စစ်ဆေးရေးဂိတ်တွင် အမျိုးသမီးငယ် များကို မဖွယ်မရာ ပြုလုပ်သည့် အပြင် ငွေညှစ်မှုပါ ပြုလုပ်
MYARF
RB News
20.2.2014
မောင်တော ။ ။ ရခိုင်ပြည်နယ်၊ မောင်တောမြို့နယ်၊ သရက်အုပ် ကျေးရွာနှင့် ရွက်ညိုတောင် ကျေးရွာအကြားရှိ စစ်ဆေးရေးဂိတ်တွင် ရိုဟင်ဂျာ အမျိုးသမီးငယ်များကို မဖွယ်မရာ ပြုလုပ်သည့် အပြင် မဟုတ်မမှန် စွပ်စွဲ၍ ငွေညှစ် ခဲ့ကြောင်း သတင်းရရှိပါသည်။
ဖေဖော်ဝါရီလ ၁၉ ရက်နေ့ နေ့လည် ၃ နာရီ အချိန်တွင် မောင်တောမြို့နယ် ရွက်ညိုတောင် ကျေးရွာမှ မိုဟာမတ် ဟာရှိမ် (ဘ) ဦးဒွေလ္လာ (အသက် ၁၆ နှစ်)၊ ရော်ရှိတ်အာမတ် (ဘ) ဦးဇာဖော်ရ်အာမတ် (အသက် ၁၉ နှစ်)၊ မဇာဟီဒါဘေဂမ် (ဘ) ဦးဇော်ဟိရ်အာမတ် (အသက် ၁၇ နှစ်) နှင့် အခြား အမျိုးသမီးငယ် နှစ်ဦးတို့သည် သရက်အုပ် ကျေးရွာတွင် ကျင်းပနေသည့် မင်္ဂလာဆောင်ပွဲ တစ်ခုသို့ အသွားတွင် ရွက်ညိုတောင် ကျေးရွာနှင့် သရက်အုပ် ကျေးရွာ အကြားရှိ တံတားကင်းစခန်းမှ လုံထိန်းများနှင့် ရွက်ညိုတောင် ကျေးရွာ အုပ်ချုပ်ရေးမှူး ဦးမောင်ဦးဌေး တို့က စစ်ဆေးစရာ ရှိသည်ဟုဆိုကာ အမျိုးသမီးငယ် ၃ ဦးကို စခန်းအထဲသို့ သွင်း၍ မဖွယ်မရာ ပြောဆိုဆက်ဆံပြီး ကိုယ်ထိလက်ရောက် စော်ကားမှုများ ပြုလုပ်ခဲ့ကြောင်း ဒေသခံ တစ်ဦးက RB News သို့ပြောပါသည်။ ထို့အပြင် အမျိုးသမီးငယ်များထံမှ မည်သည့် အရာမှ ရှာဖွေမတွေ့ရှိ ခဲ့သော်လည်း ဘင်္ဂလား ဆင်းမ်ကဒ်များ လက်ဝယ်ရရှိသည်ဟု စွပ်စွဲ၍ ဖမ်းဆီး ထားခဲ့သည်။
ဖမ်းဆီးထားခဲ့သည့် အမျိုးသမီးငယ် ၃ ဦးကို ညနေ ၆ နာရီအချိန်တွင် ပြန်လည်လွှတ်ပေးခဲ့ပြီး တစ်ဦးထံမှ ငွေကျပ် ၅ သောင်းစီ ယူခဲ့ကြောင်း သိရှိရပါသည်။
၂၀၁၂ ခုနှစ် ဇွန်လတွင် ဖြစ်ပွားခဲ့သည့် အကြမ်းဖက်မှု ပြီးနောက်တွင် ရိုဟင်ဂျာများ နေထိုင်သည့် ကျေးရွာများတွင် လုံခြုံရေး တိုးမြှင့်ချထားခဲ့ရာ အဆိုပါ လုံခြုံရေးများက ဒေသခံ ရိုဟင်ဂျာများထံမှ အကြောင်းမဲ့ ငွေညှစ်ခြင်း၊ မတရား ဖိနှိပ် ချုပ်ချယ်ခြင်း၊ မဟုတ်မမှန် စွပ်စွဲ၍ ဖမ်းဆီးခြင်း၊ လူမဆန်စွာ ရိုက်နှက် ပြောဆို ဆက်ဆံခြင်း များကို နေ့စဉ် အဆက်မပြတ် ပြုလုပ်လျက် ရှိရာ ဒေသဆိုင်ရာ အာဏာပိုင်များက သိရှိသော်လည်း အရေးယူ ဆောင်ရွက် ပေးခြင်းမရှိကြောင်း ဒေသခံ များက ပြောပါသည်။
