နောက်ဆုံးသတင်း/ဆောင်းပါးများ

မြန်မာပြည် ဆိုင်ရာ မူဝါဒကို ပြင်ဆင်ဖို့ ကန်အမတ်တွေ တောင်းဆို



9.7.2014

အမေရိကန် အစိုးရ အနေနဲ့ မြန်မာ အစိုးရကို အလျှော့ပေး လိုက်လျော နေတာတွေ အဆုံးသတ်ဖို့  အမေရိကန် လွှတ်တော် အမတ်တွေက တောင်းဆို လိုက်ပါတယ်။

မနေ့က ပြုလုပ်တဲ့ အမေရိကန် အောက်လွှတ်တော် ကြားနာပွဲမှာ လွှတ်တော် အမတ်တွေက မြန်မာ အစိုးရ အပေါ် စိတ်ပျက် နေကြကြောင်း အထင်အရှား ပြသခဲ့ ကြသလို အိုဘားမား အစိုးရရဲ့ မြန်မာနိုင်ငံ ဆိုင်ရာ မူဝါဒကိုလည်း တိုးမြှင့် ဝေဖန် တိုက်ခိုက်ခဲ့ ကြပါတယ်။

ရီပတ်ပလစ်ကန် အမတ် တစ်ဦး ဖြစ်တဲ့ အောက်လွှတ်တော် နိုင်ငံခြား ရေးရာ ကော်မတီ ဥက္ကဌ Mr. Ed Royce က ရခိုင်ပြည်နယ်က ဒုက္ခသည် စခန်းတွေဟာ နှိပ်စက် ညှင်းပမ်းရေး စခန်းတွေ အလား ဖြစ်နေကြောင်း ပြောဆို ခဲ့သလို၊ မြန်မာနိုင်ငံမှာ လူမျိုးတုန်း သတ်ဖြတ်တဲ့ လက္ခဏာတွေ ပေါ်ပေါက် နေပြီလားလို့  ဒီမိုကရက် အမတ် တစ်ဦး ကလည်း မေးခွန်းထုတ် ခဲ့ပါတယ်။

အဲဒီကြားနာပွဲမှာ ဝါရှင်တန်ဒီစီမြို့  အခြေစိုက် United To End Genocide ခေါ် လူမျိုးတုန်း သတ်ဖြတ်မှု အဆုံးသတ်ရေး အဖွဲ့  ဥက္ကဌ သောမတ်စ် အန်ဒရူးစ် Thomas Andrews က၊ မြန်မာနိုင်ငံမှာ တိုင်းရင်းသားတွေ၊ မွတ်စလင်တွေ ဖိနှိပ် သတ်ဖြတ် ခံနေရတာနဲ့ ပတ်သက်လို့  ထွက်ဆိုခဲ့ပြီး ဒီဖြစ်ရပ်တွေ အတွက် ပြစ်တင်ရှုံ့ချဖို့  လွှတ်တော် အမတ်တွေကို တိုက်တွန်း လိုက်ပါတယ်။

ဆက်လက်ပြီး သူက မြန်မာနိုင်ငံမှာ နိုင်ငံတကာ ကျန်းမာရေး အဖွဲ့အစည်းတွေ ပြန်လည် ဆောင်ရွက်ခွင့် ရရေးနဲ့ ကုလ သမဂ္ဂ လူ့အခွင့် အရေး ဆိုင်ရာ ရုံးခွဲ ဖွင့်လှစ်ခွင့် ရရှိရေး အပါအဝင် လက်ရှိ အရေးတကြီး လိုအပ်တဲ့ ပြဿနာတွေကို မြန်မာ အစိုးရက လိုက်လျော ဆောင်ရွက်တဲ့ အထိ သံတမန်နဲ့ စစ်ရေး ဆက်ဆံမှုတွေ ကုန်သွယ် အခွင့်အရေး ပေးမှုတွေကို ရပ်ဆိုင်းထားဖို့ ပြောဆိုခဲ့ပါတယ်။

ဒါ့အပြင် နိုင်ငံတကာ အသိုင်းအဝိုင်းက စဉ်ဆက်မပြတ် ပြင်းပြင်းထန်ထန် ဖိအားပေးခဲ့တဲ့ အတွက် မြန်မာနိုင်ငံမှာ ပြောင်းလဲ မှုတွေ ပေါ်ပေါက် ခဲ့တာ ဖြစ်ကြောင်း၊ ရိုဟင်ဂျာနဲ့ တိုင်းရင်းသား လူနည်းစုတွေအပေါ် ဖိနှိပ်ချေမှုန်းမှုတွေ ပပျောက်ရေး အတွက် အမေရိကန် အစိုးရရဲ့ မြန်မာနိုင်ငံ ဆိုင်ရာ မူဝါဒကို အမြန်ဆုံး ပြောင်းလဲပြီး ဖိအားပေးဖို့ လိုနေပြီ ဖြစ်ကြောင်း စသဖြင့်လည်း Mr. Andrews က ပြောကြား သွားပါတယ်။

Comment ရေးရန်

Rohingya Exodus