ညမထွက်ရ အချိန်တွင် အရေးပေါ် လူနာကို ဆေးရုံတင်ရန် ကြိုးစားသူ သေနတ်ဖြင့် ပစ်ခတ်ခံရ

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း၊ အထက်ပြူးမ ကျေးရွာမှ ဦးဟူဆောင်း (ဘ) ဦးနူရ်အာမတ်၏ သမီး ဖြစ်သူမှာ ဇွန်လ (၁၄) ရက်နေ့ ညသန်းခေါင်ယံ ၁၂း၁၅ နာရီ အချိန်တွင် ၀မ်းပျက်ဝမ်းလျှော ဝေဒနာခံစား နေရ၍ ဦးဟူဆောင်း၏ ဇနီးက ၎င်း၏ ဆွေမျိုး တော်စပ်သူ ဦးအီလီယာစ် (ဘ) ဦးကာလူ၏ နေအိမ်သို့ သွားရောက်၍ သမီးဖြစ်သူကို ငါးခူရ ဆေးရုံသို့ ပို့ရန် အကူအညီ တောင်းရာ ဦးအီလီယာစ်က ညမထွက်ရ အချိန်ဖြစ်သဖြင့် ဦးစွာ အာဏာပိုင်များကို အကြောင်းကြားရမည် ဆိုကာ အိမ်မှ ထွက်လာစဉ် ဦးအီလီယာစ်၏ အိမ်ရှေ့တွင် ကင်းချထားသည့် ငါးခူရ စခန်းမှ နယ်ခြားစောင့် ရဲနှစ်ဦးနှင့် ဆုံတွေ့ခဲ့သည်။ 

နယ်ခြားစောင့် ရဲနှစ်ဦးမှ တစ်ဦးက ဦးဟူဆောင်း၏ ဇနီးဖြစ်သူအား ပစ်မှားရန် ကြံရွယ်၍ ဦးအီလီယာစ်ကို မလိုက်လာရန် တားမြစ်ပြီး၊ အမျိုးသမီး တစ်ဦးတည်းသာ စခန်းသို့သွား၍ ခွင့်ပြုချက် ယူရမည်ဟု ဆိုသည်။ သို့သော်လည်း ဦးအီလီယာစ်က အမျိုးသမီး တစ်ဦးတည်း လွှတ်လျှင် အန္တရာယ်များသောကြောင့် အတူလိုက်ပါသွားရန် ပြောသဖြင့် နယ်ခြားစောင့် ရဲများနှင့် စကားများ ခဲ့ရသည်။ နောက်ဆုံးတွင် ဦးအီလီယာစ်၏ ခြံဝင်းမှ ပေ ၂၀ ခန့်အကွာသို့ အရောက်တွင် နယ်ခြားစောင့် ရဲတစ်ဦးက ဦးအီလီယာစ်ကို သေနတ်ဖြင့် ၃ ချက်တိတိ ပစ်ခတ်ခဲ့ရာ ဦးအီလီယာစ်၏ ပေါင်နောက်ဘက်တွင် ကျည်ဆံမှန်ပြီး ရှေ့ဘက်မှ ပေါက်ထွက် သွားခဲ့ကြောင်း ဒေသခံ တစ်ဦးက RB News သို့ပြောသည်။ 

သေနတ်ပစ်သံ ကြားရ၍ ငါးခူရစခန်းမှ နယ်ခြားစောင့် ရဲတပ်ဖွဲ့ တပ်ရင်းမှူးသည် ၁၅ မိနစ်ခန့် အကြာတွင် အခင်းဖြစ်ပွားသည့် နေရာကို ရောက်ရှိလာပြီး သေနတ်ဖြင့် ပစ်ခတ်ခဲ့သည့် နယ်ခြားစောင့် ရဲအပါအ၀င် အထက်ပြူးမ ကျေးရွာ ကင်းစခန်းမှ နယ်ခြားစောင့်ရဲ (၆) ဦးကိုလည်း ငါးခူးရ စခန်းသို့ ခေါ်ဆောင် သွားခဲ့သည်။ ၎င်းတို့နှင့် အတူ သေနတ်ဖြင့် ပစ်ခံရသည့် ဦးအီလီယာစ်ကိုပါ ခေါ်ဆောင် သွားခဲ့သည်။ ထို့နောက် ဦးအီလီယာစ်ကို ငါးခူရ ဆေးရုံတွင် ဆေးကုသ ပေးခဲ့ကြောင်း သိရှိရသည်။ 

သေနတ်ဖြင့် ပစ်ခတ်မှုကြောင့် အရေးပေါ် လူနာဖြစ်နေသည့် ၀မ်းပျက်ဝမ်းလျှော ဝေဒနာ ခံစားနေရသူကို ဆေးရုံသို့ ပို့ဆောင်နိုင်ခဲ့ခြင်း မရှိကြောင်း အဆိုပါ ဒေသခံက ပြောပါသည်။ ဇွန်လ (၁၅) ရက်နေ့တွင် ဦးအီလီယာစ်ကို မောင်တော ဆေးရုံသို့ ပို့ဆောင်ခဲ့ပြီး နယ်ခြားစောင့်ရဲ (၅) ဦး အစောင့်ထား၍ မိသားစုများနှင့် တွေ့ဆုံခွင့် မပေးကြောင်း သိရသည်။ ဧပြီလ အလယ်တွင်လည်း အထက်ပြူးမ ကျေးရွာမှ ဦးဆွေတာမတ် (ဘ) ဦးနူရ်အာလောမ်ကို အောက်ပြူးမ ရခိုင်ရွာမှ ရခိုင်များနှင့် ပူးပေါင်း၍ သတ်ဖြတ်ခဲ့သည်။