“ကျမတို့မှာ အနာဂတ် ပျောက်နေပြီ”

လ၀ီဝမ်

ဧရာဝတီ

8.10.2013

ရခိုင် ပြည်နယ် တောင်ပိုင်း သံတွဲမြို့အနီး တ၀ိုက်ရှိ အနည်း ဆုံးရွာ ၅ ရွာတွင် အကြမ်းဖက် တိုက်ခိုက် မှု များ ဖြစ်ပွား ခဲ့ပြီး အခြေ အနေက တည်ငြိမ် စပြုလာ သလို ထင်ရသည်။

သို့သော်လည်း ရခိုင် ဗုဒ္ဓဘာသာဝင် လူအုပ် ကြီး၏ တိုက်ခိုက် မှုကြောင့် ထွက်ပြေး လာခဲ့ ရသည့် ရာနှင့် ချီသော မွတ်ဆလင် ရွာသားများ ကတော့ ဟိုဒီ ပြန့်ကျဲလျှက် ကျန်နေ သေးသည်။ အချို့က အနီး အနား က မွတ်ဆလင် ရွာတွေဆီ ထွက်ပြေး ကြရသည်။ အချို့က တောအုပ်တွေ အတွင်းမှာ ဒါမှ မဟုတ် အခြား ပုန်းအောင်းလို့ ရသည့် နေရာ တွေမှာ ပုန်းရှောင် နေကြ ရသည်။

ကြာသပတေးနေ့ ညနေပိုင်း မှာတော့ မွတ်ဆလင် အုပ်စုငယ် အချို့ ရဲတွေ စောင့်ကြပ် နေသည့် ရွာတွေ ထဲကို ပြန်ဝင် လာကြပြီး မိမိတို့ နေအိမ် များမှ ကျန်ခဲ့ သမျှ ပိုင်ဆိုင် မှုလေး တွေကို ကောက်ယူ စုဆောင်း ဖို့ ရောက်လာ ကြသည်။

အင်္ဂါနေ့က အိမ် ၂၈ လုံး မီးရှို့ခံလိုက် ရသော ပေါက်တောရွာ အတွင်းသို့ ကြောက်ရွံ့ နေပုံ ရသည့် ကမန် လူမျိုး မွတ်ဆလင် မိသားစု ၀င်ရောက် လာပြီး သူတို့ ပိုင်ပစ္စည်း အချို့နှင့် မွေးမြူ ထားသည့် တိရိစ္ဆာန် တွေ ကို ပြန်လည် သိမ်းဆည်း နေချိန်မှာ လက်နက်ကိုင် မထားသည့် ရဲတပ်ဖွဲ့ဝင် အချို့က လုံခြုံရေး စောင့် ကြပ် ပေးကြသည်။

“ကျနော့် ဘ၀တော့ ဆုံးပါပြီ၊ ကျနော့် ဘ၀တော့ ဆုံးပါပြီ” ဟု အသက် ၃၀ အရွယ် ကိုဘစောလေးက တဖွဖွ ပြောရင်း ထရပ် ကားငယ် တစီး ပေါ်သို့ သူ့မိသားစုပိုင် ပစ္စည်း အချို့ကို တင်ရင်းနှင့် ပြောနေ ချိန် တွင် ရွာပတ်လည်က လယ်ကွင်းတွေ ပေါ်ကို အမှောင်ထုက တဖြည်းဖြည်း လွှမ်းလာသည်။

အခုတော့ ဇာတိရွာမှာ သူ ဆက်နေလို့ မဖြစ်နိုင် တော့ပါ။ “သူတို့ ကျနော့် အိမ်ကို မီးရှို့လိုက် ကြတယ်။ အ ခု ကျနော့်မှာ နေစရာ မရှိတော့ဘူး” ဟု သူက ပြောသည်။

ထိုအချိန်မှာ ကိုဘစောလေး၏ သမီးက ပြီးခဲ့သည့် ပဋိပက္ခ တွေကြားမှာ မိခင် ပျောက်ဆုံး သွားခဲ့ ကြပုံ ရ သည့် ကြက်ပေါက် လေးတွေကို လိုက်ဖမ်း နေသည်။

“ကြက်မကြီး ရှာလို့ မတွေ့ တော့ဘူး။ သူတို့ကို ကယ်ဖို့ လိုက်ဖမ်း နေတာ” ဟု ကိုဘစောလေး၏ သ မီး မြင့်မြင့်နိုင်က ပြောပြသည်။ ထို့နောက် ပြောရင်း နှင့် မျက်ရည်လည်း ကျလာသည်။ “ကျမတို့ ကို ကယ် ပါဦး၊ ကျမ တို့မှာ အနာဂတ်လဲ ပျောက်နေ ပါပြီ၊ ကျမတို့ လုံလုံ ခြုံခြုံ နေရမယ့် နေရာလဲ မရှိတော့ ပါဘူး” ဟု သူက ပြောသည်။

သံတွဲမြို့ တ၀ိုက်က ကျေးရွာ များသို့ သွားရောက် လေ့လာသည့် အချိန်တွင် အခရာ ကျသော လမ်းမ များပေါ်၌ ကင်းလှည့် နေကြသော လုံခြုံရေး တပ်ဖွဲ့ဝင် ဒါဇင် အနည်း ငယ်ကို တွေ့ရသည်။ ပေါက်တော ရွာတွင် ရဲတပ်ဖွဲ့ဝင်များ ရှိနေ လျက်နှင့် တုတ်များ၊ ဒါးရှည်များ ကိုင်ဆောင်ထား သည့် ဗုဒ္ဓဘာသာဝင် လူငယ်များ လျှောက်သွား နေကြသည်ကို မြင်ခဲ့ ရသည်။ ရွာထဲရှိ မွတ်ဆလင် အိမ်များကို မည်သူက မီးရှို့ခဲ့သည် ဆိုသည်ကို မသိကြောင်း ရခိုင် အမျိုးသား တယောက်က ပြောသည်။ “အဲဒါတွေ ဖြစ်တုန်းက ကျနော် အိမ်မှာ မရှိဘူး” ဟု သူက ဆိုသည်။

ထိုအချိန်က သံတွဲ တမြို့နယ်လုံးကို ထိန်းချုပ်ရေး အတွက် လုံခြုံရေး တပ်ဖွဲ့ဝင် အင်အား ၈၀ ခန့်သာ ရှိခဲ့သည်ဟု ရဲ အရာရှိ တဦးက ဧရာဝတီသို့ ပြောသည်။

ပေါက်တောရွာမှ ထွက်ခွာ သွားရန် ပြင်ဆင် ထုပ်ပိုး နေသည့် ကမန် မိသားစု တခုမှ မငယ်ပု အမည် ရှိ သည့် အမျိုး သမီးက ပြီးခဲ့ သည့် ပဋိပက္ခ ကာလများ အတွင်းတွင် ရဲတပ်ဖွဲ့က ကာကွယ် ပေးနိုင် ခဲ့ခြင်း မရှိသည့် အတွက် ဒေသခံ မွတ်ဆလင်များ စိတ်ထဲတွင် လုံခြုံမှု မရှိသလို ခံစားနေ ကြရသည် ဟု ပြော သည်။ “ကျမတို့ လုံခြုံရေး တွေကို မယုံကြည် နိုင်တော့ဘူး။ ဘာ ဖြစ်လို့လဲ ဆိုတော့ ကျမတို့တွေ အတိုက် ခိုက် ခံနေ ရပါပြီလို့ သူတို့ကို ပြောပေမယ့် လာပြီး မကူညီ ကြဘူး” ဟု မငယ်ပု က ပြောသည်။

“ကျမတို့ အခု နေတဲ့ နေရာကို လူတချို့လာကြည့် ကြတာ ကျမတို့ တွေ့တယ်။ ကျမ တို့ကို လုံခြုံရေး လုံလုံ လောက်လောက် ပေးမထားတဲ့ အတွက် သူတို့ အချိန် မရွေး လာပြီးတိုက်ခိုက် နိုင်တယ်” ဟု သူ က ပြော သည်။ ကိုကြီး အမည် ရှိသည့် လူငယ် တယောက် ကမူ “ကျနော် တို့မှာ ထပ်ပြီး ပြေး စရာ နေရာ လည်း မရှိ တော့ဘူး။ တကယ်လို့ သူတို့က လာပြီး တိုက်ခိုက် ကြမယ် ဆိုရင်တော့ ကျနော်တို့ သေတဲ့ အ ထိ ပြန်ပြီး ခုခံ တိုက်ခိုက် သွားမယ်” ဟု ဆိုသည်။

သံတွဲ ဒေသခံ အမြောက် အများ၏ ပြောပြ ချက်အရ ၎င်းတို့ မြို့တွင် သြဂုတ်လ ၂၆ ရက်နေ့ နောက်ပိုင်းမှ စ၍ မွတ်ဆလင် ဆန့်ကျင်ရေး စိတ်ဓာတ်များ မြင့်တက်လာ ခဲ့သည်ဟု သိရသည်။ ထိုနေ့တွင် အမျိုး၊ ဘာသာ၊ သာသနာ ကာကွယ်စောင့် ရှောက်ရေး အသင်းက ဦးစီး၍ “ဗုဒ္ဓဘာသာနေ့” အခန်း အနားကို ကျင်းပ ခဲ့သည်။ တရားဝင် အစိုးရ အသိ အမှတ်ပြု မဟုတ် သည့် ဘာသာရေး အခန်း အနား တခု ဖြစ်ပြီး အဆိုပါ နေ့ကို ပြန်တမ်းဝင် ရုံးပိတ်ရက် အဖြစ် သတ်မှတ်ရန် ၁၉၆၀ အစောပိုင်း နှစ်များက အ ဆို ပြုခြင်းများ ရှိခဲ့သော်လည်း သတ်မှတ် ခဲ့ခြင်း မရှိပေ။

“ဗုဒ္ဓဘာသာနေ့” အခန်း အနားသို့ ရာနှင့် ချီသော ဘုန်းတော် ကြီးများနှင့် ဒေသခံ ပြည်သူ သောင်းနှင့် ချီ၍ တက်ရောက်ခဲ့ ကြသည် ဟု သံတွဲမြို့နယ် အမျိုးသား ဒီမိုကရေစီ အဖွဲ့ချုပ်မှ ဦးဝင်းနိုင် ကပြောသည်။ ထို့ပြင် ၉၆၉ ဟု ခေါ်ကြသည့် အစွန်း ရောက် အမျိုးသားရေး ၀ါဒီ ဗုဒ္ဓဘာသာ အဖွဲ့က ယင်းကဲ့သို့ အခြေ အနေမျိုး ကို သူတို့၏ အယူ ၀ါဒများ ပြန့်ပွား စေရန် အသုံးချလေ့ ရှိသည် ဟုလည်း သူက ဆက်ပြောသည်။

မြန်မာနိုင်ငံ အတွင်းတွင် မွတ်ဆလင် ဆန့်ကျင်ရေး တရားများ ဟောပြော နေသော မန္တလေး မြို့မှ ဘုန်းတော်ကြီး ဦးဝီရသူ ဦးဆောင်သည့် ၉၆၉ လှုပ်ရှားမှုသည် ဗုဒ္ဓ ဘာသာဝင် များကို မူဆလင် ပိုင် ဈေးဆိုင်များ စီးပွားရေး လုပ်ငန်း များကို သပိတ် မှောက်ရန် စည်းရုံး လှုံ့ဆော် ခြင်းကြောင့် လူသိ များ လာ ခဲ့သည်။

၉၆၉ အမှတ် တံဆိပ်ပါ စတစ်ကာများ၊ အလံများ နှင့် လက်ကမ်း စာစောင် များ သည် သံတွဲ တမြို့ လုံးသို့ ပျံ့နှံ့ လာခဲ့ပြီး ၉၆၉ လှုံ့ဆော်ရေး သီချင်း များကိုလည်း အများ ပြည်သူနှင့် သက်ဆိုင်သည့် နေရာ များတွင် စတင် ဖွင့်လာ ကြသည်ဟု ဦးဝင်းနိုင် က ပြောသည်။

“လူတွေက သူတို့ ဘာသာကို ကာကွယ်ဖို့ အကြောင်းတွေ စပ်ဆို ထားတဲ့ ၉၆၉ သီချင်း တွေကို ဖွင့်ကြတယ်။ တမြို့လုံးမှာ လည်း သာသနာ့ အလံတွေ ထူကြတယ်။ အဲဒါကြောင့် တင်းမာ မှုတွေ စဖြစ် လာရတာပဲ” ဟု သံတွဲမြို့ခံ တယောက်က ဆိုသည်။

သံတွဲမြို့တွင် ဇူလိုင်လ အစောပိုင်း ကထဲက မွတ်ဆလင် ဆန့်ကျင်ရေး ပဋိပက္ခ တခု အခိုက် အ တန့် ဖြစ် ပွား ခဲ့သေးပြီး မွတ်ဆလင်ပိုင် အိမ် ၃လုံး ဖျက်ဆီးခံ ခဲ့ရ ဖူးသည်။ သို့သော်လည်း ဗုဒ္ဓဘာသာ အလံ လွှင့်ထူ ထားသည့် ဆိုင်ကယ် သမား တယောက်နှင့် သံတွဲ မြို့မှ ကမန် အမျိုးသား မွတ်ဆလင် တဦးတို့ စကား များပြီး အချေ အတင် ဖြစ်ခဲ့သော ပြီးခဲ့သည့် စက်တင်ဘာ ၂၉ ရက်နေ့ ကျမှ တင်းမာမှုက အမြင့် ဆုံး ဖြစ်သွား ခဲ့သည်။

မွတ်ဆလင် အမျိုးသားကို ရဲစခန်းသို့ ခေါ်ယူ စစ်ဆေး နေချိန်တွင် ဗုဒ္ဓဘာသာဝင် တစုက ၎င်း၏ နေအိမ်ကို ၀ိုင်း၍ ခဲများဖြင့် ပစ်ပေါက် ခဲ့ကြသည်။ ညပိုင်း ရောက်သည့် အခါ သံတွဲ မြို့ရှိ မူဆလင်အိမ် အမြောက် အများ မီးရှို့ခံလိုက် ရပြီး ပဋိပက္ခက အနီး ပတ်ဝန်း ကျင်ရှိ ကျေးရွာ များသို့ပါ ပျံ့နှံ သွားသည်။

ပဋိပက္ခ စတင် ဖြစ်ပွားပြီး လေးရက်ကြာ ကာလ အတွင်းတွင် သဗြုချိုင်၊ ပေါက်တော နှင့် မဲကျွန်း အစ ရှိသည့် မူဆလင် ကျေးရွာ များရှိ အိမ်ခြေ ၁၀၀ ကျော်နှင့် ဗလီ အမြောက် အများ မီးရှို့ ဖျက်ဆီးခံ လိုက်ရ သည်။ အခြား ကမန် ကျေးရွာ ၂ ရွာ လည်း တိုက်ခိုက်ခြင်း ခံခဲ့ရသည်။ လူ ၆ ယောက် သေဆုံး၍ အနည်း ဆုံး ၅ ယောက် ဒဏ်ရာ ရကာ ရာနှင့် ချီသော မူဆလင် များ နေအိမ်ကို စွန့်၍ ထွက်ပြေး တိမ်းရှောင် ခဲ့ကြသည်ဟု သတင်း များက ဆိုသည်။

သံတွဲမြို့မှ မတည်ငြိမ် မှုများသည် လွန်ခဲ့သော နှစ်မှ စ၍ ဆူပူ အကြမ်းဖက် မှုများ ဖြစ် ပွား နေခဲ့ သည့် မြန် မာနိုင်ငံ အနောက် ပိုင်းမှ ရခိုင် ပြည်နယ်သို့ သမ္မတ ဦးသိန်းစိန် ပထမဆုံး လာရောက် သည့် ခရီး စဉ် နှင့်လည်း တိုက်ဆိုင် နေသည်။ ၂၀၁၂ ဇွန်လ နှင် အောက်တိုဘာလ များတွင် ဖြစ်ပွား ခဲ့သည့် ပဋိပက္ခများ အတွင်းတွင် ဟု ခေါ်နေ ကြသည့် မွတ်ဆလင် အများစု ပါဝင်သော လူ ၁၉၂ ဦး သေဆုံးခဲ့ပြီး ၁၄၀၀၀၀ ကျော် အိုးမဲ့ အိမ်မဲ့ ဖြစ်ခဲ့ ရသည်။

မြန်မာ အစိုးရက ရိုဟင်ဂျာများ ကို နိုင်ငံသား အဖြစ် သတ်မှတ်ရန် ငြင်းပယ် ခဲ့သည်။ သို့သော်လည်း ရခိုင်ပြည်နယ် တောင် ပိုင်းမှ ကမန် မူဆလင် များကို တိုင်းရင်းသား အဖြစ် တရားဝင် အသိအမှတ် ပြုပေး ထားသည်။

ကမန်မွတ်ဆလင်များသည်ရခိုင်ဗုဒ္ဓဘာသာဝင်များနှင့် ငြိမ်းချမ်းစွာ အတူ နေထိုင် ခဲ့ကြ သည် မှာ နှစ်ပေါင်း များ စွာ ကြာခဲ့ပြီဟု ဒေသခံ များက ဆိုသည်။ မွတ်ဆလင် ဧည့်လမ်းညွှန် တဦး ဖြစ်သူ ကို ဆန်းမြင့်က “ဒီ က မွတ် ဆလင် တွေက ပညာတတ် တွေပါ။ ကျနော်တို့ အိမ်နီးချင်း တွေနဲ့ အဆင်ေ ပြေအောင် အမြဲ နေ တယ်။ အရင်က ကျနော်တို့ ကြားမှာ ဘာပြဿနာမှ မပေါ်ဘူးဖူး” ဟု ဧရာဝတီသို့ ပြောသည်။

ကမန် အမျိုးသားပါတီ တီရှပ် ဝတ်ဆင် ထားသော မွတ်ဆလင် ခေါင်းဆောင် အချို့က မီးရှို့ ခံရသော သပြုချိုင်ရွာနှင့် ၃ မိုင်ဝေးသော ဆင်ခေါင်းရွာမှ အစွန်းရောက် ရခိုင် များကို အပြစ်ဆို ကြသည်။ ၎င်းတို့ အဆို ယင်းတို့မှာ သံတွဲ အနောက်ဘက် ယမန်နှစ်က မွတ်ဆလင် ဘုရားဖူးများ သတ်ဖြတ်ခံ ခဲ့ ရသော တောင် ကုတ် မှ လာကြသည်ဟု သိရသည်။

“မနှစ်က တောင်ကုတ်မှာ အဓိကရုဏ်း ဖြစ်ပြီး သူတို့ အိမ်တွေ မီးရှို့ ခံရတော့ ပြောင်းလာ ကြတာ၊ သူတို့ စိတ်ထဲ မွတ်ဆလင် တွေကို နာနေ ကြတယ်။ ဒါကြောင့် ကျနော်တို့ အိမ်တွေကို လာမီးရှို့ ကြတာ” ဟု အသက် ၅၀ အရွယ် ကမန် ခေါင်းဆောင် တဦးက ဆိုသည်။

သံတွဲ အာဏာပိုင် များအနေဖြင့် အကြမ်းဖက် တိုက်ခိုက်မှု များတွင် ပါဝင် ပတ်သက် နေသည်ဟု မသင်္ကာ သူ များကို ရှာဖွေ ဖမ်းဆီး နေရာ တနင်္ဂနွေ နေ့ထိ ရခိုင် ၃၇ ဦးနှင့် ကမန် ၁၁ ဦးရှိကြောင်း ရဲအရာရှိ ညီညီထွေးက ဧရာဝတီကို ပြောသည်။ “ကျနော်တို့ ဖမ်းနေတုန်းပဲ” ဟုလည်း ဆိုသည်။

(ဧရာဝတီ သတင်းထောက် လဝီဝမ်နှင့် ဓာတ်ပုံ သတင်းထောက် စတိဗ်တက္ကနာတို့ သံတွဲ မြို့မှ တိုက်ရိုက် သတင်း ပေးပို့သည်)