ပန်းတောပြင် တံတား ကင်းစခန်းမှ နယ်ခြားစောင့်ရဲများက လမ်းသွားလမ်းလာ များကို နှောက်ယှက် လျက်ရှိ

8.2.2016

မောင်တော ။ ။ ရခိုင်ပြည်နယ်၊ မောင်တောမြို့နယ်၊ ပန်းတောပြင်တံတား ကင်းစခန်းမှ နယ်ခြားစောင့်ရဲများက လမ်းသွားလမ်းလာများကို အလွန် နှောက်ယှက်နေလျက်ရှိကြောင်း သတင်းရရှိပါသည်။

အဆိုပါ ကင်းစခန်းမှ နယ်ခြားစောင့်ရဲများသည် စခန်းကို ဖြတ်ကျော်ခအဖြစ် တက္ကစီကား တစ်စီးမှ ငွေကျပ် ၅၀၀ စီ ကောက်ခံနေပါသည်။ လမ်းသွားလမ်းလာ များကို ရွာထွက်လက်မှတ် ပါ မပါ စစ်ဆေးပြီး ရွာထွက်လက်မှတ် မပါလျှင် ငွေကျပ် ၁၀၀၀ စီ ညှစ်ယူ နေပါသည်။ ဆိုင်ကယ်မောင်းပြီး သွားလာနေသူများ ဆိုလျှင် ဆိုင်ကယ်ဦးထုပ် ဆောင်းမဆောင်း စစ်ဆေးပြီး မဆောင်းလျှင် တစ်ဦးမှ ငွေကျပ် ၂၀၀၀ စီညှစ်သည်။

ညနေ ၆ နာရီ ကျော်ပြီး ရောက်လာသူများထံက ငွေကျပ် ၅၀၀၀ စီ ကောက်ခံလျက်ရှိသည်။ ၎င်းစခန်း၏ တာဝန်ခံ ဗိုလ်လတ် ကိုယ်တိုင်က ဦးဆောင်၍ ငွေညှစ်ယူနေခြင်းဖြစ်သည်ဟု ဒေသခံများက RB News သို့ပြောပါသည်။ ထို့အပြင် အဆိုပါ နယ်ခြားစောင့်ရဲ များသည် လမ်းသွားလမ်းလာ အမျိုးသမီး များကိုလည်း အမျိုးမျိုး ခြိမ်းခြောက်၍ ငွေညှစ်လျက် ရှိသည်။ ငွေညှစ်နေသည်ကို မကျေနပ်လျှင် ကြိုက်သည့် ဌာနဆိုင်ရာများထံ တိုင်ကြားနိုင်ကြောင်း ပြောဆိုသည်ဟု ဒေသခံများက ဆိုသည်။

နယ်ခြားစောင့် ကင်းစခန်းတိုင်း၏ ရှေ့မှောက်တွင်မှု အများပြည်သူ လုံခြုံရေးအတွက် စစ်ဆေးခြင်းကို ကြည်ဖြူစွာ လက်ခံပါရန်နှင့် ကင်းစခန်း တာဝန်ရှိသူ များ၏ မဟုတ်မတရား လုပ်ရပ်များကို အောက်ပါ ဖုန်းတွင် တိုင်ကြားနိုင်သည်ဟု အနီရောက် နောက်ခံမှာ စာလုံးအဖြူနှင့် ရေးထားသည့် ဆိုင်းဘုတ်တစ်ခု ထောင်ထားသော်လည်း၊ အမှန်တကယ်တွင် အများပြည်သူများကို ဓါးပြများသဖွယ် ငွေညှစ်လျက်ရှိသည်။

ယခုကဲ့သို့ ငွေယူနေခြင်းမှာ ပျက်စီးနေသော တံတားကို ပြုပြင်ရန် မကျည်းချောင်းစခန်းမှ ရဲမှူးက ကောက်ခံခိုင်း၍ ယူနေခြင်းသာဖြစ်သည်ဟု မကျည်းချောင်း စခန်း၏ နာမည်ကို အလွဲသုံးစားပြုလုပ် အကြောင်းပြ ပြောဆိုနေသော်လည်း လက်တွေ့မှာမူ ထိုတံတားကိုလည်း ပြုပြင်နေခြင်း မရှိပေ။

သို့ဖြစ်၍ အဆိုပါ တံတား ကင်းစခန်းသည် မောင်တောမြို့ထဲသို့ အဝင်ဝတွင် တည်ရှိသော စခန်းဖြစ်သောကြောင့် ဤကဲ့သို့ လမ်းသွားလမ်းလာ များကို မဟုတ်မတရား စစ်ဆေးပြီး အကြောင်းတစ်ခုမဟုတ် တစ်ခုပြ၍ ငွေညှစ်နေကြောင်းကြောင့် မြို့ထဲဈေးပြုရန်သွားနေသူများ အလွန် အခက်ကြုံနေရပါသည်။