ပြည်နယ် လ၀ကမှူးမှ သန်းခေါင်စာရင်းနှင့် ပတ်သက်၍ ရှင်းလင်းပွဲ ကျင်းပ
RB News
21.1.2014
မောင်တော ။ ။ ရခိုင် ပြည်နယ်၊ ပြည်နယ် လ၀ကမှူး (ညွန်ကြား ရေးမှူး) မှ ခရိုင်၊ မြို့နယ် အဆင့် ဌာန ဆိုင်ရာများ၊ ပညာရေး ၀န်ထမ်းများ၊ နိုင်ငံရေး ပါတီများမှ ကိုယ်စားလှယ်များ၊ လူမှု အဖွဲ့ အစည်း များမှ ကိုယ်စားလှယ်များ၊ မောင်တော မြို့နယ် တောင်ပိုင်း၊ မြောက်ပိုင်းရှိ ရပ်ကွက်၊ ကျေးရွာ အုပ်စု များမှ အုပ်ချုပ် ရေးမှူး များကို မြို့နယ် အုပ်ချုပ် ရေးမှူးရုံး ခန်းမသို့ ဖိတ်ခေါ်၍ သန်းခေါင် စာရင်းနှင့် ပတ်သက်ပြီး ရှင်းလင်းပွဲ တစ်ရပ် ကျင်းပ ခဲ့ကြောင်း သတင်း ရရှိ ပါသည်။
ရှင်းလင်းပွဲကို မွန်းလွှဲ ၂း၁၅ နာရီမှ ၂း၄၅ နာရီ အထိ ကျင်းပ ခဲ့ပြီး ပြည်နယ် လ၀ကမှူး တစ်ဦးတည်း က သာ သန်းခေါင် စာရင်း ကောက်ခံရေးနဲ့ ပတ်သက်သည့် အကြောင်း အရာ များကို ရှင်းလင်း ပြောကြား ခဲ့သည်။
ရှင်းလင်းပွဲ ပြီးနောက် မြို့နယ် လ၀ကမှူးက ရပ်ကွက်၊ ကျေးရွာ အုပ်ချုပ် ရေးရုံးမှ စာရေး များကို ခေါ်ယူ၍ ရပ်ကွက်၊ ကျေးရွာ အုပ်စု အတွင်းရှိ သန်းခေါင် စာရင်း ကောက်ယူမည့် ကောက်ကွက် အလိုက် ကောက် ကွက် တစ်ခုလျှင် ရပ်မိရပ်ဖ ၂ ဦး၊ အထောက် အကူပြု ၂ ဦး၊ ဘာသာပြန် တစ်ဦး၊ စုစုပေါင်း ၅ ဦးဖြင့် ဖွဲ့ရန်၊ ၎င်း ၅ ဦးကို အထောက် အကူပြု အဖွဲ့ဟု ဖွဲ့စည်းပြီး၊ မြို့နယ် လ၀ကရုံးသို့ တင်ပြရန် လမ်းညွန် မှာကြား ခဲ့ကြောင်း ဒေသခံ တစ်ဦးက RB News သို့ပြောပါသည်။
ရပ်ကွက်၊ ကျေးရွာ အုပ်စု အတွင်းရှိ အိမ်ခြေနှင့် အထစ များကို အခြေခံ၍ ကောက်ကွက် များကို သတ်မှတ်ခြင်း ဖြစ်ပြီး၊ အိမ်ခြေ (သို့) အထစ (၁) မှ (၁၂၀) အတွင်းကို ကောက်ကွက် (၁) ကွက်ဟု သတ် မှတ်ကြောင်း၊ ကျေးရွာ အုပ်စု တစ်ခု အတွင်း အိမ်ခြေ ၄၀၀ ရှိရင် ကောက်ကွက် (၄) ခု သတ်မှတ်ပြီး၊ အဆိုပါ ကောက်ကွက် (၄) ခုတွင် အထောက် အကူပြု အဖွဲ့ (၄) ဖွဲ့ ဖွဲ့စည်း ရမည် ဖြစ်ကြောင်း ဒေသခံ များက ပြောပါသည်။
ရပ်ကွက်၊ ကျေးရွာ အုပ်စု များတွင် သန်းခေါင် စာရင်း ကောက်ခံရေး ကော်မတီကို ယခုလ (၁) ရက်နေ့က ဖွဲ့စည်း ပြီးစီး ခဲ့ကြောင်း သိရှိ ရပါသည်။ ရပ်ကွက်၊ ကျေးရွာ အုပ်စု သန်းခေါင် စာရင်း ကောက် ခံရေး ကော် မ တီတွင် ရပ်ကွက်၊ ကျေးရွာ အုပ်ချုပ် ရေးမှူးကို ဥက္ကဌ အဖြစ် လည်းကောင်း၊ ကျေးရွာ အထောက် အ ကူပြု ကော်မတီမှ တစ်ဦး၊ ကျန်းမာရေး ၀န်ထမ်း တစ်ဦး၊ ပညာရေး ၀န်ထမ်း တစ်ဦးနှင့် ရပ်မိရပ်ဖ တစ်ဦး တို့ကို အဖွဲ့ဝင်များ အဖြစ် လည်းကောင်း၊ လ၀က ၀န်ထမ်း တစ်ဦးကို အတွင်းရေးမှူးနှင့် ရပ်ကွက်၊ ကျေးရွာ အုပ်ချုပ် ရေးရုံးမှ စာရေး တစ်ဦးကို တွဲဖက် အတွင်းရေးမှူး အဖြစ် လည်းကောင်း၊ စုစုပေါင်း ၇ ဦးဖြင့် ဖွဲ့စည်း၍ တာဝန် ပေးခဲ့ကြောင်း သိရှိ ရပါသည်။
ရပ်ကွက်၊ ကျေးရွာ အုပ်စု များရှိ ကောက်ကွက် များမှ အထောက် အကူပြု အဖွဲ့ များသည် ရပ် ကွက်၊ ကျေး ရွာ အုပ်စု သန်းခေါင် စာရင်း ကောက်ခံရေး ကော်မတီ၏ ကြီးကြပ် ကွပ်ကဲမှုဖြင့် လုပ်ငန်း များ ကို ဆောင် ရွက် ရမည် ဖြစ်ကြောင်း သတင်း ရရှိ ပါသည်။
