ဖြူစင် ရိုးသားဘို့ လိုပြီ-

RB News

22.3.2014

နိုင်ငံရေးမှာ အဖြူထည် ပကတိ မရှိ- ဆိုတာကို လက်ခံပါတယ်။ သို့သော် ဉာဏ်အမျှော်အမြင်နဲ့ ရိုးသားမှု ကိုတော့ အခြေခံရပါမယ်။ အာဏာရမက်တွေနောက်ကို လိုက်ရင်း လူမျိုးကြီးဝါဒ-၊ မျက်ကန်း အမျိုးသားရေးဝါဒ တွေနဲ့ ကြီးနိုင်ငယ်ညှင်း တောရိုင်းစိတ် ၀ါဒတွေကို နှလုံးပိုက်လျှက်- အပြုံးမျက်နှာတုကို မိတ်ကပ်ဖို့ထားလို့ ရနိုင်တဲ့ ခေတ်ကာလ မဟုတ်တော့ပါ။

မြန်မာ့နိုင်ငံရေး သမားများ၊ အာဏာပိုင်များ၊ လူငယ်မျိုးချစ်များ- အများစုဟာ လွန်ခဲ့တဲ့ နှစ်ပေါင်း ၄၀- ၆၀ လောက်က မြန်မာပြန်ထုတ်ဝေခဲ့တဲ့ နိုင်ငံရေးစာအုပ်များ၊ ကမ္ဘာ့ခေါင်းဆောင်များရဲ့ အတ္ထုပ္ပတ္တိနဲ့ သူတို့ရဲ့ လှုပ်ရှား များကို အားကျ ပုံတူကူးယူခဲ့ရသူက ရာနှုန်းများနေပါတယ်။ ဥပမာ- ကျူဘားပြည်က ကြယ်နီ တို့၊ ချေဂွေဗားရား တို့ တရုတ်ပြည်က ကြယ်နီတို့ အာရဗ်အစ္စရေးလ် ခြောက်ရက်စစ်ပွဲတို့- စတဲ့ ဒုတိယကမ္ဘာစစ်ပြီးကာလ နိုင်ငံရေး သီအိုရီများသာ ဘ၀ကို စခဲ့ရသူက များနေပါတယ်။

အခုအချိန်ဟာ ဒုတိယ ကမ္ဘာစစ်ပြီးကာလနဲ့ ခေတ်သုံးခေတ်ခြားနားသွားခဲ့ပါပြီ။- စစ်အေးခေတ်၊ ၀ါဒအားပြိုင် ခေတ်- နဲ့ ကွန်မြူနစ် စနစ်အားနဲ့သွားချိန်မှာ ဘာသာရေးအသွင်လွှမ်း နိုင်ငံရေးဝါဒ ခေတ်များကို ကျော်လွန်ခဲ့ လေပြီ။- ဒါတွေကို မြန်မာ့နိုင်ငံရေး သမားတို့ ပြတ်ကျန်ခဲ့ကြောင်း မြန်မာ့နိုင်ငံရေး အခင်းအကျင်းနဲ့ ဖြစ်တည်နေ မှုများက မျက်ဝါးထင်ထင် သက်သေပြနေပါတယ်။

ပိုဆိုးတာက- မြန်မာ့နိုင်ငံရေး သမားတိုင်း (အားလုံးနီးပါး)ရဲ့ ပါးစပ်က - ပထ၀ီ နိုင်ငံရေး ဆိုတဲ့ ဝေါဟာရကို တွင် တွင်ကြီး သုံးစွဲ လက်ခံနေမှုများပါ။- တစ်ကယ်တော့ အဲ့ဒီ သီအိုရီကို စစ်အစိုးရက သေသေသပ်သပ် ပုံသွင်းခဲ့ ခြင်းသာ ဖြစ်ပါတယ်။ ပထ၀ီ နိုင်ငံရေး ဆိုတဲ့ စကားလုံးက လူပြိန်းကြိုက် စကားမျှသာ ဖြစ်ပါတယ်။ မိမိနိုင်ငံရဲ့ ပထ၀ီ အနေအထားကို ဘယ်လို ကာကွယ်မလဲ ဆိုတဲ့ သီအိုရီကသာ ပညာရပ်ဆန်တဲ့ အဖြေဖြစ်လာမှာပါ။ လူပြိန်းကြိုက်စကားလုံးတွေကိုသာ တွင်တွင်ကျယ်အောင် ပြောတတ်ပြီး- အဲ့ဒီ ပထ၀ီကို ဘယ်လိုကာကွယ်လေ မလဲလို့ အဖြေကို ဘယ်သူကမှ တိတိကျကျ မထုတ်ပြနိုင်ခဲ့ဘူး။

မျက်ကန်း အမျိုးသားရေးဝါဒကို လက်ကိုင်ထားရင် ကာကွယ်နိုင်မယ်လို့ ထင်ယောင်ထင်မှား တွေးနေမှုကြောင့် တရုတ်ကြီးက မြန်မာ့ ပထ၀ီ မြေပုံကို တစ်ဝက်လောက် ဖျက်ထားခဲ့လေပြီ။ မကြာမှီ တိဘက်ကို မြိုသလို မြိုလိုက်တော့မယ် ဆိုတဲ့ အသိ ဒီနေ့ထိ လူထုကြားမှာ မကိန်းဝပ်နိုင်သေးပါ။ ဒါဟာ လူထုကို ဦးဆောင်တဲ့ အစိုးရနဲ့ နိုင်ငံရေးသမားတို့ရဲ့ ဗဟုသုတ ပြတ်လပ်မှုလို့ မညှာမတာ ဆင်ခြင်ရပါတော့မယ်။

ပထ၀ီ ကို ကာကွယ်လိုရင်- (၁) ငါတို့ရဲ့ မြန်မာနိုင်ငံ မြေပထ၀ီ ဟာ ဘယ်က ဘယ်အထိ ဆိုတဲ့ တိကျတဲ့ အဖြေ ကို လူထုရှေ့မှာ လူထုသိအောင် တိတိကျကျ ချပြရပါမယ်။ (၂) အာဏာပိုင် အစိုးရကိုယ်တိုင်က မြေပထ၀ီကို ဖဲ့ရောင်းခြင်း အလုပ်တွေကို ရှောင်ကြဉ်ရပါမယ်။ (၃) သတ်မှတ်ပြီး နယ်နိမိတ် အတွင်း ရှိနေသူ လူသားအားလုံး မျိုးနွယ်အားလုံးကို အတူနေချင်စိတ်များ ကိန်းဝပ်လာအောင် တရားမျှတ သင့်မြတ်လျှော်ကန်တဲ့ တန်းတူညီမျှ ခွင့်ကို ပေးရဲရပါမယ်။

ငါတို့ရဲ့ မြေပထ၀ီဟာ ဘယ်က ဘယ်အတိ ကျယ်ဝန်းတယ်၊ ရှိတယ် ဆိုတာ လူထုက သိနေမှ လူထုကိုယ် တိုင်က ကိုယ့်မြေကို ကိုယ်ကာကွယ်နိုင်မှာ ဖြစ်သလို-၊ မသမာတဲ့ အစိုးရအာဏာပိုင်များက မြေကိုဖဲ့ရောင်းမယ် ဆိုရင်လည်း လူထုက အစိုးရကို ကန့်ကွက်ဆန္ဒပြမှုများ ပြုလုပ်နိုင်ပါတယ်။ (အခုတော့ မြန်မာပြည်မြေပုံ ဆိုတာ လောက် လူထုကို ဆွဲပြသင်ကြားနေပြီး- လူထုကိုယ်တိုင် နယ်ခြားစည်းက ဘယ်မှာ ဆိုတာ တိတိကျကျ မသိ တဲ့ ဘ၀မျိုးပါ။ ဟိုနေ့ ထိုင်းနဲ့ ပြသနာတက်လိုက်၊ ဒီနေ့ ဘင်္ဂလားနဲ့ ပြသနာတက်လိုက်- ထအော်လိုက် အခြေ အနေမျိုးသာ ရှိနေပါတယ်။ အင်အားကြီးတဲ့ တရုတ် နဲ့ အိန္ဒိယကို ဖဲ့ပေးလိုက်ရတဲ့ မြေတွေတော့ လူမသိ ရှင်မကြား ဖြစ်နေရပါတယ်။) ဒီအခြေအနေဟာ လွတ်လပ်ရေး ရပြီးကတည်းကပါ- အခုအချိန်ထိ လူထုက မျက် မမြင်ဆင်စမ်း ဘ၀နဲ့ ပထ၀ီနိုင်ငံရေးကို သံယောင်လိုက်နေရတဲ့ အဆင့်ပါ။

အခြေအနေ အဆိုးဆုံးက ပထ၀ီကို ကာကွယ်ဘို့- မျက်ကန်းအမျိုးသားရေးဝါဒကို ရိုက်သွင်းလိုက်ခြင်းပါပဲ။ နိုင်ငံ တစ်နိုင်ငံမှာ လူထု ဆိုတာ ရွှေရည် ငွေရည် စိမ်ခံရတဲ့ သတ္တုအဆင့်မျှသာ ဖြစ်ပါတယ်။ ခေါင်းဆောင်တွေက ရွှေရည်စိမ်ပေးနိုင်ရင် လူထုက ရွှေဖြစ်လာတယ်။ ခေါင်းဆောင်တွေက ငွေရည်စိမ်ပေးနိုင်ရင် လူထုက ငွေဖြစ် လာတယ်- ဆိုတဲ့ သီအိုရီ ချည်းပါပဲ။ အမျိုးသားရေး ဆိုတာ နိုင်ငံသားတိုင်းမှာ ရှိသင့်တဲ့ စိတ်ဓါတ်ပါ။ သို့သော် မြန်မာ့ခေါင်းဆောင်တွေဟာ ဉာဏ်ပညာ ဗဟုသုတမှာ အင်မတန်နောက်ကျနေပြီး- မိမိကိုယ်တိုင်က ရွှေအတု ငွေအတုတွေ ဖြစ်နေကာ- လူထုကို ရွှေအတု အရည်စိမ်ပေးနေကြတယ်- ငွေအတု အရည်စိမ်ပေးနေကြတယ် လို့ ပြောရတော့မှာပါ။

ခေါင်းဆောင်ဆိုသူတွေရဲ့ အဓိပ္ပါယ်ဖွင့်ဆိုမှု အမျိုးသားရေးဝါဒ ဆိုတာက နိုင်ငံအတွင်း ရှိသမျှ လူသား အားလုံး ကို ထေရ၀ါဒ ဗုဒ္ဓဘာသာ ပုံစံခွက်ထဲမှာထည့်ပြီး ဗမာမှုပြုခြင်း လို့ ခိုင်ခိုင်မာမာ နှလုံးပိုက်ထားခြင်းပါ။ ဒီကြားထဲ မိမိပုံသေနည်းကို တရားသေလက်ကိုင်ထားပြီး အခြား ဘယ်ဗဟုသုတကိုမှ သူတို့ရဲ့ ဦးနှောက်များ နှလုံးသား များ လက်ခံစဉ်းစားပေးနိုင်ခြင်း မရှိတဲ့ တတ်ယောင်ကား အစွဲကလည်း ကြီးမားနေပြန်ပါတယ်။

ရွှေအတု အရည်စိမ်ခံရတဲ့ လူထု၊ ငွေအတု အစိမ်ခံရတဲ့ လူထုမှာ မိမိကို စိမ်လိုက်တာ ရွှေအတုမှန်းမသိ၊ ငွေ အတုမှန်း မသိဘဲလျှက်- မိမိသည် ရွှေဖြစ်ပြီ၊ မိမိသည် ငွေ ဖြစ်ပြီလို့ ခံယူသွားမှာ သေချာပါတယ်။ ခံယူချက်က နှစ်ကာလကြာလာရင် အစွဲ ဖြစ်လာပါတော့တယ်။ ဒါတွေကို ရိုးရိုးသားသား ပါးပါးနပ်နပ် မဖြေရှင်းဘဲ- မိမိရဲ့ အမှားကို ခေါင်းဆောင်တွေကိုယ်တိုင်က မပြုပြင်ဘဲ- ဟိတ်ကြီးဟန်ကြီးလုပ်ကာ ငါ မှန်တယ်ဟေ့လို့ ဆက် လက် ကြွေးကြော်နေရင်- တိုင်းပြည်ရဲ့ အနာဂါတ်ဟာ စဉ်းစားလို့ ရဲလောက်တဲ့ အဆင့်မှာ မရှိတော့ပါ။

ဗုဒ္ဓဘာသာ ပုံစံခွက်ထဲမှာ ဗမာမှုပြုခြင်း- ဆိုတာဟာ ကြိုးချည်ရိုက် ပုံသွင်းခြင်းဖြစ်နေပါတယ်။ လူသားသဘာဝ လွတ်လပ်မှုကို ကြိုက်တယ်။ လွတ်လပ်မှုအတွက် လူသားဟာ အမြဲရုန်းကန်လှုပ်ရှားနေတယ်။ လုံးဝ မလွတ် လပ်သည့်တိုင် ကြပ်တည်းကျဉ်းမြောင်းထုထောင်းခံရတဲ့ ဘ၀က ကျယ်ဝန်း သက်သာ အထုအထောင်းမခံရတဲ့ ဘ၀ကို လိုချင်တယ်။ အဲ့ဒီ အတွက် လူတိုင်းဟာ နည်းမျိုးစုံနဲ့ ကြိုးစားနေကြတယ် ဆိုတဲ့ အချက်ကို မေ့မထား ဘို့ လိုပါမယ်။

ဗုဒ္ဓဘာသာ ပုံစံခွက်ချင်း တူညီနေရင်တောင်- ဗမာမှု ပြုခြင်းကို မခံမရပ်နိုင်တဲ့ ရခိုင်၊ မွန်၊ ရှမ်း လို လူသားတွေ လည်း မြန်မာ့ပထ၀ီမြေထဲမှာ အင်နဲ့အားနဲ့ တည်ရှိနေပါတယ်။ ဗမာမှုပြုခံချင်သော်လည်း ဗုဒ္ဓဘာသာ ပုံစံခွက်ထဲ ကို မ၀င်ချင်သူများကလည်း အင်နဲ့အားနဲ့ ရှိနေပါတယ်။ ဗုဒ္ဓဘာသာ ပုံစံခွက်တည်းကိုလည်း မ၀င်လို ဗမာမှု လည်း အပြုမခံနိုင်တဲ့ လူသားထုကြီးကလည်း မြန်မာပြည်ထဲမှာ အင်နဲ့အားနဲ့ ရှိနေပါတယ်။ အဲ့ဒီ အင်အားစု တစ်ရပ်စီအတွက် သွေးခွဲအုပ်ချုပ်ရေး စနစ်က ဘယ်အထိ ရပ်တည်နိုင်မလဲ။ သူတို့အားလုံးက သူတို့ကို သွေးခွဲ အုပ်ချုပ်ရေးနဲ့ ထိန်းချုပ်ထားကြောင်း အသိတရားများ- သတိတရားများ ရှိလာနေပါပြီ။ တနည်းအားဖြင့် ဗမာ ဆိုရင် ငြီးငွေ့နေတဲ့ လူထုကြီးက မြန်မာ့ပထ၀ီ ဧရိယာထဲမှာ ထက်ဝက်လောက် ရှိနေပါပြီ။

ရိုဟင်ဂျာများကို အသံထုတ် မထောက်ခံသော်လည်း ရိုဟင်ဂျာများအပေါ် မတရားပြုကျင့်နေတယ် ဆိုတဲ့ အချက်ကို ကချင်၊ ကရင်၊ ၀၊ ရှမ်း၊ မွန် တို့က တစ်ချိန်မှာ ငါတို့ကိုလည်း ဒီအတိုင်း ပြုကျင့်မှာပဲလို့ သင်ခန်းစာ ယူနေပါတယ်။- အလားတူ ခရစ်ယာန် ဘာသာဝင်များတဲ့ အုပ်စုတွေကလည်း မျက်ခြေမပြတ် စောင့်ကြည့်နေပါ တယ်။ ဒီလောက် မတရားမှုနဲ့ အကြံပက်စက်နေသူတို့အား ဘယ်သူတွေက အယုံအကြည် ရှိလေမလဲ-၊ ဆိုတာ တော့ ယေဘုယျ နားလည်ထားဘို့ လိုပါမယ်။

ဒီကြားထဲမှာ ပူပူနွေးနွေး ကရိုင်းမီးယား သီရိုရီ တစ်ခုက ထပ်ဆင့် ဖြစ်တည်လာပါတယ်။ ဒါဟာ မြန်မာပြည် အတွက် သင်ခန်းစာ မဖြစ်မနေယူရမယ့် ကိစ္စပါ။ ယူကရိန်းမှာ ဥရောပ လိုလားတဲ့ အုပ်စုက အာဏာကို သိမ်း လိုက်နိုင်ပေမယ့်-၊ အာဏာရသွားတဲ့ အုပ်စုက ယူကရိန်းအမျိုးသားရေးဝါဒနဲ့ ရောယှက်ပြီး- ရုရှားဘာသာစကား ပြော လူထုအပေါ် ခွဲခြား ဆက်ဆံလိုက်တဲ့ ကိစ္စပါ။ ဒါကို အကြောင်းပြပြီး ရုရှားက သူလူမျိုးနွယ်ကို ကာကွယ် ဘို့ ကြားဝင်စွက်ဖက်လိုက်ပါတော့တယ်။

ယူအင်မှာ အကြိတ်အနယ် ဖြစ်တော့ ရုရှားဘက်က- လူတစ်မျိုးဟာ ဘာသာစကား ကွဲပြားယုံမျှနဲ့ ခွဲခြားခံရမယ်၊ ချောင်ထိုးခံရမယ်၊ ဖိနှိပ်ခံရမယ် ဆိုတာ လူ့အခွင့်အရေး မဟုတ်ဘူး၊ ဒီမိုကရေစီ မဟုတ်ဘူး- ဒါကို ကျွန်တော်တို့ ကာကွယ်တာ တရားမျှတမှု ရှိတယ်လို့ တုန့်ပြန်ခဲ့ပါတယ်။ သူတို့ဘက်က တင်ပြမှု ယုတ္တိရှိနေတာ့ ဘယ်သူကမှ ကျယ်ကျယ်လောင်လောင် မကန့်ကွက်တော့ပါ။- ကျန်ခဲ့တဲ့ ယူကရိန်း စိတ်ပြေယုံမျှပဲ ဥရောပနဲ့ ယူအက်စ်က ဆိုင်းဝိုင်းတီးပေးခဲ့ရပါတော့တယ်။

မြန်မာပြည်မှာလည်း ဘာသာအယူ မတူယုံမျှနဲ့၊ ဘာသာစကားပြော ကွဲပြားယုံမျှနဲ့ လူမျိုးနွယ် တစ်စုကို အသိ အမှတ်မပြု ဖိနှိပ် ညှင်းပန်းနေမယ် ဆိုရင်- ဘင်္ဂလားက အကြောင်းပြချက်ရလာမယ်၊ ယိုးဒယားက အကြောင်းပြ ချက်ရလာမယ်၊ အိန္ဒိယက အကြောင်းပြချက်ရလာမယ်၊ တရုတ်က အကြောင်းပြချက် ရလာမယ်- ဆိုတာ ပြေး မလွတ်ပါ။

အကယ်၍ ကချင်နဲ့ ၀ တို့ကသာ ကျုပ်တို့ ဗမာနဲ့ အတူမနေနိုင်ဘူး-လို့ တရုတ်ကို ညှိလိုက်ရင် တရုတ်က သူ့မျိုး နွယ်ဆိုပြီး ၀င်ရောက်စွက်ဖက်တော့မှာပါ။ အလားတူ ဇူမီး (ချင်း)တို့ကို ပစ်ပါယ်ထားရင် ခွဲခြားဆက်ဆံနေရင်၊ လူရာ မသွင်းရင်- အိန္ဒိယ အတွက် အကြောင်းပြချက် ဖြစ်သွားမှာ သေချာပါတယ်။ ရှမ်း၊ ကရင်တို့ကလည်း ဗမာ နဲ့ အတူနေမယ့် အတူ- ယိုးဒယားနဲ့ ပေါင်းလိုက်မယ် စိတ်ကူးမိတာနဲ့ ယိုးဒယားက ၀င်စွက်တော့မှာပဲ။ ရိုဟင်ဂျာ ကိစ္စတောင် ဘင်္ဂလားက စကားဟနေပါပြီ။ ဒီနေရာမှာ ယိုးဒယားနဲ့ ဘင်္ဂလားကို စစ်ရေးအရ အထင်သေး အမြင် သေး လျှော့တွက်မိရင်- ဒီခေတ်က အလောင်းဘုရားအုပ်ချုပ်တဲ့ ခေတ်မဟုတ်တော့ဘူး ဆိုတာလောက်ပဲ မြန်မာ့ခေါင်းဆောင်တွေ တွေးမိဘို့ လိုပါမယ်။ ဘင်္ဂလားနဲ့ ယိုးဒယား ဆိုတာ ရှေ့က အပြ သရုပ်ဆောင်ရတဲ့ နိုင်ငံတွေ ဖြစ်နေပြီး နောက်ကွယ်မှာ မဟာ အင်အားတွေ ရှိနေပါတယ်။

ယိုးဒယား၊ ဘင်္ဂလား နောက်က မဟာအင်အားတွေကို ခုခံဘို့ တရုတ်ကြီးကို ပြေးကပ်မိရင် တရုတ်က ကချင် နဲ့ ၀ လောက်သာ မဟုတ် မြန်မာပြည် တစ်ဝက်ကို တိဘက်ဇတ် သွင်းလိုက်မှာ သေချာသလို-၊ ယိုးဒယား၊ ဘင်္ဂလား နောက်ကွယ်ကလည်း အောက်ဗမာပြည်ကို စားပစ်လိုက်မှာ သေချာနေတယ်။ နောက်ဆုံး ယူကရိန်း လို ဝေစားမျှစားပေါ့။ ဗမာတွေဘက်က ကျူးကျော်သူ လို့ ငယ်သံပါအောင် အော်ရင်လည်း နောက်ကျခဲ့ရတော့ မယ့် အဖြစ်ပါ။

အချိန်တွေ နောက်မကျဘို့ လက်မတင်လေးမှာ ရှိနေပါတယ်။ ဒါကို မြန်မာ့နိုင်ငံရေးသမားများ၊ မြန်မာ့အာဏာ ပိုင်များ လိမ်မာပါးနပ်ဘို့ လိုပါမယ်။ တိုင်းပြည်တွင်းက လူသားအားလုံး တရားသဖြင့် စိတ်ကြေနပ် စိတ်ချမ်းသာ အောင် ဆောင်ကြဉ်းနိုင်ဘို့ လိုပါမယ်။ မတရားတဲ့ မျက်ကန်း အမျိုးသားရေးဝါဒီ ရာဇ၀တ်ကောင်များကို အလို လိုက်မနေဘဲ အမြစ်ပြုတ် အပစ်ပေးပစ်ဘို့ လိုပါမယ်။

တိုင်းပြည်ကို တစ်ကယ်ချစ်ရင် ရိုးသား ဖြူစင်ဘို့ လိုပါပြီ။

မုဟမ္မဒ်တွာဟေရ် (ဌေးလွင်ဦး)
ဦးဆောင်လှုပ်ရှားမှု တာဝန်ခံ
Civil Rights Movement