စစ်သားများ၏ လူမဆန်စွာ ရိုက်နှက်မှုကြောင့် ဒေသခံ နှစ်ဦး၏ အသက်စိုးရိမ်ရ
Rohingya Eye
RB News
17.10.2014
မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း ရေတွင်းကျွန်း ကျေးရွာမှ ဒေသခံ ရိုဟင်ဂျာ (၅) ဦး ကို စစ်သား များက လူမဆန်စွာ ရိုက်နှက် ခဲ့ရာ၊ ဒေသခံ နှစ်ဦး၏ အသက် အန္တရာယ် စိုးရိမ် ရကြောင်း သတင်း ရရှိပါသည်။
အောက်တိုဘာလ (၁၅) ရက်နေ့ ည ၈ နာရီခွဲ အချိန်တွင် မောင်တောမြို့နယ် မြောက်ပိုင်း ရေတွင်းကျွန်း (ရာမ်မီးဘီးလ်) ကျေးရွာ အတွင်းသို့ ရွက်ညိုတောင် ကျေးရွာ အခြေစိုက် စစ်တပ် စခန်းမှ စစ်သားများ ၀င်ရောက် လာစဉ် ဒေသခံ ရိုဟင်ဂျာ ရွာသား တစ်ဦး ဖြစ်သူ ဦးယူမာယူ(န်) ကော်ဘိရ် (ဘ) ဦးအီဆုပ် (အသက် ၂၉ နှစ်) က စစ်သားများကို တွေ့ရှိပြီး အကြောင်းမဲ့ ရိုက်နှက် ညှဉ်းပန်း နှိပ်စက်ခံရမည်ကို စိုးရိမ်၍ ထွက်ပြေးသွားခဲ့ရာ၊ စစ်သားများက လိုက်လံ ဖမ်းဆီးပြီး စစ်ဖိနပ်များ ကန်သည့် အပြင် သေနတ်ဖြင့် မျက်နှာကို ထုရိုက်၍ လူမဆန်စွာ ရိုက်နှက် ညှဉ်းပန်း နှိပ်စက်မှုကြောင့် သွားများ ကျိုး၍ ပြင်းထန်စွာ ဒဏ်ရာ ရရှိခဲ့ကြောင်း ဒေသခံ တစ်ဦးက RB News သို့ပြောပါသည်။ ရိုက်နှက်ခံရသူမှာ ယခု အချိန်ထိ သွေးများ အန်လျက် ရှိပြီး၊ အသက် အန္တရာယ် အလွန် စိုးရိမ်ရသည့် အခြေအနေတွင် ရှိကြောင်း အဆိုပါ ဒေသခံက ပြောပါသည်။
ထို့အပြင် ဦးဟူမာယူ(န်) ကော်ဘိရ်ကို စစ်သားများ လိုက်လံ ဖမ်းဆီးနေစဉ် လမ်းတွင် တွေ့ရှိသည့် ဒေသခံ ရိုဟင်ဂျာ (၄) ဦးကိုလည်း လူမဆန်စွာ ရိုက်နှက် ခဲ့ကြောင်း သိရှိရပါသည်။
ရိုက်နှက်ခံရသူ (၄) ဦးမှာ --
(၁) မော်ဂျီအူလ္လာ (ဘ) ဦးရှော်ဖီ (အသက် ၂၁ နှစ်)
(၂) ဟာမီဒူလ္လာ (ဘ) ဦးဟာဘီအူလ္လာ (အသက် ၁၇ နှစ်)
(၃) ဟာရွန် (ဘ) ဦးအစ္စလာမ် (အသက် ၁၇ နှစ်)
(၄) ဦးရှောဖီကူလ္လာ (ဘ) ဦးမူဖီဇူရာမန် (အသက် ၃၇ နှစ်) -- တို့ဖြစ်ပါသည်။
ရိုက်နှက်ခံရသူ (၄) ဦးမှ မော်ဂျီအူလ္လာ၏ အခြေအနေမှာလည်း အထူး စိုးရိမ်ရသည့် အခြေအနေတွင် ရှိနေကြောင်း သိရှိရပါသည်။
လူမဆန်စွာ ရိုက်နှက် နှိပ်စက်သည့် စစ်သားများကို ဗိုလ်ကြီး တစ်ဦးက ဦးဆောင်ခဲ့သည်ဟု ဒေသခံများက ပြောပါသည်။
