နောက်ဆုံးသတင်း/ဆောင်းပါးများ

ဖုန်းထဲတွင် နိုင်ငံခြား နံပါတ် ရှိသည်ကို အကြောင်းပြု၍ ဖမ်းဆီး ငွေညှစ်



Rohingya Eye
RB News
9.5.2016

မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း၊ ကျောက်ပန္ဓူ ကျေးရွာအုပ်စု၊ စေတီရွာမှ ဦးဒိလ်ဒါရ်အုလ္လာ (ဘ) ဦးဆုလ်တာန် (အသက် ၂၇ နှစ်) သည် မေလ (၇) ရက်နေ့ နေ့လည် (၃) နာရီအချိန်တွင် အိမ်အပြင်ထွက်၍ လမ်းလျှောက် နေစဉ် အဆိုပါ ကျေးရွာအုပ်စု၊ ရခိုင်ရွာတွင် အခြေစိုက်သည့် နယ်ခြားစောင့် ရဲတပ်ဖွဲ့ ကင်းစခန်းမှ နယ်ခြားစောင့်ရဲ များက အရပ်သား ၀တ်စုံဖြင့် ကင်းလှည့်နေရာ၌ ၎င်းကို တွေ့ရှိပြီး ၎င်း၏ ဖုန်းကို စစ်ဆေးခဲ့သည်။

ဖုန်းမှာ MPT ဆင်းမ်ကဒ် ဖြစ်သော်လည်း ဖုန်းထဲတွင် ဘင်္ဂလားဒေ့ရှ် ဖုန်းနံပါတ် တစ်ခုတွေ့သဖြင့် ဘင်္ဂလား ဆင်းမ်ကဒ် သုံးနေသည်ဟု လုပ်ကြံ စွပ်စွဲကာ ဖမ်းဆီး၍ ကင်းစခန်းသို့ ခေါ်ဆောင် သွားခဲ့သည်။ ကင်းစခန်းတွင် ၎င်းအား လူမဆန်စွာ ရိုက်နှက် ညှဉ်းပန်းနှိပ်စက်မှုကြောင့် ကျောပြင်တွင် ဒဏ်ရာရရှိခဲ့သည်။ ညနေ (၅) နာရီ အချိန်တွင် ရဲများက ငွေကျပ် သုံးသိန်းငါးသောင်း ညှစ်ယူပြီး ပြန်လည် လွှတ်ပေးခဲ့ကြောင်း ဒေသခံ တစ်ဦးက RB News သို့ပြောပါသည်။

မြန်မာ့ ဆက်သွယ်ရေး လုပ်ငန်းမှ ထုတ်ပေးသည့် ဆင်းမ်ကဒ်ကို အသုံးပြုကာ တစ်မိနစ်လျှင် ငွေကျပ် ၂၀၀ နှုန်းဖြင့် နိုင်ငံပေါင်း (၁၆) နိုင်ငံ ခေါ်ဆိုနိုင်သည်။ မြန်မာ့ ဆက်သွယ်ရေး ၀န်ကြီးဌာနမှ တရားဝင် ခွင့်ပြုထားခြင်း ဖြစ်သည်။ ထိုကဲ့သို့ တရားဝင် ခွင့်ပြုထားသည့် ဆင်းမ်ကဒ်ကို အသုံးပြု၍ ဘင်္ဂလားဒေ့ရှ် နိုင်ငံသို့ ဖုန်းခေါ်ဆို ဆက်သွယ် ပြောဆိုသည်ကို နယ်ခြားစောင့်ရဲ များက ဖမ်းဆီး ငွေညှစ်နေခြင်းသည် မြန်မာ့ ဆက်သွယ်ရေး ၀န်ကြီးဌာန၏ တရားဝင် ခွင့်ပြုချက် အမိန့်ကို နယ်ခြားစောင့်ရဲ များက ဖီဆန်နေခြင်း ဖြစ်သဖြင့် အထက် အာဏာပိုင်များက ထိရောက်စွာ အရေးယူ ပေးပါရန် ဒေသခံများက တောင်းဆိုနေကြသည်။

Comment ရေးရန်

Rohingya Exodus