မောင်တော တောင်ပိုင်း ကျေးရွာများ၌ အာဏာပိုင် များက အကြောင်း အမျိုးမျိုး ပြ၍ ငွေညှစ်

အဆိုပါရွာမှ ဦးအဒူရော်ဟိမ်း (အသက် ၃၅ နှစ်) အပါအ၀င် ဒေသခံ (၆) ဦးတို့သည် တောတောင်သို့ ထင်းခုတ်ရန် သွားရောက်ခဲ့ရာ အပြန်လမ်းတွင် မောရ၀တီတွင် စစ်သားများက တွေ့ရှိခဲ့ပြီး ၎င်းစစ်သားများက နှိပ်စက်မည်ကို စိုးရိမ်၍ ထင်းခုတ်သမားများက ၎င်းတို့နှင့် ပါလာသည့် ထင်းများနှင့် ဓါးများကို ထား၍ ထွက်ပြေးသွားရာ စစ်သားများက ထားခဲ့သည့် ထင်းများနှင့် ဓါးများကို သိမ်းဆည်းလိုက်သည့် အပြင် ထွက်ပြေးသွားသည့် အတွက်ဟု ဆိုကာ ကျေးရွာ အုပ်ချုပ်ရေးမှူးမှ တဆင့် ထင်းခုတ်သမား တစ်ဦးချင်းစီမှ ငွေကျပ် ၉ သောင်းစီ ပေးရန် တောင်းခံလျက် ရှိကြောင်း ဒေသခံများက RB News သို့ပြောသည်။ 

အလားတူ ကျေးရွာ အုပ်ချုပ်ရေးမှူး ဦးဆီရာဇူက မော်လဝီ မိုဟာမတ်ဆုလ်တန်(ဘ) ဦးအာမိရ်ဟူဆောင်း (အသက် ၄၀ နှစ်) ၏ နေအိမ်ခြံဝင်းမှ အပင်တစ်ပင်ကို ငွေကျပ် ၆ သောင်းကျပ် နှုန်းဖြင့် ဈေးဖြတ်ပြီး ခုတ်လှဲခဲ့သော်လည်း ယခုအချိန်ထိ ငွေကြေး တစ်စုံတစ်ရာ ပေးအပ်ခြင်း မရှိကြောင်း သိရသည်။ အဆိုပါရွာမှ ဦးဟူဆောင်းအာမတ် (ဘ) ဦးဆွေယာဒ်အာမတ် (အသက် ၆၀ နှစ်) ထံမှလည်း နေအိမ် ပြုပြင်သည်ကို အသစ်ဆောက်လုပ် နေသည်ဟု လုပ်ကြံ စွပ်စွဲ၍ ကျေးရွာ အုပ်ချုပ်ရေးမှူးက ငွေကျပ် တစ်သိန်း ငါးသောင်း ညစ်ယူခဲ့ကြောင်း ဒေသခံတစ်ဦးက ပြောပါသည်။

မောင်တောမြို့နယ် တောင်ပိုင်း သရေကုန်တန်း ကျေးရွာ

မောင်တော မြို့နယ် တောင်ပိုင်း သရေကုန်တန်း (ခူးန္နားဟ်ဖာရာ) ကျေးရွာအုပ်စု၊ ဂျောင်တောင်ရွာမှ မော်လ၀ီ မာမတ်ဒူရာဟာမန် (ဘ) ဦးဖော်ဇော်လောခ် (အသက် ၄၀ နှစ်) သည် အဆိုပါရွာ၏ ဈေးထဲတွင် အလှကုန် ပစ္စည်းများရောင်း၍ အသက်မွေးဝမ်းကျောင်း ပြုနေသူ တစ်ဦး ဖြစ်သည်။ ဧပြီလ (၂၃) ရက်နေ့တွင် ၎င်းသည် မြို့မ စည်ပင်သာယာဈေးသို့ ဆိုင်အတွက် ဈေးဝယ်ရန် မော်တော်ဆိုင်ကယ်ဖြင့် သွားရောက်ပြီး ဈေးဝယ်၍ ရွာသို့ ပြန်နေစဉ် ဦးဥတ္တမလမ်း၊ ကန်တော်ကြီးရှေ့ ဆိုင်တစ်ဆိုင်မှ အရပ်သား ၀တ်စုံဖြင့် ရဲတပ်ဖွဲ့ဝင် နှစ်ဦး ထွက်လာကာ ၎င်းကို ဆိုင်ထဲသို့ ခေါ်ဆောင် သွားခဲ့သည်။ ထို့နောက် ရဲတပ်ဖွဲ့ဝင် နှစ်ဦးက မော်လ၀ီ မာမတ်ဒူရာဟာမန်ကို မီးရှို့သည့် တရားခံများ စာရင်းတွင် ပါနေသည်ဟု ခြိမ်းခြောက်၍ ငွေတောင်းခံရာ ၎င်းက မိမိသည် ဆိုင်အတွက် ပစ္စည်းများ ၀ယ်ယူ၍ ရွာသို့ ပြန်သွားနေသဖြင့် လက်ထဲတွင် ငွေတစ်ပြား တစ်ချပ်မှ မရှိကြောင်း ပြောဆိုသော်လည်း အရပ်သား ၀တ်စုံဖြင့် ရဲတပ်ဖွဲ့ဝင် နှစ်ဦးက ငွေမပေးလျှင် သွားနိုင်မည် မဟုတ်ဟု ပြောဆိုသဖြင့် ၎င်းက ရဲတပ်ဖွဲ့ဝင် နှစ်ဦးကို ဆိုင်တစ်ဆိုင်မှ ငွေချေး၍ ပေးမည်ဟု ဆိုကာ အတူ ခေါ်ဆောင်လာရာ လမ်းတစ်ဝက်တွင် ရဲတပ်ဖွဲ့နှစ်ဦးက ၎င်းကို အတင်းအဓမ္မ ရဲစခန်းသို့ ခေါ်ဆောင် သွားပြီး ရဲစခန်း၏ လျှို့ဝှက် နေရာ တစ်နေရာတွင် ချုပ်နှောင် ထားခဲ့သည်။ ညနေ (၆) နာရီ အချိန်တွင် မြို့မရဲစခန်း နယ်ထိန်း ခေါင်းဆောင် ရဲအုပ်တိုးတိုးက နည်းမျိုးစုံဖြင့် ခြိမ်းခြောက်၍ ငွေကျပ် ၈ သိန်း ညှစ်ယူပြီး ပြန်လည် လွှတ်ပေးခဲ့ကြောင်း ဒေသခံ တစ်ဦးက RB News သို့ပြောသည်။

ရဲအုပ်တိုးတိုးက “မင်းက ငါတို့ကို ငွေပေးတာ ဘယ်သူ့ကိုမှ မပြောနဲ့၊ တကယ်လို့ မီဒီယာ တစ်ခုခုမှာ ပါလာလို့ရှိရင် ငါတို့က ဒီမှာရှိမှာနော်၊ မင်းက ဆိုင်အတွက် မြို့ထဲလာပြီး ပစ္စည်းတွေ ၀ယ်ရမယ်၊ အဲဒီ အချိန်မှာ မင်းကို ငါတို့က ထောင်ကျအောင် လုပ်မယ်၊ ဒီတစ်ခါ ငါတို့လွှတ်ပေးတာ” ဟု ခြိမ်းခြောက် ပြောဆိုခဲ့ကြောင်း သိရသည်။ 

မြို့ခံ ဈေးဆိုင်ရှင် တစ်ဦးက “၂၀၁၂ ခုနှစ် ပဋိပက္ခ ဖြစ်ပွားပြီးတဲ့ နောက်ပိုင်း မောင်တောမြို့နယ် မြောက်ပိုင်း၊ တောင်ပိုင်း ကျေးရွာတွေက ဒေသခံ ရိုဟင်ဂျာတွေ မြို့ပေါ် သိပ်မလာကြတော့ဘူး၊ အရေးတကြီး လာရင်လည်း ဒီမှာ နယ်ထိန်းရဲတွေက မီးရှို့မှုနဲ့ စွပ်စွဲပြီးတော့ ငွေညှစ်တာပဲ။ ဆိုင်မှာ ပစ္စည်း အရောင်းအ၀ယ်လည်း မကောင်းတော့ဘူး၊ ဒုစရိုက် ကင်းရှင်းဖို့ နယ်ထိန်းရဲတွေမှာ တာဝန်ရှိတယ်။ ဒါပေမယ့် သူတို့ ကိုယ်တိုင် ဒုစရိုက် လုပ်ငန်း လုပ်နေတယ် ဆိုရင် ဘယ်လိုလုပ် တည်ငြိမ် အေးချမ်းတော့မှာလဲ” ဟု ပြောပါသည်။

မောင်တောမြို့နယ် တောင်ပိုင်း အလယ်သံကျော် ကျေးရွာ

မောင်တောမြို့နယ် တောင်ပိုင်း အလယ်သံကျော် ကျေးရွာအုပ်စု၊ ဗျူဟာမှူးရွာ အခြေစိုက် စစ်တပ်စခန်းမှ စစ်သားများ ရွာထဲသို့ ကင်းလှည့်နေစဉ် အကြောင်းမဲ့ ရိုက်နှက် ညှဉ်းပန်း နှိပ်စက်ခံရမည်ကို စိုးရိမ်၍ ဒေသခံ ရွာသားများ ရှောင်ထွက် သွားလျှင် စစ်သားများက လိုက်လံ ဖမ်းဆီး၍ ဘင်္ဂလား ဆင်းမ်ကဒ် သုံးစွဲနေသည်ဟု စွပ်စွဲ၍ ငွေညှစ်ခြင်းများ ပြုလုပ်နေပြီး၊ ရှောင်ထွက် မသွားဘဲ မျက်နှာချင်းဆိုင် တွေ့လျှင်လည်း ခန္ဓာကိုယ် အနှံ့ ရှာဖွေ၍ တရားမ၀င် ပစ္စည်း တစ်စုံတစ်ရာ မတွေ့လျှင်လည်း ဘင်္ဂလား ဆင်းမ်ကဒ် ထည့်ပေးပြီး ဘင်္ဂလား ဆင်းမ်ကဒ် အသုံးပြုနေသည်ဟု စွပ်စွဲ၍ ငွေညှစ်လျက် ရှိနေကြောင်း ဒေသခံများက RB News သို့ပြောသည်။

ဧပြီလ (၂၆) ရက်နေ့တွင် ထိုကဲ့သို့ စွပ်စွဲမှုများ ပြုလုပ်ခံရပြီး ငွေညှစ်ခံရသူများမှာ --

(၁) ဖိုက်ဆဲလ် (ဘ) ဦးဟူဆောင်း (အသက် ၁၈ နှစ်) - မဒီနာရွာမှ - ညှစ်ခံရငွေကျပ် ၅ သောင်း
(၂) ဦးအေနာမ်မူလ္လာ (အသက် ၃၂ နှစ်) - မဒီနာရွာမှ - ညှစ်ခံရငွေကျပ် ၁ သိန်း
(၃) ဆရာ ဦးရှော်ဖီအုလ္လာ (ဘ) ဦးနူရူဇာမာ (အသက် ၄၀ နှစ်) - မဒီနာရွာမှ - ညှစ်ခံရငွေကျပ် ၁ သိန်း ၅ သောင်း
(၄) ဦးအာယာဒ်အုလ္လာ (ဘ) ဦးနူရူး (အသက် ၃၅ နှစ်) - မဒီနာရွာမှ - ညှစ်ခံရငွေကျပ် ၁ သိန်း ၅ သောင်း
(၅) ဟာဖီးဇ် အားဂျီးတ်သာ (ဘ) ဦးအီဆုပ်ဂျလာလ် (အသက် ၂၁ နှစ်) - ကမ်းဖူရွာမှ - ညှစ်ခံရငွေကျပ် ၂ သိန်း
(၆) မာမတ်တူဟာ (ဘ) ဦးဟာရှိမ်းမူလ္လာ (အသက် ၁၈ နှစ်) -- အောက်ရွာမှ -- ညှစ်ခံရငွေကျပ် ၂ သိန်း -- တို့ဖြစ်သည်။

အထက်ပါ (၆) ဦးကို ယင်းနေ့ ည (၈) နာရီ အချိန်တွင် ဖမ်းဆီး၍ စခန်းသို့ ခေါ်ဆောင် သွားပြီး ငွေညှစ်ခဲ့ခြင်း ဖြစ်သည်။ 

အလားတူ ဧပြီလ (၂၅) ရက်နေ့တွင် အဆိုပါ စစ်တပ် စခန်းမှ တာဝန်ခံနှင့် ၎င်း၏ လူယုံတော် မဒီနာရွာသား ဦးမော်န်ဇူရ် (ဘ) ဦးအုံမောတ်အလီ (အသက် ၃၀ နှစ်) တို့ နှစ်ဦးသည် ဆိုင်ကယ် တစ်စီးဖြင့် အလယ်သံကျော် ကညင်တန်း (ဂေါ်ဇောန်ဒီးယား) ကျေးရွာသို့ နံနက် ၁၁ နာရီ အချိန်တွင် ရောက်ရှိသွားစဉ် ကွမ်းယာဆိုင် တစ်ဆိုင်တွင် ထိုင်၍ စကားပြောနေသည့် လူငယ်သုံးဦးက မြင်ပြီး မတရားသဖြင့် ဖမ်းဆီး ငွေညှစ်ခံရမည်ကို စိုးရိမ်၍ ထိုင်စကားပြောနေသူ သုံးဦးမှ နှစ်ဦး ထွက်ပြေးသွားခဲ့သည်။ ကျန်နေခဲ့သည့် လူငယ် တစ်ဦး ဖြစ်သည့် ဖာရုခ် (ဘ) ဦးနော်ဇိရ် (အသက် ၁၇ နှစ်) ၏ ခန္ဓာကိုယ် အနှံ့အပြားကို စစ်တပ် စခန်းမှ တာဝန်ခံက ရှာဖွေခဲ့ရာ မြန်မာ့ ဆက်သွယ်ရေး MPT ဆင်းမ်ကဒ်ဖြင့် GSM ဖုန်း တစ်လုံး တွေ့ရှိခဲ့သော်လည်း ဘင်္ဂလား ဟန်းဆက် သုံးနေသည်ဟု ပြောဆို၍ ဖုန်းကို သိမ်းဆည်း သွားခဲ့သည်။ ထို့အပြင် အဆိုပါ လူငယ်ကို ညနေ (၄) နာရီ အချိန်တွင် စစ်ဆေးခံရန်နှင့် ထွက်ပြေးသွားခဲ့သည့် လူငယ်နှစ်ဦးကိုပါ စစ်ဆေးခံရန် ကျေးရွာ အုပ်ချုပ်ရေးမှူးမှ တဆင့် ဆင့်ခေါ်ခဲ့ကြောင်း သိရသည်။

မောင်တောမြို့နယ် တောင်ပိုင်း ပ-ညောင်ပင်ကြီး ကျေးရွာ

ဧပြီလ (၂၅) ရက်နေ့ ညနေ ၅ နာရီ အချိန်တွင် မောင်တောမြို့နယ် တောင်ပိုင်း ပ-ညောင်ပင်ကြီး (ဒေါင်းခါလီ) ကျေးရွာမှ ဘော်ရှော်ရ် (ဘ) ဦးဖော်ဇော်လောခ် (အသက် ၂၇ နှစ်) သည် မင်းကြီးချောင်း နယ်ခြားစောင့် ရဲတပ်ဖွဲ့ ကင်းစခန်းမှ ကားကို မြင်၍ မတရားသဖြင့် ဖမ်းဆီးခံရမည်ကို စိုးရိမ်၍ ရှောင်ထွက် သွားခဲ့ရာ နယ်ခြားစောင့် ရဲများက အဆိုပါ လူငယ်ကို လိုက်လံ ဖမ်းဆီးပြီး လက်ထိပ်ခတ်ကာ ကျေးရွာ အုပ်ချုပ်ရေးမှူး ရုံးသို့ ခေါ်ဆောင် သွားခဲ့သည်။ ထို့နောက် အဆိုပါ လူငယ်ကို ခန္ဓာကိုယ် အနှံ့ ရှာဖွေမှုများ ပြုလုပ်ပြီး တရားမ၀င် ပစ္စည်း တစ်စုံတစ်ရာ မတွေ့ရှိခဲ့သော်လည်း ရှောင်ထွက် သွားသည်ကို အပြစ်ဖို့ကာ ဘင်္ဂလား ဆင်းမ်ကဒ် ပါသည့် ဖုန်းသုံးစွဲ နေသည်ဟု အခြေအမြစ် မရှိ စွပ်စွဲ၍ မင်းကြီးချောင်း နယ်ခြားစောင့် ရဲတပ်ဖွဲ့ ကင်းစခန်း တာဝန်ခံ ကိုယ်တိုင် ငွေအစား ရေနံဆီ ဂါလံ (၈၀) အတင်းအဓမ္မ ယူခဲ့ကြောင်း ဒေသခံ တစ်ဦးက RB News သို့ပြောသည်။