မောင်တော ရေတွင်းပြင်တွင် ရိုဟင်ဂျာနေအိမ် အချို့ထဲသို့ ဓါးပြများ ၀င်ရောက်၍ ရိုက်နှက်ပြီး ရွှေ၊ ငွေများ လုယက်

RB News

28.8.2018

မောင်တော ။ ။ ရခိုင်ပြည်နယ်၊ မောင်တောမြို့နယ် ရေတွင်းပြင်ကျေးရွာအုပ်စု တောင်ကုန်းအနီးရှိ လူနေအိမ် အချို့ထဲသို့ ဓါးပြအဖွဲ့တစ်ဖွဲ့ ၀င်ရောက်၍ အိမ်သူအိမ်သားများကို ကြိုးဖြင့် ချည်နှောင်၍ ရိုက်နှက်ပြီး ရွှေ၊ ငွေများ လုယက်ယူသွားခဲ့သည်။ 

သြဂုတ်လ (၂၅) ရက်နေ့ ည (၈) နာရီဝန်းကျင် အချိန်တွင် ရေတွင်းပြင် မြောက်ရွာ တောင်ကုန်းပေါ်ရှိ ဦးဖေရာန်အလီ (ဘ) ဦးဘာန်ရှားမျာ (အသက် ၄၀ နှစ်) ၏ နေအိမ်ထဲသို့ ဓါးကိုယ်စီကိုင်ဆောင်ထားသည့် လူစိမ်း (၅) ဦး ၀င်ရောက်လာပြီး မိသားစုဝင်များ အားလုံးကို ကြိုးတုတ်၍ တုတ်များဖြင့် ရိုက်နှက်ပြီးနောက် နေအိမ်အတွင်းရှိ နွားရောင်း၍ ရရှိထားသော ငွေကျပ် (၆)သိန်းကို လုယက်သွားခဲ့သည်။ အလားတူ ဦးယူနုစ် (ဘ) ဦးဆုလ်တာန် (အသက် ၃၀ နှစ်) နှင့် ဦးယူနုစ် (ဘ) ဦးရှမ်ရှုဒ္ဒိန်း (အသက် ၂၈ နှစ်) တို့၏ နေအိမ်များသို့ ၀င်ရောက်၍ ရွှေ (၃) ကျပ်သားနှင့် ငွေကျပ် သိန်း (၂၀) ကျော်တို့ကို လုယက် ယူဆောင်သွားခဲ့ကြောင်း ဒေသခံများက RB News သို့ပြောပါသည်။ 

ဓါးပြအဖွဲ့ ထွက်ခွာသွားပြီး ရွာသားများက ည ၉း၃၀ နာရီအချိန်တွင် ရေတွင်းပြင် ကျေးရွာအုပ်ချုပ်ရေးမှူးထံ သွားရောက်၍ အကြောင်းစုံ ပြောပြခဲ့ရာ ကျေးရွာအုပ်ချုပ်ရေးမှူးက သက်ဆိုင်ရာသို့ အစီရင်ခံ တင်ပြခဲ့သည်။ 

သြဂုတ်လ (၂၇) ရက်နေ့ နံနက် ၉ နာရီအချိန်တွင် ဇီးပင်ချောင်း နယ်ခြားစောင့်ရဲတပ်ဖွဲ့ နယ်မြေစခန်းမှူး ရဲမှူးကိုကိုမောင် အပါအ၀င် နယ်ခြားစောင့်ရဲ (၁၂) ဦးတို့သည် ရေတွင်းပြင် မြောက်ရွာသို့ ရောက်ရှိလာပြီး ၂၅ ရက်နေ့က လုယက်ခံရသည့် မိသားစု (၃) စု၏ နေအိမ်များသို့ သွားရောက်၍ စစ်ဆေးမေးမြန်းပြီး မွန်းတည့် ၁၂ နာရီ အချိန်တွင် ပြန်လည်ထွက်ခွာသွားခဲ့သည်။ တစ်ချိန်တည်းတွင် နယ်ခြားစောင့်ရဲတပ်ဖွဲ့ နယ်မြေ (၆) မှ ရဲမှူးရန်နောင်စိုး ဦးဆောင်သည့် နယ်ခြားစောင့်ရဲ (၄၅) ဦးတို့နှင့် ရွာသားများ ပူးပေါင်း၍ ရွာ၏ အရှေ့ဘက်ရှိ တောင်ကုန်းများကို ၀ိုင်းဝန်း ရှင်းလင်းခဲ့သည်။ 

ယင်းနေ့ ညနေ ၄ နာရီအချိန်တွင် ဇီးပင်ချောင်း နယ်မြေမှူး ရဲမှူးကိုကိုမောင် ဦးဆောင်သည့် နယ်ခြားစောင့်ရဲ (၂၀) ဦးတို့နှင့် ရွာသား (၂၀) ဦးတို့ ပူးေါပင်း၍ တောင်ကုန်း သုံးခုကို သွားရောက် ရှင်းလင်းခဲ့သော်လည်း တစ်စုံတစ်ရာ ထူးခြားမှု မတွေ့ရှိရဘဲ ည ၆ နာရီဝန်းကျင်တွင် ပြန်လည် ထွက်ခွာသွားခဲ့ကြောင်း နွားကျောင်းသားတစ်ဦး၏ ပြောပြချက်အရ သိရှိရသည်။

လုယက်ခံရသည့် မိသားစုများမှ မိသားစုဝင် အချို့ကို သြဂုတ်လ (၂၆) ရက်နေ့တွင် ကြိမ်ချောင်း နယ်ခြားစောင့်ရဲတပ်ဖွဲ့ စခန်း၌ စစ်ဆေးမေးမြန်းခဲ့ပြီး သြဂုတ်လ (၂၇) ရက်နေ့တွင် မောင်တောမြို့ပေါ်ရှိ တရားရုံးသို့ ခေါ်ဆောင်သွားပြီး စစ်ဆေးမေးမြန်းမှုများ ပြုလုပ်ခဲ့သည်ဟု ရွာသားတစ်ဦးက RB News သို့ပြောပါသည်။ 

“နယ်ခြားစောင့်ရဲတွေက သတင်းရပြီး နောက်နေ့ ၂၆ ရက်နေ့မှာ လာပြီး စစ်ဆေးသင့်တယ်။ ချက်ချင်း လာမစစ်ဘဲ ၂၇ ရက်နေ့မှ လာစစ်တော့ ဒမြတွေကို ထွက်ပြေး တိမ်းရှောင်သွားဖို့ အခွင့်အရေး ပေးသလို ဖြစ်သွားတယ်။ အခင်းဖြစ်တဲ့နေရာနဲ့ ဇီးပင်ချောင်း စခန်းနဲ့ သိပ်မဝေးဘူး။ အခု အဲဒီ ဒမြတွေ ပြန်လာပြီး ဓါးပြတိုက်မှာကိုလည်း စိုးရိမ်နေရသလို၊ အာဆာ ၀င်လာတယ်လို့ တမင်ဖန်တီးပြီး မနှစ်ကလို နယ်မြေရှင်းလင်းရေး ခေါင်းစဉ်တပ်ပြီး အကြမ်းဖက်မှာကိုလည်း စိုးရိမ်နေရတယ်” ဟု အဆိုပါ ရွာသားက ပြောပါသည်။