ်ခြားစောင့် ရဲတပ်ဖွဲ့ စခန်းသို့ ပြန်လည် ရောက်ရှိလာခဲ့သည်။ နယ်မြေ (၅) နယ်ခြားစောင့် ရဲတပ်ဖွဲ့ ရဲမှူး ကျော်တေဇာက ဦးကျော်နိုင်အား ဖမ်းဆီး ခေါ်ဆောင်သွားမှုနှင့် ပတ်သက်သည်ဟု စွပ်စွဲပြီး တရားခံများ အဖြစ် သတ်မှတ် ထားသည့် ဦးရှဥ့်ကျ ရွာသား (၁၂) ဦးကို ဆက်လက် ရှာဖွေလျက် ရှိရာ၊ ယင်းနေ့ ည (၁၁) နာရီ အချိန်တွင် နယ်ခြားစောင့်ရဲ (၁၈) ဦးကို ဦးရှဥ့်ကျ ကျေးရွာသို့ စေလွှတ်ခဲ့သည်။ 

အဆိုပါ နယ်ခြားစောင့်ရဲ များသည် တရားခံများ အဖြစ် စွပ်စွဲခံရသူများကို ဖမ်းဆီးရန် နေအိမ်များသို့ သွားရောက်၍ ရှာဖွေခဲ့သော်လည်း ဖမ်းဆီးနိုင်ခဲ့ခြင်း မရှိခဲ့ကြောင်း ဒေသခံများက RB News သို့ပြောပါသည်။ 

ဦးရှဥ့်ကျ ကျေးရွာမှ ဦးအာဘူလ်ဟာရှိမ်း (ဘ) ဦးအာဘူတာဟဲရ် (အသက် ၃၁ နှစ်) သည် ပုဇွန်ကန် ပိုင်ရှင်ဖြစ်ပြီး၊ ဦးမိုဟာမတ်ဟာရှိမ်း (ဘ) ဦးအဒူဂေါ်နီ (အသက် ၄၃ နှစ်) သည် ငါးဖမ်းသမား တစ်ဦး ဖြစ်သည်။ ဦးမိုဟာမတ်ဟာရှိမ်းသည် ဦးအာဘူလ်ဟာရှိမ်း ပုဇွန်ကန်တွင် နေထိုင်သည့် အငှား ငါးဖမ်းသမား ဖြစ်ပြီး၊ ပုဇွန်ကန်သည် ကံပြင် ကျေးရွာဘက်တွင် တည်ရှိသည်။ နယ်ခြားစောင့်ရဲ များသည် ၎င်းတို့ အလိုရှိနေသည့် ရွာသားများကို မတွေ့သဖြင့် နောက်ဆုံးတွင် ကံပြင် ကျေးရွာဘက်သို့ သွားရောက်၍ ပုဇွန်ကန်တွင် အလုပ်လုပ်နေသည့် ဦးအာဘူလ်ဟာရှိမ်းနှင့် ဦးမိုဟာမတ်ဟာရှိမ်း တို့နှစ်ဦးကို ဖမ်းဆီး၍ နယ်မြေ (၅) နယ်ခြားစောင့် ရဲတပ်ဖွဲ့သို့ ခေါ်ဆောင် သွားခဲ့သည်။ ဖေဖော်ဝါရီလ (၂၃) ရက်နေ့ နေ့လည် (၁) နာရီ အချိန်တွင် ဦးအာဘူလ်ဟာရှိမ်းထံမှ ငွေကျပ် နှစ်သိန်း ညှစ်၍ ပြန်လည် လွှတ်ပေးခဲ့သော်လည်း၊ ငွေကြေး မတတ်နိုင်သည့် ဦးမိုဟာမတ်ဟာရှိမ်းကို ယခုအချိန်ထိ ဖမ်းဆီးထားကြောင်း ဒေသခံများက RB News သို့ပြောပါသည်။

Rohingya Eye
RB News
25.2.2016

မောင်တော ။ ။ ရခိုင်ပြည်နယ်၊ မောင်တော မြို့နယ် ဒေသခံ အာဏာပိုင် အဖွဲ့အစည်း များ၏ ဦးဆောင်မှုဖြင့် ရခိုင်ရိုးရာ ရထားဆွဲ ပွဲတော်ကို ဖေဖော်ဝါရီလ (၂၀) ရက်နေ့မှ (၂၃) ရက်နေ့ထိ သုံးရက်တိုင်တိုင် မြို့မဈေးကြီးနှင့် ကမ္ဘာ့ရတနာဘဏ် ရှေ့တွင် ကျင်းပခဲ့သည်။ အဆိုပါ ရထားဆွဲ ပွဲတော်သို့ ကျေးလက် ဒေသများမှ လာနိုင်ရေး အတွက် စစ်တပ်နှင့် နယ်ခြားစောင့် ရဲတပ်ဖွဲ့ တို့က ဗုဒ္ဓဘာသာဝင် များကို ကားများဖြင့် ပို့ဆောင် ပေးခဲ့သည်။ ပွဲတော်သို့ လာရောက်သူ (၃) ထောင်ကျော်ခန့် ရှိသည်ဟု ခန့်မှန်းရသည်။ 

ပွဲတော် ကျင်းပနေစဉ် ရိုဟင်ဂျာ အများစု နေထိုင်ရာ နာရီစင်ခွဆုံနှင့် အမှတ် (၅) ရပ်ကွက် ဈေးတွင် နယ်ခြားစောင့် ရဲတပ်ဖွဲ့မှ ကားတစ်စီးနှင့် စစ်တပ်မှ ကားတစ်စီးတို့ လက်နက် အပြည့်အစုံဖြင့် လုံခြုံရေး ချထားခဲ့သည်။ ပွဲတော် လုံခြုံရေး အတွက် စစ်တပ်မှ ကား (၃) စီး၊ နယ်ခြားစောင့် ရဲတပ်ဖွဲ့မှ ကား(၅) စီးနှင့် ရဲတပ်ဖွဲ့မှ ကား (၂) စီး ချထားခဲ့သော်လည်း ည (၁၀) နာရီ နောက်ပိုင်းတွင် မော်တော်ဆိုင်ကယ်၊ ကားများဖြင့် ပြန်သွားသူ များသည် အော်ဟစ်၍ ညစ်ညမ်းစွာ ဆဲဆိုခြင်း၊ ဆူပူခြင်းများ ပြုလုပ်ခဲ့သည်ကို လုံခြုံရေး တာဝန်ယူထားသည့် လက်နက်ကိုင် အာဏာပိုင်များက ဟန့်တားခြင်း မရှိခဲ့ကြောင်း ဒေသခံများက RB News သို့ပြောပါသည်။ 

ဖေဖော်ဝါရီလ (၂၃) ရက်နေ့ ည ၉း၃၀ နာရီ အချိန်တွင် မြို့မ ဗလီကြီးရှေ့သို့ ဗုဒ္ဓဘာသာဝင် လူငယ်များ ကား (၄) စီးဖြင့် ရောက်ရှိလာပြီး ဗလီ တံခါးရှေ့တွင် စပီကာများဖြင့် သီချင်းဖွင့်ခြင်း၊ အရက်သောက်ခြင်း၊ ဗလီ အုတ်နံရံကို သေးပန်းခြင်း၊ စသည်တို့ကို ပုဒ်မ (၁၄၄) ကျော်လွန်ချိန် ည ၁၂ နာရီထိ ပြုလုပ်ခဲ့သည်။ ထိုကဲ့သို့ ပြုမှုနေခြင်းမှာ ဘာသာရေးအရ စော်ကားခြင်းသာ ဖြစ်သော်လည်း ဖြတ်သန်း သွားလာ၍ လုံခြုံရေး တာဝန်ယူနေသည့် လက်နက်ကိုင် အာဏာပိုင်များက တားဆီး ဟန့်တားခြင်း လုံးဝ မပြုလုပ်ခဲ့ကြောင်း ဒေသခံများက ပြောပါသည်။ 

အနီးအနားရှိ ရိုဟင်ဂျာ လူငယ်များက ထိုသို့ ရမ်းကားနေခြင်းကို နှုတ်ဆိတ်စွာ စောင့်ကြည့်နေခဲ့ပြီး မည်သို့မှ တုန့်ပြန်ခဲ့ခြင်း မရှိဟု ဒေသခံများက ဆိုသည်။ 

“တကယ်လို့ ရိုဟင်ဂျာတွေကသာ မြို့မ ဘုန်းကြီးကျောင်း ရှေ့မှ သူတို့လုပ်သလို လုပ်မယ်ဆိုရင် ဖမ်းဆီး ထောင်ချခံရမယ့် အပြင် ရိုဟင်ဂျာ အိမ်တွေလည်း မီးရှို့ခံရမှာပါ။ တရား ဥပဒေက ရိုဟင်ဂျာတွေဘက်က ရပ်တည် မပေးတဲ့အပြင် တစ်ဖက်ကလူတွေကို အာဏာပိုင်တွေ ကိုယ်တိုင် မြှောက်ပေးထားသလို ဖြစ်နေတယ်” ဟု မြို့ခံ လူငယ် တစ်ဦးက ပြောပါသည်။ 

ညမထွက်ရ အမိန့်နှင့် လူ (၅) ဦးထက် ပို၍ အစုအဝေး မလုပ်ရ အမိန့်ကို ယခုလ (၈) ရက်နေ့တွင် နောက်ထပ် (၂) လ တိုးမြှင့်ခဲ့သည်။ အဆိုပါ အမိန့်တွင် အများပြည်သူနှင့် ဆိုင်သော ဗလီ၊ ဈေး၊ ပန်းခြံနှင့် အများသွားလာသည့် လမ်းတွင် လူ (၅) ဦးထက် ပိုမစုရဟု ပါရှိသော်လည်း ဒေသခံ အာဏာပိုင်များ၏ ဦးဆောင်မှုဖြင့် ရထားဆွဲ ပွဲတော်ကို ကျင်းပနိုင်သလို၊ ည (၁၁) နာရီကျော် နောက်ပိုင်းတွင် အပြင်မထွက်ရ အမိန့်ကို ကျူးလွန် ဖောက်ဖျက်၍ ဗလီရှေ့တွင် ရမ်းကားနိုင်ခြင်းသည် ပုဒ်မ ၁၄၄ ကို ဒေသခံ အာဏာပိုင်များနှင့် ရခိုင် ဗုဒ္ဓဘာသာဝင် များကသာ ကျူးလွန်နေခြင်းမှာ ထင်ရှားနေသည်။ 

ထို့အပြင် အဆိုပါ အမိန့်တွင် တည်ငြိမ်မှုကို ပျက်ပြားအောင် ဆူပူ အကြမ်းဖက်ရန် အကြောင်းရှိသည့် အတွက် ဤအမိန့်ကို ထုတ်ပြန်ရခြင်း ဖြစ်သည် ဟု ပါရှိသော်လည်း အမှန်တကယ် ဆူပူ အကြမ်းဖက်သူ များမှာ ဒေသခံ အာဏာပိုင် များနှင့် ရခိုင် ဗုဒ္ဓဘာသာဝင် များသာ ဖြစ်သည်။ 

အဆိုပါ ဗလီကြီးရှေ့တွင် ရမ်းကားနေခြင်းကို ရိုဟင်ဂျာများက တစ်စုံတစ်ရာ တုန့်ပြန်မည်ဆိုပါက ဆူပူသည်ဟု အကြောင်းပြ၍ ရိုဟင်ဂျာများ၏ နေအိမ်များကို အကြမ်းဖက်ခြင်း၊ ရိုဟင်ဂျာများကို ညှဉ်းပန်း နှိပ်စက် သတ်ဖြတ်ခြင်း လုပ်ဆောင်နိုင်အောင် အကွက်ကျကျ ကြိုတင် စီစဉ်ခဲ့ခြင်း ဖြစ်ကြောင်း မြို့မိမြို့ဖ တစ်ဦးက ပြောပါသည်။

24.2.2016

မြန်မာနိုင်ငံ အတွင်း ဘာသာရေး ဆိုင်ရာ အယူအဆ လွဲမှားမှုနဲ့ သဘောထား တင်းမာမှုတွေ တနေ့တခြားတိုးပွား လာနေပြီး မွတ်စလင်တွေ အပေါ် ခွဲခြား ဆက်ဆံမှုတွေ၊ ရန်ပြုမှု တွေကို မြန်မာ အစိုးရ အနေနဲ့ ပြီးခဲ့တဲ့ တစ်နှစ် အတွင်း ထိထိရောက်ရောက် ကိုင်တွယ် ဖြေရှင်းနိုင်ခြင်း မရှိခဲ့ဘူးလို့ နိုင်ငံတကာ လွတ်ငြိမ်း ချမ်းသာခွင့် အဖွဲ့ AI က ထုတ်ဖေါ် ပြောဆို လိုက်ပါတယ်။

လန်ဒန်မြို့ အခြေစိုက် AI အဖွဲ့က ဒီကနေ့ ဖေဖေါ်ဝါရီလ ၂၄ ရက်နေ့စွဲနဲ့ ထုတ်ပြန်လိုက်တဲ့ ၂ဝ၁၅-၁၆ ခုနှစ် အတွက် နှစ်ပတ်လည် လူ့အခွင့်အရေးအစီရင်ခံစာမှာ မြန်မာအာဏာပိုင်တွေဟာ ပြီးခဲ့တဲ့ နိုဝင်္ဘာ ရွေးကောက်ပွဲ မတိုင်မီ ကာလအတွင်း ဗုဒ္ဓဘာသာဝင်တွေထဲက သဘောထားတင်းမာတဲ့ အမျိုးသားရေး ဝါဒီအဖွဲ့အစည်းတွေကို တန်ခိုးသြဇာ ပိုမိုကြီးမားအောင် အားပေးခွင့်ပြုခဲ့ကြောင်း၊ ရခိုင်ပြည်နယ်က အဖိနှိပ်ခံ ရိုဟင်ဂျာတွေရဲ့ ဘဝတွေ ကလည်း တနေ့တခြားပိုမိုဆိုးဝါးလာခဲ့ကြောင်း၊ ပြီးခဲ့တဲ့နှစ်အတွင်း လွတ်လပ်စွာ ဆန္ဒသဘောထားဖေါ်ထုတ်ခွင့်၊ ဖွဲ့စည်းခွင့် နဲ့ ငြိမ်းချမ်းစွာစုဝေးခွင့်တွေလည်း ပိုမိုဖိနှိပ်ချုပ်ချယ်ခံခဲ့ရကြောင်း ဖေါ်ပြထားပါတယ်။

ဒါ့အပြင် လက်နက်ကိုင်ပဋိပက္ခဖြစ်ပွားရာ ဒေသတွေမှာ နိုင်ငံတကာ ဥပဒေတွေကို ဥပက္ခာပြုပြီး လူ့အခွင့်အရေး ချိုးဖေါက်မှုတွေ ဆက်လက်ဖြစ်ပွားတဲ့သတင်းတွေကို ရရှိခဲ့ကြောင်း၊ အစိုးရလုံခြုံရေးတပ်ဖွဲ့တွေကလည်း သူတို့ရဲ့ လူ့အခွင့်အရေးချိုးဖေါက်မှုတွေကို သက်ဆိုင်ရာက အရေးယူမှုမရှိသလောက်ဖြစ်တဲ့အတွက် လွတ်လွတ်လပ်လပ် ဆက်လက်ကျူးလွန်နေကြကြောင်း စသဖြင့် နိုင်ငံတကာ လွတ်ငြိမ်းချမ်းသာခွင့်အဖွဲ့ရဲ့ ၂ဝ၁၅၊ ၁၆ ခုနှစ် အစီရင်ခံစာနိဒါန်းမှာ ရေးသားထားပါတယ်။

ခွဲခြားဆက်ဆံမှုဆိုင်ရာ အသေးစိပ်ဖေါ်ပြချက်တချို့မှာတော့ မြန်မာနိုင်ငံမှာ တခြားဘာသာဝင်တွေ အထူးသဖြင့် မွတ်စလင်တွေအပေါ်မုန်းတီးမှုတွေ သိသိသာသာ တိုးပွားလာနေပြီး အမျိုးဘာသာ သာသနာစောင့်ရှောက်ရေး ဥပဒေ ၄ ခုကို ပြီးခဲ့တဲ့နှစ်အတွင်း လွှတ်တော်က အတည်ပြုပြဌာန်းခဲ့ကြောင်း၊ အဲဒီမျိုးစောင့်ဥပဒေတွေထဲမှာ ဘာသာရေးနဲ့ ကျားမဆိုင်ရာ နှိမ့်ချခွဲခြားမှုတွေပါဝင်နေကြောင်း၊ ဘာသာရေးအစွန်းရောက် မျိုးချစ်ဝါဒီအဖွဲ့တွေက ဦးစွာကမကထပြုလုပ်ပြီးတင်ပြခဲ့တဲ့ ဒီဥပဒေတွေအပေါ် ဝေဖန်ပြောကြားသူတွေကို ထောင်ဒဏ်ပေးအရေးယူ တာတွေ၊ ခြိမ်းခြောက်ရန်ပြုမှုတွေ ပေါ်ပေါက်ခဲ့ကြောင်း ရေးသားထားပါတယ်။

ရိုဟင်ဂျာတွေနဲ့ ပတ်သက်လို့တော့ အဲဒီလူနည်းစု မွတ်စလင်တွေဟာ ဆေးဝါးကုသခွင့်၊ ပညာသင်ကြားခွင့်၊ အလုပ်လုပ်ကိုင်ခွင့်၊ သွားလာခွင့်တွေမှာ မြန်မာပြည်တွင်းက တခြားသူတွေနည်းတူမရရှိဘဲ အနှိမ်ခံနေရကြောင်း၊ ဖမ်းဆီးခံနေရစဉ် ညှင်းပမ်းမှုတွေ သေဆုံးမှုတွေရှိသလို အဲဒီသူတွေရှိတဲ့ ရခိုင်ပြည်နယ်က ဒေသတွေ ကို နိုင်ငံတကာအဖွဲ့အစည်းတွေ သွားရောက်ခွင့်ကိုလည်း သက်ဆိုင်ရာက တင်းကျပ်စွာ ကန့်သတ် ထားကြောင်း ဖေါ်ပြထားပါတယ်။

နိုင်ငံရေးအကျဉ်းသားတွေ၊ လွတ်လပ်စွာ ဆန္ဒသဘောထားထုတ်ဖေါ်ခွင့်တွေနဲ့ ပတ်သက်လို့တော့ ကျောင်း သားတွေအပါအဝင် ငြိမ်းချမ်းစွာ ဆန္ဒဖေါ်ထုတ်သူတွေကို အစိုးရက ဆက်လက်ဖမ်းဆီး အကျဉ်းချနေကြောင်း၊ ပြီးခဲ့ တဲ့နှစ်ကုန်အထိ ယုံကြည်ချက်ကြောင့် အကျဉ်းကျနေသူ ၁ဝဝ ကျော်ရှိကြောင်း၊ ဇူလိုင်လအတွင်း အကျဉ်းသား ၇ထောင်လောက် လွတ်ပေးခဲ့ရာမှာ နိုင်ငံရေးအကျဉ်းသားက ၁၁ ဦးပဲပါဝင်ကြောင်း၊ အစိုးရက စာနယ်ဇင်းသမားတွေ၊ လူ့အခွင့်ရေးလှုပ်ရှားသူတွေကို နောက်ယောင်ခံလိုက်ခြင်း၊ ဓါတ်ပုံရိုက်ခြင်း၊ သူတို့အိမ်တွေ ရုံးခန်းတွေကို ဝင်ရောက် မွှေနှောက်ရှာဖွေခြင်း၊ ရန်ပြုခြင်း၊ တရားစွဲဆိုခြင်း မိသားစုဝင်တွေကို ခြိမ်းခြောက်ခြင်း စသဖြင့် ပုံသဏ္ဏန်မျိုးစုံနဲ့ ဆက်လက်ဖိနှိပ်နေကြောင်း ဖေါ်ပြထားပါတယ်။

တဆက်တည်းမှာပဲ အစိုးရက တိုင်းရင်းသားလက်နက်ကိုင်အဖွဲ့ ၈ ဖွဲ့နဲ့ အောက်တိုဘာ ၁၅ ရက်နေ့ မှာ နိုင်ငံလုံးဆိုင်ရာ အပစ်ခတ်ရပ်စဲရေးစာချုပ်ကို လက်မှတ်ထိုးခဲ့ပေမယ့် တိုင်းရင်းသား အဖွဲ့အားလုံး ပါဝင်ခြင်းမရှိကြောင်း၊ တချို့ကို မြန်မာ့တပ်မတော်က လက်မခံလို့ ချန်ခဲ့တာဖြစ်ကြောင်း၊ ကချင်ပြည်နယ်နဲ့ ရှမ်းပြည်နယ်တွေမှာ တိုက်ပွဲတွေ၊ သတ်ဖြတ်မှုတွေ၊ မုဒိမ်းကျင့်မှုတွေ၊ နေရပ်စွန့်ခွာထွက်ပြေးမှုတွေ ဆက်လက်ဖြစ်ပေါ်နေကြောင်း၊ မြန်မာ့တပ်မတော်က ကလေးစစ်သား ၁၅ဝ ခန့်ကို ပြန်လွှတ်ပေးခဲ့ပေမယ့် ကလေးစစ်သား အဓမ္မစုဆောင်းမှုတွေကို အစိုးရတပ်ဖွဲ့တွေနဲ့ တခြားလက်နက်ကိုင်အဖွဲ့တွေက ဆက်လက် ကျူးလွန်နေကြောင်း တင်ပြထားပါတယ်။

ဒါ့အပြင် စက်မှုလုပ်ငန်းတွေကြောင့် ပတ်ဝန်းကျင်ပျက်စီးမှု လေထုညစ်ညမ်းမှု လုပ်ငန်းခွင် လုံခြုံစိတ်ချရခြင်းကင်းမှု စတဲ့ ပြသနာတွေအပါအဝင် လူသားတွေရဲ့မွေးရာပါအခွင့်အရေးတွေကို ကာကွယ်ရေးအတွက်လည်း မြန်မာနိုင်ငံမှာ ဥပဒေတွေ အလုံအလောက်မရှိသေးကြောင်း၊ သတ္ထုတူးဖေါ်ရေးလုပ်ငန်းတွေမှာ လူ့အခွင့်ရေး ဖေါက်ဖျက်မှုတွေ အိုးအိမ်မဲ့ဖြစ်ရတာတွေ အများအပြားရှိနေကြောင်း၊ ကုလသမဂ္ဂရဲ့ စာရင်းဇယားတွေအရ မြန်မာနိုင်ငံမှာ မိမိတို့ဇာတိမွေးရပ်ကနေ စစ်မက်နဲ့ ဖိနှိပ်ညှင်းပမ်းမှုအပါအဝင် အကြောင်းမျိုးစုံကြောင့် ထွက်ပြေးနေရသူ ၂ သိန်း ၃ သောင်းကျော်ရှိနေကြောင်း ဖေါ်ပြထားပါတယ်။

အရေးယူခြင်းက လွတ်ကင်းမှု အခန်းမှာတော့ မြန်မာပြည်မှာ လုံခြုံရေးတပ်ဖွဲ့တွေရဲ့ လူ့ခွင့်ရေးချိုးဖေါက်မှုတွေ အကျယ်အပျံ့ဆက်လက်ဖြစ်ပွားနေပြီး အရေးယူမှု မရှိသလောက်ဖြစ်ကြောင်း၊ သတင်းထောက် ကိုပါကြီး အသတ်ခံရမှုအတွက် စွဲချက်တင်ခံရတဲ့ တပ်မတော်အရာရှိ ၂ ဦးကို စစ်ခုံရုံးက အပြစ်ကင်းမဲ့တယ်လို့ ဆုံးဖြတ်ခဲ့ကြောင်း၊ ဒီအမှုကို ရဲတပ်ဖွဲ့က စုံစမ်းလို့ မပြီးခင်၊ တရားရုံးကစစ်ဆေးလို့ မပြီးဆုံးခင်မှာ စစ်ခုံရုံးက အခုလို ဆုံးဖြတ်ခဲ့တာဖြစ်ကြောင်း စသဖြင့် လန်ဒန်မြို့အခြေစိုက် AI ခေါ်နိုင်ငံတကာ လွတ်ငြိမ်းချမ်းသာခွင့်အဖွဲ့ က ဒီကနေ့ ဖေဖေါ်ဝါရီလ ၂၄ ရက်နေ့စွဲနဲ့ ထုတ်ပြန်လိုက်တဲ့ နှစ်ပတ်လည် လူ့အခွင့်အရေးအစီခံစာ မှာ ဖေါ်ပြထားပါတယ်။

ဖေဖော်ဝါရီလ (၂၃) ရက်နေ့ ည (၆) နာရီ အချိန်တွင် ဂျပန်နိုင်ငံ၊ Gunma ခရိုင်၊ Maebashi မြို့တွင် Asahi သတင်းစာမှ သတင်းထောက် Mrs Mayuri Ito ဦးဆောင်၍ ဂျပန် ရှေ့နေများ အသင်းနှင့် ဆွေးနွေးပွဲ တစ်ရပ် ကျင်းပခဲ့သည်။ 

ဆွေးနွေးပွဲသို့ ရိုဟင်ဂျာ အရေး စိတ်ဝင်စားသည့် ဂျပန် ရှေ့နေများ ၅၀ ခန့်နှင့် မြန်မာနိုင်ငံသား ရိုဟင်ဂျာများ အသင်းမှ ဥက္ကဌ ဦးဟာရွန်ရော်ရှိတ်၊ ဒု-ဥက္ကဌ ဦးအောင်တင်၊ အတွင်းရေးမှူး ဦးမိုဟာမတ်ခါန်းနှင့် အဖွဲ့ဝင် အချို့ တက်ရောက် ဆွေးနွေးခဲ့သည်။ 

သတင်းထောက် Mr Ito က ဂျပန်နိုင်ငံရှိ ရိုဟင်ဂျာ လူမျိုးများ၏ လူနေမှု ဘ၀ အခြေအနေ၊ လွန်ခဲ့သည့်လက မြန်မာနိုင်ငံသို့ သွားရောက်၍ မှတ်တမ်းတင်ခဲ့သည့် ဒုက္ခသည် စခန်းများရှိ ရိုဟင်ဂျာများ၏ အခြေအနေ၊ ရန်ကုန်ရှိ ရိုဟင်ဂျာ ခေါင်းဆောင်များ၏ ထွက်ဆို ပြောကြားချက်များ၊ မြန်မာ့ ဒီမိုကရေစီ အခြေအနေများ၊ ဒေါ်အောင်ဆန်းစုကြည် ဦးဆောင်သော NLD ပါတီ၏ ရှေ့လုပ်ငန်းစဉ် အခြေအနေများ၊ လွှတ်တော်တွင် စစ်တပ်မှ ကိုယ်စားလှယ် ၂၅% နှင့် အရေးကြီး ၀န်ကြီး ဌာန (၃) ကို ထိန်းချုပ် ထားမှုတို့ကို ဂျပန်ဘာသာဖြင့် အသေးစိတ် ဆွေးနွေးခဲ့သည်။ 

ထို့နောက် ရိုဟင်ဂျာ အရေးနှင့် ပတ်သက်၍ လိုအပ်ချက်များ၊ ယနေ့ထိ ဂျပန်နိုင်ငံတွင် နေထိုင်ခွင့် မရသေးသည့် ရိုဟင်ဂျာ (၁၁) ဦး ကိစ္စ၊ ဂျပန်နိုင်ငံသည် မြန်မာနိုင်ငံ၏ ကုန်သွယ်ဖက် နိုင်ငံဖြစ်သည့် အတွက် လူ့အခွင့်အရေး ကိစ္စတွင် ဦးစားပေးသွားရန် ဦးဟာရွန်ရော်ရှိတ်နှင့် ဦးအောင်တင် တို့က တင်ပြခဲ့သည်။ 

တက်ရောက်လာသူများမှ မေးမြန်းသည်များကို သတင်းထောက် Mrs Ito၊ ဦးဟာရွန်ရော်ရှိတ်နှင့် ဦးအောင်တင်တို့က ရှင်းလင်း ဖြေကြားခဲ့ပြီး ဆွေးနွေးပွဲကို ည (၈) နာရီ အချိန်တွင် ရုပ်သိမ်းခဲ့သည်။