HRW ရဲ့ မြန်မာခရီးစဉ် ရန်ကုန်မှာ သတင်းစာ ရှင်းလင်းပွဲ ပြုလုပ်
 |
| မြန်မာ သမ္မတနဲ့ လူ့အခွင့် အရေး စောင့်ကြည့်ရေး အဖွဲ့ နေပြည်တော်တွင် တွေ့ဆုံ။ (သတင်း မှတ်တမ်း- သမ္မတရုံး) |
ကိုသားညွန့်ဦး
6.2.2014
မြန်မာ နိုင်ငံကို ရောက်ရှိ လာတဲ့ HRW လူ့အခွင့် အရေး စောင့်ကြည့်ရေး အဖွဲ့ အကြီးတန်း တာဝန် ရှိသူ တွေဟာ မြန်မာ သမ္မတ အပါ အ၀င် မြန်မာ အစိုးရ အာဏာပိုင် တွေနဲ့ တွေ့ဆုံပြီး၊ လက်ရှိ မြန်မာ ပြုပြင် ပြောင်းလဲ ရေးမှာ ရင်ဆိုင် နေရတဲ့ စိန်ခေါ်ချက် တွေကို ထောက်ပြ ဆွေးနွေး ခဲ့ပါတယ်။ အထူး သဖြင့်တော့ မြန်မာ နိုင်ငံကို ကမ္ဘာက စောင့်ကြည့် နေတဲ့ အချိန်မှာ ရိုဟင်ဂျာ လူနည်းစုတွေ အပေါ် ဘယ်လို ဆက်ဆံ သလဲ ဆိုတာဟာ မြန်မာ နိုင်ငံ အတွက် ဂုဏ်သိက္ခာ ကိစ္စ ဖြစ်တယ် ဆိုတာကို HRW က ထောက်ပြ ခဲ့ပါတယ်။ ဒီကနေ့ ရန်ကုန် ကုန်သည် ကြီးများ ဟိုတယ်မှာ ကျင်းပတဲ့ HRW ရဲ့ သတင်းစာ ရှင်းလင်းပွဲကို ကိုယ်တိုင် သတင်းသွား ယူခဲ့တဲ့ ဗွီအိုအေ ရန်ကုန် ရုံးခွဲက ကိုသားညွန့်ဦးက ဒီအကြောင်း သတင်း ပေးပို့ထား ပါတယ်။
HRW လူ့အခွင့် အရေး အဖွဲ့ကြီးရဲ့ မြန်မာ နိုင်ငံ ခရီးစဉ် အတွင်း မနေ့တုန်းက နေပြည်တော် မှာတော့ မြန်မာ သမ္မတ ဦးသိန်းစိန်၊ နိုင်ငံခြားရေး ၀န်ကြီး၊ ပြည်ထဲရေး ၀န်ကြီး၊ ကာကွယ်ရေး ဒုဝန်ကြီး စတဲ့ အဆင့်မြင့် အစိုးရ တာဝန် ရှိသူ တွေနဲ့ သီးခြားစီ တွေ့ဆုံ ခဲ့တာပါ။ မြန်မာ နိုင်ငံ တွင်းမှာ ပြီးခဲ့တဲ့ နှစ်နှစ်ခွဲ ကျော် ကာလ အတွင်း ပြောင်းလဲ မှုတွေ ကြီးကြီး မားမား ရှိခဲ့ပြီး၊ ဒီလို အပြောင်း အလဲမှာ အရေးကြီးတဲ့ အချိန် ကာလ ဖြစ်တာမို့ HRW ရဲ့ အုပ်ချုပ်ရေး ဘုတ်အဖွဲ့ဝင်တွေ အကြီးတန်း တာဝန် ရှိသူ တွေပါ အတော် များများ မြန်မာ နိုင်ငံကို လာရောက် ခဲ့ကြတာ ဖြစ်တယ်လို့ HRW တာဝန် ရှိသူ တွေက ပြောပါတယ်။
ဒါဟာ မြန်မာ နိုင်ငံရဲ့ အပြောင်း အလဲကို အားပေး ထောက်ခံ ဖို့လည်း ဖြစ်ပါ တယ်လို့ ဆိုပါတယ်။ ဒါပေမယ့်လည်း အခု အချိန်မှာ အဓိက ကျတဲ့ မေးခွန်း ကတော့ ဒီမိုကရေစီကို တကယ် သွားမလား၊ စစ်အုပ်ချုပ်ရေး တပိုင်း ဒီမိုကရေစီ အတု အယောင်လမ်းကို သွားမလား ဆိုတာပဲ ဖြစ်တယ်လို့ HRW ရဲ့ အမှုဆောင် ညွန်ကြား ရေးမှုး Kenneth Roth က ပြောသွား ပါတယ်။
"ဒီတိုင်းပြည်မှာ လက်ရှိ အားဖြင့် ရင်ဆိုင် နေရတာ တွေထဲက အဓိက ကျတဲ့ အချက် ကတော့ မြန်မာ နိုင်ငံဟာ စစ်မှန်တဲ့ ဒီမိုကရေစီ စနစ်ကို သွားမှာလား၊ နိုင်ငံရေးနဲ့ စီးပွားရေး လူမှု အဖွဲ့ အစည်း တွေကို ပြန်လည် အသစ် ထူထောင်ရာမှာ ပြည်သူ လူထု အားလုံး အသံကို တကယ် နားထောင် သွားမှာလား ဒါမှ မဟုတ် စစ်အုပ်ချုပ် ရေးကို ပုံစံ အသက် သွင်းပြီး ဒီမိုကရေစီ အတု အယောင် ပုံစံမျိုး သွားမှာလား ဆိုတဲ့ မေးခွန်း ပါပဲ။ ဒီအတွက် အဖြေ မသိရ သေးပါဘူး။ ဒါပေမယ့် ဒါဟာ တကယ့်ကို အဓိက ကျတဲ့ မေးခွန်း ဖြစ်ပါတယ်။"
မြန်မာ အာဏာ ပိုင်တွေနဲ့ ဆွေးနွေး ရာမှာတော့ နိုင်ငံရေး အကျဉ်းသား ကိစ္စနဲ့ ဥပဒေ ပြင်ဆင်ရေး ကိစ္စရပ် တွေကို အတော်ကြီး အလေးပေး ဆွေးနွေး ခဲ့တယ် လို့လည်း ပြောပါတယ်။
"သမ္မတ အပါ အ၀င် လုပ်ခဲ့တဲ့ အစည်း အဝေး တွေမှာ နိုင်ငံရေး အကျဉ်း သားတွေ ကိစ္စနဲ့ ဥပဒေ ပြင်ဆင်ရေး တွေကို အလေးပေး ပြောဆို ဆွေးနွေး ပါတယ်။ ၂၀၁၃ ခုနှစ် အကုန်ပိုင်း နိုင်ငံရေး အကျဉ်း သားတွေ လွတ်ရမယ် ဆိုတဲ့ သမတ္တရဲ့ပိုင်းဖြတ် ဆောင်ရွက် ချက်တွေကို အသိ အမှတ် ပြုပါတယ်။ ဒါပေမယ့် အငြင်းပွား စရာ ကိစ္စတွေ ရှိနေ တုန်းပါ။ ကျနော်တို့ ခန့်မှန်းချက် အရ နိုင်ငံရေး အကျဉ်းသား ၃၄ ဦးလောက် ကျန်ပါ သေးတယ်။ အဲဒီ အထဲ နိုင်ငံ တကာ အဖွဲ့ အစည်း တွေက ၀န်ထမ်း တွေလည်း ပါဝင် ပါတယ်။ ဒီဆွေးနွေး ချက်ကို သမ္မတက ကြိုဆို ပါတယ်။ စာရင်း အသေ အချာ ပြုစု တင်ပြဖို့ ပြောပါတယ်။ ဒါပေမယ့် အခြေခံ ကျတဲ့ အချက် ကတော့ ဥပဒေ ပြင်ဆင်ရေး ကိစ္စတွေ လုံးဝ မပြီးပြတ် သေးတဲ့ အခါ ကျတော့ နိုင်ငံရေး ကြောင့် ဖမ်းခံ ရတာတွေ တရား စွဲဆို ခံနေ ရတာတွေ ရှိနေတုန်းပါ။ ဒါကြောင့် ဖိနှိပ်တဲ့ ဥပဒေတွေ ရှိနေသေးတဲ့ အခါ ကျတော့ အခုလက်ရှိ နိုင်ငံရေး အရ တရားစွဲဆို ခံနေရာ တွေဟာ ပြဿနာ ဖြစ်နေတယ် ဆိုတာကို သမ္မတကို ဆွေးနွေး ပြောခဲ့ ပါတယ်။"
ဒါ့အပြင် နယ်စပ် တလျှောက် တိုင်းရင်းသား ဒေသ တွေက လက်နက်ကိုင် ပဋိပက္ခ တွေနဲ့ ပတ်သက်လို့ စိုးရိမ် မကင်း ဖြစ်မှုတွေ ကိုလည်း ဆွေးနွေး ပြီးတော့ အဲဒီကို လူသားချင်း စာနာမှု အကူ အညီတွေ ရောက်ရှိ နိုင်ရေး အတွက် အကူ အညီ ပေးရေး အဖွဲ့တွေ လူပုဂ္ဂိုလ်တွေ အဲဒီကို လွတ်လွတ် လပ်လပ် သွားလာ နိုင်ရေး ခွင့်ပြုဖို့ ကိုလည်း တောင်းဆို ခဲ့တယ်လို့ ဆိုပါတယ်။ မြန်မာ နိုင်ငံမှာ နောက်အရေး ကြီးတဲ့ ကိစ္စရပ် ကတော့ မြန်မာ နိုင်ငံ အနောက်ခြမ်းမှာ ဖြစ်နေတဲ့ ရိုဟင်ဂျာ လူနည်းစု ကိစ္စတွေလို့ ထောက်ပြ ပါတယ်။ ဒါဟာ ပြုပြင် ပြောင်းလဲ မှုတွေ လုပ်နေတဲ့ မြန်မာ နိုင်ငံ အတွက် ဂုဏ်သိက္ခာ ပိုင်းဆိုင်ရာ ကိစ္စရပ် ဖြစ်တယ်လို့ HRW အမှုဆောင် ညွန်ကြား ရေးမှုး Kenneth Roth က ပြောသွား ပါတယ်။
"မြန်မာ နိုင်ငံကို ကမ္ဘာက စောင့်ကြည့် နေတဲ့ အချိန် မှာပဲ ဒီကနေ့ တိုင်းပြည်ရဲ့ဂုဏ်သိက္ခာ ထိခိုက် စေမယ့် မြင်သာတဲ့ အကြောင်းရပ် ကတော့ ရိုဟင်ဂျာ တွေကို ဘယ်လို ဆက်ဆံ သလဲ ဆိုတာပါ။ မြန်မာ လူမျိုးတွေ ကြိုက်သည် ဖြစ်စေ မကြိုက်သည် ဖြစ်စေ ပြုပြင် ပြောင်းလဲရေး အောင်မြင်ဖို့ ကိစ္စမှာ၊ ရိုဟင်ဂျာ လူနည်းစု တွေအပေါ် ဘယ်လို ဆက်ဆံ သလဲ ဆိုတာမှာ အတော်ကြီး တည်နေ ပါတယ်။ နိုင်ငံရေးနဲ့ ဥပဒေ ပြုပြင် ပြောင်းလဲရေး တွေပြောရာမှာ ရိုဟင်ဂျာ တွေကို ဆက်ဆံ ကိုင်တွယ်တဲ့ အပိုင်း တိုးတက် ကောင်းမွန် လာဖို့နဲ့ နိုင်ငံသား အခွင့် အရေးကို အသိ အမှတ် ပြုဖို့ ဆိုတာတွေ အရေး တကြီး လိုအပ် ချက်တွေ ဖြစ်ပါတယ်။"
မြန်မာ နိုင်ငံ အနောက်ခြမ်းက လူမျိုးရေး အကြမ်းဖက် မှုတွေကို ဆွေးနွေးရာ မှာတော့ လုံခြုံရေး တပ်ဖွဲ့ တွေရဲ့ အခန်း ကဏ္ဍကိုပါ မြန်မာ တာဝန်ရှိ သူတွေနဲ့ ဆွေးနွေး ခဲ့ပြီး။ လုံခြုံရေး တပ်ဖွဲ့တွေ အနေနဲ့ အရပ်သား ဘယ်သူ မဆိုကို အကာ အကွယ် ပေးရမယ် ဆိုတာကို အစိုးရ ဖက်က လက်ခံ တာဟာ အနည်း ဆုံးတော့ ကျေနပ် စရာ ဖြစ်စေ တယ်လို့လည်း ပြောသွား ပါတယ်။
"အစိုးရ တာဝန် ရှိသူ တွေနဲ့ တွေ့ဆုံ မှုတွေ အတွင်းမှာ လုံခြုံရေး တပ်ဖွဲ့ တွေဟာ ဘယ်သူ့ကို မဆို အကာ အကွယ် ပေးဖို့ တာဝန် ရှိတယ် ဆိုတာကို သူတို့ လက်ခံ ကြပါတယ်။ HRW လူ့အခွင့် အရေး စောင့်ကြည့်မှု အဖွဲ့က ရရှိတဲ့ သတင်း အချက် အလက် အတော် များများမှာ လုံခြုံရေး တပ်ဖွဲ့ဝင် တွေဟာ ရိုဟင်ဂျာ တွေကို တိုက်ခိုက်မှု တွေမှာ ၀င်ရောက် ဟန့်တားတာ မျိုးမရှိပဲ လက်ပိုက်ကြည့် နေတယ်၊ အချို့ ဆိုရင် ပါဝင် ပတ်သက်တယ် ဆိုတာတွေ ရှိပါတယ်။ ဒါပေမယ့်လည်း ဆိုးဝါးတဲ့ အခြေ အနေ အောက်မှာ ရှိတဲ့ လူတွေကို အကာ အကွယ် ပေးဖို့ လုံခြုံရေး တပ်ဖွဲ့ တွေမှာ တာဝန် ရှိတယ် ဆိုတဲ့ အသိ အမှတ် ပြုမှုဟာ အနည်း ဆုံးတော့ လက်ခံ ကျေနပ် စရာပါ။"
လူမျိုးရေး ဘာသာရေး အရ အမုန်းပွား စေတဲ့ ရေးသား ပြောဆို မှုတွေ တိုးများ နေတာ တွေ့ရပြီးတော့ ဒါကို ကိုင်တွယ် ဖြေရှင်းဖို့ မြန်မာ သမ္မတနဲ့ တွေ့ဆုံ စဉ်မှာ ဆွေးနွေး ခဲ့တယ်လို့ HRW က ပြောပါတယ်။ ဒါတွေဟာ အကြမ်းဖက် မှုတွေ အတွက် လှုံဆော်ချက် တွေဖြစ် နေတယ်လို့ ထောက်ပြတယ်။ တဖက်မှာလည်း လွတ်လပ်စွာ ပြောဆိုခွင့်နဲ့ အမုန်း တရား ရေးသား ပြောဆို မှုတွေ ကွာခြားမှု ရှိတာ ကိုလည်း ထောက်ပြ ခဲ့ပါတယ်။
ဖွဲ့စည်းပုံ ပြင်ဆင်ရေး ကိစ္စနဲ့ ပတ်သက် လို့လည်း ဖွဲ့စည်းပုံမှာ စစ်တပ်ကို ကင်းလွတ်ခွင့် ပေးထားတဲ့ အချက်တွေ၊ လွှတ်တော် ထဲမှာ နေရာ ပေးထား တာတွေဟာ အရင် ချီလီ အာဏာရှင် ပီနိုချေး လုပ်ခဲ့တဲ့ ပုံစံနဲ့ တူပြီး ပီနိုချေး အမှားတွေ ထပ်မလုပ် မိဖို့ လိုတယ်လို့ HRW က ထောက်ပြ ခဲ့ပါတယ်။ အမေရိကန် သမ္မတ အိုဘားမား လာရောက်စဉ် တုန်းက မြန်မာ သမ္မတ ဦးသိန်းစိန်က ဂတိ ပေးခဲ့တဲ့ အတိုင်း OHCHR လူ့အခွင့် အရေး ဆိုင်ရာ ကုလ သမဂ္ဂ မဟာမင်းကြီး ရန်ကုန်မှာ ရုံးဖွင့်ဖို့ ကိစ္စ ကိုလည်း နိုင်ငံခြားရေး ၀န်ကြီးနဲ့ တွေ့ဆုံ စဉ်မှာ ထပ်မံ အသိပေး တိုက်တွန်း ခဲ့တယ်လို့ HRW က ပြောဆို ပါတယ်။
နယူးယောက် အခြေစိုက် HRW လူ့အခွင့် အရေး စောင့်ကြည့်မှု အဖွဲ့ဟာ ဆိုရင် မြန်မာ နိုင်ငံ လူ့အခွင့် အရေး အခြေ အနေနဲ့ ပတ်သက်လို့ တောက်လျှောက် ဆိုသလို စောင့်ကြည့် ဝေဖန်ခဲ့တဲ့ နိုင်ငံ တကာ အဖွဲ့ အစည်း တရပ် ဖြစ်ပါတယ်။
