ကျေးရွာ အုပ်ချုပ်ရေးမှူးနှင့် စ.ရ.ဖ တပည့်က သစ်များ လုယက်ပြီး သစ်ခွဲသမား များကို လုပ်အားခ မပေး

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် တောင်ပိုင်း၊ ဖုရားပြင်အောင်ပ ကျေးရွာအုပ်စု၊ အကွက် (၁) မှ ဦးတော်ယုဖ် (ဘ) ဦးဆီဒိခ်၏ အိမ်ခြံဝင်း အတွင်းရှိ သရက်ပင်ကြီး တစ်ပင်နှင့် လက်ပံပင်ကြီး တစ်ပင်တို့သည် လွန်ခဲ့သည့် ဇူလိုင်လတွင် တိုက်ခတ်ခဲ့သော ကိုမန် မုန်တိုင်းကြောင့် ပြိုလဲ သွားခဲ့သည်။ ဦးတော်ယုဖ်က အဆိုပါ အပင်ကြီးနှစ်ပင်ကို ခွဲဖြတ်၍ အိမ်ပြုပြင်ရန် ရည်ရွယ် ထားခဲ့သည်။

ဒီဇင်ဘာလ (၇) ရက်နေ့တွင် အဆိုပါ ကျေးရွာမှ အုပ်ချုပ်ရေးမှူး ဦးမောင်ချမ်းသာနှင့် ညောင်ချောင်း အခြေစိုက် စ.ရ.ဖ ၏ တပည့်ဖြစ်သူ ဦးမူဟိဗ်ဘူလ္လာ (ဘ) ဦးကာဆိမ်းက ဦးတော်ယုဖ်၏ အိမ်သို့ သွားရောက်ကာ အပင်ကြီး နှစ်ပင်ကို အလိုရှိကြောင်း ပြောကြားခဲ့သည်။ ပိုင်ရှင်ဖြစ်သူ ဦးတော်ယုဖ်က မိမိအနေဖြင့် အဆိုပါ အပင်ကြီး နှစ်ပင်ကို ခွဲဖြတ်၍ အိမ်ပြုပြင်ရန် ရှိကြောင်း ပြောကြားသော်လည်း ဦးမူဟိဗ်ဘူလ္လာက အုပ်ချုပ်ရေးမှူးနှင့် စ.ရ.ဖ တို့၏ အာဏာပြ၍ ဒီဇင်ဘာလ (၈) ရက်နေ့တွင် ရွာမှ သစ်ခွဲသမား လေးဦး ခေါ်လာပြီး ဦးတော်ယုဖ်၏ ခြံဝင်းထဲတွင်ပင် ဒီဇင်ဘာလ (၁၀) ရက်နေ့ထိ သုံးရက်တိတိ သစ်ခွဲခိုင်းပြီး ၎င်း၏ အိမ်သို့ သယ်ဆောင် သွားခဲ့ကြောင်း ဒေသခံ တစ်ဦးက RB News သို့ပြောပါသည်။ 

သုံးရက်တိတိ သစ်ခွဲရသည့် သစ်ခွဲသမား လေးဦးကိုလည်း လုပ်အားခ မပေးခဲ့ကြောင်း အဆိုပါ ဒေသခံက ပြောပါသည်။ အဆိုပါ အပင်ကြီးနှစ်ပင်၏ ကာလတန်ဖိုးမှာ ကျပ်လေးသိန်း နီးပါးရှိမည်ဟု သစ်ခွဲ အတွေ့အကြုံ ရှိသူများက ခန့်မှန်းကြသည်။ လုပ်အားခ မရဘဲ သစ်ခွဲ ပေးခဲ့ရသူများမှာ -- ဦးအီနုစ် (ဘ) ဦးအေရှာဒူလ္လာ၊ ဦးဟာရှိမ် (ဘ) ဦးဘာသာမျာ၊ ဦးဟာလာယာ (ဘ) ဦးဘောက်ရှုး နှင့် ဦးအဒူရော်ဇတ် (ဘ) ဦးဖေဒူရူး တို့ဖြစ်သည်။