သြဇီ နိုင်ငံခြားရေး ၀န်ကြီးနှင့် ရိုဟင်ဂျာ ကိုယ်စားလှယ်များ တွေ့ဆုံ

(ဓါတ်ပုံ - ဦးသာအေး Facebook)

RB News
2.7.2014

ရန်ကုန် ။ ။ မြန်မာနိုင်ငံသို့ ရောက်ရှိနေသည့် သြစတြေးလျ နိုင်ငံ၊ နိုင်ငံခြားရေး ၀န်ကြီး Ms. Julie Bishop က ပြည်သူ့ လွှတ်တော် ကိုယ်စားလှယ် ဦးရွှေမောင် အပါအ၀င် အခြားသော ရိုဟင်ဂျာ နိုင်ငံရေး ပါတီများမှ ခေါင်းဆောင်များ၊ ကိုယ်စားလှယ် များနှင့် တွေ့ဆုံခဲ့ကြောင်း သတင်း ရရှိပါသည်။

မြန်မာနိုင်ငံသို့ တရားဝင် အလည်အပတ် ခရီး ရောက်ရှိနေသည့် သြစတြေးလျ နိုင်ငံ၊ နိုင်ငံခြားရေး ၀န်ကြီး Ms. Julie Bishop သည် ယနေ့ (ဇူလိုင် ၂) ညနေ ၄ နာရီ အချိန်တွင် ပြည်သူ့ လွှတ်တော် ကိုယ်စားလှယ် ဦးရွှေမောင်၊ ရိုဟင်ဂျာ နိုင်ငံရေး ပါတီများ ဖြစ်သည့် DHRP, UNDP နှင့် UNDP တို့မှ ခေါင်းဆောင်များ၊ ကိုယ်စားလှယ်များနှင့် ရန်ကုန်မြို့ရှိ သြစတြေးလျ သံရုံးတွင် တွေ့ဆုံခဲ့သည်။

ဝန်ကြီးနှင့် တွေ့ဆုံ ဆွေးနွေးပွဲတွင် ရိုဟင်ဂျာ လူမျိုးများ၏ လက်ရှိ အခြေအနေ၊ ၁၈၂၃ ခုနှစ် မတိုင်မှီ အာရ်ကာန် ဒေသရှိ လူဦးရေနှင့် Charles Paton ၏ အစီရင်ခံစာပါ ရိုဟင်ဂျာ လူမျိုး ၃၀၀၀၀ တည်ရှိခဲ့မှု၊ နိုင်ငံသား အခွင့်အရေး အပြည့်အ၀ ရရှိခဲ့ခြင်း တို့ကို ဆွေးနွေး တင်ပြခဲ့သည်။ ထို့အပြင် ရိုဟင်ဂျာ အရေးနှင့် ပတ်သက်၍ နိုင်ငံရေး နည်းလမ်းဖြင့် အဖြေရှာရာတွင် ဖြစ်နိုင်ချေများ၊ ၁၉၈၂ ခုနှစ် နိုင်ငံသား ဥပဒေ၊ ၁၉၄၈ ခုနှစ် နိုင်ငံသား ဥပဒေ၊ နိုင်ငံရေး ပါတီများ မှတ်ပုံတင်ခြင်း ဥပဒေကို ပြင်ဆင်သည့် ဥပဒေ၊ ရိုဟင်ဂျာများ ၂၀၁၅ တွင် မဲထည့်ပိုင်ခွင့်နှင့် ရွေးချယ်ခံပိုင်ခွင့် အခြေအနေ၊ ရွေးကောက်ပွဲ စနစ်နှင့် ပတ်သက်သည်များ၊ ဖွဲ့စည်းပုံ အခြေခံ ဥပဒေ ပြင်ဆင်ရေး အခြေအနေ၊ ၂၀၁၄ အာဆီယံ ထိပ်သီး ဆွေးနွေးပွဲနှင့် အာဆီယံ လူ့အခွင့် အရေး Charter ပြင်ဆင်မှု အလားအလာ၊ အာဆီယံ လူ့အခွင့်အရေး ဆိုင်ရာ ကိုယ်စားလှယ်များ အဖွဲ့ (APHR) ၏ လှုပ်ရှားမှုများ စသည်တို့ကို ရင်းနှီး ပွင့်လင်းစွာ ဆွေးနွေးခဲ့ကြောင်း သိရှိရပါသည်။

သြစတြေးလျ နိုင်ငံခြားရေး ၀န်ကြီးနှင့် တွေ့ဆုံ ဆွေးနွေးပွဲတွင် ပြည်သူ့ လွှတ်တော် ကိုယ်စားလှယ် ဦးရွှေမောင်၊ UNDP ပါတီ ဥက္ကဌ ဦးအဘူတာဟဲရ် (ခ) ဦးသာအေးနှင့် ဦးနူရ်အာလမ်၊ DHRP ပါတီမှ ဒု-ဥက္ကဌ ဦးတယုဘ်အူဒင်နှင့် ဦးအေးလွင်၊ NDPD ပါတီမှ အထွေထွေ အတွင်းရေးမှူး ဦးဝလီအုလ္လာနှင့် ဦးခင်မောင်မြင့် တို့တက်ရောက်၍ ပါဝင် ဆွေးနွေးခဲ့ကြသည်။