ကိုထက်အောင်

ဗွီအိုအေမြန်မာပိုင်း

21.3.2016

အမျိုးသား ဒီမိုကရေစီ အဖွဲ့ချုပ် (NLD) ပါတီက ဦးဆောင် ဖွဲ့စည်းမယ့် အစိုးရ အဖွဲ့ဝင် ၀န်ကြီးတွေ အမည်စာရင်းကို လွှတ်တော်ကို ပေးပို့လိုက်ပြီ ဖြစ်တဲ့ အကြောင်း ပါတီပြောခွင့်ရသူ ဒေါက်တာဇော်မြင့်မောင် ကပြောပါတယ်။ အစိုးရ အဖွဲ့ထဲ မှာတော့ NLD ပါတီက သာမက တိုင်းရင်းသားတွေ ပြင်ပက ကျွမ်းကျင်သူတွေပါ ပါဝင်မှာ ဖြစ်တယ် လို့လည်း ပြောပါတယ်။ အပြည့်အစုံ ကိုတော့ ဆက်သွယ် စုံစမ်းထားတဲ့ ဗွီအိုအေ မြန်မာပိုင်း သတင်းထောက် ကိုထက်အောင်က ပြောပြ ပေးမှာပါ။

NLD အစိုးရသစ် လက်ထက်မှာ ပြန်လည် ဖွဲ့စည်းမယ့် ၀န်ကြီးဌာန ၂၁ ခု အတွက် ၀န်ကြီးတွေရဲ့ အမည်စာရင်းကို ပြည်ထောင်စု လွှတ်တော်ကို ပေးပို့လိုက်ပြီ မနက်ဖြန်မှာ လွှတ်တော်တွင်း တရားဝင် ကြေညာလိမ့်မယ် လို့လည်း မျှော်လင့် ရပါတယ်။ NLD က ခန့်အပ် တာဝန် ပေးမယ့် သူတွေထဲ မှာတော့ ပါတီဝင်တွေရော ပြင်ပက လူတွေပါ နယ်ပယ် အသီးသီးက ပါဝင်မှာ ဖြစ်တယ်လို့ ပါတီပြောခွင့်ရသူ ဒေါက်တာ ဇော်မြင့်မောင်က ပြောပါတယ်။

“ပြည်ထောင်စုလွှတ်တော်ကို ပေးရတာ ဒီ ရွေးကောက်တင်မြှောက်ခံထားရတဲ့ သမ္မတကနေပြီးတော့ ပေးရတာပေါ့ကွာ။ အမျိုးသမီး ဘယ်နှစ်ယောက်တွေမမေးပါနဲ့ ၊ အမျိုးသမီးပါတယ်။ NLD ပါတယ် ။ ပညာရှင်လည်းပါတယ်။ NLD ပါတယ် ။ တိုင်းရင်းသားလည်းပါတယ်။ ပညာရှင်လည်းပါတယ်နော်။”

NLD အစိုးရသစ် လက်ထက်မှာ အသစ်ဖွဲ့စည်းမယ့် တိုင်းရင်းသားရေးရာ ၀န်ကြီးဌာနအတွက်ကိုတော့ တိုင်းရင်းသား ခေါင်းဆောင် တဦးကိုတာဝန်ပေးဖို့ စီစဉ်ထားတယ်လို့လည်း ဒေါက်တာဇော်မြင့်မောင်က ပြောပါတယ်။

“တိုင်းရင်းသားရေးရာ ၀န်ကြီးဌာနမှာ တိုင်းရင်းသား တဦးကို တာဝန်ပေးတယ်ဆိုတာပြောတာပါ။ နောက် နိုင်ငံရဲ့အကျိုးကိုပြုတာ ပြည်သူ့လွှတ်တော်ကိုယ်စားလှယ်မှ အကျိုးပြုနိုင်တာလား၊ ကျန်တဲ့ အပြင်ကလူတွေက အကျိုးမပြုနိုင်ဘူးလား ဒါတွေလည်း စဉ်းစားရဦးမှာပေါ့။”

၂၀၀၈ ခုနှစ် ဖွဲ့စည်းပုံ အခြေခံဥပဒေအရ သမ္မတတာဝန်ယူခွင့်မရှိတဲ့ ပါတီ ဥက္ကဋ္ဌ ဒေါ်အောင်ဆန်းစုကြည် အနေနဲ့ အစိုးရသစ်မှာ ဘယ်လို အခန်းကဏ္ဍက တာဝန်ယူမလဲ ဆိုတာကတော့ ရှင်းရှင်းလင်းလင်း မသိရပါဘူး။ ဒါပေမဲ့လည်း ပါတီနဲ့ အစိုးရသစ်ကိုပါ ဦးဆောင်မှု ပေးနိုင်ဖို့ ရည်ရွယ်ထားတယ်လို့လည်း ဒေါက်တာဇော်မြင့်မောင်က ပြောပါတယ်။

“ဒေါ်အောင်ဆန်းစုကြည်က အမျိုးသားဒီမိုကရေစီအဖွဲ့ချုပ်ရဲ့ ဥက္ကဋ္ဌ အဲတော့ NLD ဖွဲ့တဲ့ အစိုးရကိုလည်း ဒေါ်အောင်ဆန်းစုကြည်ပဲ ဦးဆောင်မှာပေါ့ဗျာ။NLD ကြီးကို ဦးဆောင်တဲ့ ဒေါ်အောင်ဆန်းစုကြည်ဖြစ်တဲ့အတွက် NLD ဖွဲ့တယ်ဆိုရင်လည်း ဒေါ်အောင်ဆန်းစုကြည်က ဦးဆောင်မှာပါ။ အဲဒီကျတော့ ရာထူး Position ဆိုတာ အရေးကြီးသေးသလား။”

NLD အစိုးရသစ်က ၀န်ကြီးဌာန အများစုအတွက် ခန့်အပ်တာဝန်ပေးမှာ ဖြစ်ပေမဲ့ အရေးကြီးတဲ့ ၀န်ကြီးဌာန ၃ ခုဖြစ်တဲ့ ပြည်ထဲရေး၊ ကာကွယ်ရေးနဲ့ နယ်စပ်ရေးရာဝန်ကြီးဌာနတွေအတွက် တပ်မတော်ကာကွယ်ရေးဦးစီးချုပ်က တိုက်ရိုက်ခန့်အပ်သွားမှာလည်း ဖြစ်ပါတယ်။

Rohingya Eye

RB News
20.3.2016

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း၊ လောင်းဒုံ ကျေးရွာအုပ်စု၊ ဆင်သေပြင်ရွာ၌ နွေစပါး စိုက်ပျိုးရေး လွယ်ကူစေရေး အတွက် ရေကာတာ စီမံကိန်း တစ်ခုကို ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) မှ ငွေကျပ် သိန်းပေါင်း ထောင်ချီသုံးစွဲ၍ ၂၀၁၅ ခုနှစ် အစောပိုင်းကာလမှ စ၍ အကောင်အထည်ဖော် တည်ဆောက်ခဲ့သည်။ 

စီမံကိန်း ကြီးကြပ်ရေး အတွက် မြေပိုင်ရှင်များ၊ လယ်သမားများနှင့် ရပ်ရွာလူကြီးများ ပါဝင်သော ကော်မီတီ တစ်ရပ် ဖွဲ့စည်းချိန်တွင် ကျေးရွာ အုပ်ချုပ်ရေးအဖွဲ့မှ ကြားဝင်၍ ၎င်းတို့ နှစ်သက်ရာ ပုဂ္ဂိုလ်အချို့ ထည့်သွင်းခဲ့သည်။ လောင်းဒုံ ကွင်းအမှတ် ၄၄ (ဆ) ၌ ဒေသခံများပိုင် တောင်ကြားရှိ လယ်ယာမြေ (၁၀) ဧက နီးပါးကို ပတ်၍ ရေကာတာ ဆည်ဖို့ရန် UNHCR နှင့် မြေပိုင်ရှင်များ အကြား သဘောတူညီချက် တစ်ခု ရရှိခဲ့သည်။

ယင်းသဘော တူညီချက် အရ စီမံကိန်းမှ အကျိုးခံစားပြီး နွေစပါး စိုက်ပျိုးရာတွင် လယ်သမားများ အနေဖြင့် ရေကာတာ အတွင်း ရေအောက်တွင် ပါသွားသည့် လယ်ယာမြေ ပိုင်ရှင်များကို ကာလ ပေါက်ဈေးအတိုင်း ငှားရမ်းခ ပေးရမည် ဖြစ်သည်။ သို့သော် ယခုအချိန်တွင် ကြီးကြပ်ရေး ကော်မီတီဝင် အဖြစ် အတင်း ပါဝင် လာခဲ့သည့် ဦးဟိုက်ရုလ်အာမီးန် (ဘ) ဦးဆွေဒူလ္လာ (အသက် ၃၅ နှစ်) က နွေစပါး စိုက်ပျိုးနေသည့် လယ်ယာမြေ ဧကပေါင်း (၄၈) ဧကမှ တစ်ဧကလျှင် ငွေကျပ် (၆) သောင်းကျော်စီ အဆမတန် ကောက်ခံခဲ့ပြီး ရေကာတာ အတွင်း ရေအောက်တွင် ပါသွားသည့် မြေပိုင်ရှင်များ ဖြစ်ကြသော အောက်ပါ လယ်သမားများကို တစ်ဝက်သာ ပေးပြီး ကျန်တစ်ဝက်ကို အလွှဲသုံးစား ပြုလုပ်နေသည်ဟု ဒေသခံများက RB News သို့ပြောပါသည်။ 

ထို့ကြောင့် သက်ဆိုင်ရာ ဆည်မြောင်း ဦးစီးဌာနနှင့် UNHCR တို့မှ သိစေရန်နှင့် ဆင်းရဲသည့် လယ်သမားများ၏ ငွေများကို အုပ်ချုပ်ရေးမှူး အာဏာပြ၍ အလွှဲသုံးစား ပြုလုပ်နေသည့် ဦးဟိုက်ရုလ်အာမီးန်အား အရေးယူ ဆောင်ရွက်ပေးပြီး ကြီးကြပ်ရေး ကော်မီတီဝင် အဖြစ်မှ ရပ်စဲပေးပါရန် အနူးအညွတ် ပန်ကြားလိုသည်ဟု ဒေသခံ လယ်သမား တစ်ဦးက ပြောပါသည်။ 

ရေကာတာ စီမံကိန်း၌ ရေအောက်တွင် ပါသွားခဲ့သည့် လယ်ပိုင်ရှင် များမှာ -- 

(၁) ဦးဇာဖောရ် (ဘ) ဦးဘော်ဒီရာမန် (အသက် ၅၃ နှစ်)

(၂) ဦးကာလူ (ဘ) ဦးဘော်ဒီရာမန် (အသက် ၅၉ နှစ်)
(၃) ဦးကာမာလ် (ဘ) ဦးကာလူ (အသက် ၄၂ နှစ်) -- တို့ဖြစ်ကြသည်။

RFA မြန်မာပိုင်း

20.3.2016

သူရ ဦးရွှေမန်း ဥက္ကဌ အဖြစ် ဆောင်ရွက်တဲ့ "ဥပဒေရေးရာနဲ့ အထူး ကိစ္စရပ်များ လေ့လာ ဆန်းစစ်ရေး ကော်မရှင်"ကို တပ်မတော်သား လွှတ်တော် ကိုယ်စားလှယ် တွေက ကန့်ကွက်မယ် ဆိုတဲ့ သတင်း ထွက်ပေါ်နေပါတယ်။

အဲဒီ သတင်း ထွက်ပေါ် နေတာ ကြားသိကြောင်းနဲ့ ကော်မရှင်ကို ကန့်ကွက်မယ် ဆိုရင် ပြည်ထောင်စု လွှတ်တော် မှာ မေးခွန်းတွေ သို့မဟုတ် အဆို တင်သွင်းရမှာ ဖြစ်တယ်လို့ အဲဒီကော်မရှင်ရဲ့ ဒုတိယဥက္ကဌ ဦးကိုကိုနိုင်က ပြော ပါတယ်။

"အဲ့လို သတင်း ထွက်တာတော့ရှိတယ်၊ ဒါပေမယ့်သူရဲ့လမ်းကြောင်းက ကျနော်တို့ ကော်မရှင်ရဲ့ ရပ်တည်မှု နဲ့ ပတ်သက်လို့ ကော်မရှင်ရဲ့အဆင့်အတန်းနဲ့ ပတ်သက်လို့ မေးခွန်းထုတ်တာ၊ ကန့်ကွက်တာလုပ်မယ် ဆိုရင် ကျနော်တို့ ပြည်ထောင်စုလွှတ်တော် ကဖွဲ့စည်းထားတဲ့ ကော်မရှင်ဖြစ်တဲ့အတွက် ပြည်ထောင်စု လွှတ်တော် နာယကဆီကို တပ်မတော်သားကိုယ်စားလှယ်တွေကနေပြီးတော့ မေးခွန်းမေးမြန်းလိုသော် လည်းကောင်း၊ အဆိုတင်သွင်းဖို့သော်လည်းကောင်း လုပ်ရမယ့်ကိစ္စ၊ တစ်ကယ် ဟုတ်မဟုတ်တော့ မသိဘူး၊ သတင်းထွက်လာတာ ကျနော်လည်းကြားပါတယ်"

အဲဒီကော်မရှင်ဟာ လက်ရှိတည်ဆဲဥပဒေ၊ နည်းဥပဒေတွေကို ခေတ်စနစ်နဲ့ ညီမညီ ဆိုတာတွေကို လေ့လာဆန်း စစ်ပြီး လွှတ်တော်ကို အကြံပြုရမယ့် အဖွဲ့ဖြစ်ပြီး ပြည်ထောင်စုလွှတ်တော်က အတည်ပြုထားတာဖြစ်ပါတယ်။

ပြီးခဲ့တဲ့ ဖေဖော်ဝါရီလ ၅ ရက်နေ့က အဲဒီကော်မရှင်ကို ဖွဲ့စည်းခဲ့ပြီး ဥက္ကဌ သူရဦးရွှေမန်း အပါအဝင် အဖွဲ့ဝင် ၃၅ ဦးပါဝင်ပါတယ်။ အဲဒီအထဲမှာ ရွေးကောက်ခံ လွှတ်တော် ကိုယ်စားလှယ် ၄ ဦးနဲ့ အငြိမ်းစား ဦးဆောင်ညွှန် ကြားရေးမှူးအဆင့်ရှိသူတွေ၊ အငြိမ်းစားသံအမတ်တွေ လွှတ်တော်ကိုယ်စားလှယ်ဟောင်းတွေ ပါဝင်ကြပါတယ်။

သူရဦးရွှေမန်းဟာ ကော်မရှင်ဥက္ကဌအဖြစ် လစာငွေမယူဘဲ တာဝန်ထမ်းဆောင် သွားမှာဖြစ်တယ်လို့ ကြေညာခဲ့ ပါတယ်။

Rohingya Eye
RB News
19.3.2016

MYARF
RB News
19.3.2016

MYARF
RB News
19.3.2016

Rohingya Eye
RB News
19.3.2016

MYARF
RB News
19.3.2016

19.3.2016

ရှမ်းပြည် မြောက်ပိုင်း ကွတ်ခိုင် တာမိုးညဲ ဒေသက မုန်းဝန်း မျိုးနွယ်စု တွေကို မုန်းဝန်း (ဗမာ) လို့ သတ်မှတ် ဆောင်ရွက်ဖို့ သမ္မတ ဦးသိန်းစိန် အစိုးရ က ဆောင်ရွက် လာပါတယ်။

၁၉၈၂ နိုင်ငံသား ဥပဒေ၊ အခန်း (၂) ပုဒ်မ (၈) အရ နိုင်ငံတော် သမ္မတ ကို ပေးအပ် ထားတဲ့ လုပ်ပိုင်ခွင့်နဲ့ အညီ အခုလို ဆောင်ရွက်တာ ဖြစ်တယ် လို့ လူဝင်မှု ကြီးကြပ်ရေးနဲ့ ပြည်သူ့ အင်အား ဝန်ကြီး ဌာန အမြဲတမ်း အတွင်းဝန် ဦးမြင့်ကြိုင်က ဘီဘီစီ ကို ပြောပါတယ်။

နိုင်ငံသား စိစစ်ရေး ကတ်ပြားတွေမှာ မုန်းဝန်း (ဗမာ) လူမျိုး ဆိုပြီး တပြေးညီ ထုတ်ပေးဖို့ သမ္မတ ဦးသိန်းစိန် က ညွန်ကြား ခဲ့တာ ဖြစ်ပါတယ်။

ဗွီအိုအေမြန်မာပိုင်း

18.3.2016

မြန်မာ နိုင်ငံ အတွက် လူ့အခွင့်ရေး ကောင်စီရဲ့ လူ့အခွင့်ရေး အခြေအနေ ဆိုင်ရာ UPR ပုံမှန် သုံးသပ်ချက် ရလဒ်တွေကို ဂျနီဗာမှာ ကြာသပတေးနေ့က အတည်ပြု ပေးခဲ့ ပါတယ်။ နိုင်ငံတကာက မြန်မာနိုင်ငံ အတွက် အကြံပေးချက် တွေထဲက ထက်ဝက်ကျော်ကို မြန်မာနိုင်ငံက လက်ခံ ခဲ့ပေမယ့် လူနည်းစု လူ့အခွင့်အရေး ဆိုင်ရာ အကြံပေးချက် အတော် များများကို ပယ်ချခဲ့တဲ့ အပေါ် လူ့အခွင့်ရေး အဖွဲ့တွေက ထောက်ပြ ဝေဖန် ခဲ့ကြပါတယ်။ အပြည့်အစုံကို ဒေါ်ခင်မျိုးသက် က ပြောပြမှာပါ။

ကုလသမဂ္ဂ လူ့အခွင့်အရေး ကောင်စီ ရဲ့ ၃၁ကြိမ်မြောက် UPR လုပ်ငန်းစဉ် ပုံမှန်ဆွေးနွေးပွဲ ကနေ မြန်မာနိုင်ငံနဲ့ ပတ်သက်ပြီး UPR ပုံမှန် သုံးသပ်ချက် ရလဒ်တွေကို အတည်ပြု ပေးခဲ့တာ ဖြစ်ပါတယ်။ ကြာသပတေးနေ့ ကျင်းပတဲ့ ဒီဆွေးနွေးပွဲမှာ ၂၀၁၅ နှစ်ကုန်က တင်သွင်းခဲ့တဲ့ အကြံပြုချက်တွေထဲက ထက်ဝက်ကျော်ကို လက်ခံခဲ့ကြောင်း ကုလသမဂ္ဂရဲ့ မြန်မာနိုင်ငံဆိုင်ရာ ကိုယ်စားလှယ် ဦးမောင်ဝေက ပြောကြားခဲ့ပါတယ်။

"ဒုတိယပါတ် UPR လုပ်ငန်းစဉ်မှာ မြန်မာနိုင်ငံ လက်ခံရရှိခဲ့တဲ့ အကြံပေးချက် ၂၈၁ ခုထဲက ၁၆၆ ခုကို မြန်မာက လက်ခံခဲ့ပါတယ်။ အခွင့်သင့်တုန်း မြန်မာနိုင်ငံရဲ့ လက်ရှိ အခြေနေကို ကောင်စီကို တင်ပြချင်ပါတယ်။ လက်ရှိအစိုးရဟာ အစိုးရသစ်ကို မကြာခင်မှာ အာဏာလွှဲပြောင်း ပေးဖို့ လုပ်နေပါတယ်။ သမ္မတ အသစ်ကို လည်း ရွေးချယ်ပြီးပါပြီ။ လက်ရှိ အစိုးရက မြန်မာလူထုအတွက် လူ့အခွင့်အရေး မြှင့်တင်ဖို့ နဲ့ အကာကွယ်ပေးဖို့ အခြေခံ အုတ်မြစ်ကောင်းတွေ ချပေးခဲ့ပါတယ်။ မြန်မာနိုင်ငံဟာ နောက်ပြန်လှည့်ဖို့ အကြောင်း မရှိပါဘူး။”

မြန်မာနိုင်ငံမှာ လူ့အခွင့်အရေးအခြေအနေ တိုးတက်အောင် အတတ်နိုင်ဆုံး လုပ်ဆောင်နေပေမဲ့ လိုအပ်ချက်တွေ ရှိနေသလို စိန်ခေါ်မှုတွေလည်း ရှိနေတယ်လို့ ဆိုပါတယ်။ ဒါကြောင့် နိုင်ငံတကာက ပူးပေါင်းဆောင်ရွက်ဖို့အပြင် အရပ်ဖက်လူမှု လူ့အဖွဲ့အစည်းတွေပါ ပူးပေါင်းပါဝင်ကြဖို့လည်း ဖိတ်ခေါ်ခဲ့တာပါ။

ဒီဆွေးနွေးပွဲမှာ မြန်မာနိုင်ငံရဲ့ အိမ်နီးချင်း တရုတ်နိုင်ငံက မြန်မာနိုင်ငံရဲ့ လူ့အခွင့်အရေး အခြေအနေနဲ့ပတ်သက်ပြီး နိုင်ငံတကာက မျှမျှတတ ကြည့်ကြဖို့ကိုလည်း ပန်ကြားခဲ့ပါတယ်။

"အမျိုးသမီးတွေနဲ့ ကလေးငယ်တွေရဲ့ ရပိုင်ခွင့်တွေနဲ့ ပါတ်သက်ပြီး တရုတ်နိုင်ငံရဲ့ အကြံပြုချက်တွေကို မြန်မာနိုင်ငံက လက်ခံခဲ့တဲ့အတွက် ကျေးဇူးတင်ပါတယ်။ လူ့အခွင့်ရေး ကာကွယ်ရေးနဲ့ မြှင့်တင်ရေးတွေနဲ့ ပါတ်သက်ပြီး နိုင်ငံတကာ အသိုင်းအဝိုင်းက မျှမျှတတ ကြည့်ဖို့ လိုအပ်ကြောင်းနဲ့ လူ့အခွင့်ရေး ကာကွယ်မြှင့်တင်ရေးမှာ ဆက်လက် တိုးတက်အောင် လုပ်ဖို့ တရုတ်နိုင်ငံက အားပေးနေပါတယ်။”

ရုရှားကလည်း မြန်မာနိုင်ငံမှာ ပြုပြင်ပြောင်းလဲရေးတွေနဲ့အတူ နေပြည်တော်အစိုးရက အတိမ်းအစောင်းမခံတဲ့ အရေးကိစ္စ တချို့ကို လက်ခံဆွေးနွေးလာတာအတွက် ကြိုဆိုခဲ့ပါတယ်။ ဂျပန်နိုင်ငံကတော့ လူနည်းစုတွေရဲ့ အခွင့်အရေးတွေကို အထူးအလေးပေးဖို့ တောင်းဆိုခဲ့တာပါ။

"မြန်မာဝန်ကြီးဌာနတွေနဲ့ အဖွဲ့အစည်းတွေရဲ့ UPR လုပ်ငန်းစဉ်မှာ တက်တက်ကြွကြွ ပါဝင်မှုနဲ့ လူ့အခွင့်ရေး တိုးတက်အောင်လုပ်ဖို့ မြန်မာနိုင်ငံရဲ့ သန္နိဋ္ဌာန် ချမှုတွေ အတွက် ဂျပန်နိုင်ငံက ကြိုဆိုပါတယ်။ မြန်မာနိုင်ငံက အကြံပေးချက် ၂၈၁ ခုထဲက ၁၆၆ ခုကို လက်ခံတာအတွက်ရော မြန်မာနိုင်ငံ တွင်း ရွေးကောက်ပွဲ အောင်အောင်မြင်မြင် ကျင်းပပေးတာနဲ့ သိသိသာသာ တိုးတက်မှုတွေ အတွက် ဝမ်းမြောက်ပါတယ်။ ဒါပေမယ့် မြန်မာနိုင်ငံမှာ ချောမွေ့တဲ့ အာဏာလွှဲပြောင်းမှုနဲ့ အတူ လူနည်းစုတွေနဲ့ အထူးသဖြင့် ရခိုင်ပြည်နယ်ထဲက ဘာသာရေး မတူတဲ့ လူနည်းစုတွေ အရေးကို အထူးအလေးထား ဖို့ တောင်းဆိုပါတယ်။"

ဆွေးနွေးပွဲမှာ ကုလသမဂ္ဂအဖွဲ့ဝင် နိုင်ငံတွေအပြင် နိုင်ငံတကာ လူ့အခွင့်အရေး အဖွဲ့တွေနဲ့ မြန်မာနိုင်ငံဆိုင်ရာ လူမှု လူ့အဖွဲ့အစည်းတွေကလည်း လူ့အခွင့်အရေး ဆိုင်ရာ မြန်မာနိုင်ငံရဲ့ လိုအပ်ချက်တွေကို ထောက်ပြပြောဆိုခဲ့ကြတာပါ။ အထူးသဖြင့် မူဆလင်လူနည်းစုတွေနဲ့ ရခိုင်ပြည်နယ်က ရိုဟင်ဂျာတွေနဲ့ပတ်သက်ပြီး အကြံပေးတင်ပြချက်တွေကို လက်မခံခဲ့တဲ့အပေါ်မှာ ပြင်းပြင်း ထန်ထန်ဝေဖန်ခဲ့ကြတာပါ။

ဒီအထဲမှာ Human Rights Watch လူ့အခွင့်အရေး အဖွဲ့ကြီးလည်း ပါပါတယ်။

"Human Rights Watch အဖွဲ့ အနေနဲ့ မြန်မာနိုင်ငံရဲ့ ပြီးခဲ့တဲ့ UPR သုံးသပ်မှု ကာလကနေ အခု အချိန်အတွင်း သိသာ ထင်ရှားတဲ့ ပြောင်းလဲမှုတွေ အတွက် ကြိုဆိုပါတယ်။ ဒါပေမယ့် အဓိက စိန်ခေါ်မှုတွေ ကျန်နေဆဲ ဖြစ်ပြီး နောက်ဆုံး အစီရင်ခံစာမှာ တကယ်စစ်မှန်တဲ့ တိုးတက်မှုတွေ တွေ့ချင်ပါတယ်။ ဒေသ ရဲတပ်ဖွဲ့တွေဟာ ဗဟို အစိုးရရဲ့ ကြီးကြပ်မှု အောက်မှာ ရှိမနေတာ မျိုးပါ။ စစ်တပ်က ရေးဆွဲထားတဲ့ ဖွဲ့စည်းပုံ အခြေခံ ဥပဒေအရ လက်နက်ကိုင် တပ်ဖွဲ့တွေကို ပြည်ထဲရေးနဲ့ နယ်စပ်လုံခြုံရေး ဝန်ကြီးဌာနတွေကနေ ကိုင်တွယ်နေတာမျိုး ဖြစ်ပါတယ်။ တရားရေးဌာနကလည်း အခုထိ အဂတိ လိုက်စားမှုတွေ ရှိနေပါတယ်။”

ဒါ့အပြင် မြန်မာနိုင်ငံမှာ နိုင်ငံရေး အကျဉ်းသားတွေ ရာနဲ့ချီပြီး ရှိနေတာ၊ နိုင်ငံရေး တက်ကြွလှုပ်ရှားသူ ၄၀၀ လောက် ရာဇဝတ်ပြစ်မှုတွေနဲ့ တရားရင်ဆိုင်နေရတာ၊ လက်နက်ကိုင် အဖွဲ့ ၈ ဖွဲ့နဲ့ အပစ်ရပ်စာချုပ် ချုပ်ဆိုနိုင်ပေမယ့် အခုထိ တိုက်ပွဲတွေ ဖြစ်ပွါးနေတာနဲ့ တိုက်ပွဲဖြစ်ပွါးတဲ့ ဒေသတွေမှာ ဒေသခံတွေ လူ့အခွင့်ရေး အချိုးဖေါက်ခံနေရတာတွေကိုပါ ထောက်ပြဝေဖန်ခဲ့ကြတာ ဖြစ်ပါတယ်။

မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း၊ အလယ်သံကျော် ကျေးရွာမှ ဦးဟာမိတ်၏ ဇနီး ဒေါ်ရာဖ်ဇားလ်ဦ (အသက် ၃၂ နှစ်) ၏ နေအိမ်သို့ မတ်လ (၁၀) ရက်နေ့ ညနေ (၅) နာရီ အချိန်တွင် နယ်မြေ (၇) နယ်ခြားစောင့် ရဲတပ်ဖွဲ့ စခန်းမှ နယ်ခြားစောင့်ရဲများ ရောက်ရှိလာပြီး၊ အိမ်ထဲသို့ ၀င်ကာ အိမ်အသစ် ဆောက်လုပ်နေခြင်း ဟုတ်၊ မဟုတ် စစ်ဆေးခဲ့သည်။ 

ထိုသို့ စစ်ဆေးရာတွင် MPT ဆင်းမ်ကဒ်သုံး ဖုန်းတစ်လုံး တွေ့ရှိရာ အဆိုပါ ဖုန်းကို ဘင်္ဂလား ဆင်းမ်ကဒ်သုံး ဖုန်းဟု ဆိုကာ သိမ်းဆည်းနေသဖြင့် ငွေကျပ် ၈ သောင်း ပေး၍ ဖုန်းကို နယ်ခြားစောင့်ရဲ များထံမှ ပြန်လည် ရယူခဲ့ရသည်။ 

အလားတူ ဦးအဒူဟောက် (ခ) ဦးအေဇာရ်မျာ (အသက် ၅၀ နှစ်) ၏ နေအိမ် ပြုပြင်နေသည်ကို အကြောင်းမကြားဟု စွပ်စွဲသဖြင့် အဆိုပါ နယ်ခြားစောင့်ရဲ များအား ငွေကျပ် ၄ သောင်းနှင့် ဓါတ်ဆီ ၅ ဂါလံ၊ စ.ရ.ဖ အဖွဲ့အား ငွေကျပ် ၁၅၀၀၀/- နှင့် အလယ်သံကျော် ကျေးရွာ အုပ်ချုပ်ရေးမှူး ဦးမောင်သက်နိုင်အား ငွေကျပ် ၃ သိန်း အသီးသီး ပေးခဲ့ရကြောင်း ဒေသခံများက RB News သို့ပြောပါသည်။

မနန္ဒာချမ်း

ဗွီအိုအေမြန်မာပိုင်း

16.3.2016

စစ်အစိုးရ အုပ်ချုပ်အောက် နှစ်ပေါင်း များစွာ ကျရောက် ခဲ့တဲ့ မြန်မာနိုင်ငံမှာ ပထမဦးဆုံး အကြိမ် အရပ်သား စစ်စစ် သမ္မတသစ် တဦးကို မတ်လ ၁၅ ရက်နေ့က အောင်မြင်စွာ ရွေးချယ်နိုင်ခဲ့တဲ့ အပေါ် နိုင်ငံတကာမှာ ရှိတဲ့ လူ့အခွင့်အရေး အဖွဲ့တွေက ကြိုဆိုခဲ့ ကြပါတယ်။ ရွေးကောက်ပွဲ အနိုင်ရ NLD ပါတီက ရွေးချယ် တင်မြှောက်ခဲ့တဲ့ ဦးထင်ကျော်ဟာ လူထု အကျိုးပြု ပရဟိတ လုပ်ငန်းတွေ ဆောင်ရွက်နေသူ တဦး ဖြစ်တာကြောင့် သူ့အစိုးရ လက်ထက်မှာ လူ့အခွင့်အရေး အခြေအနေ တိုးတက် ကောင်းမွန်အောင် ဆောင်ရွက်သွား နိုင်လိမ့်မယ် လို့လည်း လူ့အခွင့်အရေး အဖွဲ့တွေက မျှော်လင့် နေကြတာပါ။ အပြည့်အစုံကို မနန္ဒာချမ်းက တင်ပြ ထားပါတယ်။

၂၀၁၅ ရွေးကောက်ပွဲအနိုင်ရ NLD ပါတီ လွှတ်တော်အမတ်တွေ အများစုပါဝင်တဲ့ ပြည်ထောင်စုလွှတ်တော်ကနေ အင်္ဂါနေ့က အသက် ၇၀ အရွယ် ဦးထင်ကျော်ကို နှစ်ပေါင်း ၅၀ အတွင်း ပထမဆုံး အရပ်သားသမ္မတအဖြစ် ရွေးချယ်တင်မြှောက်လိုက်တာကြောင့် သူဟာ မြန်မာနိုင်ငံရဲ့ ၉ ဦးမြောက် သမ္မတဖြစ်လာခဲ့ပါပြီ။ ဦးထင်ကျော်ကို သမ္မတအဖြစ် ရွေးချယ်တာဟာ သစ္စာရှိမှု၊ စည်းကမ်းလိုက်နာမှု၊ မြန်မာနိုင်ငံနဲ့ နိုင်ငံတကာပြည်သူတွေ လေးစား ကြည်ညိုတဲ့ ပညာတတ် ပုဂ္ဂိုလ်ဖြစ်မှုဆိုတဲ့ မူ ၃ ချက်နဲ့ ဒေါ်အောင်ဆန်းစုကြည်က ရွေးချယ်ခဲ့တာဖြစပါတယ်။ ဒါ့အပြင် ဦးထင်ကျော်ဟာ ဒေါ်အောင်ဆန်း စုကြည်ကိုယ်တိုင် ကွယ်လွန်သူ မိခင်ကြီး ဒေါ်ခင်ကြည်ကို ဂုဏ်ပြုတည်ထောင်ထားတဲ့ လူထုအကျိုးပြု ပရဟိတလုပ်ငန်းတွေကို ပံ့ပိုးနေတဲ့ ဒေါ်ခင်ကြည် ဖောင်ဒေးရှင်းရဲ့ အလုပ်အမှုဆောင်တဦးလည်း ဖြစ်ပါတယ်။ ဒီလို ပညာတတ်၊ အများအကျိုး သယ်ပိုးနေတဲ့ အရပ်သားပုဂ္ဂိုလ်တဦး သမ္မတ ဖြစ်လာဟာ ဆယ်နှစ်ပေါင်းများစွာ မျှော်လင့်စောင့်စားခဲ့ရတဲ့ မြန်မာပြည်သူတွေအတွက် တကယ့် နေ့ထူးနေ့မြတ်ပါပဲလို့ ဆိုလာသူကတော့ နိုင်ငံတကာ လူ့အခွင့်အရေး စောင့်ကြည့်မှုအဖွဲ့ HRW ရဲ့ အာရှရေးရာဌာနခွဲက အလုပ်အမှုဆောင် ညွှန်ကြားရေးမှူး Brad Adams ဖြစ်ပါတယ်။

“အရပ်သားသမ္မတတဦး ထွက်ပေါ်လာတာ နေ့ထူးနေ့မြတ် တနေ့ပါ၊ မျှော်လင့်ချက်တွေလည်း အင်မတန်မှ မြင့်မားနေပါတယ်။ ဒါပေမဲ့လည်း အရပ်သား အစိုးရသစ်အနေနဲ့ အကန့်အသတ်နဲ့သာ လုပ်ကိုင်နိုင်မယ်၊ သူ့ဘာသာ ရုန်းကန်ရလိမ့်မယ် ဆိုတာကိုလည်း ကျနော်တို့ မမေ့ဖို့ လိုပါတယ်။ ဘာကြောင့်လဲ ဆိုတော့ စစ်တပ်က အဟန့်အတားတွေ လုပ်နိုင်သေးလို့ပါ။ သူတို့ကိုယ်သူတို့ ကာကွယ်နိုင်တယ်၊ ဆက်ပြီး ထိန်းချုပ်ထားနိုင်တဲ့ ကိစ္စတွေလည်း တော်တော် များများရှိနေဆဲ ဖြစ်ပါတယ်။ ဒါကြောင့်လည်း အခုအချိန်မှာ ပြုပြင်ပြောင်းလဲရေး လုပ်ငန်းတွေဟာ တ၀က်တပျက်နဲ့ မပြီးဆုံးသေးတဲ့ အဆင့်မှာပဲ ရှိနေပါသေးတယ်။”

အလားတူ အာရှလူ့အခွင့်အရေးကော်မရှင်က ရှေ့နေ ဦးမင်းလွင်ဦးကလည်း -

“ကျနော်တို့ အာရှလူ့အခွင့်အရေးကော်မရှင်အနေနဲ့ ပြောရမယ်ဆိုရင်တော့ ဦးထင်ကျော် အရပ်သားသမ္မတဖြစ်လာတဲ့အတွက် ကျနော်တို့ ဂုဏ်ယူ ၀မ်းမြောက်တယ်ဆိုတဲ့အကြောင်း ပထမဆုံး ပြောကြားလိုတယ်။ နောက်ပြီးတော့တခါ နိုင်ငံရေးအကျဉ်းသားတွေ လွတ်မြောက်ဖို့ကိစ္စရယ်၊ နောက်တခါ မြန်မာနိုင်ငံတွင်းက ပြည်သူလူထုတရပ်လုံးရဲ့ စားဝတ်နေမှုဖူလုံရေးနဲ့ နေ့စဉ်ဘ၀ လုံခြုံမှုအတွက် တရားဥပဒေစိုးမိုးရေးရှိအောင် ဆောင်ရွက်ပေးနိုင်မယ်လို့ ကျနော်တို့ အများကြီး မျှော်လင့်ထားတဲ့အတွက် မျှော်လင့်ထားတဲ့အတိုင်း ဖြစ်နိုင်အောင် ဆောင်ရွက်ပေးစေလိုတဲ့ဆန္ဒ ရှိပါတယ်လို့ ကျနော်တို့ကတော့ ပြောချင်ပါတယ်။”

ဒါ့အပြင် အရင် စစ်အစိုးရလက်ထက်က နာမည်ပျက်ခဲ့တဲ့ လူ့အခွင့်အရေးမှတ်တမ်းတွေကို ဦးထင်ကျော်ဦးဆောင်တဲ့ အစိုးရသစ်လက်ထက်မှာ တိုးတက် အောင် စွမ်းဆောင်နိုင်လိမ့်မယ်လို့လည်း HRW က မျှော်လင့်ထားပါတယ်။ NLD အစိုးရသစ်အနေနဲ့ စိန်ခေါ်မှုတွေလည်း အများကြီး ကြုံရနိုင်ပြီး၊ အထူးသဖြင့် တိုင်းပြည်စီးပွားရေးကို မျှတစွာ ဖွံ့ဖြိုးလာအောင် ကြိုးစားဖို့၊ အကျင့်ပျက်ခြစားမှုတွေ လျှော့ချဖို့၊ ဥပဒေနဲ့ညီတဲ့ စီးပွားရေးလုပ်ငန်းတွေ လုပ်ကိုင်ခွင့်ရအောင် ဖန်တီးပေးဖို့တွေ လိုအပ်တယ်လို့လည်း HRW က ထောက်ပြခဲ့ပါတယ်။ ဧပြီလ ၁ ရက်နေ့မှာ လက်ရှိ ပြည်ခိုင်ဖြိုးပါတီအစိုးရလက် ကနေ တရားဝင် အာဏာလွှဲပြောင်းရယူပြီး တက်လာတော့မယ့် NLD အစိုးရသစ်အနေနဲ့ အရင်ဆုံး လုပ်ဆောင်သင့်တဲ့ လူ့အခွင့်အရေးဆိုင်ရာ ကိစ္စနဲ့ ပတ်သက်လို့လည်း HRW က Brad Adams က အခုလို ပြောခဲ့ပါတယ်။

“NLD အစိုးရအနေနဲ့ လုပ်စေချင်တာ၊ လုပ်လည်းလုပ်ဖို့ လိုအပ်တာကတော့ ကျန်နေသေးတဲ့ နိုင်ငံရေးအကျဉ်းသားတွေ အားလုံးကို ပြန်လွှတ်ပေးဖို့ပါ။ အခြေခံ လွတ်လပ်ခွင့်တွေအတိုင်း ထုတ်ဖော်ပြောဆိုသူတွေကို နောက်ထပ် အရေးယူတာမျိုးတွေ ထပ်မဖြစ်အောင်လည်း အကောင်းဆုံး ကြိုးစားဖို့ လိုပါတယ်။”

အလားတူ အာရှလူ့အခွင့်အရေးကော်မရှင်ကလည်း - အရင် ခေတ်အဆက်ဆက် အစိုးရလက်ထက်တွေမှာဖြစ်ခဲ့တဲ့ လူ့အခွင့်အရေး ချိုးဖောက်မှုတွေ အတော်အတန် ရပ်ဆိုင်းသွားမယ်လို့ မျှော်လင့်ပြီး၊ ဒီလို လူ့အခွင့်အရေးအခြေအနေတွေ တိုးတက်ကောင်းမွန်ဖို့ဆိုရင် တရားဥပဒေစိုးမိုးရေးကဏ္ဍကို အဓိက မြှင့်တင်ဖို့ လိုအပ်တယ်လို့လည်း ထောက်ပြခဲ့တာပါ။

“အစိုးရသစ်နဲ့ အစိုးရအဟောင်းနဲ့ အာဏာတွေ လွှဲပြောင်းတဲ့ ကိစ္စရပ်မှာလည်း ကျနော်တို့ မျှော်လင့်ထားတာကတော့ လက်ကျန်နိုင်ငံရေး အကျဉ်းသား တွေ အားလုံးကို ပြန်လည် လွှတ်ပေးနိုင်ဖို့အတွက် စီမံဆောင်ရွက်မယ်လို့ ကျနော်တို့ မျှော်လင့်တယ်။ နောက်ပြီး လက်ရှိ အမှုရင်ဆိုင်နေရတဲ့ နိုင်ငံရေးနဲ့ နွယ်တဲ့ လှုပ်ရှားတက်ကြွသူတွေရဲ့ အမှုတွေကိုလည်း အမြန်ဆုံး ပြန်လည် ပြင်ဆင်သုံးသပ်ဖို့အတွက် တရားစီရင်ရေးမဏ္ဍိုင်ကို ထိန်းကျောင်းတည့်မတ် ပေးနိုင်မယ် လို့ ကျနော်တို့ မျှော်လင့်ထားပါတယ်။”

ရှေ့နေဦးမင်းလွင်ဦး ပြောသွားခဲ့တာပါ။ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် မစ် ယန်ဟီးလီ ကလည်း - တနင်္လာနေ့က ဂျနီဗာမှာပြုလုပ်တဲ့ ၃၁ ကြိမ်မြောက် လူ့အခွင့်အရေးကောင်စီမှာ အစီရင်ခံစာ တင်သွင်းခဲ့ရာမှာ - မြန်မာအစိုးရသစ်အတွက် လုပ်ဆောင်ရမယ့် ပထမ ရက်ပေါင်း ၁၀၀ နဲ့ ၁ နှစ်အတွင်း လုပ်ဆောင်ရမယ့် လူ့အခွင့်အရေး အခြေအနေ တိုးတက်ကောင်းမွန်အောင် အကြံပေးချက် ၈ ချက်ကို တင်ပြခဲ့ပြီး၊ သူ့အနေနဲ့လည်း ပူးပေါင်း ဆောင်ရွက်သွားဖို့ အဆင်သင့်ရှိပါတယ်လို့ ပြောကြားသွားခဲ့ပါတယ်။ ဒါ့အပြင် စစ်အစိုးရလက်ထက် လူ့အခွင့်အရေးချိုးဖောက်မှု တွေကြောင့် ကုလသမဂ္ဂကနေ နှစ်စဉ် ဆုံးဖြတ်ချက်တွေ ချမှတ်ခဲ့သလို၊ နိုင်ငံတကာကလည်း အရေးယူဒဏ်ခတ်ပိတ်ဆို့မှုတွေ ချမှတ်ခဲ့ရတဲ့ မြန်မာနိုင်ငံမှာ NLD အစိုးရလက်ထက်ကျရင် ဒီအခြေအနေတွေကို တိုးတက်ကောင်းမွန်အောင် လုပ်ဆောင်သွားနိုင်လိမ့်မယ်လို့လည်း လူ့အခွင့်အရေးအဖွဲ့တွေက မျှော်လင့်ထားကြတာ ဖြစ်ပါတယ်။

ကိုဇော်ဝင်းလှိုင်

ဗွီအိုအေမြန်မာပိုင်း

15.3.2016

ကုလသမဂ္ဂ လူ့အခွင့်အရေး ကောင်စီရဲ့ ၃၁ ကြိမ်မြောက် ညီလာခံ အတွင်း ကုလသမဂ္ဂ လူ့အခွင့်အရေး အထူး ကိုယ်စားလှယ် Ms. Yan Hee Lee က မြန်မာနိုင်ငံမှာ လွတ်တော် အပါအ၀င် အုပ်ချုပ်ရေး ယန္တရားတွေမှာ စစ်တပ်က ပါဝင်နေတာ၊ တရား ဥပဒေပိုင်း ဆိုင်ရာ တွေမှာ ပြုပြင် ပြောင်းလဲမှု လိုအပ် နေသေးတာ၊ ရခိုင်ပြည်နယ် အတွင်းက အခြေအနေတွေနဲ့ တိုင်းရင်းသား ဒေသတချို့မှာ တိုက်ပွဲတွေ ဆက်ဖြစ်နေသေးတာကြောင့် ဒုက္ခသည်တွေ တိုးများလာနေတာ စတဲ့ အချက်တွေကို မီးမောင်းထိုး တင်ပြ သွားပါတယ်။ လူ့အခွင့်အရေး အထူး ကိုယ်စားလှယ် Yan Hee Lee ရဲ့ အနာဂတ် အရေးနဲ့ ပတ်သက်လို့လည်း ဒီညီလာခံ အတွင်း လူ့အခွင့်အရေး ကောင်စီက ဆုံးဖြတ်ချက် ချဖို့ရှိနေပါတယ်။ အပြည့်အစုံ ကိုတော့ ကိုဇော်ဝင်းလှိုင်က တင်ပြ ပေးထားပါတယ်။

ဆွစ်ဇာလန်နိုင်ငံ၊ ဂျနီဗာမြို့မှာ ကျင်းပနေတဲ့ လူ့အခွင့်အရေး ညီလာခံမှာ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူး ကိုယ်စားလှယ် Ms. Yan Hee Lee က မြန်မာနိုင်ငံအတွင်းက လူ့အခွင့်အရေး နောက်ဆုံး အခြေအနေနဲ့ပတ်သက်လို့ မတ်လ ၁၄ ရက်၊ တနင်္လာနေ့က အစီရင်ခံစာ တင်သွင်းခဲ့တာပါ။

တချိန်က နိုင်ငံရေးအကျဉ်းသားတွေအဖြစ် အကျဉ်းချခံခဲ့ရသူတွေ အခု လွတ်တော်အမတ်တွေအဖြစ် ရွေးကောက် တင်မြောက်ခံရပြီး လွတ်တော်ထဲရောက်လာတာကို ကြည့်ခြင်းအားဖြင့် မြန်မာနိုင်ငံအတွင်းက လူ့အခွင့်အရေးအခြေအနေတွေဟာ အတိုင်းအတာတခုအထိ တိုးတက်မှုရှိခဲ့တယ်ဆိုတာကို ပြသနေတာဖြစ်တဲ့ အကြောင်း ယန်ဟီးလီက သူမရဲ့ အစီရင်ခံစာ အစမှာ အခုလို ပြောကြားလိုက်ပါတယ်။

“တချိန်ကလူ့အခွင့်အရေးကောင်စီအနေနဲ့ စိုးရိမ်မကင်းဖြစ်ခဲ့တဲ့ နိုင်ငံရေးအကျဉ်းသားဟောင်း (၁၀၀)ကျော်ဟာ အခုဆိုလွှတ်တော်တွင်းရောက်နေပါပြီ။ ဒါအပြင် အရင်က (၁၅)နှစ်နီးပါးကြာ နေအိမ်အကျယ်ချုပ်ချခံခဲ့ရတဲ့ ဒေါ်အောင်ဆန်းစုကြည်ကိုယ်တိုင်လည်း လွှတ်တော်မှာ အဓိကနိုင်ငံရေးပါတီခေါင်းဆောင်ဖြစ်လာနေပါပြီ။ ရွေးကောက်ပွဲဟာ မြန်မာနိုင်ငံရဲ့သမိုင်းမှာ စာမျက်နှာသစ်စတင်လိုက်တဲ့ လက္ခဏာပါပဲ။ ဒါပေမဲ့လုပ်ဆောင်စရာတွေက အများကြီးကျန်ရှိနေပါသေးတယ်။ အစိုးရသစ်တိုင်းလိုပါပဲ။ လာမယ့်သတင်းပတ်တွေမှာ အကဲစမ်းမှုတွေအများကြီးရင်ဆိုင်ရမှာပါ။ သတိထားကိုင်တွယ်ရမယ့်ကိစ္စရပ်တွေလည်းအများကြီးရှိမှာပါ။”

ဒါ့အပြင် လူ့အခွင့်အရေး အခြေအနေနဲ့ပတ်သက်လို့ မြန်မာနိုင်ငံအတွင်း ဆက်လက် လုပ်ဆောင်စရာ ရှိနေသေးတဲ့ အကြံပြုချက် (၄) ချက်ကိုလည်း ယန်ဟီးလီက အဆိုပြု တင်သွင်းခဲ့တာမှာ ပထမအချက်အနေနဲ့ကတော့ ဖွဲ့စည်းပုံအခြေခံဥပဒေ ပြင်ဆင်ရေး ဖြစ်တယ်လို့ ပြောပါတယ်။

“ပထမကတော့ လက်ရှိအုပ်ချုပ်ရေးယန္တရားနဲ့သက်ဆိုင်တဲ့ အကဲစမ်းမှုပါပဲ။ ဖွဲ့စည်းပုံအခြေခံဥပဒေအရ စစ်တပ်ကိုယ်စားလှယ် (၂၅%)ဟာ လွှတ်တော်နှစ်ရပ်စလုံးအပြင် ပြည်နယ်နဲ့တိုင်းတို့မှာ ပါဝင်တာဖြစ်ပါတယ်။ ဒါကြောင့်ဖွဲ့စည်းပုံအခြေခံဥပဒေ ပြင်ဆင်နိုင်ဖို့ လိုအပ်မယ့် အမတ်နေရာ (၇၅%) ရဲ့ထောက်ခံမှု မရရှိနိုင်အောင် သူတို့ကို ဗီတိုအာဏာပေးထားသလိုဖြစ်နေပါတယ်။ ဒါအပြင်အရေးကြီးတဲ့ ၀န်ကြီးဌာန(၃)ခုဖြစ်တဲ့ ကာကွယ်ရေး၊ ပြည်ထဲရေးနဲ့ နယ်စပ်လုံခြုံရေး ၀န်ကြီးဌာနတို့ဟာလည်း စစ်တပ်ရဲ့အောက်မှာရှိနေပါတယ်။ ဒီဝန်ကြီးဌာန သုံးခုစလုံးက လူ့အခွင့်အရေးအခြေအနေတိုးတက်အောင်လုပ်ဆောင်ရာမှာ အရေးကြီးတဲ့ကဏ္ဍတွေပဲဖြစ်ပါတယ်။”

ဒုတိယအချက်အနေနဲ့ တရားဥပဒေ စိုးမိုးရေးကဏ္ဍတွေမှာ ပြုပြင်စရာတွေ အများကြီး ရှိသေးတယ်ဆိုတဲ့အချက်ကို ထောက်ပြ ပြောဆိုခဲ့ပါတယ်။

“ဒုတိယကတော့ တရားဥပဒေတွေကိုပြင်ဆင်ဖို့ လိုအပ်တဲ့အချက်ပါ။ နိုင်ငံတကာစံနှုန်းနဲ့ မကိုက်ညီတော့တဲ့ ဥပဒေတွေကို ၂၀၁၁ခုနှစ်ကစလို့ ပြန်လည်သုံးသပ် ပြင်ဆင်တာတွေရှိခဲ့တာကို ကျမကြိုဆိုပါတယ်။ ဒါပေမဲ့ မြန်မာနိုင်ငံရဲ့ လူ့အခွင့်အရေးအရလိုက်နာရမယ့် တာဝန်တွေနဲ့ မကိုက်ညီမယ့် ဥပဒေတွေ ရာနဲ့ချီပြီး ကျန်ရှိနေပါတယ်။ တချို့တို့ကတော့ ဥပဒေဟောင်းတွေဖြစ်သလို တချို့ကတော့ မကြာမီကပဲ အတည်ပြုခဲ့တာတွေရှိပါတယ်။”

တတိယအချက်အနေနဲ့ ရခိုင်ပြည်နယ်အတွင်းက အခြေအနေတွေကို လူ့အခွင့်အရေး အထူးကိုယ်စားလှယ် ယန်ဟီးလီ တင်ပြခဲ့ပါတယ်။

“တတိယကတော့ ရခိုင်ပြည်နယ်အခြေအနေပါ။ အစိုးရသစ်တက်လာမှာဖြစ်တဲ့အတွက်ကြောင့် ဒါဟာအတိတ်ကကြေကွဲဖွယ်ရာ ဖြစ်ရပ်ကနေ ရုန်းထွက်နိုင်မယ့် အခွင့်ကောင်းတရပ်ပါပဲ။ အခြေအနေဟာ ရှုပ်ထွေးတယ်ဆိုတာ ကျမနားလည်ပါတယ်။ ဒါပေမဲ့လို့ ဖွံဖြိုးမှုတခုတည်းနဲ့တော့ မလောက်ပါဘူး။ လူ့အခွင့်အရေးအခြေအနေနဲ့ ပတ်သက်လို့ စိုးရိမ်မကင်းဖြစ်စရာကောင်းတဲ့ လက်တွေ့အခြေအနေမှာ ဆိုးရွားနေတဲ့ ရခိုင်ပြည်နယ်ရဲ့လူနေမှုစနစ်ကို အလျင်အမြန်ပြုပြင်ဆောင်ရွက်ပေးဖို့လိုအပ်ပါတယ်။”

အပစ်အခတ်ရပ်စဲရေး စာချုပ် ချုပ်ခဲ့ပေမယ့်လည်း ရှမ်းနဲ့ ကချင်ပြည်တွေမှာ တိုက်ပွဲတွေ ဆက်လက် ဖြစ်ပွားနေပြီး လူ့အခွင့်အရေး ချိုးဖောက်မှုတွေ ဆက်လက် ဖြစ်ပွားနေသေးကြောင်း ယန်ဟီးလီက ပြောပါတယ်။

“ဒါပေမဲ့ အကဲစမ်းမှုတွေကတော့ရှိနေဆဲပါ။ အဖွဲ့(၇)ဖွဲ့က အပစ်အခတ်ရပ်စဲရေးမှာ လက်မှတ်ရေးထိုးခဲ့ခြင်းမရှိသလို အဖွဲ့ (၃)ဖွဲ့ကလည်း လက်မှတ်ရေးထိုးခွင့်ကိုမရခဲ့ကြပါဘူး။ ကျမအခုတင်သွင်းနေချိန်မှာပဲ တိုက်ပွဲတွေဟာဆက်လက်ဖြစ်ပွားပြီးတော့ အခြေအနေဟာ ပိုပြီးပြင်းထန်လာစရာ အကြောင်းရှိပါတယ်။ တိုက်ခိုက်မှုတွေမှာ လူ့အခွင့်အရေးကျူးလွန်ချိုးဖောက်မှုတွေရှိနေပါတယ်။ အုပ်စုအားလုံးတို့က တရားနည်းလမ်းမကျ သတ်ဖြတ်မှုတွေ၊ နှိပ်စက်ညှင်းပမ်းမှုတွေ၊ အသက်မပြည့်သူတွေကို အတင်းအဓမ္မ လုပ်အားပေးခိုင်းစေဖို့ ပြန်ပေးဆွဲတာတွေ၊ လိင်ပိုင်းဆိုင်ရာအကြမ်းဖက်မှုတွေ စတာတွေကိုတွေ့ရပါတယ်။

မြန်မာနိုင်ငံရဲ့ အရှေ့မြောက်ပိုင်းမှာ ဒုက္ခသည်ဦးရေဟာ နှစ်သိန်း သုံးသောင်းကျော် ရှိနေတဲ့အတွက်ကြောင့် ဂျနီဗာမြို့ရဲ့ လူဦးရေထက်တောင် များနေသေးကြေင်းလည်း မစ်ယန်ဟီးလီက ထောက်ပြသွားပါတယ်။

မြန်မာနိုင်ငံရဲ့ လူ့အခွင့်အရေးအခြေအနေတွေနဲ့ ပတ်သက်လို့ ကုလသမဂ္ဂလူ့အခွင့်အရေး အထူးကိုယ်စားလှယ် ယန်ဟီးလီအပါအ၀င် နိုင်ငံအသီးသီးက တင်ပြခဲ့ကြတဲ့အချက်တွေဟာ လက်တွေ့အခြေအနေတွေနဲ့ ကွာခြားနေတယ်လို့ မြန်မာအစိုးရ အမြဲတမ်းကိုယ်စားလှယ် ဦးမောင်ဝေက ပြန်လည် တုန့်ပြန်ခဲ့ပါတယ်။သူတို့တတွေရဲ့ အမြင်တွေဟာ လက်တွေ့ ဖြစ်ရပ်တွေနဲ့ သိပ်ကိုကွာခြားနေပါတယ်။ မြန်မာနိုင်ငံမှာ လိင်ပိုင်းဆိုင်ရာ အကြမ်းဖက်မှုနဲ့ပတ်သက်လို့လည်း ကျနော်တို့ အမြင်မှာ သိပ်ကို အကျယ်ချဲ့ ပြောဆိုထားတာ တွေ့ရပါတယ်။ လူတွေခံစားချက် ပြင်းပြအောင် အကျယ်ချဲ့ထားတာပါ။ OHCR ရုံးခန်းဖွင့်ဖို့နဲ့ ပတ်သက်လို့လည်း ကျနော်တို့ မကြာခဏ တုံ့ပြန်ခဲ့ပြီးဖြစ်လို့ အခု ထပ်မပြောလိုတော့ပါဘူး။ ရခိုင်ပြည်နယ်နဲ့ ပတ်သက်လို့လည်း ကျနော်တို့ရဲ့ အမြင်တွေကို တင်ပြခဲ့ပြီးဖြစ်ပါတယ်။ ကျနော်တို့ သတိထားမိတဲ့အချက်က ကိုယ်စားလှယ်အများစုဟာ ဘာသာရေးကို ရှေ့တန်းတင်လိုကြတဲ့အတွက် ဒါဟာ မသင့်လျှော်ပါဘူး။ လူ့အခွင့်အရေးကောင်စီမှာ အမုန်းတရားပွားစေတဲ့ စကားမျိုး မပြောသင့်ကြပါဘူး။

“ပြီးခဲ့တဲ့ သတင်းပတ်ကုန်ပိုင်း တုန်းက မြန်မာစစ်တပ်က ကလေးစစ်သား ၄၆ ယောက်ပြန်လွတ်ပေးလိုက်တာကို ကြိုဆိုလိုက်ပြီး သီတင်း ၂ ပတ်သာ ကျန်တော့တဲ့ သမ္မတဦးသိန်းစိန်အစိုးရအနေနဲ့ ကျန်နေသေးတဲ့ နိုင်ငံရေးအကျဉ်းသားတွေအားလုံး လွတ်ပေးဖို့ တောင်းဆို လိုက်ပါတယ်။ ဒါ့အပြင် ဒေါ်အောင်ဆန်းစုကြည် အစိုးရသစ်အနေနဲ့ ရက် ၁၀၀ အတွင်း ဦးစားပေးလုပ်ဆောင်ရမယ့် အကြံပေးချက် (၈) ခုနဲ့ တနှစ်အတွင်း လုပ်ဆောင်သင့်တဲ့ အကြံပြုချက်တွေကိုလည်း မစ်ယန်ဟီးလီက ပြောပါတယ်။”

မြန်မာနိုင်ငံနဲ့ပတ်သက်လို့ UPR လို့ခေါ်တဲ့ နိုင်ငံချင်းအလိုက် လူ့အခွင့်အရေး ပြန်လည်သုံးသပ်မှုကိုတော့ လူ့အခွင့်အရေးကောင်စီ ညီလာခံမှာ အခုလာမယ့် မတ်လ ၁၇ ရက်နေ့မှာ ပြုလုပ်သွားမှာဖြစ်ပါတယ်။

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် တောင်ပိုင်း၊ ဖုရားပြင်အောင်ပ ကျေးရွာအုပ်စု ကံ့ကော်မြိုင် န.တ.လ ရွာမှ ရွာသားများသည် ဖုရားပြင်အောင်ပ ကျေးရွာအုပ်စု အကွက်(၁) မှ ဒေသခံ ရိုဟင်ဂျာ တစ်ဦး၏ နွားသုံးကောင်ကို ခိုးယူသွားခဲ့ကြောင်း သတင်းရရှိပါသည်။

မတ်လ (၁၂) ရက်နေ့၊ ညသန်းခေါင်ယံ (၂) နာရီခန့် အချိန်တွင် ဖုရားပြင်အောင်ပ ကျေးရွာအုပ်စု ကံ့ကော်မြိုင် န.တ.လ ရွာမှ အဖွဲ့ဝင် ငါးဦးပါဝင်သော ရခိုင်လူပျို အဖွဲ့တစ်ဖွဲ့က ဖုရားပြင်အောင်ပ ကျေးရွာသို့ ဝင်လာပြီးနောက် အကွက် (၁) နေ ဦးအီလီယာစ် (ဘ) ဦးနော်ဘီဟူစိန်း အသက် (၅၅) နှစ်၏ ခြံထဲသို့ တိတ်ဆိတ်စွာ ဝင်ရောက်ပြီး ခြံထဲတွင် ချည်နှောင်ထားသည့် နွားသုံးကောင်ကို ခိုးယူသွားခဲ့ကြောင်း ဒေသခံများက RB News သို့ပြောသည်။ 

ထိုသို့ခိုးယူသွားသည်ကို လမ်းတစ်ပိုင်းတွင် မြင်တွေ့ခဲ့သည့် ကျေးရွာသား အချို့က ရပ်တန့်ရန် ကြိုးစားသောအခါ သူခိုးများက တုတ်၊ ဓား၊ လက်နက်ခဲယမ်းများဖြင့် ခြိမ်းခြောက်ခဲ့သောကြောင့် အဆိုပါရွာသားများ နောက်ဆုတ်ခဲ့ရသည်။

နောက်နေ့ နံနက် မိုးသောက်ချိန်တွင် ပိုင်ရှင်ဖြစ်သူက ၎င်း၏နွားများကို အပေါင်းပါအချို့နှင့် ရှာဖွေရန် န.တ.လ ရခိုင်ရွာအနီးသို့ ရောက်ရှိသည့်အခါ န.တ.လ ရခိုင် ရွာသားများက ဟန့်ထားခဲ့ကြောင်း သိရှိရပါသည်။

ဖုရားပြင်အောင်ပ ကျေးရွာမှ (နတလ) ရခိုင်များသည် ရိုဟင်ဂျာများ၏ တိရစ္ဆာန်များကို ခိုးယူသွားခြင်း၊ စိုက်ခင်းများကို ဖျက်ဆီးခြင်း စသည့် လုပ်ရပ်များကို အကြိမ်ကြိမ် ပြုလုပ်လျက်ရှိသည်။ အစိုးရအာဏာပိုင်များကို တိုင်တန်းသော်လည်း ကျူးလွန်သူကို မည်သည့်အခါမှ အရေးယူလေ့မရှိကြောင်း ဒေသခံများက ပြောဆို နေကြသည်။

ဒေသခံ မွတ်စလင်များ ပိုင်ဆိုင်သည့် မြေနေရာများ၊ နေအိမ်များကို ရခိုင် - ဗုဒ္ဓဘာသာဝင် များက အကြိမ်ကြိမ် ကျူးကျော် ၀င်ရောက် နေထိုင်ရန် ကြိုးစားနေခြင်းကြောင့် ကျောက်ဖြူ မြို့နယ် အုပ်ချုပ်ရေးမှူးရုံးမှ ကျူးကျော် ၀င်ရောက် နေထိုင်သူ များကို ပုဒ်မ ၁၈၈ အရ အရေးယူ ဆောင်ရွက်မည် ဖြစ်ကြောင်း ယခုနှစ် ဖေဖော်ဝါရီလ (၁၁) ရက်နေ့က အောက်ပါ အမိန့် ကြေညာစာကို ထုတ်ပြန်ခဲ့သည်။

RFA မြန်မာပိုင်း

13.3.2016

ရခိုင် အမျိုးသား ပါတီ (ANP) ရဲ့ခွင်ပြုချက် မပါဘဲ သတင်းစာ ရှင်းလင်းပွဲ ပြုလုပ်ခဲ့တဲ့ ပါတီ အလုပ် အမှုဆောင် ၆ ဦးကို ပါတီကနေ ထုတ်ပယ် လိုက်တယ်လို့ ဒီနေ့ကျင်းပတဲ့ ANP ပါတီ အလုပ်အမှုဆောင် ကော်မတီ အစည်းအဝေးမှာ ဆုံးဖြတ် လိုက်ပါတယ်။

အစည်းအဝေးကို တက်ရောက်တဲ့ အလုပ်အမှုဆောင်ကော်မတီဝင်အားလုံးက တညီ တညွတ်တည်း ဆုံးဖြတ်ခဲ့ကြတာလို့ ပါတီရဲ့ အထွေထွေအတွင်းရေးမှူး ဦးထွန်းအောင်ကျော်က ပြောပါတယ်။

"ဗဟိုအလုပ်အမှုဆောင် ကော်မတီအများစုက ကောက်ချက်ဆွဲရှင်းလင်းတင်ပြကြတဲ့ အကျေအလည်ဆွေးနွေးကြတဲ့အတွက် နောက်ဆုံးမှာတော့ ပါတီကနေ ထုတ်ဖယ်ဖို့ အတွက် ဆွေးနွေးလိုက်ကြပါတယ်၊ ကာယကံရှင်တွေကိုကျတော့ ကျနော်တို့က ဒီဆုံးဖြတ်ချက်တွေကို မိမိကိုယ်တိုင်သိစေဖို့ ကျနော်တို့ မဖြစ်ဖြစ်အောင် ကျနော်တို့ပါတီကနေ ပေးပို့သွားမှာပါ"

အစိုးရသစ်လက်ထက်မှာ ရခိုင်ပြည်နယ်ဝန်ကြီးချုပ်နေရာကို ရခိုင်အမျိုးသား ပါတီက သာရရှိရေးနဲ့ ညီညွတ် သောတိုင်းရင်းသားလူမျိုးများ မဟာမိတ်အဖွဲ့ (UNA)နဲ့ မဟာမိတ်ဆက်ဆံရေးကို ရပ်စဲသွားမယ်ဆိုတဲ့ ကြေငြာချက် နှစ်စောင်ဟာ တရားမဝင် တာကြောင့် လက်မခံနိုင်ဘူးလို့ ပါတီအလုပ်အမှု ဆောင်ကော်မတီဝင် ၆ ဦးက ပြီးခဲ့တဲ့ မတ်လ ၆ ရက်နေ့က ရန်ကုန်မြို့ တော်ဝင်နှင်းဆီခန်းမမှာ သတင်းစာရှင်းလင်းခဲ့တာပါ။

ရခိုင်အမျိုးသားပါတီ (ANP) ဟာ ရခိုင်တိုင်းရင်းသားများတိုးတက်ရေးပါတီ(RNDP)နဲ့ ရခိုင်ဒီမိုကရေစီ အဖွဲ့ချုပ် (ALD)ပါတီနှစ်ခု ပေါင်းစည်းထားတာဖြစ်ပြီး အခုပါတီက ထုတ်ပယ်ခြင်းခံရတဲ့ အလုပ်အမှုဆောင် ကော်မတီဝင် ၆ ဦးဟာ ALD ရခိုင်ဒီမိုကရေစီ အဖွဲ့ချုပ်ပါတီဝင်ဟောင်းတွေ ဖြစ်ကြပါတယ်။

ထုတ်ပယ်ခံရသူထဲမှာပါတဲ့ အလုပ်အမှုဆောင်ကော်မတီဝင် ဦးမျိုးကျော်က သူတို့ကို ရည်ရွယ်ချက်ရှိရှိ ဆောင်ရွက်ခဲ့တာဖြစ်တယ်လို့ ပြောပါတယ်။

"အခုရခိုင်အမျိုးသားပါတီထဲမှာရှိတဲ့ ALD အုပ်စုကို ရခိုင်အမျိုးသားပါတီထဲက ဖယ်လိုက်မယ်၊ ထုတ်လိုက်မယ်၊ ဆိုတာမျိုးကို သူတို့ကအားထုတ်နေတာဖြစ် ပါတယ်၊ ဒါမျိုးက သံတွဲညီလာခံမှာလည်း ကျနော်တို့တွေကို အပြတ်ရှင်းခဲ့တယ်၊ ဒုတိယအနေနဲ့ ၂၀၁၅ ရွေးကောက်ပွဲမှာ ကိုယ်စားလှယ်မပါရှိရေးအတွက် ကျနော်တို့တွေရှင်းခဲ့ပြီးပါပြီ၊ အခုကျနော်တို့တွေလုပ်နေတာက ALD ကပုဂ္ဂိုလ်တွေနေရာရရှိရေးအတွက် လုပ်နေတာမဟုတ်ဘူးဆိုတာလည်း ကျနော် တို့ ပြည်သူလူထုကိုပြောချင်ပါတယ်"

မနေ့ကစတင်ပြုလုပ်ခဲ့တဲ့ ANP ပါတီ ဗဟိုကော်မတီအစည်းအဝေးနဲ့ ဗဟိုအလုပ် အမှုဆောင် အစည်းအဝေးတွေကို ALD ပါတီဝင်ဟောင်းတွေကို ဖိတ်ကြားတာ မရှိခဲ့ဘူးလို့ ပြောပါတယ်။

ဒါ့အပြင် ပါတီညီလာခံကနေ ခန့်အပ်ခဲ့တဲ့ အလုပ်အမှုဆောင်တွေကို အရေးပေါ် အစည်းအဝေးပြုလုပ် ပြီး ထုတ်ပယ်လိုက်တာဟာ ပါတီစည်းမျဉ်းစည်းကမ်းကို ချိုးဖောက်ရာရောက်တယ်လို့လည်း ဦးမျိုးကျော်က ပြောပါတယ်။

မဆုမွန်

ဗွီအိုအေမြန်မာပိုင်း

13.3.2016

မတ်လ ၁၅ ရက် အင်္ဂါနေ့ ပြည်ထောင်စု လွှတ်တော်မှာ ရွေးချယ် တင်မြှောက်မယ့် သမ္မတ ရာထူး နေရာ အတွက် အမတ်နေရာ အများစု အနိုင် ရထားတဲ့ အမျိုးသား ဒီမိုကရေစီ အဖွဲ့ချုပ်ဘက်က တင်မြှောက် ထားတဲ့ ဒုသမ္မတတွေ ထဲကပဲ ရမယ်လို့ NLD ပါတီဘက်က အခိုင်အမာ ယုံကြည်တဲ့ အကြောင်း NLD ပါတီရဲ့ နိုင်ငံအသွင် ကူးပြောင်းရေး လုပ်ငန်းစဉ်များ ဆိုင်ရာ ပြောခွင့်ရက VOA ကို ပြောဆိုလိုက်ပါတယ်။ မနက်ဖြန် တနင်္လာနေ့မှာ ကျင်းပမယ့် ပြည်ထောင်စု လွှတ်တော် အစည်းအဝေး မှာလည်း သမ္မတလောင်း ရွေးချယ်မှုတွေနဲ့ပတ်သက်ပြီး ဆွေးနွေး နိုင်ခြေရှိပါတယ်။ အပြည့်အစုံကို မဆုမွန်က ဆက်သွယ်မေးမြန်းတင်ပြထားပါတယ်။

တနင်္လာနေ့ မနက်ပိုင်းမှာတော့ ပြည်သူ့လွှတ်တော်နဲ့ အမျိုးသားလွှတ်တော် ပုံမှန်အစည်းအဝေးတွေ ကျင်းပမှာမဟုတ်ပေမဲ့လို့ မွန်းလွဲပိုင်း တစ်နာရီမှာတော့ ပြည်ထောင်စုလွှတ်တော်အစည်းအဝေးကျင်းပမှာဖြစ်ပါတယ်။ အဲ့ဒီ့ကျရင်တော့ သမ္မတလောင်း စိစစ်ရွေးချယ်မှုဆိုင်ရာ လုပ်ငန်းစဉ်နဲ့ ပတ်သက်ပြီး ရလာဒ်တွေကို ဆွေးနွေးနိုင်ခြေရှိပါတယ်။

လက်ရှိ ပြည်သူ့လွှတ်တော်၊ အမျိုးသားလွှတ်တော်နဲ့ တပ်မတော်သား ကိုယ်စားလှယ်တွေဘက်က ရွေးချယ်တင်မြှောက်လိုက်တဲ့ ဒုသမ္မတသုံးဦးအနက် သမ္မတရာထူးနေရာအတွက် ပြည်ထောင်စုလွှတ်တော်မှာ မဲခွဲဆုံးဖြတ်ပြီး ရွေးချယ်မှုမှာအမတ်အများစုနေရာရရှိထားတဲ့ အနိုင်ရပါတီ NLD အမျိုးသားဒီမိုကရေစီ အဖွဲ့ချုပ်ဘက်က သမ္မတရာထူး ရရှိနိုင်မယ်လို့ ဘာကြောင့် ယုံကြည်ချက်ရှိပါသလဲ ဆိုတာကို နိုင်ငံအသွင်ကူးပြောင်းရေး လုပ်ငန်းစဉ်များဆိုင်ရာ ပြောခွင့်ရ NLD ပါတီက ဒေါက်တာဇော်မြင့်မောင် ဆက်သွယ်မေးမြန်းတဲ့အခါ သူက အခုလို ရှင်းပြပါတယ်။

"ကျနော်တို့က ပြည်သူ့လွှတ်တော်မှာ ၂၅၅ ယောက်ရှိတယ်လေ။ အမျိုးသားလွှတ်တော်မှာ ၁၃၅ အားလုံးပေါင်း ၃၉၀ နော်။ လွှတ်တော်ကိုယ်စားလှယ်ပေါင်းက လောလောဆယ် ၆၇၅ ဦးရှိတဲ့အတွက်ကြောင့် ကျနော်တို့ ၃၉၀ နဲ့ manipulate လုပ်လို့ရပါတယ်။ သမ္မတက ကျနော်တို့ ယူမှာပါ။"

မဆုမွန်။ ။ ဟုတ်ကဲ့ပါဆရာ ။ ဒုသမ္မတ ၁ ရွေးချယ်မှုနဲ့ ပတ်သက်ပြီးတော့ရော ဆရာ။

ဒေါက်တာဇော်မြင့်မောင်။ ။ ကျနော်တို့ သမ္မတ ယူမှာပြောလိုက်တော့ မဟုတ်လည်း ဒု သမ္မတကတော့ ၁ နဲ့ ၂ နဲ့ ပဲ ရှိတာ မဟုတ်ဘူးလား။ ဒုသမ္မတ က မဲ ဒုတိယ အများဆုံးရတဲ့သူက ဒုသမ္မတ ၁ ဖြစ်မယ်လေ ။ မဲအနည်းဆုံးရတဲ့လူက ဒုသမ္မတ ၂ ဖြစ်မယ်။ ကျနော်တို့ သမ္မတ ရအောင်ယူပါမယ် ။ဒါကနော်တို့ manipulate လုပ်ယူလို့ရတဲ့ ကျနော်တို့ရဲ့ ပိုင်ကွက်ထဲမှာ ရှိနေတယ်။ ကျနော်တို့မဲပေးလို့ လုပ်လို့ရတယ်လေ။ ကျနော်တို့ သမ္မတရအောင်ယူမယ်ဆိုတော့ ဒုသမ္မတ ၁ တွေ ၂ တွေ မပြောတော့ဘူးလေ။ NLD ရဲ့ စီမံခန့်ခွဲမှုအပိုင်းထဲမှာရှိနေတာလေ။ ဒါတွေအသေးစိတ်ပြောလို့မရဘူးလေ။ ကျနော်တို့ manipulate လုပ်ယူလို့ရတဲ့ ကိုယ်စားလှယ်ကို ကျနော်တို့ ရထားတယ်။ ကျနော်တို့ ၃၉၀ က total ၆၇၅ မှာ။

မဆုမွန်။ ။ ဆရာနောက်ဆုံး ပြည်သူတွေကို ဆရာ့အနေနဲ့ ဘယ်လိုများ message ပေးချင်ပါသလဲ။

ဒေါက်တာဇော်မြင့်မောင်။ ။ ကျနော်ကျေးဇူးတင်ပါတယ်။ ဘာဖြစ်လို့လဲဆိုတော့ အခု ပြည်သူတွေဟာ ဒေါ်အောင်ဆန်းစုကြည် ရွေးလိုက်တဲ့ ကိုယ်စားလှယ် ဦးထင်ကျော်ရော ၊ ဦးဟင်နရီ ဗန်ထီးယူ အပေါ်မှာရော၊ ကျနော်တို့လည်း ဒါကို လေ့လာနေတာပါ။ လူထုရဲ့ တုန့်ပြန်မှုလုံးဝ ကောင်းပါတယ်။ ကျနော်တို့ ကြားရသမျှ ကျနော်တို့ကို congratulate လုပ်တဲ့ သူတွေ၊ လူထုကတော့ ဒေါ်အောင်ဆန်းစုကြည်ရဲ့ စကားကို တသွမသိမ်းလိုက်နာတယ်။ ဒေါ်အောင်ဆန်းစုကြည် တင်လိုက်တဲ့အပေါ်မှာလည်း နားလည်မှုရှိတယ်။ အဲဒီတော့ လူထုကို ကျနော်က ကျေးဇူးတင်တယ်လို့ပြောချင်ပါတယ်။ နောက်ပြီးတော့ ဆက်ပြီး အမျိုးသားဒီမိုကရေစီအဖွဲ့ချုပ် အောက်မှာ၊ ဒေါ်အောင်ဆန်းစုကြည်ရဲ့ ဦးဆောင်မှုအောက်မှာ ၀ိုင်းဝန်းပြီးတော့ လုပ်ကြဖို့ ကျနော်က မေတ္တာရပ်ခံတယ်လို့ ပြောပေးပါခင်ဗျာ။

NLDပါတီရဲ့ နိုင်ငံအသွင်ကူးပြောင်းရေးလုပ်ငန်းစဉ်များဆိုင်ရာ ပြောခွင့်ရ လည်းဖြစ် မန္တလေးတိုင်းဒေသကြီး လွှတ်တော်ကိုယ်စားလှယ်လည်းဖြစ်တဲ့ ဒေါက်တာဇော်မြင့်မောင် ပါ။

ပြည်ထောင်စုလွှတ်တော်မှာ ရွေးချယ်တော့မယ့် ပြည်သူ့လွှတ်တော်၊ အမျိုးသား လွှတ်တော်နဲ့ တပ်မတော် က ရွေးချယ် တင်မြှောက်လိုက်တဲ့ ဒု သမ္မတတွေရဲ့ ကိုယ်ရေးရာဇဝင်အချက်တွေကို အများပြည်သူ သိရှိနိုင်အောင်လို့ နိုင်ငံပိုင်သတင်းစာတွေက တဆင့် ထုတ်ပြန်ထားသလို အခုလက်ရှိ ရွေးချယ်တင်မြှောက်ခံ ဒုသမ္မတ သုံးဦးဖြစ်တဲ့ ပြည်သူ့လွှတ်တော်က တင်မြှောက်လိုက်တဲ့ ဦးထင်ကျော်၊ အမျိုးသားလွှတ်တော်က တင်မြှောက်လိုက်တဲ့ ဦးဟင်နရီဗန်ထီးယူနဲ့ တပ်မတော်သားကိုယ်စားလှယ်တွေက ရွေးချယ်လိုက်တဲ့ ရန်ကုန်တိုင်းဝန်ကြီးချုပ် ဒုတိယဗိုလ်ချုပ်ကြီးဟောင်းဦးမြင့်ဆွေတို့ သုံးဦးကို သမ္မတအရည်အချင်းစိစစ်ရေးအဖွဲ့က စိစစ်နေပြီဖြစ်ပါတယ်။

နိုင်ငံတော်သမ္မတ အရည်အချင်းနဲ့ ပြည့်စုံမှု ရှိ-မရှိ စိစစ်ရေး အဖွဲ့မှာ ပြည်သူ့လွှတ်တော်ဥက္ကဋ္ဌ ဦးဝင်းမြင့်၊ အမျိုးသားလွှတ်တော်ဥက္ကဋ္ဌ မန်းဝင်းခိုင်သန်း၊ ပြည်သူ့လွှတ်တော် ဒုဥက္ကဋ္ဌ ဦးတီခွန်မြတ်၊ အမျိုးသားလွှတ်တော် ဒုဥက္ကဋ္ဌ ဦးအေးသာအောင်၊ NLD ပြည်သူ့လွှတ်တော်အမတ် ဒေါက်တာမျိုးအောင်၊ NLD အမျိုးသားလွှတ်တော်အမတ် ဦးဘမျိုးသိန်းနဲ့ တပ်မတော်သား လွှတ်တော်ကိုယ်စားလှယ် ဗိုလ်ချုပ်သန်းစိုးတို့ ပါဝင်ပါတယ်။

Rohingya Eye
RB News
13.3.2016

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း သီဟိုဠ်ကျွန်း (ယခင် ဘက္ကားဂုံးနား) ကျေးရွာ အခြေစိုက် နယ်ခြားစောင့် ရဲတပ်ဖွဲ့ ကင်းစခန်းမှ နယ်ခြားစောင့်ရဲ များက ဒေသခံ ရိုဟင်ဂျာ လူငယ် တစ်ဦးထံမှ ငွေကျပ် (၃) သိန်း ညှစ်ယူခဲ့ကြောင်း သတင်း ရရှိပါသည်။

မတ်လ (၈) ရက်နေ့ ည ၁၀း၅၀ နာရီခန့် အချိန်တွင် နယ်ခြားစောင့် ရဲတပ်ဖွဲ့ ကင်းစခန်းမှ ကင်းစခန်းမှူး အပါအ၀င် ယူနီဖောင်းဝတ် နယ်ခြားစောင့် ရဲတပ်ဖွဲ့ (၃) ဦးတို့သည် ဦးရော်ရှိတ် (ဘ) ဦးကာလာမျာ (အသက် ၄၅ နှစ်) ၏ နေအိမ်သို့ အချိန်မတော် ၀င်ရောက် စစ်ဆေးပြီး နောက်ဆုံးတွင် ဘင်္ဂလား ဆင်မ်ကဒ် တစ်ကဒ် တွေ့ရှိသည်ဟု ဆိုကာ ဦးရော်ရှိတ်၏ ဆယ်ကျော်သက် အရွယ် သားတစ်ဦးကို ဖမ်းဆီးခေါ်ဆောင် သွား၍ တစ်ညလုံး ချုပ်နှောင် ထားခဲ့သည်။ 

မတ်လ (၉) ရက်နေ့ နံနက်ပိုင်းတွင် ကျေးရွာ အုပ်ချုပ်ရေးမှူး အပါအ၀င် လူငယ်၏ ဖခင်တို့သည် ကင်းစခန်းသို့ သွားရောက် စုံစမ်းမေးမြန်းရာ ငွေကျပ် (၅) သိန်းပေးမှသာ လွှတ်ပေးမည်ဟု ဖြေကြားခဲ့သည်။ ကျေးရွာ အုပ်ချုပ်ရေးမှူးက ဦးရော်ရှိတ်၏ ဆင်းရဲနွမ်းပါးမှု အကြောင်း၊ ငွေကျပ် (၅) သိန်း ပေနိုင်သည့် အင်အား မရှိကြောင်း ပြောကြားသောအခါ စခန်းမှူးက ဦးရော်ရှိတ်၏ ဇနီး လည်ပင်းတွင် ရွှေဆွဲကြိုးနှင့် ခြံထဲတွင် နွားများ မြင်တွေ့ခဲ့သည်ဟု ဆိုခဲ့သည်။ နောက်ဆုံးတွင် ငွေကျပ် (၃) သိန်း ညှစ်ယူ၍ လူငယ်ကို ပြန်လည် လွှတ်ပေးခဲ့ကြောင်း ဒေသခံများက RB News သို့ပြောသည်။

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် တောင်ပိုင်း ညောင်ချောင်း နယ်ခြားစောင့် ရဲတပ်ဖွဲ့ စခန်းမှ ရဲအရာရှိ သုံးဦး ဒေသခံ ရိုဟင်ဂျာ များကို အကြောင်းမဲ့ ထိုးကြိတ် ရိုက်နှက်ခဲ့ကြောင်း သတင်း ရရှိပါသည်။ 

မတ်လ (၁၀) ရက်နေ့ ညနေ ၅ နာရီ အချိန်တွင် ညောင်ချောင်း နယ်ခြားစောင့် ရဲတပ်ဖွဲ့ စခန်းမှ ဦးကျော်မိုးနိုင် အပါအ၀င် ရဲအရာရှိ သုံးဦးတို့သည် ညောင်ချောင်းဈေးသို့ သွားရောက်၍ ဈေးခေါင်း၊ ဈေးသည်နှင့် ဆိုင်ပိုင်ရှင်များကို လူကြီး လူငယ်မရွေး တွေ့သမျှ ဒေသခံ ရိုဟင်ဂျာများကို ထိုးကြိတ် ရိုက်နှက်ခဲ့သည်။ အရိုက်ခံခဲ့ရသည့် ရိုဟင်ဂျာများ အနက် မသန်စွမ်းသည့် မော်လ၀ီတစ်ပါး၏ အခြေအနေမှာ အလွန်ပင် ဆိုးရွားနေသည်ဟု ဒေသခံများက RB News သို့ပြောသည်။ 

ရိုက်နှက်ခြင်း ခံခဲ့ရသည့် ရိုဟင်ဂျာ အချို့မှာ -- 

(၁) ဦးမိုဟာမတ်ဆာလေ (ဘ) ဦးနူရ်အာမောတ် (အသက် ၅၀ နှစ်) -- ဈေးခေါင်း 

(၂) ဦးမိုဟာမတ်အာနိုဝါရ် (ဘ) ဦးနူရ်အာမောတ် (အသက် ၆၀ နှစ်) -- ဈေးခေါင်း
(၃) ဦးရှောဖိအုလ္လာ (ဘ) ဦးအလီအာမောတ် (အသက် ၆၁ နှစ်) 

(၄) ဦးအဗ်ဒူလ္လာ (အသက် ၂၅ နှစ်) -- အလုပ်သမား -- ဖရုံချောင်း ကျေးရွာမှ 

(၅) ဦးအီဆုဖ် (ဘ) ဆရာဦးဆွေတာမောတ် 

(၆) ဦးတော်ဘာရောက်ဟူစိန်း (အသက် ၃၅ နှစ်) 

(၇) ဦးလုခ်မာန်ဟာကိမ်း (အသက် ၂၉ နှစ်) တို့ဖြစ်သည်။

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် တောင်ပိုင်း၊ ဖုရားပြင်အောင်ပ ကျေးရွာအုပ်စုတွင် ဇန်န၀ါရီလက ကျေးရွာ အုပ်ချုပ်ရေးမှူး ရွေးကောက်ပွဲ ကျင်းပခဲ့ရာ ဖုရားပြင်အောင်ပ ကျေးရွာအုပ်စု ကံ့ကော်မြိုင် န.တ.လ ရွာမှ ရခိုင်လူမျိုးများ ဖြစ်သည့် လက်ရှိ အုပ်ချုပ်ရေးမှူး ဦးမောင်ချမ်းသာ၊ ဦးမောင်ကြီးနှင့် ဦးထူးရီတို့ သုံးဦး ယှဉ်ပြိုင်ခဲ့ကြပြီး၊ ဦးမောင်ချမ်းသာ အနိုင်ရရှိခဲ့သည်။ 

ဦးမောင်ကြီးက မဲမသမာမှု ဖြစ်ခဲ့သည်ဟု ဆိုကာ ရွေးကောက်ပွဲ ရလာဒ်ကို လက်မခံဘဲ ရွေးကောက်ပွဲကို သုံးကြိမ်တိုင်တိုင် ကျင်းပစေခဲ့သော်လည်း သုံးကြိမ်စလုံးတွင် ဦးမောင်ချမ်းသာ အနိုင် ရရှိခဲ့သည်။ ဇန်န၀ါရီလ နောက်ဆုံးပတ်တွင် ဦးမောင်ကြီးက မြို့နယ် အုပ်ချုပ်ရေးမှူး ဦးသန်းရွှေကို လာဘ်ငွေပေးပြီး ရွေးကောက်ပွဲကို တစ်ဖန် ပြန်လည် ကျင်းပ စေခဲ့သည်။ ဆယ်အိမ်စုမှူးများက အကြိမ်ကြိမ် မဲထည့်ခဲ့သော်လည်း အချည်းနှီး ဖြစ်ခဲ့သောကြောင့် ၎င်းတို့က မိမိတို့ကို အရူးများ ထင်နေလားဟု ပြောဆိုကာ မဲထည့်ရန် မသွားရောက်ခဲ့ပေ။ သို့သော်လည်း ဦးမောင်ကြီးကို ထောက်ခံသည့် ဆယ်အိမ်စုမှူး (၄) ဦးက မဲထည့်ခဲ့သောကြောင့် ဦးမောင်ကြီး အနိုင်ရရှိခဲ့သည်။ ရွေးကောက်ပွဲတွင် ဒေသခံ ရိုဟင်ဂျာများကို ထည့်သွင်း စဉ်းစားခဲ့ခြင်း မရှိခဲ့ကြောင်း ဒေသခံများက RB News သို့ပြောသည်။ 

ဦးမောင်ကြီးအား ကျေးရွာ အုပ်ချုပ်ရေးမှူး ခန့်အပ်ခြင်း မရှိသေးသော်လည်း ဦးမောင်ကြီး၏ ဆွေမျိုးသားချင်း များက ရွာအတွင်း ဗိုလ်ကျလျက် ရှိသည်ဟု ဒေသခံများက ဆိုသည်။ အထက်ကျွဲကြိုမော် ကျေးရွာအုပ်စု ရခိုင်ရွာ (ညောင်ချောင်း ရခိုင်ရွာ) မှ ဦးမောင်ကြီး၏ ယောက်ဖ အရင်းတော်စပ်သူ ဦးမောင်ရယ်က ဖုရားပြင်အောင်ပ ကျေးရွာတွင် ရိုဟင်ဂျာများ ပိုင်ဆိုင်သော စားကျက်မြေနှင့် ဥယျာဉ်ခြံမြေ (၉) ဧကကို မြေရိုင်းဟု ဆိုကာ ခုတ်ထွင်း ရှင်းလင်း၍ ဥယျာဉ် စိုက်ရန် ပြင်ဆင်လျက် ရှိသည်။ မြေပိုင်ရှင်များက ဦးမောင်ရယ်ထံ သွားရောက်၍ အဆိုပါ မြေများမှာ ၎င်းတို့ ပိုင်မြေများ ဖြစ်ကြောင်း၊ ၎င်းတို့တွင် မြေပိုင် ပြေစာများ ရှိကြောင်း ပြောပြသော်လည်း ဦးမောင်ရယ်က မြေရိုင်းများဟုသာ ပြန်လည် ဖြေကြားခဲ့သည်။ ပြည်နယ် မြေစာရင်း ဦးစီးမှူးရုံးမှ ၎င်းအမည်ဖြင့် ပြေစာ ရယူထားကြောင်း ပြောကြား၍ မြေပိုင်ရှင်များကို အမျိုးမျိုး စော်ကား ခြိမ်းခြောက်ကာ ပြန်လွှတ်ခဲ့သည်။ အဆိုပါ မြေများသည် ဒေသခံ ရိုဟင်ဂျာများ၏ ဘိုးဘွားပိုင်မြေများ ဖြစ်သည်။

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း၊ ကြိမ်ချောင်း ကျေးရွာအုပ်စု၊ အလယ်ရွာမှ မူဂျိဖ် (ဘ) ဦးဝါရဲစ်မျာနှင့် ၎င်း၏ မိခင်တို့သည် မတ်လ လဆန်းပိုင်းတွင် တောင်ပြိုလက်ဝဲ မြို့နယ်ခွဲရှိ အမှတ် (၁) နည်းဗျူဟာမှူး ထံမှ ခွင့်ပြုချက် ရယူပြီး ဘင်္ဂလားဒေ့ရှ် နိုင်ငံသို့ ဆေးကုသရန် သွားရောက်ခဲ့သည်။ 

မတ်လ (၅) ရက်နေ့တွင် မူဂျိဖ်နှင့် မိခင်တို့သည် ဘင်္ဂလားဒေ့ရ်ှမှ ဆေးကုသမှု ခံယူပြီး တောင်ပြိုလမ်းမှ တစ်ဆင့် နေရပ်သို့ ပြန်လာနေသည်ကို ကြိမ်ချောင်း အလယ်ရွာမှ နယ်ခြားစောင့် ရဲတပ်ဖွဲ့၏ သတင်းပေး နူရ်ဂျူဟာရ် (ခ) မော်ရိစ်ချာ ကြားသိသွားပြီး ကြိမ်ချောင်း နယ်ခြားစောင့် ရဲတပ်ဖွဲ့ စခန်း (ယခင် ရဲစခန်းမှ) နယ်ခြားစောင့်ရဲ များကို ခေါ်ယူ၍ သူရိုင်း ရခိုင်ရွာတွင် စောင့်ဆိုင်း၍ မူဂျိဖ်နှင့် မိခင်တို့ကို စစ်ဆေးခဲ့သည်။

ဆရာဝန်က ပေးသည့် ဆေးစာနှင့် သောက်ဆေးများကို တွေ့ရှိပြီး၊ ဘင်္ဂလားဒေ့ရ်ှသို့ တရားမ၀င် သွားရောက်ခဲ့သည်ဟု ဆိုကာ သားအမိနှစ်ဦးလုံးကို ဖမ်းဆီးခဲ့သည်။ ဗျူဟာမှူး၏ ခွင့်ပြုချက်ဖြင့် သွားရောက်ခဲ့သည်ဟု ပြောကြားသော်လည်း နယ်ခြားစောင့်ရဲများနှင့် ၎င်းတို့၏ သတင်းပေး တို့က နားမထောင်ဘဲ ငွေကျပ် (၆) သိန်း တောင်းခံခဲ့သည်။ 

ထို့နောက် မူဂျိဖ်က မိသားစုထံ သတင်းပို့ခဲ့သည်။ မိသားစုက ဗျူဟာမှူးထံ ဖုန်းဆက်၍ အကြောင်းကြားခဲ့သည်။ ဗျူဟာမှူးက ကြိမ်ချောင်း တာဝန်ကျ သတင်းတပ်ဖွဲ့ (SB) ကို ဖုန်းဆက်၍ စေလွှတ်ကာ ဖြေရှင်းပေးခဲ့ရသည်။ သတင်းတပ်ဖွဲ့က ဗျူဟာမှူး၏ ခိုင်းစေချက်အရ လာရောက်ရသည်ဟု ပြောသည်ကိုပင် မယုံကြည်သော သတင်းပေး နူရ်ဂျူဟာရ်ကို သတင်းတပ်ဖွဲ့မှ ရိုက်နှက်ခဲ့ကြောင်း ဒေသခံများက RB News သို့ပြောပါသည်။

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် တောင်ပိုင်း ဒုအိုးသည်မ ကျေးရွာသို့ မတ်လ (၈) ရက်နေ့တွင် မြို့နယ် အထွေထွေ အုပ်ချုပ်ရေး ဦးစီးဌာနမှ စာရေးကြီး ဦးဆောင်သော စာရေး အဖွဲ့တစ်ဖွဲ့ ရောက်ရှိလာပြီး ဆယ်အိမ်စုမှူးများ ခေါ်ကာ ကျေးရွာ အုပ်ချုပ်ရေးမှူး ခန့်အပ်ရန် ရွေးကောက်ပွဲ ပြန်လည် ကျင်းပခဲ့သည်။ ရွေးကောက်ပွဲတွင် ယှဉ်ပြိုင်ရန် လက်ရှိ အုပ်ချုပ်ရေးမှူး ဦအီနုစ် တစ်ဦးတည်းသာ အမည်တင်သွင်းခွင့် ရရှိခဲ့သည့် အပြင် ဆယ်အိမ်စုမှူးများကို ဦးအီနုစ်ကိုသာ ထောက်ခံမဲ ပေးကြရန် ခြိမ်းခြောက်၍ အတင်းအဓမ္မ မဲယူခဲ့သည်။

ဆယ်အိမ်စုမှူးများသည် ရွေးကောက်ပွဲ မစမှီ ယခင်ရွေးကောက်ပွဲ ရလာဒ်ကိုသာ အကောင်အထည် ဖော်လိုကြောင်း၊ ၎င်းတို့အနေဖြင့် မည်သူ့ကိုမှ ထပ်မံ၍ မဲပေးရန် ဆန္ဒမရှိကြောင်း ပြောကြားရာ စာရေးများနှင့် လက်ရှိ အုပ်ချုပ်ရေးမှူး ဦးအီနုစ်တို့က အမျိုးမျိုး ခြိမ်းခြောက်၍ လက်ရှိ အုပ်ချုပ်ရေးမှူး ဦးအီနုစ်ကိုသာ ထောက်ခံကြောင်း၊ ဦးအာရော်ဖူလ္လာ အား ကန့်ကွက်ကြောင်း အတင်းအဓမ္မ လက်မှတ် ရေးထိုးခိုင်းခဲ့သည်။ ထို့နောက် ဆယ်အိမ်စုမှူး (၅၀) ဦး ရှိသည့်အနက် (၁၃) ဦး၏ မဲများကို အတင်းအဓမ္မ ရယူပြီး ထိုမဲများဖြင့် ဦးအီနုစ်က အနိုင်ရသွားသည်ဟု ကြေညာခဲ့သည်။ 

ဒုအိုးသည်မ ကျေးရွာတွင် ယခုနှစ် ဇန်န၀ါရီလက ရွေးကောက်ပွဲ တစ်ကြိမ် ကျင်းပခဲ့ပြီး ဖြစ်သည်။ လက်ရှိ အုပ်ချုပ်ရေးမှူး ဦးအီနုစ်နှင့် ဦးအာရော်ဖူလ္လာ တို့နှစ်ဦး ယှဉ်ပြိုင်ခဲ့ရာ ဦးအာရော်ဖူလ္လာက မဲအများဆုံးဖြင့် အနိုင်ရရှိခဲ့သည်။ သက်ဆိုင်ရာ မြို့နယ် အထွေထွေ အုပ်ချုပ်ရေး ဦးစီးဌာန အုပ်ချုပ်ရေးမှူး ဦးသန်းရွှေနှင့် စာရေးများက ခန့်စာ ထုတ်ပေးရန် အတွက် ဦးအာရော်ဖူလ္လာ ထံမှ ငွေကျပ် (၅၅) သိန်း ယူခဲ့ပြီး ဖြစ်သော်လည်း နောက်ဆုံးတွင် ၎င်းကို နိုင်ငံသားပြုကဒ် (အစိမ်းရောင်ကဒ်) လျှောက်ထားရန် ပျက်ကွက်သူ တစ်ဦး ဖြစ်သည်ဟု ဆိုကာ ပယ်ချ၍ ရွေးကောက်ပွဲ ပြန်လည် ကျင်းပခဲ့ခြင်း ဖြစ်သည်ဟု ဒေသခံများက RB News သို့ပြောသည်။ 

လက်ရှိ အုပ်ချုပ်ရေးမှူး ဦးအီနုစ်သည် ၎င်းအုပ်ချုပ်စဉ် ကာလပတ်လုံး ရွာသူရွာသား များကို အမျိုးမျိုး ဒုက္ခပေးခဲ့သူ တစ်ဦး ဖြစ်ပြီး အုပ်ချုပ်ရေးမှူး အဖြစ် ပြန်လည် ခန့်အပ်ခြင်း ခံရပါက ကျေးရွာ အခြေအနေ ပိုမိုဆိုးဝါးလာမည်ဟု ဒေသခံများက စိုးရိမ်လျက် ရှိနေကြသည်။ ထို့ကြောင့် အာဏာပိုင်များ အနေဖြင့် ရွာသူရွာသားများ ကောင်းစားရေးကို လျစ်လျူရှုခြင်း မပြုဘဲ ရွာသူရွာသားများ၏ ဆန္ဒအတိုင်း ရွေးကောက် တင်မြှောက်ခဲ့သည့် ပုဂ္ဂိုလ်ကိုသာ ဦးစားပေး ခန့်အပ်ရန် အနူးအညွတ် ပန်ကြားလိုသည်ဟု ဒေသခံများက ပြောပါသည်။

ဗွီအိုအေမြန်မာပိုင်း

12.3.2016

တပ်မတော်ဘက်က ဒုသမ္မတ အဖြစ် မနေ့က အဆိုပြု တင်သွင်းတဲ့ ဒုတိယ ဗိုလ်ချုပ်ကြီးမြင့်ဆွေ (အငြိမ်းစား) ဟာ လက်ရှိ အမေရိကန် ဒဏ်ခတ် အရေးယူ ထားတဲ့ စာရင်းမှာ ရှိနေဆဲဖြစ်ပါတယ်။ အခုလို အရေးယူထားတဲ့ စာရင်းကနေ ပယ်ဖျက်ဖို့ ဆိုရင် သူ့ကိုဘာကြောင့် သွတ်သွင်းခဲ့ သလဲဆိုတဲ့ သူရဲ့လုပ်ရပ်ကို ဆက်ပြီး မလုပ်တော့ဘူး ဆိုတာ အခိုင်အမာ သက်သေပြဖို့ လိုတယ်လို့ အမေရိကန် နိုင်ငံခြားရေး ဌာနမှာ မနေ့က ပြုလုပ်တဲ့ ပုံမှန် သတင်းစာ ရှင်းလင်းပွဲ အတွင်း ပြောခွင့်ရ ပုဂ္ဂိုလ် John Kirby ကပြောကြားခဲ့ ပါတယ်။ မအင်ကြင်းနိုင်က အပြည့်အစုံကို ဆက်လက် တင်ပြမှာပါ။

၂၀၀၇ခုနှစ် ရန်ကုန်မြို့မှာဖြစ်ခဲ့တဲ့ လူထုဆန္ဒပြပွဲတွေကို အကြမ်းဖက်နှိမ်နင်းမှုနဲ့ ဆက်စပ်နေတယ် ဆိုပြီး အမေရိကန်ပြည်ထောင်စုက ဒုတိယဗိုလ်ချုပ်ကြီးမြင့်ဆွေကို ပစ်မှတ်ထားအရေးယူခဲ့တာဖြစ်ပါတယ်။ အမေရိကန် ဘဏ္ဍာရေးဝန်ကြီးဌာန လက်အောက်ခံ OFAC ခေါ် နိုင်ငံခြားပိုင်ဆိုင်မှုပစ္စည်း ထိန်းချုပ်ရေးဌာနရဲ့ SDN ခေါ် ပစ်မှတ်ထား ဒဏ်ခတ် ပိတ်ဆို့ အရေးယူဖို့ အထူးသတ်မှတ်ထားတဲ့ နိုင်ငံတွေနဲ့ လူပုဂ္ဂိုလ်တွေ စာရင်းအရ ၂၀၀၇ ခုနှစ် စက်တင်ဘာလ (၂၇) ရက် ရက်စွဲနဲ့ ဖေါ်ပြခဲ့တဲ့ အထဲမှာတော့ ဒုတိယဗိုလ်ချုပ်ကြီးမြင့်ဆွေကို အဲဒီအချိန်က တပ်လုံခြုံရေး အကြီးအကဲရာထူးနဲ့ဖေါ်ပြထားပြီး ရန်ကုန်မြို့မှာဖြစ်ခဲ့တဲ့ လူထုဆန္ဒပြပွဲတွေမှာ အကြမ်းဖက်ဖိနှိပ်မှုတွေမှာ တာဝန်ရှိသူတဦး အဖြစ်ရေးသားထားပါတယ်။

အခုလို အမေရိကန်ရဲ့ဒဏ်ခတ်အရေးယူမှုစာရင်းမှာ (၉)နှစ်ဆက်တိုက်ပါနေတဲ့သူကို တပ်မတော်က ဒုသမ္မတ အဆိုတင်သွင်းခဲ့တာကြောင့် ဒုဗိုလ်ချုပ်ကြီးဟောင်း မြင့်ဆွေကို အမေရိကန်အစိုးရက ပိတ်ဆို့မှုစာရင်းကနေ ပယ်ဖျက်ပေးဖို့ရှိပါသလားလို့ အမေရိကန်နိုင်ငံခြားရေးဌာနကို ဗွီအိုအေက ဆက်သွယ်မေးမြန်းရာမှာ ပြောခွင့်ရအမျိုးသမီးက အခုလိုပြောပါတယ်။

“ဦးမြင့်ဆွေအနေနဲ့ ပစ်မှတ်ထား ဒဏ်ခတ်ပိတ်ဆို့မှု SDN စာရင်းမှာ ဘာကြောင့် ပါနေသလဲ ဆိုတဲ့အချက်နဲ့ပတ်သက်ပြီး အမေရိကန်ဘဏ္ဍာရေး ဝန်ကြီးဌာန ရဲ့ နိုင်ငံခြားငွေပိုင်ဆိုင်မှုများဆိုင်ရာ ထိန်းချုပ်ရေးဌာန ကို မေးမြန်းကြည့်ပါလို့ ကျမတို့ ညွှန်းလိုပါတယ်။ ဒုတိယသမ္မတလောင်း အမည် တင်သွင်းခြင်း ဟာ မြန်မာနိုင်ငံရဲ့ ဒီမိုကရေစီ အသွင် ကူးပြောင်းရေး ကာလမှာ နောက်ထပ် အရေးကြီးတဲ့ခြေလှမ်း တရပ်ဖြစ်ပါတယ်။ ဒီလို အသွင်ကူးပြောင်းရေး ကာလကို ထောက်ခံအားပေးသွားဖို့လဲ အမေရိကန်ပြည်ထောင်စုက သန္နိဋ္ဌာန် အခိုင်အမာချထားပါတယ်။”

ဒါအပြင် နိုင်ငံတော်သမ္မတနဲ့ ဒုသမ္မတတွေကို မြန်မာပြည်သူတွေကသာ တိုက်ရိုက်ရွေးချယ်ခွင့်ရှိသင့်တယ်လို့ အမေရိကန်ဘက်ကမြင်ကြောင်း သူကအခုလိုပြောပါတယ်။

“မြန်မာနိုင်ငံရဲ့ဖွဲ့စည်းပုံအခြေခံဥပဒေမှာ အားနည်းချက်တွေရှိတယ်ဆိုတာကို အစဉ်တစိုက် အမေရိကန်ပြည်ထောင်စုက ထောက်ပြခဲ့တာဖြစ်ပါတယ်။ အထူးသဖြင့် လွှတ်တော်ရဲ့အမတ်နေရာ ၂၅%ကို စစ်တပ်အတွက် သတ်မှတ်ပေးထားတဲ့ အချက်ပါ။ ဒီအခြေအနေပေါ်မူတည်ပြီး စစ်တပ် ၂၅% ကိုယ်စားလှယ်ကနေ သမ္မတ ဒါမှမဟုတ် ဒုသမ္မတ လောင်းတွေကို အမည်တင်သွင်းခွင့်ရ တာဖြစ်ပါတယ်။ နိုင်ငံကိုခေါင်းဆောင်မယ့် ပုဂ္ဂိုလ်တွေကို နိုင်ငံသားတွေကသာ မဲပေးရွေးချယ်ခွင့်ရသင့်ကြပါတယ်။ အမျိုးသား စည်းလုံးညီညွတ်ရေး စိတ်ဓါတ်အရနဲ့ မြန်မာနိုင်ငံအတွက် အကောင်းဆုံးဖေါ်ဆောင်ပေးနိုင်ဖို့ ပြည်သူတို့ရဲ့ ဆန္ဒကို ကိုယ်စားပြုမယ့် ဒီမိုကရေစီနည်းကျ အရပ်သား အစိုးရဖွဲ့စည်းနိုင်ရေး အတွက် နိုင်ငံခေါင်းဆောင် အားလုံး ၀ိုင်းဝန်းကြိုးပမ်းကြဖို့ကိုလည်း အမေရိကန်ပြည်ထောင်စုက တိုက်တွန်းပါတယ်။”

ဒုတိယဗိုလ်ချုပ်ကြီးမြင့်ဆွေ (အငြိမ်းစား) ဟာ နိုင်ငံရေး၊ အုပ်ချုပ်ရေး အတွေ့အကြုံများစွာ ရှိသူတဦးဖြစ်တာကြောင့် ဒုသမ္မတအဖြစ် အဆို တင်သွင်းတာဖြစ်ကြောင်း တပ်မတော်သားလွှတ်တော်ကိုယ်စားလှယ် ဗိုလ်မှူးချုပ် တင့်စန်းနိုင်က မနေ့ သောကြာနေ့က ကျင်းပတဲ့ တပ်မတော်သား လွှတ်တော် ကိုယ်စားလှယ်များ အစုအဖွဲ့က ဒုတိယ သမ္မတရွေးချယ်ရေး အစည်းအဝေးမှာ အခုလိုပြောသွားပါတယ်။

"ဦးမြင့်ဆွေ ဒုတိယဗိုလ်ချုပ်ကြီး အငြိမ်းစားဟာ ပထမအကြိမ် လွှတ်တော် သက်တမ်းကာလ အတွင်းမှာ ရန်ကုန်တိုင်း ဝန်ကြီးချုပ်အဖြစ် တာဝန်ထမ်းဆောင် ခဲ့တဲ့ အတွက် နိုင်ငံရေးအတွေ့အကြုံ များစွာ ရှိသူတဦး ဖြစ်ပါတယ်။ ဒါ့အပြင် တပ်မတော် မှာ ဒုတိယ ဗိုလ်ချုပ်ကြီးအဖြစ် တာဝန်ထမ်းဆောင်ခဲ့တဲ့အတွက် အုပ်ချုပ်ရေး အတွေ့အကြုံများစွာ ရှိသူလည်းဖြစ်ပါတယ်။"

ဒုတိယဗိုလ်ချုပ်ကြီးမြင့်ဆွေကို တပ်မတော်က ဒုသမ္မတအဖြစ် တင်သွင်းတဲ့ အကြောင်းအရင်းတွေထဲမှာ တပ်တွင်းသူဟာ စီနီယာတဦးဖြစ်တဲ့အပြင် ဗိုလ်ချုပ်မှုးကြီးဟောင်းသန်းရွှေရဲ့ သစ္စာရှိတဲ့ လူယုံတဦးဖြစ်နေတယ် ဆိုတာတွေ့ရတယ်လို့ စစ်သံမှုးဟောင်း ဦးအောင်လင်းထွဋ်ကပြောပါတယ်။

သူဟာ တကယ်တော့ ဗိုလ်ချုပ်မှူးကြီးသန်းရွှေရဲ့ ပီအေသဘောမျိုးပေါ့လေ ကျနော်တို့ ဒီတပ်မတော်မှာ လုပ်ငန်းတာဝန် အားလုံးက ဗိုလ်ချုပ်မှူးကြီးသန်းရွှေဆီ မသွားခင်မှာ သူဆီကတဆင့် အားလုံးပဲ သွားရပါမယ်။ ဗိုလ်ချုပ်ကြီးခင်ညွန့်ပင်လျင် ဗိုလ်ချုပ်မှူးကြီးသန်းရွှေကို ပြောချင်တဲ့အခါမှာ ဗိုလ်ချုပ်ကြီးမြင့်ဆွေက တဆင့် တင်ပြရတဲ့အနေအထားမျိုးရှိပါတယ်။ နောက်တခုက ကျနော်တို့ သိထားသလောက်ပေါ့လေ။ သထုံဇာတိပါ။ ဒေါ်ကြိုင်ကြိုင်နဲ့ ဆွေနီးမျိုးဆက် တူတော်တယ်လို့သိရပါတယ်။ ပအို့ဝ်အမျိုးသား နွယ်တဲ့အနေအထားမျိုး ရှိပါတယ်။ "

အရင်သမ္မတဦးသိန်းစိန်အစိုးရလက်ထက်တုန်းက တပ်မတော်ဘက်ကနေ ဒုသမ္မတ အဖြစ် ဒုတိယဗိုလ်ချုပ်ကြီးဟောင်းမြင့်ဆွေကို တင်မြှောက်ဖို့ ကြိုးစားခဲ့တဲ့ ဖြစ်ရပ် ရှိခဲ့ကြောင်း မြန်မာ့နိုင်ငံရေးအကဲခတ် ဦးအောင်သူငြိမ်းကပြောပါတယ်။

" အရင်တချိန်တုန်းက ဒုသမ္မတဖြစ်တဲ့ သီဟသူရ ဦးတင်အောင်မြင့်ဦးပေါ့နော် နှုတ်ထွက် ပါတယ်။ အဲ့ဒီ့အချိန်မှာ ဦးမြင့်ဆွေကို ဒုသမ္မတအဖြစ် တင်သွင်းမယ်ဆိုတဲ့ သတင်းတွေရှိခဲ့တာပေါ့။ သူ့ရဲ့သားမက်လို့ထင်ပါတယ်။ အဲ့တာက သြစတြေးလျမှာ နိုင်ငံသားဖြစ်နေတယ် ဆိုတဲ့သတင်းတွေနဲ့ အဲ့တာကြောင့်ပဲ ပုဒ်မ ၅၉ စ နဲ့ ညိတယ်ဆိုတဲ့ သတင်းတွေ အဲ့ဒီ့အချိန်က ကြားခဲ့ရတာပေါ့။"

မနေ့က လွှတ်တော်နှစ်ရပ် သမ္မတရွေးချယ်ရေး အစုအဖွဲ့တွေမှာ ဒုသမ္မတတွေကို မဲပေးရွေးချယ် ရာမှာ NLD ပါတီက အဆိုပြုထားသူနှစ်ဦးဖြစ်တဲ့ ဦးထင်ကျော်နဲ့ ဦးဟင်နရီဗန်တီးယူတို့ အပြတ်အသတ် အနိုင်ရခဲ့ပါတယ်။

မတ်လ (၁၀)ရက်နေ့က ဖွဲ့စည်းလိုက်တဲ့ နိုင်ငံတော် သမ္မတ အရည်အချင်းနဲ့ ပြည့်စုံမှု ရှိမရှိ စိစစ်ရေး အဖွဲ့မှာ ပြည်သူ့လွှတ်တော်ဥက္ကဋ္ဌ ဦးဝင်းမြင့်၊ အမျိုးသားလွှတ်တော် ဥက္ကဋ္ဌ မန်းဝင်းခိုင်သန်း၊ ပြည်သူလွှတ်တော် ဒုဥက္ကဋ္ဌ ဦးတီခွန်မြတ်၊ အမျိုးသားလွှတ်တော် ဒုဥက္ကဋ္ဌ ဦးအေးသာအောင်၊ NLD ပြည်သူ့လွှတ်တော် အမတ် ဒေါက်တာမျိုးအောင်၊ NLD အမျိုးသားလွှတ်တော်အမတ် ဦးဘမျိုးသိန်းနဲ့ တပ်မတော်လွှတ်တော်ကိုယ်စားလှယ် ဗိုလ်ချုပ်သန်းစိုးတို့ ပါဝင်ပါတယ်။

မေခ

11.3.2016

လွှတ်တော် ၂ရပ် သမ္မတ ရွေးချယ်ရေး အစုအဖွဲ့ တွေမှာ ဒုသမ္မတ တွေကို မဲပေး ရွေးချယ် ရာမှာ၊ NLD ပါတီက အဆိုပြုထားသူ နှစ်ဦးပဲ အပြတ်အသတ် အနိုင်ရ ခဲ့ပါတယ်။ သမ္မတ ရွေးချယ်ရေး တပ်မတော် အစုအဖွဲ့ဘက် ကတော့ လက်ရှိ ရန်ကုန်တိုင်း ဝန်ကြီးချုပ် ဒုတိယ ဗိုလ်ချုပ်ကြီးဟောင်း ဦးမြင့်ဆွေကို ဒု သမ္မတ အဖြစ် ရွေးချယ် လိုက်တာကြောင့်၊ ဒု သမ္မတ သုံးဦး ထွက်ပေါ်လာပါပြီ။ ဒီအထဲကနေမှ တဦးကို နိုင်ငံတော်သမ္မတအဖြစ် နောက်လာမယ့် သီတင်းပတ် ထဲ ပြည်ထောင်စု လွှတ်တော်မှာ ရွေးချယ်ဖို့ရှိပါတယ်။ သမ္မတရွေးချယ်မှု ဆိုင်ရာ အတွက် သတင်းယူဖို့ နေပြည်တော် ရောက်နေတဲ့ ဗွီအိုအေ သတင်းထောက် မမေခ သတင်းပေးပို့ထားပါတယ်။

ဒုသမ္မတအသီးသီးကို သမ္မတရွေးချယ်ရေးဆိုင်ရာ ပြည်သူ့လွှတ်တော်နဲ့ အမျိုးသား လွှတ်တော် အစုအဖွဲ့တွေက ဒီကနေ့မှာ မဲခွဲရွေးချယ်ခဲ့ တာဖြစ်ပါတယ်။ မနေ့က လွှတ်တော် ၂ရပ်မှာ ဒုတိယ သမ္မတလောင်း အမည်စာရင်း တင်သွင်းတာမှာ အနိုင်ရ NLD ပါတီအပြင် ကြံ့ခိုင်ရေးပါတီကပါ ဒုသမ္မတလောင်းအမည်စာရင်းတွေ တင်သွင်း ခဲ့တာ ကြောင့် အခုလို မဲခွဲဆုံးဖြတ်လိုက်တာဖြစ်ပါတယ်။

ဒီလို မဲခွဲတာမှာ ပြည်သူ့လွှတ်တော် ဆန္ဒမဲပေးနိုင်သူ အရေအတွက် ၃၁၇ ယောက်မှာ NLD ပါတီက တင်သွင်းတဲ့ ဦးထင်ကျော်က ၂၇၄ မဲ ရခဲ့ပြီး ကြံ့ခိုင်ရေးပါတီက တင်သွင်းတဲ့ လက်ရှိ ဒုသမ္မတ ဒေါက်တာစိုင်းမောက်ခမ်းက ၂၉မဲရခဲ့ပါတယ်။ ပယ်မဲကတော့ ၁၄မဲ ထွက်ခဲ့ပါတယ်။

ဒီလို NLDပါတီက မဲအပြတ်အသတ်နဲ့ အနိုင်ရရှိထားတဲံအပေါ် ကြံ့ခိုင်ရေးပါတီ က ပြည်သူ့လွှတ်တော်ကိုယ်စားလှယ် ဦးကိုကိုနိုင် ကတော့ ရွေးချယ်မှုအပေါ် အခုလို ပြောပြပါတယ်။

" ဒါကတော့ ပါတီအနေနဲ့ ရွေးချယ်တင်မြှောက်တယ်ဆိုတာထက် ကျနော်တို့ လွှတ်တော်ထဲမှာ ရောက်လာတဲ့ ကိုယ်စားလှယ်တွေက ပြည်သူတွေက ရွေးချယ် ထားတဲ့ ကိုယ်စားလှယ်တွေပဲ။ ပြည်သူရွေးချယ်ထားတဲ့ ကိုယ်စားလှယ် အများစုကနေ ရွေးချယ်လိုက်တဲ့ ပုဂ္ဂိုလ်ကို အားလုံးကနေ လက်ခံကြရမှာပါ။ ဒီပုဂ္ဂိုလ်ကိုပဲ ပြည်သူ့လွှတ်တော်ကိုယ်စားလှယ်အများစုက ရွေးချယ်တင်မြှောက်လိုက်တာဖြစ်တဲ့အတွက် သူအကောင်းဆုံး နိုင်ငံ့အတွက် အကောင်းဆုံး ဦးဆောင်နိုင်လိမ့်မယ် လို့ ယုံကြည်ပါတယ်။"

သမ္မတရွေးချယ်ရေးဆိုင်ရာ အမျိုးသားလွှတ်တော်အစုအဖွဲ့မှာတော့ ဆန္ဒမဲပေးနိုင်သူ အရေအတွက် ၁၆၇ယောက်မှာ NLD ပါတီက တင်သွင်းတဲ့ NLD အမျိုးသား လွှတ်တော် ကိုယ်စားလှယ် ဦးဟင်နရီဗန်တီးယူက ၁၄၈ မဲရရှိခဲ့ပြီး ကြံ့ခိုင်ရေးပါတီ က တင်သွင်းတဲ့ အရင် အမျိုးသားလွှတ်တော်ဥက္ကဋ္ဌဟောင်းလည်းဖြစ်၊ လက်ရှိ အမျိုးသား လွှတ်တော် ကိုယ်စားလှယ် ဦးခင်အောင်မြင့် က ၁၃မဲ ရခဲ့ပါတယ်။ ပယ်မဲ ၆မဲ ထွက်ခဲ့ပါတယ်။ မဲအရေအတွက် အသာနဲ့ အမျိုးသားလွှတ်တော်အစုအဖွဲ့က တင်သွင်းတဲ့ ဒုသမ္မတ အဖြစ် ဦးဟင်နရီဗန်တီးယူ ကိုရွေးချယ်ခဲ့တာ ဖြစ်ပါတယ်။

လက်ရှိ သမ္မတအရည်အချင်းစိစစ်ရေးအဖွဲ့မှာ လွှတ်တော် ၂ရပ်လုံးက ဥက္ကဋ္ဌ၊ ဒုဥက္ကဋ္ဌ တွေ၊ နောက် လွှတ်တော် ၂ရပ်က ရွေးချယ်ထားတဲ့ လွှတ်တော်ကိုယ် စားလှယ် ၂ဦး ၊ တပ်မတော်သားဘက်က ရွေးချယ်ထားတဲ့ တပ်မတော်သား ကိုယ်စားလှယ်တဦး စုစုပေါင်း ၇ဦးက စိစစ်ရွေးချယ်သွားမှာဖြစ်ပါတယ်။ ဒီစိစစ်ရေးအဖွဲ့မှာ ပါဝင်တဲ့ အမျိုးသားလွှတ်တော် ကိုယ်စားလှယ် ဦးဘမျိုးသိန်း က ရွေးချယ်မယ့် စည်းမျဉ်းတွေနဲ့ပတ်သတ်ပြီး ခုလိုပြောပြပါတယ်။

" အထူးသဖြင့် နိုင်ငံသားဖြစ်မှုပေါ့ နိုင်ငံသားဖြစ်မှုမှာ ကာယကံရှင်ရဲ့ နိုင်ငံသားဖြစ်မှု၊ သူ့ရဲ့ပညာအရည်အချင်း၊ မှတ်ပုံတင်နံပတ်၊ သူ့ရဲ့အလုပ်အကိုင်ပါမယ်။ ဒါတွေကို စစ်ဆေးမယ်။ နောက် သူ့ရဲ့ မိသားစု၊ ဇနီးခင်ပွန်း၊ နောက်တခါ သားသမီးတွေ သူတို့ဟာ နည်းဥပဒေ မှာ ဖော်ပြထားတဲ့ အချက်တွေနဲ့ ကိုက်ညီခြင်း ရှိမရှိ စစ်ဆေးသွားမယ်။ ဒါဟာ ပထမဆုံးအချက်ပေါ့နော်။

ဒုတိယသမ္မတကျတော့ ထပ်ပြီးတော့ ပိုပြီးတော့ နည်းနည်းလေး အသေးစိတ် ပိုပြီးတော့ စစ်ဆေးတဲ့သဘောပဲ ဖြစ်မှာပါ။ သူတို့ ဥပဒေတွေ နည်းဥပဒေတွေ ဖော်ပြ ထားတဲ့ အတိုင်းပဲ ပုဒ်မ ၂၆ ၊ ပုဒ်မ ၂၇၊ ပုဒ်မ ၂၈ တို့ ဖော်ပြထားပါတယ်။ ဒီအတိုင်းစစ်ဆေးရမှာပါ။ လိုအပ်လို့ရှိရင် ကာယကံရှင်ကို မေးရမှာပေါ့။ နောက်လိုအပ်လို့ရှိရင် သက်ဆိုင်ရာ ဌာန အဖွဲ့အစည်းတွေကိုလည်း မေးဖို့လိုတယ်။ ဒီဟာကတော့ ဒီလိုစစ်ဆေးမယ့်ပုံစံတွေ ရှိပါတယ်။ အဲ့ဒီ့အတိုင်းပဲ ကျနော်တို့ စစ်ဆေးသွားဖို့ရှိပါတယ်။"

လက်ရှိချိန်မှာ တပ်မတော်အစုအဖွဲ့က သူတို့ဘက်ကရွေးတဲ့ ဒုသမ္မတအဖြစ် လက်ရှိ ရန်ကုန်တိုင်း ဝန်ကြီးချုပ် ဦးမြင့်ဆွေကို ဒီကနေ့ဘဲရွေးချယ်လိုက်ပါတယ်။ ဒီလိုရွေးချယ် လိုက်တဲ့ အပေါ်မှာ ဝေဖန်မှုတွေထွက်ပေါ်နေတာတွေလည်းရှိပါတယ်။

တပ်မတော်ဘက်က ရွေးချယ်လိုက်တဲ့ ဒုသမ္မတနဲ့ ပတ်သတ်ပြီး မြန်မာ့နိုင်ငံရေးလေ့ လာ သုံးသပ်သူ ဦးစည်သူအောင်မြင့်က ခုလိုသုံးသပ်လိုက်ပါတယ်။

"တကယ်က အခု အာဏာအလွှဲအပြောင်းမှာဆိုရင် အကျိုးစီးပွားဆိုင်ရာ ကိစ္စတွေ တော်တော်များများက သမ္မတနဲ့ ဒီ NLD အစိုးရ လက်ထဲ ကို ရောက်လာလိမ့်မယ်လို့ ဆိုတဲ့အခါကျတော့ အရင် စစ်ဗိုလ်ချုပ်ဟောင်းကြီးတွေ နောက် သူတို့ကျန်ရစ်သွားတဲ့ အကျိုးစီးပွားကိစ္စတွေက အများကြီး ကျန်ရစ်တယ်။ ဆိုတော့ ဒီဟာတွေကို ပြန်ပြီးတော့ ကာကွယ်ဖို့ ပြန်ပြီးတော့ ကိုယ်တွယ်ဖို့ ဆိုရင် ပြည်နယ်ဝန်ကြီးချုပ် ၊ တိုင်းဝန်ကြီးချုပ် အဆင့်လောက်တွေ ရာထူးရထားရင်လည်း ကိုင်တွယ်လို့ရတယ်။ ဒါပေမဲ့ အဲ့တာတွေနဲ့ ပတ်သက်လို့ ညှိနှိုင်းလို့မရဘူးနဲ့ တူပါတယ်။ ညှိနှိုင်းလို့မရတော့ ဒါတွေကို ကိုင်တွယ်နိုင်တဲ့ နေရာဟာ ဒုသမ္မတ (၁) ရဲ့ နေရာပဲ ဖြစ်တယ်။ ဒုသမ္မတ (၁)က ကိုင်တွယ်နိုင်တဲ့အခါကျတော့ ဗိုလ်ချုပ်မြင့်ဆွေ က အရင်စစ်အစိုးရ လက်ထက်ကတည်းက တာဝန်တွေလည်း ကြီးကြီးမားမား ယူခဲ့တယ်။ လက်ရှိ အချိန်အထိလည်း အကျိုးစီးပွားတွေနဲ့ပတ်သက်ပြီးတော့မှ အများကြီး ကိုယ်တွယ် ထားတဲ့ဟာတွေ ရှိတဲ့အခါကျတော့ သူ့ကို အဓိက ထားပြီးတော့ ကာကွယ်စောင့်ရှောက်ဖို့ သူ့ကို ဒုသမ္မတ ခန့်လိုက်တယ်လို့ ထင်ပါတယ်။"

ခုချိန်မှာ ပြည်သူ့လွှတ်တော်၊ အမျိုးသားလွှတ်တော် နဲ့တပ်မတော်အစုအဖွဲ့တို့ကနေ ဒုသမ္မတတဦးစီ ရွေးချယ်ပေးလိုက်တာကြောင့် မကြာခင်မှာ ဒီဒုသမ္မတ တွေကို သမ္မတအရည်အချင်းနဲ့ပြည့်မှီခြင်း ရှိမရှိစိစစ်သွားမှာပါ။ ဒီလိုစစ်ဆေးပြီးရင် မဲခွဲကာ မဲအများဆုံးရသူကို နိုင်ငံတော်သမ္မတရွေးချယ်သွားမှာ ဖြစ်တာကြောင့် လာမယ့် မတ် ၁၅မှာ ပြည်ထောင်စု လွှတ်တော် ကျင်းပကာ နိုင်ငံတော် သမ္မတရွေးချယ်သွားဖို့ရှိပါတယ်။

ဧရာဝတီ

11.3.2016

NLD ပါတီ မှ အဆိုပြုခဲ့သည့် ဦးထင်ကျော် နှင့် ချင်းတိုင်းရင်းသား ဦးဟင်နရီဗန်ထီးယူ က ကြံ့ခိုင် ဖွံ့ဖြိုးရေးပါတီ မှ အဆိုပြု တင်သွင်းခဲ့သည့် ဒေါက်တာ စိုင်းမောက်ခမ်းနှင့် ဦးခင်အောင်မြင့် တို့ ကို မဲအပြတ် အသတ်အနိုင်ရကာ ဒုသမ္မတနေရာ အတွက် အနိုင် ရရှိသွားပြီ ဖြစ်ကြောင်း သိရသည်။

ယနေ့ မနက် ၁၀ နာရီက ပြုလုပ်သည့် ပြည်သူ့လွှတ်တော် နှင့် အမျိုးသားလွှတ်တော် ဒုတိယအကြိမ် ပုံမှန်အစည်းအဝေး ၁၇ ရက်မြောက်နေ့ အစည်းအဝေးတွင် ဒုသမ္မတလောင်းများ ကို ဆန္ဒမဲပေးသည့် စနစ်ဖြင့် ရွေးချယ်ခဲ့ခြင်းဖြစ်သည်။

NLD ပါတီမှ အဆိုပြုခဲ့သူ ဦးထင်ကျော် က ပြည်သူ့လွှတ်တော်တွင် ထောက်ခံမဲ ၂၇၄ မဲ ဖြင့် ၂၉ မဲ ရရှိခဲ့သည့် USDP ပါတီမှ ဒေါက်တာစိုင်းမောက်ခမ်းကို မဲအပြတ်အသတ်ဖြင့် အနိုင်ရရှိခဲ့ကြောင်း သိရသည်။

အမျိုးသားလွှတ်တော်တွင် ချင်းတိုင်းရင်းသား ဦးဟင်နရီဗန်ထီးယူ က ထောက်ခံမဲ ၁၄၆ မဲ ဖြင့် ဒုသမ္မတ အဖြစ် အနိုင်ရကာ ဦးခင်အောင်မြင့် က ၁၃ မဲ ဖြင့် ရှုံးနိမ့်ခဲ့သည်။

တပ်မတော်သားကိုယ်စားလှယ်များဘက်က ရန်ကုန်တိုင်းဝန်ကြီးချုပ် ဦးမြင့်ဆွေ ကို ဒုသမ္မတလောင်းအဖြစ် အမည်စာရင်းတင်သွင်းလာဖွယ်ရှိသည်ဟု သတင်းများထွက်ပေါ်လျက်ရှိသည်။

နိုင်ငံတော် သမ္မတ ရွေးချယ်မှု အစီအစဉ် ကို မတ် ၁၈ ရက် လွှတ်တော်တွင် ပြုလုပ် ရွေးချယ်မည် ဖြစ်သည်ဟု သိရသည်။

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း လိပ်ရ ကျေးရွာ အခြေစိုက် နယ်မြေ (၄) နယ်ခြားစောင့် ရဲတပ်ဖွဲ့ စခန်းမှ ရဲမှူး ပြည်ပြည်ဦးသည် မတ်လ (၆) ရက်နေ့တွင် အုလ္လာမျာ (ဘ) ဦးရှကူရ် (အသက် ၂၁ နှစ်) အား ဖမ်းဆီး၍ နယ်မြေရုံးတွင် ချုပ်နှောင် ထားခဲ့သည်။ ၎င်းအား တရားမ၀င် အိမ်ထောင်ပြုထားသည်ဟု စွပ်စွဲ၍ ငွေကျပ် တစ်သိန်း ညှစ်ယူခဲ့သည်။ 

ထို့အပြင် ဦးဆွေတာလောမ် (ဘ) ဦးနူရ်ဂျာမာလ် (အသက် ၃၅ နှစ်) သည် နေအိမ်၏ ဟောင်းနွမ်းနေသော ၀ါးထရံများကို ပြုပြင်ခဲ့ရာ၊ ရဲမှူး ပြည်ပြည်ဦးအား အသိပေးခြင်း မရှိဟု ဆိုကာ ဖမ်းဆီး သွားခဲ့သည်။ ထို့နောက် ငွေကျပ် (၃) သိန်း ညှစ်ယူ၍ ပြန်လည် လွှတ်ပေးခဲ့ကြောင်း ဒေသခံများက RB News သို့ပြောပါသည်။ 

ရဲမှူး ပြည်ပြည်ဦးသည် အရာရှိကြီး တစ်ဦးဖြစ်သော်လည်း ကျင့်ဝတ် သိက္ခာနှင့် အညီ နေထိုင်ခြင်း မရှိဘဲ ညပိုင်းတွင် ပြည့်တန်ဆာများနှင့် ပျော်ပါးသူ တစ်ဦး ဖြစ်ပြီး၊ ဒေသခံ ရွာသားများကို မဟုတ်မမှန် လုပ်ကြံ စွပ်စွဲ၍ ငွေညှစ်နေခြင်းမှာ နိုင်ငံတော် အတွက် လွန်စွာ သိက္ခာကျသည့် လုပ်ရပ်များ ဖြစ်သဖြင့် အထက် အာဏာပိုင်များက လိုအပ်သလို စုံစမ်း စစ်ဆေးမှုများ ပြုလုပ်ပြီး အမြန်ဆုံး အရေးယူသင့်သည်ဟု ဒေသခံများက ပြောပါသည်။