နောက်ဆုံးသတင်း/ဆောင်းပါးများ

ကျောက်ပြင်ဆိပ် ရွာရှိ ဆေးဆိုင်များမှ နယ်ခြားစောင့် ရဲများက လစဉ်ကြေး ကောက်ခံ




MYARF
RB News
12.2.2015

မောင်တော ။ ။ ရခိုင်ပြည်နယ်၊ မောင်တောမြို့နယ် ကျောက်ပြင်ဆိပ် ကျေးရွာရှိ ဆေးဆိုင်များမှ နယ်ခြားစောင့် ရဲများက လစဉ်ကြေး ကောက်ခံလျက် ရှိကြောင်း သတင်း ရရှိပါသည်။

မောင်တောမြို့နယ် ကျောက်ပြင်ဆိပ် ကျေးရွာရှိ ဆေးဆိုင် (၃) ဆိုင်မှ နယ်ခြားစောင့် ရဲများက လစဉ်ကြေး တစ်သောင်းကျပ်စီ ကောက်ခံလျက် ရှိကြောင်း ဒေသခံ တစ်ဦးက RB News သို့ပြောသည်။ အဆိုပါ ဆေးဆိုင်များမှာ မြို့နယ် ကျန်းမာရေး ဦးစီးဌာနမှ တရားဝင် ထုတ်ပေးသော ခွင့်ပြုချက်ဖြင့် ဆေးရောင်း နေသည့်ဆိုင်များ ဖြစ်သော်လည်း နယ်ခြားစောင့် ရဲများက အာဏာ အလွဲသုံးစား ပြုလုပ်၍ အတင်း အဓမ္မ ကောက်ခံလျက် ရှိသည်ဟု ဆိုသည်။

ငွေကျပ် တစ်သောင်းစီ လစဉ်ကြေး ပေးနေရသည့် ဆေးဆိုင် ပိုင်ရှင်များမှာ --

(၁) ဦးရှိခ်အာမတ်
(၂) ဦးမာမတ်ဟူဆောင်း
(၃) ဦးဆော်လီမူလ္လာ -- တို့ဖြစ်သည်။

အလားတူ ယင်းရွာမှ ၀ါးရောင်း၍ အသက်မွေးဝမ်း ကျောင်းပြုနေသည့် မော်လ၀ီ အာဘူဆော်လာမ် ကိုလည်း ၀ါးရောင်းသည့် အတွက်ဟုဆိုကာ လစဉ်ကြေး ၅၀၀၀ ကျပ် ကောက်ခံခဲ့ပြီး လစဉ် ပုံမှန် ပေးရမည်ဟု နယ်ခြားစောင့် ရဲများက ပြောဆိုခဲ့ကြောင်း သိရသည်။

နယ်ခြားစောင့် ရဲများက အဆိုပါ ဆေးဆိုင်များနှင့် ၀ါးရောင်းဝယ်သူ များကို ၎င်းတို့ တောင်းခံသည့် ငွေများကို မပေးပါက ရောင်းဝယ် ဖောက်ကားခွင့် ပိတ်ပင်မည်ဟု ခြိမ်းခြောက် ခဲ့ကြောင်း သိရသည်။

Comment ရေးရန်

Rohingya Exodus