မြန်မာနိုင်ငံ ပဋိပက္ခ နိုင်ငံတကာက နားလည်ရေး ဒေါ်စုရှင်းလင်း

ဗွီအိုအေ မြန်မာပိုင်း

21.9.2013

မြန်မာ နိုင်ငံမှာ လူမှု အသိုင်း အဝိုင်း တွေကြား ဘာကြောင့် ပဋိပက္ခတွေ ဖြစ်နေရ သလဲ ဆိုတဲ့ အကြောင်း အရင်းကို နိုင်ငံ တကာ အနေနဲ့ ထဲထဲ ဝင်ဝင် နားလည်အောင် လုပ်ကြဖို့ ဒေါ်အောင်ဆန်း စုကြည် က ပြော လိုက် ပါတယ်။

မွတ်ဆလင်တွေနဲ့ ဗုဒ္ဓ ဘာသာ ဝင်တွေကြားမှာ ဖြစ်နေတဲ့ ပြဿနာလို့ အပေါ်ယံ မမြင် ကြဘဲ အခြေ အနေကို အတွင်း ကျကျ နားလည်အောင် လုပ်ကြဖို့နဲ့ တဘက် အသိုင်း အဝိုင်းကို အပြစ်တင် တာမျိုး မလုပ်ကြဖို့ Singapore နိုင်ငံမှာ ကျင်းပ ခဲ့တဲ့ Singapore Summit ထိပ်သီး ဆွေးနွေး ပွဲမှာ ဒေါ်အောင် ဆန်း စုကြည်က ပြောသွား ပါတယ်။

ကမ္ဘာ တဝန်းက ထိပ်တန်း ဘဏ္ဍာရေးနဲ့ စီးပွားရေး ခေါင်းဆောင်တွေ တက်ရောက် ကြတဲ့ ထိပ် သီး ဆွေးနွေး ပွဲမှာ မြန်မာ နိုင်ငံမှာ တရား ဥပဒေ စိုးမိုးမှု မရှိတာက ပြည်ပ ရင်းနှီး မြှုပ်နှံသူ တွေကို ဟန့် တား သလို ဖြစ်နေ တယ်လို့ ဒေါ်အောင်ဆန်း စုကြည် ပြောကြား သွားခဲ့ ပါတယ်။ မြန်မာ နိုင်ငံမှာ အပစ် အ ခတ် ရပ်စဲရေး သဘော တူညီမှုတွေ ရနေပေမဲ့ ငြိမ်းချမ်းရေး ရရှိအောင် မလုပ်နိုင် သေးတဲ့ အပြင် လူမှု အ သိုင်း အဝိုင်း တွေကြား တင်းမာ မှုတွေ ရှိနေတယ်၊ အကြမ်းဖက် မှုတွေ ရှိနေတယ်၊ ဒီပြဿနာ တွေကို မဖြေ ရှင်းရင် ရင်းနှီး မြှုပ်နှံ သူတွေ စိတ်ချ လက်ချ လာရောက် ရင်းနှီး မြှုပ်နှံ ချင်တဲ့ ပတ်ဝန်း ကျင်မျိုး ဖန် တီး နိုင်မှာ မဟုတ် ဘူးလို့ ထောက်ပြ သွားပါတယ်။

လောလောဆယ်မြန်မာ နိုင်ငံမှာ နိုင်ငံခြားက လာရောက် ရင်းနှီးမြှုပ်နှံ နေမှုဟာ မျှော်လင့် ထား သလောက် မ ဟုတ် သေးတဲ့ အကြောင်းနဲ့ တရား ဥပဒေ စိုးမိုးမှု မရှိသေးတဲ့ အတွက် ရင်းနှီး မြှုပ်နှံ သူ တွေဘက်က သူတို့ရဲ့ မြှုပ်နှံမှု တွေဟာ စိတ်ချ ယုံကြည် ရရဲ့လားလို့ စိုးရိမ် နေကြ ဆဲ ဖြစ်ကြောင်း တွေ က ဒေါ်အောင် ဆန်း စုကြည်က ပြောကြား ဆွေးနွေး ပါတယ်။ 

နိုင်ငံခြား ကုမ္ပဏီတွေ အနေနဲ့မြန်မာ နိုင်ငံမှာ နိုင်ငံရေး အခြေ အနေ တည်ငြိမ်တဲ့ အထိ စောင့်သင့် သလား ဆိုတဲ့ အမေးကို အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်း စုကြည် ပြန်ဖြေတာ ကတော့ ကုမ္ပဏီ တွေကို နိုင်ငံ ထဲကနေ ထွက်သွားဖို့ အကြံ ပေးမှာ မဟုတ်ဘဲ ဆက်ပြီး ရင်းနှီး မြှုပ်နှံ မှု တွေ လုပ်သွား စေချင် ပါတယ်။ ဒါပေမဲ့ တတ်နိုင် သမျှ တာဝန် သိသိနဲ့ ရင်းနှီး မြှုပ်နှံ ကြဖို့ ပြောချင် ပါ တယ် လို့ ပြန်ဖြေသွား ခဲ့ပါတယ်။

နိုင်ငံခြား ကုမ္ပဏီတွေအနေနဲ့ သူတို့ လုပ်ငန်း တွေကို ထင်သာမြင်သာ ရှိအောင် လုပ်ဖို့ အရေး ကြီးကြောင်း ကို လည်း အလေးထား ပြောသွား ပါတယ်။

မြန်မာ နိုင်ငံမှာ နိုင်ငံရေး စီးပွားရေး တိုးတက်အောင် လုပ်ဖို့ အာမခံ ထားတဲ့ မြန်မာ အစိုးရ အနေနဲ့ ခိုင်မာတဲ့ တရား ဥပဒေ စိုးမိုးရေး စနစ်ကို တည်ဆောက် နိုင်ဖို့ ဖွဲ့စည်းပုံ အခြေခံ ဥပဒေကိုပြင်ဆင်ဖို့ လိုအပ် တယ်လို့ Singapore Summit ထိပ်သီး ညီလာခံမှာ ဒေါ်အောင်ဆန်း စုကြည်က ပြောကြား ခဲ့ပါတယ်။ Singapore နိုင်ငံခြားရေး ဝန်ကြီး လည်းဖြစ်၊ တရား ဥပဒေ ရေးရာ ဝန်ကြီးလည်း ဖြစ်တဲ့ K Shanmugam ရဲ့ ဖိတ်ကြား ချက်နဲ့ ဒေါ်အောင်ဆန်း စုကြည်ဟာ သောကြာနေ့ ထဲက စင်္ကာပူမှာ ရောက်ရှိ နေပြီး အင်္ဂါနေ့ အထိ ရှိနေမှာ ဖြစ်ပါတယ်။