မြန်မာ စစ်တပ် ၀င်ရောက်မှုကြောင့် မောင်တောရှိ လူစိမ်းများ တဖက်နိုင်ငံသို့ ထွက်ပြေး

RB News
1.5.2016

မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း ဇော်မတက် ကျေးရွာအုပ်စုရှိ ဒိုင်းနက် လူမျိုးအများစု နေထိုင်သည့် ကိုင်းကြီးရွာသည် ဇော်မတက် ကျေးရွာအုပ်စု၏ အရှေ့ဘက်တွင် တည်ရှိပြီး၊ တောင်တန်းများနှင့် နီးစပ်သော ရွာတစ်ရွာ ဖြစ်သည်။

ဧပြီလ (၂၇) ရက်နေ့ ည (၁၁) နာရီခန့် အချိန်တွင် လူစိမ်း (၁၅) ခန့် ပါဝင်သော အုပ်စုတစ်စုကို ယင်းရွာမှ ဦးခင်မောင်စန်း (အသက် ၄၅ နှစ်) က ဖိတ်ကြား၍ ထမင်းကျွေးခဲ့ကြောင်း ဒိုင်းနက် ရွာသား တစ်ဦးထံမှ သိရှိရသည်။

လွန်ခဲ့သည့် ဧပြီလ (၁၀) ရက်နေ့မှ စ၍ မောင်တော မြို့နယ် တောင်ပိုင်းရှိ န.တ.လ ရွာများသို့ ၀င်ရောက်၍ ပုန်းအောင်း နေကြသည့် လူစိမ်းများသည် ရွာများ အတွင်း မြန်မာ့ တပ်မတော်မှ စစ်သားများ ၀င်ထွက် သွားလာနေမှုကြောင့် ပုန်းအောင်း မနေနိုင်တော့ဘဲ ထွက်ပြေးလျက် ရှိကြောင်း ဒေသခံများက RB News သို့ပြောသည်။

န.တ.လ ရွာများရှိ လူစိမ်းများသည် ဧပြီလ (၂၆) ရက်နေ့ နေ့လည် (၂) နာရီ အချိန်တွင် ရွှေဇား ကျေးရွာအုပ်စု၊ အောင်ဗလ ရွာရှိ ကူးတို့ဆိပ်မှ တဆင့် ဘင်္ဂလားဒေ့ရှ် နိုင်ငံသို့ ထွက်ပြေးသွားကြောင်း မျက်မြင် သက်သေ တစ်ဦးက ပြောပါသည်။ အမှတ် (၁) ရပ်ကွက် ရွှေအပေါင်ဆိုင်မှ ဆိုင်ရှင် ဦးလှမြင့် (ဘ) ဦးနေမောင်ချေ (အသက် ၄၈ နှစ်) နှင့် အောင်ဗလ ကျောင်းတိုက် ဆရာတော်တို့က ကူးတို့ဆိပ်သို့ သွားရောက် ပို့ဆောင်ခဲ့သည်ဟု အဆိုပါ မျက်မြင်သက်သေက ပြောပါသည်။

အလားတူ မောင်တော မြို့နယ် မြောက်ပိုင်း ကံပြင် ကျေးရွာအုပ်စု၊ အောင်စိန် ကူးတို့ဆိပ်မှလည်း ထွက်ခွာသည်များ ရှိသည်ဟု ဒေသခံများက ပြောပါသည်။

တဖက်နိုင်ငံမှ ခိုးဝင်လာသည့် ဘင်္ဂလီ - ဗုဒ္ဓဘာသာဝင် လူစိမ်းများသည် ၎င်းတို့ လိုရာအရပ်သို့ ရောက်ရှိနိုင်ခဲ့ခြင်းမှာ စစ်ဆေးရေး ဂိတ်များတွင် နယ်ခြားစောင့်ရဲ များက ရိုဟင်ဂျာ မွတ်စလင် များကိုသာ ကားများပေါ်မှ ဆင်းခိုင်း၍ စစ်ဆေးပြီး ဗုဒ္ဓဘာသာဝင် များကို မည်သည့် အခါကမှ စစ်ဆေးခြင်း မရှိသောကြောင့် ယခုကဲ့သို့ လိုအပ်ရာ အရပ်သို့ သွားနိုင်ခြင်း ဖြစ်သည်။

နယ်စပ်ခြံစည်းရိုး တောက်လျှောက်တွင် လုံခြုံရေး ထူထပ်စွာ ချထားသော်လည်း ယခုကဲ့သို့ ခိုးဝင်နေခြင်းကို မသိဟန်ဆောင် နေခြင်းမှာ နယ်ခြားစောင့် ရဲတပ်ဖွဲ့တွင် ရခိုင်လူမျိုး အများအပြား ပါဝင်နေသောကြောင့် ၎င်းတို့၏ မျိုးနွယ်ဝင်များကို ကာကွယ် ပေးနေခြင်း ဖြစ်သည်ဟု ဒေသခံများက သုံးသပ် ပြောဆိုနေကြသည်။ ယခုကဲ့သို့ ဘင်္ဂလီ - ဗုဒ္ဓဘာသာဝင်များ တံခါးမရှိသကဲ့သို့ ၀င်ထွက် နေသောကြောင့် မောင်တော မြို့နယ်တွင်း တည်ငြိမ် အေးချမ်းမှု ပျက်ပြား လာမည်ကို ဒေသခံများက စိုးရိမ်လျက် ရှိနေကြသည်။

ဒေသခံ ရိုဟင်ဂျာ တစ်ဦးက “သူတို့တွေ ၀င်ချင်တိုင်းဝင် ထွက်ချင်တိုင်း ထွက်နေတယ်။ တစ်စုံတစ်ရာ ဖြစ်လာရင် ကျွန်တော်တို့ကို စွပ်စွဲမယ်၊ ဖမ်းဆီး ငွေညှစ်မယ်၊ မတရား ညှဉ်းပန်း နှိပ်စက်မယ်။ အဲဒါကြောင့် အတော်လေး စိုးရိမ်နေရတယ်” ဟုဆိုသည်။