အလယ်သံကျော်မှ ရဲအုပ် အောင်ကျော်ဇင်က ဒေသခံ တစ်ဦးကို ရိုက်နှက်၍ ငွေညှစ်

မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း၊ အလယ်သံကျော် ကျေးရွာ အခြေစိုက် သတင်းတပ်ဖွဲ့ (SB) မှ တာဝန်ခံ ရဲအုပ် အောင်ကျော်ဇင်နှင့် ဦးဂျာမာလ် (ဘ) ဦးဆွေယာဒ် (အသက် ၃၅ နှစ်) တို့သည် မတ်လ (၉) ရက်နေ့ နေ့လည် ၂ နာရီ အချိန်တွင် အလယ်သံကျော်၊ ချိန်ခါလီရွာမှ မော်လ၀ီ ဟာဘီအုလ္လာ (ဘ) ဦးအူလာမျာ (အသက် ၃၂ နှစ်) ၏ နေအိမ်သို့ သွားရောက်၍ ၎င်း၏ ခြံဝင်းအတွင်း မုန်တိုင်းဒဏ်ကြောင့် လဲကျခဲ့သည့် အပင်များကို ခုတ်ထွင်းနေသည်ကို အကြောင်းပြု၍ ရဲအုပ် အောင်ကျော်ဇင်နှင့် ဦးဂျာမာလ်တို့က လက်သီးဖြင့် ထိုးကြိတ်ခြင်း၊ ခြေထောက်ဖြင့် ကန်ကျောက်ခြင်း များကို မိသားစုများ ရှေ့မှောက်တွင် ပြုလုပ်၍ ငွေကျပ် တစ်သိန်းခုနှစ်သောင်း ညှစ်ယူခဲ့ကြောင်း ဒေသခံများက RB News သို့ပြောသည်။ လူမဆန်စွာ ရိုက်နှက်မှုကြောင့် အရိုက်ခံရသူ မော်လ၀ီ ဟာဘီအုလ္လာ၏ ခန္ဓာကိုယ်တစ်ခုလုံး ယောင်ယမ်း၍ အိပ်ရာမှထမရနိုင် ဖြစ်နေသည်ဟု ဆိုသည်။ 

အလားတူ အခြားသော ရွာသား (၄) ဦးကလည်း ၎င်းတို့၏ ခြံဝင်းအတွင်း မုန်တိုင်းဒဏ်ကြောင့် ပြိုလဲသွားသည့် အပင်များကို ခုတ်ထွင်း၍ သစ်သားအချော ထုတ်နေသည်ကို ဓါတ်ပုံရိုက်ယူသွားကာ ပြန်သွားသဖြင့် ၎င်းတို့အား SB ရုံးသို့ ဆင့်ခေါ်၍ ငွေညှစ်မည်ကို စိုးရိမ်လျက် ရှိနေကြသည်။ 

အဆိုပါ ရွာသား (၄) ဦးမှာ -- 

(၁) ဦးဇူဘိုင်ရ် (ဘ) ဦးဂျာမာလ် (အသက် ၃၅ နှစ်)

(၂) ဦးကေဖာတူလ္လာ (ဘ) ဦးအူလာမျာ (အသက် ၃၀ နှစ်) 

(၃) ဦးအဒူဆူဗာန် (ဘ) ဦးအာဖော်လာ (အသက် ၄၅ နှစ်)

(၄) ဦးဟာဆောင်းအလီ (ဘ) ဦးမူဇဲရ် (အသက် ၄၀ နှစ်) -- တို့ဖြစ်သည်။ 

ရဲအုပ် အောင်ကျော်ဇင်သည်က ယခင်ကတည်းက ရိုဟင်ဂျာများကို မဟုတ်တရား ငွေညှစ်ခြင်း၊ နှိပ်စက်ခြင်းများ ဆက်လက် လုပ်ဆောင်နေခြင်းကို အထက် အရာရှိများက ယခုအချိန်ထိ အရေးယူခြင်း မရှိသည်မှာ ၎င်းတို့ ကိုယ်တိုင် ဝေစုရနေခြင်းကြောင့် ဖြစ်နိုင်သည်ဟု ကျေးရွာ လူကြီးတစ်ဦးက ဝေဖန် ပြောဆိုသည်။