နောက်ဆုံးသတင်း/ဆောင်းပါးများ

ကျွန်မ တာဝန်ကျေပြီလားဟင်



ကျွန်မ တာဝန်ကျေပြီလားဟင်

ရေးသားသူ - ယျာတင် (MYARF)
RB ကဗျာ
1.9.2015

အရပ်ရှစ်မျက်နှာကို ဝန်းရံထားတဲ့
မဟာမြိုင်ကြီးအလယ်က ကျွန်မ....

အဲ့ဒီ မဟာမြိုင်ကြီးတွေ 
အလယ်ကဖောက်ထွက်ပြီး 
တောင်ထိပ်ကို အရောက် လှမ်းနိုင်ရမယ်လို့ 
စိတ်ပိုင်း ဖြတ်ထားခဲ့သလိုပဲ 
ကျွန်မ တကယ်လည်း အရောက်လှမ်းနိုင်ခဲ့ပြီလေ....

ဒါပေမယ့် ရှင်တို့ သိလား....

ကျွန်မ ချီတက်ရာ သွားလမ်းက 
လမ်းဆစ်တွေနဲ့ ကြမ်းတမ်းခဲ့တာ.... 
ကျွန်မ ချီတက်ရာ သွားလမ်းက 
ဆူးတွေနဲ့ ပြည့်နှက်ခဲ့တာ... 
ကျွန်မ ချီတက်ရာ သွားလမ်းက 
မရဏလမ်းလို ခက်ခဲခဲ့တာ..... 
ကျွန်မ ချီတက်ရာ သွားလမ်းမှာ 
ကျားသရဲများ ပေါ့နေခဲ့တာ..... 
ကျွန်မ ချီတက်ရာ သွားလမ်းက 
ကန္တာရာခရီးလို ဖြစ်ခဲ့တာ..... 
ကျွန်မ ချီတက်ရာ သွားလမ်းမှာ 
ပိတ်ဆို့မှုတွေ လျှံနေခဲ့တာပါ ရှင်...

ဒီ့အပြင် 
ကျွန်မ ချီတက်ရာ သွားလမ်းက 
ကျွန်မ အသားအရေကို မကြိုက်ခဲ့ဘူး... 
ကျွန်မ ချီတက်ရာ သွားလမ်းက 
ကျွန်မ မျက်နှာသွင်ပြင်ကို မနှစ်သက်ခဲ့ဘူး... 
ကျွန်မ ချီတက်ရာ သွားလမ်းက 
ကျွန်မ ကိုးကွယ်ရာကို မုန်းခဲ့ဖူးတယ် ရှင်.....

ဒီနည်းတွေနဲ့ပေါ့ 
ကျွန်မ ချီတက်ရာ သွားလမ်းက 
ကျွန်မကို အကြိမ်ကြိမ် စိတ်ဓာတ်ကျခိုင်းခဲ့တာပါ 
ကျွန်မကို အကြိမ်ကြိမ် ချော်လဲစေချင်ခဲ့တာပါ....

ဒါပေမယ့် 
ကျွန်မ အားမငယ်ခဲ့ဘူး... 
ကျွန်မ အားမလျှော့ခဲ့ဘူး.... 
ကျွန်မ ကြိုးစားမှုကို မရပ်လိုက်ဘူး... 
ကျွန်မ ရည်မှန်းချက် အထိမခံခဲ့ဘူး...

ကျွန်မ အားလျှော့ခဲ့ရင် 
ကျွန်မ လဲကျခဲ့ရင် 
ကျွန်မကို လှောင်ပြောင်နေမယ့်သူက 
ဝါးခနဲ့ ထခုန်မိမှာကို ကျွန်မ သိပြီးသားပါ... 
အဲ့လို လှောင်ပြောင်နေမယ့်သူတွေကို 
ကျွန်မ အလှည့်မပေးချင်ခဲ့ပါဘူး ရှင်...



ကျွန်မလေ 
နောင်လာနောက်သားတွေအတွက် 
အနာခံပြီး လမ်းဖောက်ပေးချင်ခဲ့တာပါ ရှင်... 
ဖယောင်းတိုင်လို လောင်ကျွမ်းခံပြီး 
အလင်းဆောင် ပေးချင်ခဲ့တာပါ ရှင်.... 
ရှင်းရှင်းပြောရရင် 
ကျွန်မရဲ့ မျိုးဆက်သစ်တွေအတွက် 
ကျွန်မ အတုယူစရာ ဖြစ်ချင်ခဲ့တာပါ ရှင်... 
နောက်ပြီး 
ကြိုးစားအားထုတ်မှုက အရာရာကို 
အောင်နိုင်စေတယ်ဆိုတာ 
ကျွန်မ လက်တွေ့ပြသချင်ခဲ့တာပါ ရှင်....

ကဲ့... ကျွန်မ တာဝန်ကျေပြီ မလားဟင်...

ကျွန်မ ဆက်လက်ပြီး ရင်ဆိုင်ချီတက်ဖို့လည်း အသင့်ပါပဲရှင်....

••• ဘူးသီတောင်မြို့နယ်မှ ဘာသာစုံ ဂုဏ်ထူးရှင် ရိုဟင်ဂျာသူလေး မမြတ်နန္ဒာခင်၏ အောင်မြင်မှုကို ဂုဏ်ပြု၍ ရေးဖွဲ့ပါသည်။

Comment ရေးရန်

Rohingya Exodus