လ.၀.က ဒုဝန်ကြီးက သန်းခေါင်စာရင်းတွင် ရိုဟင်ဂျာ မဖြည့်ရန် သွယ်ဝိုက်ပြောဆို
6.3.2014
မောင်တော ။ ။ ရခိုင်ပြည်နယ်၊ မောင်တောမြို့နယ်သို့ လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာန ဒုတိယ၀န်ကြီး ဦးဝင်းမြင့် သွားရောက်ပြီး၊ ဒေသခံ ရိုဟင်ဂျာများနှင့် တွေ့ဆုံ၍ သန်းခေါင်စာရင်း ကောက်ခံရာတွင် ရိုဟင်ဂျာ လူမျိုး အမည် မဖြည့်ရန် သွယ်ဝိုက် ပြောဆိုခဲ့ကြောင်း သတင်းရရှိပါသည်။
ယနေ့ နံနက် ၈ နာရီတွင် လ.၀.က ဒုဝန်ကြီး၊ ရခိုင်ပြည်နယ် စည်ပင်သာယာရေး ၀န်ကြီး ဦးမြအောင်၊ ပြည်နယ် လ.၀.ကမှူး၊ ပြည်နယ်၊ ခရိုင်၊ မြို့နယ် တို့မှ ဌာနဆိုင်ရာ အကြီးအကဲ များသည် မောင်တောမြို့နယ် အထွေထွေ အုပ်ချုပ်ရေး ဦးစီးဌာန ခန်းမ၌ နံနက် ၁၀ နာရီထိ ဒေသခံ ရခိုင်လူမျိုးများနှင့် တွေ့ဆုံခဲ့ပြီး၊ နံနက် ၁၀ နာရီတွင် ဘူးသီးတောင်နှင့် မောင်တောမြို့နယ် များမှ ရိုဟင်ဂျာ ရပ်မိရပ်ဖများနှင့် တွေ့ဆုံခဲ့သည်။
ရိုဟင်ဂျာ ရပ်မိရပ်ဖများနှင့် တွေ့ဆုံရာတွင် လ.၀.က ဒုဝန်ကြီးက သန်းခေါင်စာရင်း ကောက်ခံရခြင်းမှာ နိုင်ငံရေး၊ လူမှုရေး၊ ဘာသာရေး မပါဝင်ကြောင်း၊ ပြည်သူ့ အကျိုးစီးပွား အတွက် သက်ရှိများ၏ စာရင်းကောက်ခံခြင်း ဖြစ်ကြောင်း၊ သန်းခေါင် စာရင်း ကောက်ခံရာတွင် လူမျိုး အမည် ထည့်သွင်းခြင်းဖြင့် တိုင်းရင်းသား အခွင့်အရေး ရမည် မဟုတ်ကြောင်း၊ လူဦးရေ စာရင်း ပြုစုခြင်းသာ ဖြစ်ကြောင်း၊ သန်းခေါင်စာရင်း ကောက်ခံရာတွင် ချော့ချော့မွတ်မွတ် ဖြစ်ရန်လိုကြောင်း၊ ယခု ကောလဟလ ကြားသိနေရသည့် ရိုဟင်ဂျာနာမည်သည် အသစ်ဖြစ်ကြောင်း၊ ရိုဟင်ဂျာ ဆိုသည်မှာ လူမျိုး ၁၃၅ မျိုးထဲတွင် မပါဝင်ကြောင်း၊ ယခင် ၁၉၇၃ နှင့် ၁၉၈၃ ခုနှစ်များတွင် သန်းခေါင် စာရင်း ကောက်ခံရာတွင်လည်း ရိုဟင်ဂျာဟု ထည့်သွင်းခြင်း မရှိခဲ့ကြောင်းတို့ကို ထည့်သွင်း ပြောကြား၍ သန်းခေါင်စာရင်း ကောက်ခံရာတွင် ရိုဟင်ဂျာလူမျိုး အမည် မဖြည့်ရန် သွယ်ဝိုက်ပြောဆိုခဲ့ကြောင်း ဒေသခံတစ်ဦးက RB News သို့ပြောသည်။
ထို့နောက် ပြည်နယ် စည်ပင်သာယာရေး ၀န်ကြီး ဦးမြအောင်က မိမိသည် ပြည်နယ် လွှတ်တော် ကိုယ်စားလှယ် တစ်ဦး အနေဖြင့် လာရောက်ခြင်း ဖြစ်ကြောင်း၊ မိမိ ယခုလို နေရာတွင် ရောက်ရှိနေခြင်းမှာ မွတ်စလင် အများစုက ထောက်ခံ၍ မဲပေးခဲ့ခြင်းကြောင့် ဖြစ်ကြောင်း၊ ရခိုင်များ၏ ထောက်ခံမဲ မရခဲ့ကြောင်း၊ မိမိအနေဖြင့် အထူးမှာကြား လိုသည်မှာ သန်းခေါင် စာရင်း ကောက်ခံရတွင် လုံခြုံရေးကို အထူးစိုးရိမ် နေရကြောင်း၊ သန်းခေါင်စာရင်း ကောက်ခံရာတွင် ပြဿနာ တစ်စုံတစ်ရာ မဖြစ်ဘဲ ချောချောမွတ်မွတ် ဖြစ်ရန် လိုအပ်ကြောင်း၊ ၂၀၁၂ ခုနှစ်ကဲ့သို့ မဖြစ်ရန် လိုအပ်သလို၊ ဒုချီရားတန်း ကဲ့သို့လည်း မဖြစ်ရန် လိုအပ်ကြောင်း စသည်ဖြင့် ထည့်သွင်း ပြောကြားခဲ့သည်။
ပြည်နယ် လွှတ်တော် ကိုယ်စားလှယ် ဦးအောင်မျိုးမင်းက သန်းခေါင်စာရင်း ကောက်ခံမှုကို အပြည့်အ၀ ထောက်ခံကြောင်း၊ ကောက်ခံမည့် အဖွဲ့အစည်း များနှင့်လည်း အပြည့်အ၀ ပူးပေါင်း ဆောင်ရွက်မည် ဖြစ်ကြောင်း ပြောကြားသည်။
ဒေသခံ ရပ်မိရပ်ဖ တစ်ဦးဖြစ်သူ ဦးရော်ဖိတ်က မိမိတို့ ဒေသအတွင်းရှိ လူအများအပြားမှာ ဘာသာစကားနှင့် ပညာအရည် အချင်း မပြည့်ဝသူများ ဖြစ်သဖြင့် ဒေသခံများထဲမှ ဘာသာစကား တတ်ကျွမ်းသူများ၊ ပညာအရည် အချင်း ပြည့်ဝသူများနှင့် ပူးပေါင်း ဆောင်ရွက် သွားရန် ဆန္ဒရှိသဖြင့် ၀န်ကြီး အနေဖြင့် လိုအပ်သလို ပူးပေါင်း ဆောင်ရွက်နိုင်ရေး အတွက် ကူညီ ပံ့ပိုးပေးရန် တောင်းဆိုကြောင်း ပြောကြားခဲ့သည်။
လ.၀.က ဒုဝန်ကြီးက တွေ့ဆုံပွဲသို့ တက်ရောက် လာသော အာဏာပိုင် အချို့နှင့် ဆွေးနွေးပြီးနောက် သန်းခေါင် စာရင်း ကောက်ခံရန် အတွက် မောင်တော ခရိုင်မှ ဆရာ/မများနှင့် အထောက်အကူပြု အဖွဲ့များ ဖွဲ့စည်းပြီး ဖြစ်ကြောင်း၊ ၎င်းတို့နှင့် အာဏာပိုင်များ၊ ဒေသခံများ ပူးပေါင်းဆောင်ရွက်ရန် ပြောကြားပြီးနောက် တွေ့ဆုံပွဲ ပြီးစီးခဲ့ကြောင်း ဒေသခံတစ်ဦးက RB News သို့ပြောပါသည်။
လ.၀.က ဒုဝန်ကြီး၏ ပြောဆိုမှုများနှင့် ပတ်သက်၍ အမည်မဖော်လိုသည့် ဒေသခံ တစ်ဦးက “ကျွန်တော်တို့ကို ရိုဟင်ဂျာ မဖြည့်ဖို့အတွက် အာဏာပိုင်တွေက နည်းမျိုးစုံနဲ့ ကြိုးစားနေပါတယ်။ ၇၃ ခုနှစ်တုန်းက ကျွန်တော်တို့ အားလုံး ရိုဟင်ဂျာ ဖြည့်ခဲ့ပါတယ်။ အဲဒါကို အာဏာပိုင်တွေ စိတ်တိုင်းကျ ဖျက်ပြီး ဘင်္ဂလီ လုပ်ခဲ့တယ်။ ၈၃ တုန်းကလည်း ကျွန်တော်တို့ ရိုဟင်ဂျာလို့ ဖြည့်ခဲ့တယ်။ အဲဒီတုန်းက စာရင်းကောက်တွေက ရခိုင်လူမျိုးတွေပါဘဲ။ ဘယ်ရခိုင်လူမျိုးကမှ မကန့်ကွက်ခဲ့ဘူး။ ဒါပေမယ့် လ.၀.က အရာရှိတွေက ရလက စာရေးတွေနဲ့ ပေါင်းပြီး ကျွန်တော်တို့ ရေးခဲ့တာတွေကို ဖျက်ပြီး ဘင်္ဂလီ လုပ်ခဲ့တယ်။ ကျွန်တော်တို့ မောင်တောမြို့နယ်မှာ လ.၀.က က ရိုဟင်ဂျာလို့ ဖြည့်ပြီး တရားဝင် ထုတ်ပေးထားတဲ့ အိမ်ထောင်စု စာရင်းများကို ကြည့်ပါလို့လည်း ပြောချင်ပါတယ်။ ကျွန်တော်တို့ကို ဘယ်လိုဘဲ ခြိမ်းခြောက်ပါစေ၊ သန်းခေါင်စာရင်း ဥပဒေ အရ ကျွန်တော်တို့ရဲ့ လူမျိုးနာမည် ရိုဟင်ဂျာ ဖြည့်ခွင့် ရှိပါတယ်။ အဲဒါကြောင့် ကျွန်တော်တို့ အားလုံး တညီတညွတ်တည်း ရိုဟင်ဂျာလို့သာ ဖြည့်မှာပါ” ဟု RB News သို့ပြောပါသည်။
