နောက်ဆုံးသတင်း/ဆောင်းပါးများ

ကျားခေါင်းတောင် နယ်ခြားစောင့် ရဲတပ်ဖွဲ့က ဒေသခံများကို ဖမ်းဆီး ရိုက်နှက် ငွေညှစ်



Rohingya Eye
RB News
15.11.2014

မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း ကျားခေါင်းတောင် ကျေးရွာ အခြေစိုက် နယ်ခြားစောင့် ရဲတပ်ဖွဲ့ ကင်းစခန်းမှ ရဲတပ်ဖွဲ့ဝင်များက ဒေသခံ ရိုဟင်ဂျာ များကို အကြောင်းမဲ့ ဖမ်းဆီး၍ ရိုက်နှက် ညှဉ်းပန်း နှိပ်စက်ခြင်းနှင့် ငွေညှစ်ခြင်းများ ပြုလုပ်ခဲ့ကြောင်း သတင်း ရရှိပါသည်။

နိုဝင်ဘာလ (၁၁) ရက်နေ့က မောင်တောမြို့နယ် မြောက်ပိုင်း ပွင့်ဖြူချောင်း ကျေးရွာမှ ဦးမာမတ်ဆော်ယာဒ် (ဘ) ဦးဆော်လာမတ်အုလ္လာ (အသက် ၅၀ နှစ်) သည် မွန်းလွှဲ (၂) နာရီ အချိန်တွင် ကွမ်းခြံမှ ပြန်လာစဉ် နယ်ခြားစောင့် ရဲတပ်ဖွဲ့ဝင် များက ဖမ်းဆီး၍ ၎င်းတို့ကို ရန်ပြုတိုက်ခိုက်သည်ဟု လုပ်ကြံ ပြောဆိုပြီး ကျေးရွာ အုပ်ချုပ်ရေးမှူး ရုံးသို့ ခေါ်ဆောင် သွားခဲ့သည်။ ထို့နောက် ဦးမာမတ်ဆော်ယာဒ် ထံမှ ငွေကျပ် တစ်သိန်း ငါးသောင်း ညှစ်ယူ၍ ပြန်လည် လွှတ်ပေးခဲ့ကြောင်း ဒေသခံ တစ်ဦးက RB News သို့ပြောပါသည်။

အဆိုပါ နယ်ခြားစောင့် ရဲတပ်ဖွဲ့ဝင် များသည် ပွင့်ဖြူချောင်း ကျေးရွာမှ ရော်ဖိခ်အာလမ် (ဘ) ဦးမော်ဂူအာလမ် (အသက် ၁၉) နှစ်ကို ရိုက်နှက်၍ ၎င်း၏ စက်ဘီးကိုလည်း ဖျက်ဆီးခဲ့ကြောင်း အဆိုပါ ဒေသခံက ပြောပါသည်။ အလားတူ အဆိုပါရွာမှ အသက် (၂၁) နှစ် အရွယ် လူငယ် တစ်ဦးကို အကြောင်းမဲ့ ဖမ်းဆီးရန် ကြိုးစားရာ ထွက်ပြေး လွတ်မြောက် သွားခဲ့သော်လည်း ထွက်ပြေးစဉ် ချော်လဲ၍ ခြေထောက်တွင် ဒဏ်ရာ ရရှိခဲ့ကြောင်း သိရှိရပါသည်။

နိုဝင်ဘာလ (၈) ရက်နေ့ကလည်း ကျားခေါင်းတောင် ကျေးရွာမှ ဦးရော်ရှိတ်အာမတ် (အသက် ၃၈ နှစ်) သည် ပွင့်ဖြူချောင်း ကျေးရွာသို့ အလည်အပတ် ရောက်ရှိ နေစဉ် တဖက် နိုင်ငံနှင့် စီးပွားရေး လုပ်နေသည်ဟု မဟုတ်မမှန် စွပ်စွဲ ဖမ်းဆီး၍ ငွေကျပ် ၄၇၅၀၀၀/- ညှစ်ယူပြီး ပြန်လည် လွှတ်ပေးခဲ့ကြောင်း ဒေသခံ တစ်ဦးက RB News သို့ပြောပါသည်။

Comment ရေးရန်

Rohingya Exodus