ရခိုင် ဒုက္ခသည် တွေ နေရပ် ပြန်ပို့ရေး ကုလ သမဂ္ဂ အကူ အညီလို
RFA မြန်မာပိုင်း
21.4.2013
၂၀၁၂ ခုနှစ် အတွင်းက ရခိုင် ပြည်နယ် အတွင်းမှာ ဖြစ်ပွား ခဲ့တဲ့ အကြမ်း ဖက်မှု တွေကြောင့် အိုးအိမ် စွန့် ခွာ ထွက်ပြေး ခဲ့ရသူ ဒုက္ခသည် တွေ အားလုံးကို မူလ နေထိုင် ခဲ့ရာ ဒေသ တွေဆီ ပြန်ပို့ နိုင်ရေး အတွက် ကု လ သမဂ္ဂရဲ့ အကူ အညီတွေ အများ အပြား လိုအပ် နေတယ်လို့ နယ်စပ် ရေးရာ ဝန်ကြီး ဌာန၊ ဒုတိယ ဝန်ကြီး ဗိုလ်ချုပ် ဇော်ဝင်းက ပြောကြား လိုက်ပါတယ်။
ရခိုင် ပြည်နယ် အစိုးရ အဖွဲ့ ရုံးမှာ တနင်္ဂနွေနေ့ မနက် ပိုင်းက ကျင်းပ ခဲ့တဲ့ ရခိုင် ပြည်နယ် ဒေသ အ တွင်း ပြန် လည် နေရာ ချထား ရေးနဲ့ ပြန်လည် ထူထောင် ရေးလုပ်ငန်း ကော်မတီ ညှိနှိုင်း အစည်း အဝေး မှာ အခုလို ပြောကြား ခဲ့တာပါ။
"မိုးမရွာ ခင်မှာ အမိုး အကာ အောက်ရောက် ရှိဖို့ ဆောင်ရွက် နေသလို၊ တစ်ဖက်က ကျောက်တော်လို ၊ပေါက်တောလို နေရာ မျိုးတွေက ဒုက္ခသည် တွေကို မှုလ နေရင်း ဒေသကို ပြန်လည် ပို့ဆောင်ရေး ဆောင် ရွက်တဲ့ နေရာမှာ ကုလ သမဂ္ဂရဲ့ အကူ အညီတွေ အများကြီး လိုအပ် ပါတယ်"
ဒုက္ခသည် တွေကို ကူညီ ဆောင်ရွက် ပေးနေတဲ့ ကုလ သမဂ္ဂ အဖွဲ့ အစည်း တွေ နဲ့ နိုင်ငံ တကာ လူမှုရေး အဖွဲ့ အစည်းတွေ ရခိုင် ပြည်နယ် တွင်းမှာ အန္တရာယ် ကင်းကင်း သွားလာ နိုင်ဖို့ အတွက် လုံခြုံရေး အစီ စဉ်တွေ ထပ်မံ တိုးမြှင့် ဆောင်ရွက် ပေးသွား မယ်လို့ လည်း ဗိုလ်ချုပ် ဇော်ဝင်းက ပြောကြား ခဲ့ပါတယ်။
ဒါ့ပြင် မိုးရာသီ ကာလ ရောက်ရှိ တော့မှာ ဖြစ်တဲ့ အတွက် ဒုက္ခသည် တွေ အတွက် မိုးလုံ လေလုံ နေအိမ် တန်းလျား တွေကို အချိန်မီ ဆောက်လုပ် ပြီးစီး နိုင်ရေး ကိစ္စတွေ ကိုလည်း ညှိနှိုင်း ဆွေးနွေး ခဲ့ကြ ပါတယ်။
ပြီးခဲ့တဲ့ ၂၀၁၂ ခုနှစ် ရခိုင် ပြည်နယ်မှာ နှစ်ကြိမ်တိုင် ဖြစ်ပွား ခဲ့တဲ့ အကြမ်းဖက် မှုတွေကြောင့် ဒုက္ခသည် တစ်သိန်း ကျော်ရှိ ကြောင်း ရခိုင် ပြည်နယ် အစိုးရ အဖွဲ့က သတင်း ထုတ်ပြန် ထားပါတယ်။
