ထင်းရှာသွားသည့် လူငယ်တစ်ဦးကို ရခိုင်များက သေနတ်ဖြင့် ပစ်ခတ်

MYARF
RB News
5.3.2014

ရသေ့တောင် ။ ။ ရခိုင်ပြည်နယ်၊ ရသေ့တောင်မြို့နယ်၊ ကိုးတန်ကောက် (ဒုံးဆေးဖာရာ) မှ ထင်းရှာသွားသည့် ရိုဟင်ဂျာ လူငယ်တစ်ဦးကို ရခိုင်အစွန်းရောက် များက သေနတ်ဖြင့် ပစ်ခတ်၍ အကြမ်းဖက် ခဲ့ကြောင်း သတင်း ရရှိပါသည်။

မတ်လ ၁ ရက်နေ့ နံနက်ပိုင်းတွင် ရသေ့တောင်မြို့နယ်၊ ကိုးတန်ကောက် (ဒုံးဆေးဖာရာ) မှ ဒေသခံ ရိုဟင်ဂျာ ၅ ဦးသည် တောထဲတွင် ထင်းရှာရန် သွားစဉ် ရခိုင်အစွန်းရောက် အုပ်စု တစ်စု၏ အကြမ်းဖက် တိုက်ခိုက်မှုနှင့် ရင်ဆိုင်ခဲ့ ရသည်။ အကြမ်းဖက် တိုက်ခိုက်မှုကို ရှောင်တိမ်းရန် ထွက်ပြေးစဉ် ဘိုင်လာ (ဘ) ဦးနာဆဲရ် (အသက် ၂၂ နှစ်) ကို ရခိုင် အစွန်းရောက်များက ဖမ်းဆီး၍ သေနတ်ဖြင့် ၄ ချက် ပစ်ခတ်ခဲ့ကြောင်း ဒေသခံ တစ်ဦးက RB News သို့ပြောပါသည်။

သေနတ် ၄ ချက်ပစ်ခတ်မှုကြောင့် လက်မောင်း၊ လက်ဖ၀ါးနှင့် ပေါင်တို့ကို ထိမှန်၍ ပြင်းထန်စွာ ဒဏ်ရာရရှိခဲ့ကြောင်း သိရှိ ရပါသည်။ ဘိုင်လာကို သေနတ်ဖြင့် ပစ်ခတ်ပြီးနောက် ကြိုးတုတ်၍ ချုံထဲတွင် ပစ်ထားခဲ့ပြီး ရခိုင်အစွန်းရောက်များ ထွက်ပြေး သွားခဲ့ကြသည်။ အကြမ်းဖက်မှုမှ ထွက်ပြေး လွတ်မြောက်ခဲ့သူ ၄ ဦးတို့က ရွာသို့ ပြန်လာပြီး၊ ရွာသားများနှင့် အတူ ဖမ်းဆီးခံရသူကို လိုက်ရှာကြရာ ချုံထဲတွင် လက်ကိုကြိုးတုတ်၍ ပစ်ထားသည့် အတိုင်း ညနေ ၅ နာရီတွင် တွေ့ရှိခဲ့သည်ဟု ဆိုသည်။

ဖမ်းဆီး အကြမ်းဖက်ခံရသူသည် ဒဏ်ရာများစွာ ရရှိခဲ့သော်လည်း ဆေးကုသရန် ဆေးခန်းမရှိသဖြင့် နာကျင်သည့် ဒဏ်ရာများဖြင့် ဝေဒနာကို အလူးအလိမ့် ခံစားနေရသည်ဟု ဒေသခံများက ပြောပါသည်။ ယခင်က မောင်တောမြို့နယ် တောင်ပိုင်း အင်းဒင်တွင် နယ်စည်းမခြား ဆရာဝန်များ အဖွဲ့ (MSF) မှဆေးခန်းရှိခဲ့ပြီး၊ ရသေ့တောင် မြို့နယ်မှ လူနာများကိုပါ ထိုဆေးခန်းတွင် ဆေးကုသ ပေးခဲ့သည်။ ယခုအခါ အစိုးရနှင့် အစွန်းရောက်များ ပူးပေါင်းပြီး ရခိုင်ပြည်နယ်မှ MSF ကိုမောင်းထုတ် လိုက်သဖြင့် ရောဂါဝေဒနာ ခံစားနေရသူ အများအပြားမှာ ဆေးကုသမှု ခံယူရန် အခက်အခဲ ကြုံတွေ့လျက်ရှိသည်။ ထိုအထဲတွင် ရခိုင်အစွန်းရောက် များ၏ အကြမ်းဖက်မှုကြောင့် ဒဏ်ရာရခဲ့သူ ဘိုင်လာလည်း တစ်ဦး အပါအ၀င် ဖြစ်သည်ဟု ဒေသခံများက ပြောပါသည်။