စစ်တွေ အာဏာပိုင်များက သန်းခေါင်စာရင်းတွင် ဘင်္ဂလီဟု ရေးရန် အတင်းတိုက်တွန်း
မေယုချစ်သူ
RB News
25.3.2014
စစ်တွေ ။ ။ ယနေ့ မတ်လ ၂၅ ရက်နေ့တွင် ရခိုင်ပြည်နယ် ပြည်နယ် ရဲတပ်ဖွဲ့မှူး၊ ပြည်နယ် လ.၀.က မှူး တို့သည် စစ်တွေမြို့မှ ရိုဟင်ဂျာ ရပ်မိရပ်ဖ ၁၃ ဦးကို ခေါ်ယူတွေ့ဆုံပြီး၊ သန်းခေါင်စာရင်း ကောက်ခံသည့် အခါတွင် လူမျိုးနေရာ၌ ရိုဟင်ဂျာများသည် ဘင်္ဂလီဟုသာ ရေးသွင်းရန် သဘောတူရမည် ဖြစ်ကြောင်း၊ အကယ်၍ ဘင်္ဂလီရေးရန် သဘောမတူပါက စာရင်းကောက်ခံမည့် ရခိုင်လူမျိုးဆရာ၊ ဆရာမများက ရိုဟင်ဂျာတို့၏ စာရင်းကို ကောက်ခံမည် မဟုတ်ဟု ပြောဆို ခဲ့ကြောင်း၊ စာရင်းကောက်ခံ လျှင်လည်း လူမျိုးနေရာတွင် ဘာမှမရေးပဲ ကွက်လပ်ထားလျှင် သဘောတူရမည် ဖြစ်ကြောင်း အတင်း တိုက်တွန်း ပြောဆိုခဲ့ကြောင်း စစ်တွေဒေသခံ များက RB News သို့ပြောပါသည်။
ရိုဟင်ဂျာ ရပ်မိရပ်ဖ များက ပြန်လည် ပြောဆိုသည်မှာ ၄င်းတို့သည် ရိုဟင်ဂျာ လူမျိုး အစ္စလာမ် ဘာသာဝင်များ ဖြစ်ကြပြီး၊ သန်းခေါင်စာရင်း ကောက်ခံရာတွင် အမှန်အတိုင်း လူမျိုးအမည် ရိုဟင်ဂျာဟုသာ ရေးသွင်းရန် သဘောတူ မည်ဖြစ်ကြောင်း၊ မိမိတို့ မဟုတ် မမှန်သော လူမျိုးနာမည် တစ်ခုကို မမှန်မကန် ရေးသွင်းရန် သဘော မတူနိုင်ကြောင်း၊ နိုင်ငံတော် အစိုးရကလည်း မိမိတို့၏ လူမျိုးနာမည်ကို မိမိတို့ ဘာသာ စိတ်ကြိုက် အမည်မှန်ကို ရေးသွင်းနိုင်မည်ဟု နိုင်ငံတော် သတင်းစာများတွင် မတ်လ ၁၈ ရက်နေ့က ရှင်းလင်း ရေးသား ထားသည်ကို တွေ့ရကြောင်း၊ ထို့ကြောင့် မိမိတို့ ရိုဟင်ဂျာ လူမျိုး များသည် မိမိတို့ လူမျိုး နာမည်မှန်ကို အမှန်အတိုင်း ရေးသွင်းရန်သာ သဘောတူကြောင်း၊ အကယ်၍ မိမိတို့ လူမျိုး နာမည် မဟုတ်သော နိုင်ငံခြားသား လူမျိုး တစ်မျိုး၏ နာမည်ကို ရေးသွင်းပါက မိမိရိုဟင်ဂျာ လူမျိုးများက သဘောမတူ နိုင်ကြောင်း၊ ထို့အပြင် လူမျိုး နေရာတွင် ကွက်လပ်ထား ပါကလည်း မိမိတို့ သဘောမတူ နိုင်ကြောင်း၊ မိမိတို့ လူမျိုးနာမည် ရိုဟင်ဂျာကို မိမိတို့ ရှေ့တွင် ရေးသွင်း ဖြည့်စွက်ပါမှ မိမိတို့သည် သန်းခေါင် စာရင်း ကောက်ခံရာတွင် ပူးပေါင်း ပါဝင်မည် ဖြစ်ကြောင်း ပြန်လည် ရှင်းလင်း ပြောကြား ခဲ့ကြောင်း သိရှိရပါသည်။
သို့သော် ပြည်နယ်ရဲတပ်ဖွဲ့မှူးက ပြန်လည် ပြောကြားသည်မှာ ရခိုင်ပြည်နယ် အစိုးရသည် ဗဟိုအစိုးရနှင့် ပြည်ထောင်စု အစိုးရ၏ ညွှန်ကြားချက်ကို လိုက်နာရန် မဟုတ်ကြောင်း၊ ရခိုင်ပြည်နယ် အစိုးရ၏ ညွှန်ကြားချက် အတိုင်းသာ ပြုလုပ် ဆောင်ရွက် ရမည် ဖြစ်ကြောင်း။ ရခိုင်ပါတီ (RNDP) နှင့် ရခိုင်လူမျိုး ဆန္ဒပြသူတို့၏ သဘောဆန္ဒ အတိုင်းသာ ဘင်္ဂလီဟု ရေးသွင်းရန် သဘောတူ ရမည်ဖြစ်ကြောင်း အတင်း အဓမ္မ ခြိမ်းခြောက်ကာ ကြိမ်းမောင်း ပြောဆိုသွားကြောင်း သိရသည်။ ရခိုင်ပြည်နယ် အစိုးရနှင့် ရခိုင်လူမျိုး အစွန်းရောက် များသည် ဗဟိုအစိုးရ၏ လမ်းညွှန်ချက် ဥပဒေ စည်းမျဉ်း များကို မျက်ကွယ်ပြုကာ ရိုဟင်ဂျာ တို့၏ သဘော ဆန္ဒကိုလည်း နည်းမျိုးစုံ သုံးကာ ဆန့်ကျင် ကန့်ကွက်သည့် အပြင် ရခိုင်ပြည်နယ်၏ ဘူမိပုတြ (မူလလူမျိုး) တစ်မျိုးအား လူမျိုး ဖျောက်ကာ နိုင်ငံခြားမှ ခိုးဝင်လာသူများ အဖြစ် ဖန်တီးရန် လုပ်ဆောင် နေခြင်းသာ ဖြစ်ကြောင်း ရိုဟင်ဂျာ လူကြီး မိဘများက ပြောဆို နေကြသည်။
