နောက်ဆုံးသတင်း/ဆောင်းပါးများ

ငါးခူရ စခန်းမှ နယ်ခြားစောင့်ရဲ များက ဒေသခံများကို လုပ်ကြံ စွပ်စွဲ၍ ငွေညှစ်



MYARF
RB News
7.12.2015

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း၊ ဒေသ (၂) (ယခင် နယ်မြေ ၅) စခန်း (ငါးခူရစခန်း) မှ နယ်ခြားစောင့်ရဲ (၁၈) ဦးသည် ဒီဇင်ဘာလ (၅) ရက်နေ့ ည ၉း၃၀ နာရီ အချိန်တွင် ငါးစကြူး ကျေးရွာ (နှစ်ဆားဖူးရူး) အုပ်စု ရွာမသို့ သွားရောက်၍ လမ်းတွင် တွေ့ရှိသော ဦးမာမတ်အေမာရာန် (ဘ) ဦးမာမတ်အာမီးန်ကို လက်ထိပ်ခတ်၍ စစ်ဆေးပြီး၊ ၎င်းနှင့် ပါလာသည့် MPT ဖုန်းနှင့် တန်ဖိုး ၃၅၀၀ ကျပ်ရှိ လက်နှိပ်ဓါတ်မီး တို့ကို သိမ်းယူလိုက်သည်။ ထို့နောက် ဦးအေမာရာန်ကို လက်ထပ်ခတ်လျက် ၎င်းတို့နှင့် အတူ ရွာထဲ ပတ်ခဲ့သည်။ ည ၁၀ နာရီကျော် အချိန်တွင် နယ်ခြားစောင့်ရဲ များနှင့် သိကျွမ်းသော တပည့် တစ်ဦးကို တွေ့သောအခါ ဦးအေမာရာန်ကို ပြန်လည် လွှတ်ပေးခဲ့သည်။ ဦးအေမာရာန်က ၎င်း၏ ဖုန်းနှင့် ဓါတ်မီး ပြန်တောင်းရာ ဖုန်းကို ပြန်ပေးခဲ့သော်လည်း လက်နှိပ်ဓါတ်မီးကို ပြန်မပေးသောကြောင့် ထပ်မံ၍ တောင်းရာ နယ်ခြားစောင့်ရဲ များက ရိုက်နှက်ခံချင်လားဟု ခြိမ်းခြောက်၍ လက်နှိပ် ဓါတ်မီးကို သိမ်းယူသွားခဲ့သည်။

ည ၁၀း၃၀ နာရီခန့် အချိန်တွင် ငါးစကြူး ကျေးရွာအုပ်စု နိယာရ်ဘိလ်ရွာသို့ သွားရောက်ပြီး ဆိုင်ထဲတွင် MPT ဆင်းမ်ကဒ်ပါ ဖုန်းတစ်လုံးဖြင့် သီချင်း နားထောင်နေသော ဆိုင်ရှင် ဦးဘော်ရှော်ရ် (ဘ) ဦးကာဆိမ်း၏ ဖုန်းကို စစ်ဆေးကာ ဘင်္ဂလား ဆင်းမ်ကဒ် တွေ့ရှိသည်ဟု လုပ်ကြံပြီး ခြိမ်းခြောက်ကာ ငွေကျပ် သုံးသိန်း ခြောက်သောင်း ညှစ်ယူခဲ့ကြောင်း ဒေသခံ တစ်ဦးက RB News သို့ပြောပါသည်။ 

ညသန်းခေါင်ယံ (ဒီဇင်ဘာလ ၆ ရက် နံနက် ၁း၃၀ နာရီ) အချိန်တွင် အဆိုပါ နယ်ခြားစောင့်ရဲ များသည် ဒိုးတန်း ကျေးရွာ (လုဒိုင်း) သို့သွားရောက်၍ ယင်းရွာမှ ဦးအုစ်မာန် (ဘ) ဦးကော်ရီမူလ္လာကို ဆိုင်ထဲမှ ခေါ်ထုတ် စစ်ဆေးပြီး ဘင်္ဂလားဖုန်း တွေ့ရှိသည်ဟု လုပ်ကြံ စွပ်စွဲ၍ ငွေကျပ် လေးသိန်း နှစ်သောင်း ညှစ်ယူခဲ့သည်။ 

ငါးခူရ စခန်းမှ နယ်ခြားစောင့်ရဲ များသည် မကြာခဏ ဆိုသလို အနီးအနားရှိ ကျေးရွာများသို့ သွားရောက်၍ ဒေသခံ ရိုဟင်ဂျာများကို မဟုတ်မမှန် လုပ်ကြံ၍ ဖမ်းဆီးပြီး မတရားသဖြင့် ရိုက်နှက် ခြိမ်းခြောက်ကာ ငွေညှစ်လျက် ရှိသည်ဟု ဒေသခံများက ပြောပါသည်။

Comment ရေးရန်

Rohingya Exodus