စရဖနှင့် သတင်းတပ်ဖွဲ့ တို့က သိန်းတစ်ရာကျော် တန်ဖိုးရှိ သစ်နှင့်ဝါးများ မတရားသဖြင့် သိမ်းဆည်း
MYARF
RB News
23.2.2014
မောင်တော ။ ။ ရခိုင်ပြည်နယ်၊ မောင်တောမြို့နယ်၊ မြောက်ပိုင်းတွင် စရဖနှင့် သတင်းတပ်ဖွဲ့တို့ ပူးပေါင်း၍ ဒေသခံများ၏ သစ်နှင့်ဝါးများကို မတရားသဖြင့် သိမ်းဆည်းလျက်ရှိရာ လွန်ခဲ့သည့် တစ်ပတ်အတွင်း ဒေသခံများ ငွေကျပ် သိန်းတစ်ရာကျော် ဆုံးရှုံးခဲ့ရကြောင်း သတင်းရရှိပါသည်။
ဖေဖော်ဝါရီလ ၂၂ ရက်နေ့ နံနက် ၅ နာရီအချိန်တွင် မောင်တောမြို့နယ်၊ မြောက်ပိုင်း ပြူးမချောင်း (ကြိမ်ချောင်း ချောင်း) မှ တဆင့် ဦးကာလာဘော်ဒါ (ဘ) ဦးနူရ်မာမတ်နှင့် အပေါင်းအပါ ၅ ဦးတို့ သယ်ဆောင်လာသည့် ကျပ် ၂၅ သိန်းကျော် တန်ဖိုးရှိ သစ်နှင့်ဝါးများကို ကြိမ်ချောင်း (ဘော်လီဘာဇား) အခြေစိုက် စရဖနှင့် သတင်းတပ်ဖွဲ့တို့က သိမ်းဆည်းခဲ့ကြောင်း ဒေသခံ တစ်ဦးက RB News သို့ပြောပါသည်။ သယ်ဆောင်လာသူ များမှ လောင်းဒုံး ကျေးရွာအုပ်စု ကျွန်းကောင်း (စင်ဂရီ ဖာရာ) မှ ဖြစ်ပြီး၊ စရဖနှင့် သတင်းတပ်ဖွဲ့ တို့က ဖမ်းဆီးရန် လာနေသည်ကို တွေ့ရှိ၍ သစ်နှင့်ဝါးများကို ထားပြီး ထွက်ပြေး ခဲ့ရသည်။ စရဖနှင့် သတင်းတပ်ဖွဲ့မှ သိမ်းဆည်း သွားသည့် ငွေကျပ် ၂၅ သိန်းကျော် တန်ဖိုးရှိ သစ်နှင့်ဝါးများကို မောင်တောမြို့ပေါ်ရှိ Mikko ကုမ္ပဏီသို့ ငွေကျပ် ၁၆ သိန်းဖြင့် ရောင်းချခဲ့ကြောင်း ဒေသခံများမှ ပြောပါသည်။
အလားတူပင် ဖေဖော်ဝါရီလ ၁၇ ရက်နေ့က လောင်းဒုံး ကျေးရွာအုပ်စု၊ မြဇင် (မီဇန်ပုရ်) ကျေးရွာမှ ရိုဟင်ဂျာ အမျိုးသား တစ်ဦး ပိုင်ဆိုင်သည့် ငွေကျပ် သိန်း ၈၀ ကျော်တန်ဖိုးရှိ သစ်နှင့်ဝါး များကိုလည်း သိမ်းဆည်းခဲ့ပြီး၊ Mikko ကုမ္ပဏီသို့ ငွေကျပ် ၂၅ သိန်းဖြင့် ရောင်းချခဲ့ကြောင်း သတင်း ရရှိပါသည်။
