နောက်ဆုံးသတင်း/ဆောင်းပါးများ

ရိုဟင်ဂျာပိုင် ဆိတ်တစ်ကောင်ကို န.တ.လ ရွာသူတစ်ဦးက ဖမ်းဆီးထားပြီး ပိုင်ရှင်ထံမှ ငွေညှစ်



Rohingya Eye
RB News
26.12.2015

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း၊ ကျီးကန်းပြင် အရှေ့ရွာမှ ဦးဇော်လာလ်အာမတ် (ဘ) ဦးအော်လီ (အသက် ၅၈ နှစ်) ၏ ဆိတ်တစ်ကောင်သည် အနောက်ရွာရှိ န.တ.လ လယ်မြေတွင် ကျက်စားနေစဉ်၊ အသက် (၅၃) နှစ် အရွယ်ရှိ ဆဲဂါးနီး ဆိုသည့် အမျိုးသမီးကြီး၏ သမီးက ဆိတ်ကို ထိန်းသိမ်း ထားခဲ့သည်။ ဆိတ်ပိုင်ရှင်က ဆိတ်ကို ရှာဖွေနေစဉ် အဆိုပါ အမျိုးသမီးကြီး၏ နေအိမ်တွင် တွေ့ရှိခဲ့ရာ အမျိုးသမီးကြီးက ဆိတ်ကိုယူသွားလျှင် ငွေကျပ် လေးသောင်း ပေးရမည် ဖြစ်ကြောင်း၊ ဆိတ်က ပဲတောင့်ရှည် စိုက်ခင်း ဖျက်ဆီးခဲ့သည့်အတွက် ငွေတောင်းခံခြင်း ဖြစ်ပြီး၊ ငွေမပေးပါက နယ်ခြားစောင့် ရဲတပ်ဖွဲ့သို့ တိုင်ကြားမည်ဟု ခြိမ်းခြောက်သဖြင့် နောက်ဆုံးတွင် ငွေကျပ် တစ်သောင်း ပေးပြီး ဆိတ်ကို ပြန်လည် ယူခဲ့ရကြောင်း ဒေသခံ တစ်ဦးက RB News သို့ပြောပါသည်။ 

အဆိုပါ ဆိတ်သည် မည်သည့် ပဲတောင့်ရှည် စိုက်ခင်းထဲသို့မှ ၀င်ရောက်ဖျက်ဆီးခြင်း မရှိခဲ့ဘဲ န.တ.လ လယ်မြေတွင် ကျက်စားနေခဲ့ခြင်းသာ ဖြစ်ပြီး၊ မဟုတ်မမှန် စွပ်စွဲ၍ ငွေညှစ်ခဲ့ခြင်း ဖြစ်သည်။ အဆိုပါ န.တ.လ လယ်မြေများသည် ယခင်က ရိုဟင်ဂျာများ ဘိုးစဉ်ဘောင်ဆက် ပိုင်ဆိုင်ခဲ့သည့် လယ်မြေများ ဖြစ်ပြီး၊ ယခင် စစ်အစိုးရ လက်ထက်တွင် မတရားသဖြင့် သိမ်းယူပြီး န.တ.လ သို့ပေးအပ် ခဲ့ခြင်း ဖြစ်သည်။

Comment ရေးရန်

Rohingya Exodus