ကျောက်တော် စံကားတောင်မှ ငါးဖမ်းနေသည့် ရိုဟင်ဂျာ တစ်ဦးကို ရခိုင်များက တိုက်ခိုက်
RB News
24.10.2015
ကျောက်တော် ။ ။ ရခိုင်ပြည်နယ်၊ ကျောက်တော် မြို့နယ်၊ ခေါင်းတုတ် (ရိုဟင်ဂျာ) ကျေးရွာ၏ ကမ်းနားတွင် တည်ရှိသည့် စံကားတောင် ဒုက္ခသည် စခန်းမှ ဦးဟုစိုင်န် (ဘ) ဦးမူဇဖ္ဖရ် (အသက် ၃၂ နှစ်) သည် အောက်တိုဘာလ (၂၁) ရက်နေ့ ည ၇ နာရီကျော် အချိန်တွင် ကုလားတန်မြစ်၌ ငါးဖမ်းနေစဉ် တစ်ဖက်ကမ်းရှိ နဂရာ (ရခိုင်) ရွာမှ ရခိုင်လူမျိုး ၆ ဦး ခန့်သည် စက်လှေ တစ်စီးဖြင့် ရောက်ရှိလာပြီး ဦးဟုစိုင်န်ကို အကြောင်းမဲ့ ရိုက်နှက်ခဲ့ရာ၊ ဦးဟုစိုင်န်က ငါးဖမ်းလှေနှင့် ပိုက်များကို ထား၍ ရေထဲခုန်ချရာ၊ အနီးအနား၌ ငါးဖမ်းပိုက်ချနေသည့် ရိုဟင်ဂျာ လူမျိုးများမှ ကယ်တင် လိုက်သောကြောင့် အသက်ရှင်ခဲ့ရသည်။
ထို့နောက် ဒုက္ခသည် စခန်းသို့ ပြန်လည် ရောက်ရှိသောအခါ စခန်း တာဝန်ခံများနှင့် လူကြီးများကို အကြောင်းကြားခဲ့သည်။ ဖြစ်စဉ်နှင့် ပတ်သက်၍ စစ်ဆေး မေးမြန်းရန် ရောက်ရှိလာသော စစ်သားများကို ရိုက်နှက်ခံရသူအား ကယ်တင်ခဲ့သည့် တံငါသည်များထဲမှ မျက်မြင် သက်သေ တစ်ဦး ဖြစ်သူ ဦးဇိုင်ရ်ဟုစိုင်န် (ဘ) ဦးဆောယောဒ်အက္ကဘောရ် (အသက် ၃၀ နှစ်) က ရခိုင်လူမျိုးများက အကြမ်းဖက်ခြင်း ဖြစ်ကြောင်း ရှင်းပြရာ၊ စစ်သားများက ရခိုင်လူမျိုးများက ယင်းသို့ အကြမ်းမဖက်နိုင်ကြောင်း၊ မင်းတို့ ကုလားတွေက မဟုတ်မမှန် စွပ်စွဲ ပြောဆိုနေခြင်း ဖြစ်သည်ဟု ဆိုကာ အဆိုပါ မျက်မြင် သက်သေကို ရိုက်နှက်ခဲ့ကြောင်း ဒေသခံများက RB News သို့ပြောပါသည်။
မြစ်ထဲ၌ ကျန်ရစ်ခဲ့သည့် ငါးဖမ်းလှေကို နောက်နေ့တွင် ရှာဖွေ တွေ့ရှိခဲ့သော်လည်း ငါးဖမ်းပိုက်များကို ရခိုင်များက ယူဆောင် သွားသောကြောင့် ပြန်လည် မရရှိခဲ့ပေ။
စံကားတောင် ကျေးရွာသည် ယခင်က နဂရာ (ရခိုင်ရွာ) နှင့် ရုပ်သားရွာ (ရခိုင်ရွာ) တို့အကြား တည်ရှိခဲ့ပြီး၊ ၂၀၁၂ ခုနှစ်တွင် ယင်း ရခိုင်ရွာ နှစ်ရွာမှ ရခိုင်လူမျိုးများနှင့် အခြားသော ရခိုင်လူမျိုးများ၏ မီးရှို့ခြင်းကို ခံခဲ့ရပြီး အဆိုပါ စံကားတောင် ရွာမှ ရိုဟင်ဂျာ လူမျိုး ၃ ဦး အသတ်ခံရသည့် အပြင် ၃ ဦး ဒဏ်ရာ ရရှိခဲ့သည်။
