မောင်တော တောင်ပိုင်းနှင့် မြောက်ပိုင်း နယ်ခြားစောင့် ရဲများက ဒေသခံများထံမှ ငွေညှစ်
MYARF
RB News
5.2.2015
မောင်တော ။ ။ ရခိုင်ပြည်နယ်၊ မောင်တောမြို့နယ် တောင်ပိုင်းနှင့် မြောက်ပိုင်းရှိ ကျေးရွာများရှိ နယ်ခြားစောင့် ရဲများက ဒေသခံများထံမှ ငွေညှစ်ခဲ့ကြောင်း သတင်း ရရှိပါသည်။
မောင်တော မြို့နယ် မြောက်ပိုင်း ကျောက်ပြင်ဆိပ် ကျေးရွာ အုပ်စု အနောက်ရွာမှ နယ်ခြားစောင့် ရဲတပ်ဖွဲ့ စခန်း၏ ပွဲစား တစ်ဦး ဖြစ်သူ ဦးဆော်လီမူလ္လာ (ဘ) ဦးဆော်ဖုရူး သည် ၎င်းကျေးရွာ အုပ်စု အရှေ့ရွာမှ ဦးဇာကဲရ်၏ ဇနီး ဒေါ်အာရ်ဖာ ထံမှ အကြောင်းမဲ့ ငွေညှစ်ရန် အကြိမ်ကြိမ် ကြိုးစားသော်လည်း မအောင်မြင်သဖြင့် ယခင် အမှတ် (၆) နယ်မြေ ကျောက်လှေကား စခန်းမှ နယ်ခြားစောင့် ရဲများကို ခေါ်ယူလာပြီး ဇန်န၀ါရီလ (၁၂) ရက်နေ့တွင် ဖမ်းဆီး စေခဲ့သည်။ နယ်ခြားစောင့် ရဲများက ဖမ်းဆီး ခေါ်ဆောင်သွားပြီး ဒေါ်အာရ်ဖာကို မောင်တော မြောက်ပိုင်းမှ မိန်းကလေးများ စုဆောင်း၍ မလေးရှား နိုင်ငံသို့ လူကုန်းကူနေသည်ဟု လုပ်ကြံ စွပ်စွဲ၍ တစ်နေကုန် ချုပ်နှောင် ထားပြီး ငွေကျပ် ၁၂ သိန်း ညှစ်ယူကာ ပြန်လည် လွှတ်ပေးခဲ့ကြောင်း ဒေသခံ တစ်ဦးက RB News သို့ပြောသည်။ ဦးဆော်လီမူလ္လာသည် နယ်ခြားစောင့် ရဲများ အားကိုးဖြင့် ယခုကဲ့သို့ မကြာခဏ ငွေညှစ်ရန် ကြိုးစားပြီး နယ်ခြားစောင့် ရဲများအား အမှုဆင်ခိုင်း၍ ငွေညှစ်လျက် ရှိသည်ဟု ဆိုသည်။
ဇန်န၀ါရီလ (၂၅) ရက်နေ့ ည ၉း၁၅ နာရီ အချိန်တွင် မောင်တော မြို့နယ် တောင်ပိုင်း ကျောက်ပန္ဒူ ကျေးရွာ အခြေစိုက် စစ်တပ်မှ တပ်ရင်းမှူးနှင့် တပ်မတော်သား များသည် ကားဖြင့် အလယ်သံကျော်မှ ကျောက်ပန္ဒူ ကျေးရွာသို့ အပြန်လမ်းတွင် တွေ့သမျှ ဒေသခံများကို ရိုက်နှက်၍ ဖမ်းဆီးခဲ့သည်။ ထိုသို့ ဖမ်းဆီးမှုကြောင့် ဒေသခံ (၅) ဦး ဖမ်းဆီး ခံခဲ့ရပြီး၊ ၎င်းတို့ကို ဇန်န၀ါရီလ (၂၆) ရက်နေ့ ညနေတွင် ငွေကျပ် ငါးသောင်းစီ ညှစ်ယူ၍ ပြန်လည် လွှတ်ပေးခဲ့ကြောင်း ဒေသခံ တစ်ဦးက RB News သို့ပြောပါသည်။
ဖမ်းဆီးခံရပြီး ငွေကျပ် ငါးသောင်းစီ ညှစ်ခံရသူများမှာ --
(၁) မော်လ၀ီ ဆိုင်ဖုလ်အစ္စလာမ် (ဘ) မော်လ၀ီဆီဒိခ် (အသက် ၃၈ နှစ်) မြင်းလွတ် အနောက်ရွာမှ
(၂) ဦးအာယုဖ် (ဘ) ဦးအာလီအာမတ် (အသက် ၄၀ နှစ်) မြင်းလွတ် အရှေ့ရွာမှ
(၃) ဦးရှော်ကောတ်အုလ္လာ (ဘ) ဦးဟားဆူမျာ (အသက် ၂၇ နှစ်) မြင်းလွတ်၊ ဟင်းနဟာရားရွာမှ
(၄) ဦးလာလူး (အသက် ၄၅ နှစ်) ဂေါ်ရာခါလီရွာမှ
(၅) ဦးအဒူလ်ဟာရှိမ်း၏ သား - ဂေါ်ရခါလီရွာမှ --- တို့ဖြစ်သည်။
