မြန်မာနဲ့ မြောက်ကိုရီးယား စစ်ရေးဆက်ဆံမှု ရှိနေဆဲ
 |
| မြောက်ကိုရီးယား စစ်ရေး လေ့ကျင့် နေစဉ်။ |
ကိုသားညွန့်ဦး
26.9.2013
မြန်မာ နိုင်ငံ အနေနဲ့ ဒုံးလက်နက် နည်းပညာနဲ့ ပတ်သက်ပြီး မြောက်ကိုရီယားနဲ့ စစ်ရေး ဆက်ဆံ မှုတွေ ရှိနေ တုန်းပဲလို့ ၀ါရှင်တန် အခြေ စိုက်တဲ့ ကိုရီယား သတင်း ဌာန တခုမှာ ရေးသား ပါတယ်။ မြန်မာ နိုင်ငံ အနေနဲ့ ရှိပြီးသား ဒုံးလက်နက် ပစ္စည်း တွေကို ပြင်ဆင် ထိမ်းသိမ်းဖို့ မြောက်ကိုရီးယား ဟာ လို အပ် နေ တုန်းပဲ လို့လည်း မြန်မာ စစ်ရေး အကဲခတ် တဦးက ဗွီအိုအေကို ပြောပါတယ်။ ကိုသားညွန့်ဦးက စုံ စမ်း မေးမြန်း ထားတာပါ။
မြောက်ကိုရီယား နိုင်ငံ သင်္ဘော တွေဟာ အခြား နိုင်ငံ အလံတင် ပုံမှား ရိုက်ပြီး မြန်မာ နိုင်ငံကို စစ်လက် နက် ပစ္စည်း အပိုင်း အစတွေ တင်ပို့နေ တုန်းပဲလို့ ၀ါရှင်တန် ဒီစီ အခြေစိုက်တဲ့ NK News က ရေး သား ဖော်ပြ ခဲ့တာပါ။ အဲဒီ မြောက်ကိုရီးယား စစ်ပစ္စည်းတင် သင်္ဘော တွေဟာ မြန်မာ ရေပိုင်နက် အနီး အ နား ၀င်တဲ့ အခါမှာ မြောက်ကိုရီးယား အလံ အစား အခြား နိုင်ငံ တခုခုရဲ့ အလံ လွှင်ထူ ပုံမှား ရိုက် ပြီး မြန် မာနိူင်ငံကိုစစ်ပစ္စည်းအပိုင်းအစတွေလျှို့ဝှက် တင်ပို့ နေတယ်လို့ ဆိုပါတယ်။ မြန်မာဘက် ကတော့ မြောက် ကိုရီးယား ဖက်ကလိုတဲ့ ဆန်ကို ပြန်တင်ပို့ ပေးတယ်လို့ အဲဒီ သတင်းမှာ ဖော်ပြ ပါတယ်။
မြန်မာနိုင်ငံအနေနဲ့မြောက်ကိုရီးယားနိုင်ငံနဲ့စစ်ရေးဆက်ဆံ မှုတွေ မလုပ်ဖို့နဲ့ ကုလ သမဂ္ဂ လုံခြုံရေး ကောင် စီ ရဲ့ မြောက်ကိုရီးယား အရေး ဆိုင်ရာ ဆုံးဖြတ် ချက်ကို လေးစား လိုက်နာဖို့ အမေရိ ကန် ပြည်ထောင်စု အနေနဲ့ အမြဲတမ်း ဖိအား ပေးပြောဆို နေခဲ့ တာပါ။
မြောက်ကိုရီးယားနဲ့ နျူကလီယား ဒုံးလက်နက် ဆိုင်ရာ နည်းပညာ ဆက်ဆံ မှုတွေ မလုပ်ဖို့ လုံ ခြုံရေး ကောင် စီက ဆုံးဖြတ် ထားပြီး၊ အမေရိကန် ပြည်ထောင်စု ဘက်ကလည်း မြောက်ကိုရီးယားရဲ့ သင်္ဘော တွေကို မပြတ် စောင့်ကြည့် နေခဲ့တာပါ။ ၂၀၁၁ ခုနှစ် ဇွန်လ အတွင်း ကလည်း အခြား နိုင်ငံ အလံ တင်ထားတဲ့ မြောက်ကိုရီယား သင်္ဘော တစင်း တောင်အာရှ ပင်လယ် ပြင်ထဲမှာ အမေရိကန် ဘက် က ထောက်လှမ်း တွေ့ခဲ့ ပြီးတော့ ဒီသင်္ဘောဟာ မြန်မာ နိုင်ငံကို သွားမယ့် သင်္ဘော ဖြစ်မယ်လို့ အဲ့ဒီ့ တုန်း က ယူဆ ခဲ့ပါတယ်။
ဒါကြောင့်လည်း မြန်မာဖက်က မြောက်ကိုရီယားနဲ့ စစ်ဖက် ဆက်ဆံမှု မလုပ် ပါဘူးလို့ ပြောပြော၊ မြန် မာ မြောက်ကိုရီယား အကြားမှာ စစ်ရေး ဆက်ဆံ မှုတွေ ရှိနေဆဲ ဖြစ်တယ်လို့ အတော် များများက သံ သယ ရှိနေတုန်းပါ။ ဒါကြောင့်လည်း အခုနှစ် ဇူလိုင် အတွင်းကပဲ မြန်မာ နိုင်ငံ အပေါ် ပစ်မှတ်ထား အရေးယူ ပိတ်ဆို့မှု စာရင်း ထဲမှာ မြန်မာ စစ်ဖက်က တာဝန် ရှိတဲ့ ဒုတိယ ဗိုလ်ချုပ်ကြီး သိန်းဌေးကို အမေရိကန် ဖက်က ထည့်ဖြည့် သွင်းခဲ့ ပါတယ်။
မြန်မာ့ အရေး လေ့လာသူ အထူး သဖြင့် စစ်ဖက် သတင်းတွေ ကို စောင့်ကြည့် ရေးသား သူ သတင်း သမား Bartil Lintner ကတော့ မြောက်ကိုရီးယားက စစ်ဖက် ကျွမ်းကျင် သူတွေ ကိုယ်တိုင် မြန်မာ နိုင်ငံ ထဲမှာ ရှိနေ တုန်းပဲလို့ ယူဆတဲ့ အကြောင်း ဗွီအိုအေကို ပြောပါတယ်။
“မြန်မာ ပြည်ထဲမှာ သူတို့ ရှိနေ တုန်းပါ။ အမေရိကန် ဖက်က ဖိအားတွေ ပေးပြီး နည်းလမ်း အားလုံး သုံးနေ ပေမယ့်လည်း နှစ်နိုင်ငံ စစ်ရေး ဆက်ဆံ မှုက ရှိနေ တုန်းပါ။ အမေရိကန် ဖက်ကလည်း ဒါကို ကောင်းကောင်း သိပါတယ်။ မြန်မာဖက်က မြောက်ကိုရီယားနဲ့ စစ်ရေး ဆက်ဆံမှု ဆက်ရှိနေတဲ့ အပေါ် ပင်တဂွမ်က ပုဂ္ဂိလ်တွေနဲ့ ကျနော်တွေ့ခဲ့တော့ အထပ်ထပ်ပြော ပါတယ်။သူတို့ အနေနဲ့က မြန်မာ ကို မြောက်ကိုရီးယားနဲ့ စစ်ရေး ဆက်ဆံမှု ဖြတ်တောက်စေ ချင်ပါတယ်။ ဒါပေမယ့်လို့ အခု အချိန် အဆက် အဆံ ရှိနေ တုန်းပါ။ ဘာလို့လဲ ဆိုတော့ မြန်မာ ဖက်က သူတို့ လိုတာကို အမေရိကန်က ပေးနိုင်တာ မ ဟုတ် ပါဘူး။ မြောက်ကိုရီးယားကို သူတို့ လိုအပ် နေတုန်းပါ။ မြန်မာ စစ်တပ် ဖက်က ခေတ်မှီ နည်း ပ ညာ တွေလို ပါတယ်။ မြောက်ကိုရီယား ဖက်က ၀ယ်ထားတဲ့ စစ်လက်နက် ပစ္စည်း တွေကို ပြင်ဆင် ထိန်း သိမ်း စောင့်ရှောက် ဖို့လည်း လိုပါတယ်။ ဒီ စစ်ပစ္စည်း တွေကို အခုလို ပြင်ဆင် ထိမ်းသိမ်း ဖို့ က မြောက်ကိုရီယား ဖက်က ကျွမ်းကျင် သူတွေ လိုပါတယ်။”
မြန်မာ အနေနဲ့ ဒီလို စစ်ဖက် အဆင့်မြင့် နည်းပညာ တွေနဲ့ ပတ်သက်ပြီး အခြား စစ်ရေး ဆက်ဆံမှု ရှိတဲ့ တရုတ်တို့ ရုရှားတို့ အပေါ်မှာ သွားမှီလို့ မရ တာကြောင့်၊ မြောက်ကိုရီးယားဟာ ဒုံးလက်နက် နည်းပညာနဲ့ ပတ်သက်လို့ မြန်မာ အတွက် မရှိမဖြစ် အရေးပါ နေတာ ဖြစ်တယ်လို့ Bartil က ယူဆ ပါတယ်။
ဒါပေမယ့်လည်း မြန်မာ အနေနဲ့ အရင်တုန်းက နူကလီယား အိပ်မက် ဆိုတာ ရှိခဲ့ ပေမယ့်လို့ ထိန်းသိမ်း ဖို့နဲ့ နည်းပညာ ရဖို့ ပိုင်းမှာ အခက်အခဲ တွေကြောင့် ဒီ အိပ်မက်ကို စွန့်ပစ် ခဲ့ပြီလို့ ပြောပါတယ်။ မကြာသေး ခင်တုန်း ကလည်း မြန်မာနိုင်ငံ ဟာ ကုလ သမဂ္ဂရဲ့ နူကလီယား နည်းပညာ ဆိုင်ရာ စောင့်ကြည့်ခွင့် သဘော တူညီချက်ကို လက်မှတ်ထိုး ခဲ့ပါတယ်။ ဒီသဘော တူညီချက် အရ ဆိုရင် IAEA ကုလ သမဂ္ဂ အနူမြူ အေဂျင်စီ အနေနဲ့ မြန်မာ နိုင်ငံ ထဲမှာ နျူကလီယားနဲ့ ပတ်သက်လို့ သံသယ ရှိတဲ့ နေရာ တွေကို အချိန် မရွေး ၀င်ရောက် စစ်ဆေးခွင့် ရှိပါတယ်။
လွန်ခဲ့တဲ့ နှစ်နှစ်ကျော် ကစလို့ မြန်မာ အနေနဲ့ နိုင်ငံရေးနဲ့ စီးပွားရေး ဆိုင်ရာ ပြုပြင် ပြောင်းလဲ မှုတွေ လုပ် လာပြီး နောက်ပိုင်း၊ အမေရိကန် ပြည်ထောင်စု အပါ အ၀င် အနောက် နိုင်ငံ တွေနဲ့ ဆက်ဆံရေး တိုး တက် လာခဲ့ ပါတယ်။ ဒါကြောင့်လည်း အရင်တုန်းက ရှိခဲ့တဲ့ မြောက်ကိုရီးယားနဲ့ ဆက်ဆံ ရေး ကို မြန် မာ ဘက်က အထူး သတိထား ခဲ့ပြီး၊ မြောက်ကိုရီယားနဲ့ စစ်ရေး ဆက်ဆံ မှုတွေ ရပ်ပါ့မယ် ဆိုတာ ကို လည်း သမ္မတ ဦးသိန်းစိန် အပါအ၀င် မြန်မာ အစိုးရ ခေါင်းဆောင်ပိုင်းက ဂတိပေး ပြောဆိုခဲ့ တာတွေ ရှိပါတယ်။
အမေရိကန် ပြည်ထောင်စု ဖက်ကလည်းမြန်မာ နိုင်ငံနဲ့ ဆက်ဆံ ရေးကို အလျင် အမြန် တိုးမြင့် လာနေ ပေ မယ့်လို့၊ တဖက် မှာတော့ ပြုပြင် ပြောင်းလဲ မှုတွေ အရှိန် မြှင့်ဖို့ ဆိုတာနဲ့ အတူ မြောက် ကိုရီး ယား နိုင်ငံနဲ့ စစ်ရေး ဆက်ဆံ မှုတွေကို ဖြတ်တောက်ဖို့ အမြဲ သတိပေး တိုက်တွန်း နေပါတယ်။
