လ.၀.က အရာရှိ တစ်ဦးက ဒေသခံများထံမှ ငွေကျပ် ၄၂ သိန်းကျော် ညှစ်ယူ
RB News
25.3.2014
မောင်တော ။ ။ ရခိုင်ပြည်နယ်၊ မောင်တောမြို့နယ် တောင်ပိုင်း မြင်းလွတ် စခန်းမှ လ.၀.က အရာရှိ တစ်ဦးက စက်လှေဖြင့် နိုင်ငံခြား ထွက်သွားသူများကို အိမ်ထောင်စု စာရင်းမှ ပယ်ဖျက်ရန် ဆိုကာ ဒေသခံများထံမှ ငွေကျပ် ၄၂ သိန်းကျော် ရယူခဲ့ကြောင်း သတင်း ရရှိပါသည်။
မောင်တောမြို့နယ် တောင်ပိုင်း မြင်းလွတ် စခန်းမှ လ.၀.က အရာရှိ တစ်ဦးဖြစ်သူ ဦးတင်ဇော်လင်း (လ၀က ၅၅၁၄) သည် ယခုလ လဆန်းပိုင်းမှ စ၍ ပတ်ဝန်းကျင် ကျေးရွာများ ဖြစ်သော မြင်းလွတ်၊ သပြေတော၊ ကျောင်းတောင်နှင့် ဥဒေါင်း ကျေးရွာများမှ ဒေသဆိုင်ရာ အာဏာပိုင်များ၏ ညှဉ်းပန်း နှိပ်စက်မှုကြောင့် မလေးရှားနိုင်ငံနှင့် အခြား နိုင်ငံများသို့ ထွက်ခွာသူများကို အိမ်ထောင်စု စာရင်းမှ ပယ်ဖျက်ခဟု ဆိုကာ ဥဒေါင်းရွာမှ ဦးဖော်ယာဇူလာ (ဘ) ဦးဘော်ဆိရ်ကို အသုံးပြု၍ ကျန်ရစ်ခဲ့သော မိသားစုများထံမှ လူတစ်ဦး အတွက် ငွေကျပ် ၇ ထောင်မှ တစ်သောင်း အထိ ကောက်ခံ လျက်ရှိသည်။ ဦးတင်ဇော်လင်းက သန်းခေါင်စာရင်း မကောက်ယူမှီ နိုင်ငံခြား ထွက်ခွာသွားသူ များကို အပြီး ပယ်ဖျက် ရမည်ဟု အထက်မှ ညွန်ကြားထားသည်ဟု ပြောကြောင်း ဒေသခံ တစ်ဦးက RB News သို့ ပြောပါသည်။
သန်းခေါင်စာရင်း ကောက်ယူရာတွင် အိမ်ထောင်စု စာရင်းကို ပြရန် မလိုအပ်သလို၊ နိုင်ငံခြား ထွက်ခွာသွားသူ များကိုလည်း သန်းခေါင် စာရင်း ကောက်ယူသည့် အခါ ထည့်သွင်း၍ ပြောကြား ရမည်ဖြစ်သည်။ ဦးတင်ဇော်လင်းသည် ရိုးသား ဖြူစင်သည့် ဒေသခံများကို ရာထူးဖြင့် ခြိမ်းခြောက်၍ ငွေညှစ် နေခြင်းသာ ဖြစ်သည်။
ဦးတင်ဇော်လင်းသည် မြင်းလွတ်ရှိ မိသားစု ၂၀၀ ကျော်မှ ငွေကျပ် ၁၇ သိန်း၊ သပြေတောရှိ မိသားစု ၆၀ ကျော်မှ ၅ သိန်း ၅ သောင်း၊ ကျောင်းတော်ရှိ မိသားစု ၁၀၀ ကျော်မှ ငွေကျပ် ၈ သိန်း၊ ဥဒေါင်းရှိ မိသားစု ၁၆၀ ကျော်မှ ငွေကျပ် ၁၂ သိန်း ရယူခဲ့ကြောင်း ဒေသခံများက RB News သို့ ပြောပါသည်။ ငွေမပေးနိုင်သည့် မိသားစုများထံမှ အိမ်ထောင်စု စာရင်းများကို သိမ်းဆည်း ခဲ့ပြီး စခန်းသို့ လာ၍ ငွေပေးပြီး ရွေးရန် ဆင့်ခေါ် ထားကြောင်း သတင်း ရရှိပါသည်။
