စုံစမ်းရေး ကော်မရှင်ကို လိမ်ညာပြောရန် မြို့နယ် အာဏာပိုင်များက လျှို့ဝှက်စီစဉ်နေ

MYARF

RB News 

16.2.2014

မောင်တော ။ ။ ရခိုင်ပြည်နယ်၊ မောင်တောမြို့နယ်၊ ဒုချီရာတန်း၌ ဖြစ်ပွားခဲ့သည့် ဖြစ်စဉ်များကို စုံစမ်းရန် ရောက်ရှိ နေသည့် စုံစမ်းရေး ကော်မရှင်ကို လိမ်ညာ ထွက်ဆိုခိုင်းရန် မြို့နယ် အုပ်ချုပ်ရေးမှူး အာဏာပိုင် များက လျှို့ဝှက် စီစဉ်လျက် ရှိကြောင်း သတင်း ရရှိပါသည်။ 

ယနေ့ နံနက် ၁၁း၃၀ နာရီတွင် မောင်တောမြို့နယ် မဲဆန္ဒနယ်မှ ပြည်နယ် လွှတ်တော် ကိုယ်စားလှယ် ဦးအောင်မျိုးမြင့်၊ ဂေါ်ဒူသာရ တံတား ကင်းစခန်းမှ စခန်းမှူးနှင့် ဒုချီရာတန်း အုပ်ချုပ်ရေးမှူး တို့သည် ဆန် ၅၅ အိတ်၊ ကြက်သွန်နီ ၅ အိတ်၊ ကုလားပဲ (၄) အိတ်နှင့် စားအုန်းဆီး (၁၀) ဗုံးတို့ ယူဆောင်ပြီး ဒုချီရာတန်း ရွာသို့ သွားရောက်၍ အကြမ်းဖက် ခံရပြီးနောက် ထွက်ပြေး တိမ်းရှောင် သွားသော ရွာသားများထဲမှ ပြန်ရောက် လာသည့် ဒေသခံ ရွာသားများကို ထောက်ပံ့ ပစ္စည်းများ လာထုတ်ရန် ပြောကြား ခဲ့သည်။ သို့သော်လည်း အကြမ်းဖက်ခံ ဒေသခံ များက ပေးအပ်သည့် ထောက်ပံ့ ပစ္စည်းများကို ယူရန် ငြင်းခဲ့ပြီး၊ ဒေသခံများက အကြမ်းဖက် ခံရသည့် ဖြစ်ရပ် အမှန်ကို ရောက်လာသမျှ အဖွဲ့အစည်း လူပုဂ္ဂိုလ် များအား ရှင်းလင်း ပြောကြား ခဲ့သော်လည်း ဘယ်အဖွဲ့ အစည်း ဘယ်ပုဂ္ဂိုလ်ကမှ အကြမ်းဖက်ခံ ရမှုများ အတွက် တာဝန်ယူ ဖြေရှင်း မပေးခဲ့သည့် အပြင် မည်သည့် အကြမ်းဖက်မှုမှ မဖြစ်ခဲ့ဟု ဆိုကာ လိမ်ညာ ပြောဆိုနေကြောင်း၊ အစားအသောက် ရိက္ခာများ ပြတ်လတ် နေသည်မှာ ကြာမြင့် နေပြီ ဖြစ်သော်လည်း မစား မသောက်ဘဲ နောင်လည်း နေနိုင်ကြောင်း၊ အကြမ်းဖက်ခံရမှု များကို တာဝန်ယူ ဖြေရှင်း မပေးနိုင်သည့် သူများ၏ အကူအညီ များကို လက်ခံစရာ အကြောင်းမရှိကြောင်း ဦးအောင်မျိုးမင်းနှင့် အဖွဲ့ကို ပြောကြား ခဲ့သည်ဟု ဒေသခံများက RB News သို့ပြောပါသည်။ 

ဦးအောင်မျိုးမင်းနှင့် အဖွဲ့က ဒေသခံများကို အမျိုးမျိုး ဖြောင်းဖျ ခဲ့သော်လည်း မအောင်မြင် ခဲ့သဖြင့် ဂေါ်ဒူသာရ၊ ဒုညောင်ပင်ကြီး၊ ပဒင်း ကျေးရွာ အုပ်ချုပ်ရေးမှူး များကိုခေါ်၍ ထောက်ပံ့ရန် ယူလာသည့် ပစ္စည်းများကို စောင့်ရှောက်ရန် မှာကြားပြီး ဒုချီရာတန်းက မူလတန်းကျောင်းတွင် ထား၍ ပြန်သွားခဲ့ကြောင်း သိရှိ ရပါသည်။ ဤကဲ့သို့ ထောက်ပံ့ ပစ္စည်းများ ပေးရန် လာသည့်နေ့နှင့် သမ္မတ ဦးသိန်းစိန် ဖွဲ့စည်း ပေးသည့် စုံစမ်းရေး ကော်မရှင် မောင်တောမြို့သို့ ရောက်ရှိ နေသည့် အချိန်နှင့် တိုက်ဆိုင် နေပါသည်။ ဒုချီရာတန်းသို့ ယူဆောင်သွားသော ထောက်ပံ့ ပစ္စည်းများကို မောင်တော နယ်စပ် ကုန်သည်များ အသင်းမှ အာဏာပိုင် များက အတင်း တောင်းယူ သွားခဲ့ကြောင်း သိရှိ ရပါသည်။ 

ဒုချီရာတန်း စုံစမ်းရေး ကော်မရှင် အဖွဲ့သည် ယမန်နေ့က မောင်တော မြို့သို့ ရောက်ရှိ ခဲ့ပြီး၊ ယနေ့ နံနက် ၁၁ နာရီတွင် မောင်တော ခရိုင် အုပ်ချုပ်ရေး ရုံး၌ ခရိုင် အုပ်ချုပ်ရေး အဖွဲ့ဝင်မျာ၊ ဌာန ဆိုင်ရာ အကြီးအကဲ များနှင့် အချိန် ကြာကြာ ဆွေးနွေး ခဲ့သည်။ 

တဆက်တည်းမှာပင် မောင်တော မြို့နယ် အုပ်ချုပ်ရေးမှူး ဦးကြည်စန်းက ဒုချီရာတန်း အနီးတ၀ိုက် ရွာများမှ အုပ်ချုပ်ရေးမှူး များကို လျှို့ဝှက် ဆင့်ခေါ်၍ ဒုချီရာတန်း ဖြစ်စဉ်များကို လေ့လာ စုံစမ်းရန် ရောက်ရှိ နေသော စုံစမ်းရေး ကော်မရှင်နှင့် ပညာတတ် များကို တွေ့ဆုံခွင့် မပေးရန်၊ တွေ့ဆုံသည့် သူများကိုလည်း စာရွက်စာတမ်းများ၊ Memory stick များ ပေးခွင့် မပေးရန်၊ အကယ်၍ ပေးခဲ့ပါကလည်း ပေးသည့်သူများ၏ အမည်စာရင်း အတိအကျကို မြို့နယ် အုပ်ချုပ်ရေးမှူး ရုံးသို့ အချိန်မှီ အစီရင်ခံရန် ခြိမ်းခြောက် သလိုဖြင့် အလေးအနက် မှာကြား ခဲ့ကြောင်း ဒေသခံ တစ်ဦးက RB News သို့ပြောပါသည်။ 

ဒေသခံများက ယခုကဲ့သို့ အကြမ်းဖက်မှု များကို ဒေသဆိုင်ရာ အာဏာပိုင် များက ပြုလုပ်ခဲ့ပြီး၊ စုံစမ်းရေး ကော်မရှင် လာသည့် အခါတွင် အဖြစ်မှန်များ မသိရှိ သွားစေရန် ခြိမ်းခြောက် ဟန့်တားမှု များကို အောက်ခြေ အာဏာပိုင် များက ပြုလုပ်နေသည်ကို ပြည်ထောင်စု အစိုးရမှ သိရှိရန် လိုအပ်သည်ဟု ပြောပါသည်။

MYARF မှ သတင်းပေးပို့သည်။