ရခိုင်များက ဖားရှာသည်ဟု ဆိုကာ ရိုဟင်ဂျာရွာများသို့ ညစဉ် ၀င်၍ နှောက်ယှက်နေ

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် အလယ်ချောင်း (အာလီညှောင်) ကျေးရွာ အုပ်စုသို့ ရခိုင်များက ဖားရှာသည်ဟု ဆိုကာ ၀င်ရောက်၍ နှောက်ယှက်လျက် ရှိကြောင်း သတင်း ရရှိပါသည်။

လွန်ခဲ့သည့် ၃ ရက်ခန့်မှ စ၍ ဘူးသီးတောင်မြို့နယ် အလယ်ချောင်း (အာလီညှောင်) ကျေးရွာ အုပ်စုသို့ ရခိုင် လူမျိုး ၅၀ ခန့် ညစဉ် ညတိုင်း ဖားရှာသည်ဟု ဆိုကာ ၀င်ရောက် နေသဖြင့် ဒေသခံများ စိတ်အနှောက် အယှက် ဖြစ်လျက် ရှိသည်ဟု ဒေသခံ တစ်ဦးက RB News သို့ ပြောပါသည်။

“ရခိုင်တွေက ဖားစားတယ်။ အဲဒီတော့ သူတို့ ညဘက်ထွက်ပြီး ဖားရှာတာက အစမ်းတော့ မဟုတ်ဘူး။ ဒါပေမယ့် ကျွန်တော်တို့ ရွာထဲ ၀င်ရှာလေ့ မရှိဘဲ၊ အခုမှ လူ ၅၀ ကျော် တပြိုက်နက် ဖားဝင်ရှာတယ် ဆိုတာတော့ သံသယ ဖြစ်စရာပါ။ အဲဒီတော့ နေ့စဉ် ရက်ဆက် ဆိုတော့ အနှောက် အယှက် ဖြစ်လာတယ်။ ကျွန်တော်တို့ ရွာတွေကို မီးရှို့မလား ဆိုပြီး စိုးရိမ် ပူပန် နေရတယ်။” ဟု ဒေသခံ တစ်ဦးက RB News သို့ ပြောသည်။

ရခိုင်များ ဖားရှာသည့် အချိန်သည် ပုဒ်မ ၁၄၄ အရ သတ်မှတ်ထားသည့် အချိန်ကို ကျော်လွန်၍ ဖြစ်ပြီး၊ သတ်မှတ်ထားသည့် အမိန့်အရ မည်သူ တစ်ဦး တစ်ယောက်မှ အပြင်ထွက်ခွင့် မရှိသော အချိန်တွင် ဖြစ်သည်။

ကျေးရွာ အုပ်ချုပ်ရေးမှူးက နီးစပ်ရာ လုံခြုံရေးများကို သတင်းပို့ တိုင်ကြားခဲ့သော်လည်း အရေးယူ ဆောင်ရွက်ခြင်း၊ ဒေသခံ ရိုဟင်ဂျာများကို လုံခြုံရေး ပေးခြင်း မရှိဟု ဒေသခံများက ပြောသည်။