နောက်ဆုံးသတင်း/ဆောင်းပါးများ

သရေကုန်းဘောင် ရွာသို့ BGP များဝင်ရောက်၍ နေအိမ်များ ဖျက်ဆီး



MYARF
RB News
19.10.2014

မောင်တော ။ ။ ရခိုင်ပြည်နယ်၊ မောင်တောမြို့နယ် တောင်ပိုင်း ဂေါ်ဒူသာရ ကျေးရွာ အုပ်စု၊ သရေကုန်းဘောင် ရွာသို့ နယ်ခြားစောင့် ရဲတပ်ဖွဲ့ဝင်များ ၀င်ရောက်၍ ဒေသခံ ရိုဟင်ဂျာ အချို့၏ နေအိမ်များ ဖျက်ဆီး၍ ဒေသခံ အချို့ကို ရိုက်နှက် ခဲ့ကြောင်း သတင်း ရရှိပါသည်။

အောက်တိုဘာလ (၁၇) ရက်နေ့ နေ့လည် ၁း၃၀ နာရီ အချိန်တွင် မောင်တောမြို့နယ် တောင်ပိုင်း မန်းကျည်းချောင်း အခြေစိုက် စခန်း အမှတ် (၁၅) မှ ရဲအုပ်သန်းလွင် ဦးဆောင်သော နယ်ခြားစောင့် ရဲတပ်ဖွဲ့ဝင် များသည် ဂေါ်ဒူသာရ ကျေးရွာ အုပ်စု၊ သရေကုန်းဘောင် ရွာသို့ ၀င်ရောက်ပြီး ကျေးရွာ အုပ်ချုပ်ရေးမှူး ဦးကော်ရီမုလ္လာ (ဘ) ဦးအိုမောရ်အာဘာစ်၏ နေအိမ်ကို အသေးစိတ် ရှာဖွေ စစ်ဆေးခဲ့သည်။ သို့သော်လည်း တရားမ၀င် ပစ္စည်း တစ်စုံတစ်ရာ မတွေ့ရှိသဖြင့် ပြန်လည် ထွက်ခွာ သွားခဲ့သည်။

ထို့နောက် အဆိုပါ ကျေးရွာမှ ဦးရော်ဖိတ် (ဘ) ဦးနာဂူး၊ ဦးမော်ဂျီအုလ္လာ (ဘ) မော်လ၀ီ ဦးဟာဘီအုလ္လာ နှင့် ဦးဆော်လီမုလ္လာ (ဘ) ဦးကုလ္လာမျာ တို့၏ နေအိမ် တံခါးများကို ရိုက်ချိုး ဖျက်ဆီး ခဲ့ကြောင်း ဒေသခံ တစ်ဦးက RB News သို့ပြောပါသည်။ အဖမ်းအဆီး မရှိခဲ့သော်လည်း နေအိမ် တံခါးများ ဖျက်ဆီးခဲ့သည့် အပြင် အိမ်သား အချို့ကို ရိုက်နှက် ခဲ့ကြောင်း အဆိုပါ ဒေသခံက ပြောပါသည်။

နယ်ခြားစောင့် ရဲတပ်ဖွဲ့ဝင် များက မော်လ၀ီ (ဘာသာရေး ဆရာ) များ ပုန်းအောင်း နေသည်ဟု အကြောင်းပြ၍ စစ်ဆေးခဲ့ခြင်း ဖြစ်သည်ဟု ဆိုသည်။

ယခုတလော မောင်တောမြို့တွင် အာဏာပိုင်များက မော်လ၀ီများကို ပစ်မှတ်ထား၍ စစ်ဆေးလျက် ရှိသည့် အပြင် အကြောင်းမဲ့ ဖမ်းဆီးမှုများလည်း ပြုလုပ်လျက် ရှိသည်။ လမ်းများရှိ စစ်ဆေးရေး ဂိတ်များတွင်လည်း မော်လ၀ီများကို အထူး ဦးစားပေး၍ စစ်ဆေးလျက် ရှိပြီး၊ မောင်တောမြို့နယ် တောင်ပိုင်းတွင် စစ်ဆေးရေး ဂိတ် ၂၀ ခန့်ရှိသည့် အနက် ဒုချီးရားတန်းနှင့် ဂေါ်ဒူသာရ ကြားရှိ တံတား ကင်းစခန်း၊ သရေကုန်းဘောင်ရွာ ဘုန်းကြီးကျောင်းစောင့် အဖွဲ့နှင့် ဇော်မတတ်ရှိ စခန်းများရှိ နယ်ခြားစောင့် ရဲတပ်ဖွဲ့ဝင် များက လမ်းသွားလမ်းလာ များကို ရိုက်နှက်ခြင်း၊ ငွေနှင့် ပစ္စည်းများကို လုယက်ခြင်း၊ အမျိုးသမီး များကို မဖွယ်မရာ ပြုလုပ်၍ ဆက်ဆံခြင်းများ ပြုလုပ်လျက် ရှိသည်။ ထို့အပြင် ရွာများအတွင်းသို့လည်း ညပိုင်းဝင်၍ ဒေသခံများကို နှောက်ယှက်လျက် ရှိကြောင်း သိရှိရပါသည်။

Comment ရေးရန်

Rohingya Exodus