နောက်ဆုံးသတင်း/ဆောင်းပါးများ

ရွာအုပ်ချုပ်ရေးမှူး ရွေးကောက်ပွဲ ရှုံးနိမ့်သည်ကို အကြောင်းပြု၍ ရွာသားများကို လုပ်ကြံ၍ ငွေညှစ်



Rohingya Eye
RB News
18.5.2016

မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း အလယ်သံကျော် ကညင်တန်း ကျေးရွာတွင် ယခင်က ကျင်းပခဲ့သည့် ကျေးရွာ အုပ်ချုပ်ရေးမှူး ရွေးကောက်ပွဲတွင် ကျေးရွာ အုပ်ချုပ်ရေးမှူးဟောင်း ဦးဆီရာဇူလ္လာ ရှုံးနိမ့်ခဲ့သောကြောင့် ၎င်းသည် ကျေးရွာသားများ အပေါ် မကျေမနပ်ဖြစ်ကာ နယ်မြေ (၇) နယ်ခြားစောင့် ရဲတပ်ဖွဲ့ တပ်ရင်းမှူး၏ ကိုယ်ရံတော် တပ်ကြပ် အဆင့်ရှိသူ တစ်ဦးနှင့် ပူးပေါင်း၍ ကညင်တန်း ရွာသားများကို အလယ်သံကျော် ဈေးသို့ ဈေးဝယ်ရန် သွားလာသည့် အခါ အမျိုးမျိုး ခေါင်းစဉ်တပ်ပြီး လုပ်ကြံ စွပ်စွဲကာ ငွေညှစ်လျက် ရှိနေကြောင်း ဒေသခံများက RB News သို့ပြောသည်။

မေလ (၁၆) ရက်နေ့ ည (၇) နာရီအချိန်တွင် ကညင်တန်းရွာမှ ဦးဆွေယာဒ်နူရ် (ဘ) ဦးနူရ်အာလောမ် (အသက် ၂၈ နှစ်) သည် အလယ်သံကျော် ဈေးသို့ ဈေးဝယ်ရန် သွားနေစဉ် လမ်းတစ်ဝက်တွင် နယ်ခြားစောင့် ရဲတပ်ဖွဲ့မှ တပ်ကြပ်ကို ဦးဆီရာဇူလ္လာက လုပ်ကြံ သတင်းပေးမှုကြောင့် တပ်ကြပ်က ဦးဆွေယာဒ်နူရ်၏ ခန္ဓာကိုယ် အနှံ့ ရှာဖွေပြီး၊ ရှာဖွေနေစဉ် စိတ်ကြွဆေးပြား နှစ်လုံးကို အင်္ကျီ အိတ်ထဲတွင် ထည့်ပေး၍ စိတ်ကြွဆေးပြားနှင့် ဖမ်းမိသည်ဟု လုပ်ကြံ စွပ်စွဲပြီး တစ်နေရာသို့ ဖမ်းဆီး ခေါ်ဆောင်သွားကာ ငွေကျပ် ၄ သိန်း ညှစ်ယူခဲ့သည်။ ၎င်းထံမှ ညှစ်ယူခဲ့သည့် ငွေကျပ် ၄ သိန်းကို တပ်ကြပ်က ၂ သိန်း၊ ဦးဆီရာဇူလ္လာက ၂ သိန်း ခွဲဝေယူခဲ့ကြောင်း သိရသည်။

အုပ်ချုပ်ရေးမှူးဟောင်း ဦးဆီရာဇူလ္လာ၏ မဟုတ်မမှန် လုပ်ကြံ သတင်းပေးမှုကြောင့် ကညင်တန်း ရွာသားများက ငွေညှစ်ခံရမည်ကို စိုးရိမ်၍ အလယ်သံကျော် ဈေးသို့ ဈေးဝယ်သွားရန် အခက်အခဲ ဖြစ်လျက် ရှိနေကြောင်း ဒေသခံများက ပြောပါသည်။ ဦးဆီရာဇူလ္လာကြောင့် ရွာထဲတွင် မလိုလားအပ်သည့် ပြဿနာများ ဖြစ်ပွားလာမည်ကို စိုးရိမ်နေရကြောင်း၊ အထက် လူကြီးများ အနေဖြင့် ဦးဆီရာဇူလ္လာအား စုံစမ်း စစ်ဆေးပြီး ထိရောက်စွာ အရေးယူပေးပါရန် ရွာသားများက တောင်းဆိုသည်ဟု ပြောပါသည်။

Comment ရေးရန်

Rohingya Exodus