အစိုးရသစ် လက်ထက်တွင် ရခိုင်အစွန်းရောက် များ၏ အောင်မင်္ဂလာ ရပ်ကွက် အပေါ် လုပ်ကြံ ဖန်တီးမှု
13.5.2016
စစ်တွေ ။ ။ ရခိုင်ပြည်နယ်၊ စစ်တွေမြို့နယ် မြို့လယ်ခေါင်၌ တစ်ခုတည်းသော ရိုဟင်ဂျာ မွတ်စလင်များ နေထိုင်သည့် အောင်မင်္ဂလာ ရပ်ကွက်၌ ၂၀၁၂ ခုနှစ် ပဋိပက္ခ ဖြစ်စဉ်က လူဦးရေ တစ်သောင်းကျော် ရှိခဲံသည်။ ပဋိပက္ခ ဖြစ်နေစဉ် အချိန်မှစ၍ ယခုအချိန်ထိ အောင်မင်္ဂလာ ရပ်ကွက်ကို လေးဖက်လုံးမှ ရဲလုံထိန်းများနှင့် စစ်တပ်များက ၀န်းရံထားပြီး၊ ရပ်ကွက် အတွင်းရှိ ရိုဟင်ဂျာ မွတ်စလင်များ အ၀င်အထွက်၊ အသွားအလာ၊ စားဝတ်နေရေး၊ ကျန်းမာရေး၊ ပညာရေး အစစအရာရာတွင် အခက်အခဲ ပေါင်းစုံ ရင်ဆိုင်နေရသည်။ ထိုကဲ့သို့ အခက်အခဲ ပေါင်းများစွာနှင့် ရင်ဆိုင်ရသဖြင့် ဒေသခံ ၅၀၀၀ ကျော်ခန့် ဒုက္ခသည် စခန်းရှိရာသို့ လူသားချင်း စာနာကူညီ ထောက်ပံ့မှု တစ်စုံတစ်ရာ ရမည်ဟု မျှော်လင့်၍ ရွှေ့ပြောင်း သွားခဲ့ကြသည်။
ယခုလက်ရှိ အစိုးရ အဖွဲ့၏ မှတ်တမ်း စာရင်းအရ အောင်မင်္ဂလာ ရပ်ကွက်၌ စုစုပေါင်း အိမ်ထောင်စု ၉၆၅ စု၊ လူဦးရေ အားဖြင့် ၄၃၅၀ ဦး ရှိသည်။ မေလ (၉) ရက်နေ့ နေ့လည် ၃း၃၀ နာရီ အချိန်တွင် စစ်တွေမြို့ရှိ “အတုလမာရဇိန် ဘုရားကြီး” ရင်ပြင်၌ နိုင်ငံတော် သံဃာ နာယက အဖွဲ့ဝင် “ဘဒ္ဒန္တသောမ” (မဏိရတနာကျောင်း ဆရာတော်)၊ ထေရ်ကြီးဝါကြီး ဆရာတော်များ၊ စည်း/ထိန်း ဆရာတော်များနှင့် ရခိုင်အစွန်းရောက် ၁၀၀၀ ကျော်ခန့် စုဝေးပြီး အောင်မင်္ဂလာ ရပ်ကွက်၌ ၂၀၁၂ ခုနှစ်တွင် လူဦးရေ ၄၃၀၀ ဦးသာ ရှိခဲ့ပြီး၊ ယခုအခါ လူဦးရေ ၂၀၀၀၀ နီးပါး ရှိလာပြီဟူ၍ မဟုတ်မမှန် လုပ်ကြံ ဖန်တီး၍ အစည်းအဝေး ပြုလုပ်ပြီး သက်ဆိုင်ရာ အာဏာပိုင် များကို တိုင်ကြားခဲ့သည်။
ထို့နောက် မေလ (၁၂) ရက်နေ့ နံနက် ၈ နာရီ အချိန်တွင် ရခိုင်ပြည်နယ် အစိုးရအဖွဲ့က အောင်မင်္ဂလာ ရပ်ကွက်မှ ရပ်မိရပ်ဖ (၁၀) ဦးကို ပြည်နယ် အစိုးရရုံးသို့ ခေါ်ဆောင်ပြီး ရခိုင်လူထု အချို့နှင့် တွေ့ဆုံစေကာ အပြန်အလှန် ဆွေးနွေးမှု တစ်ရပ် ပြုလုပ်ခဲ့သည်။ အဆိုပါ ဆွေးနွေးပွဲတွင် ရခိုင်လူထုက အောင်မင်္ဂလာ ရပ်ကွက်တွင် ပြင်ပမှ လူဦးရေ ၂၀၀၀၀ ခိုးသွင်းထားကြောင်း၊ ထို့ကြောင့် ရခိုင်လူထု အနေဖြင့် အဆိုပါ ကိစ္စကို သံသယ ဖြစ်နေကြောင်း ပြောဆိုခဲ့သည်။ ရိုဟင်ဂျာ ရပ်မိရပ်ဖ များက အောင်မင်္ဂလာ ရပ်ကွက်ကို ရဲလုံထိန်းများနှင့် စစ်တပ်က ၀ိုင်းရံ ထားကြောင်း၊ ရပ်ကွက်သူ/သားများ အ၀င်အထွက်ကို ရဲလုံထိန်းများထံ အကြောင်းကြား ရကြောင်း၊ ဒုက္ခ အခက်အခဲ ပေါင်းစုံ ရင်ဆိုင်နေရသောကြောင့် ရပ်ကွက်တွင်းမှ ဒုက္ခသည် စခန်းသို့ ရွှေ့ပြောင်း သွားသည်မှာ များပြားကြောင်း၊ လူဦးရေ ၂၀၀၀၀ ခိုးသွင်းသည် ဆိုသည်မှာ အခြေအမြစ် မရှိသည့် စကားသာ ဖြစ်ကြောင်း ပြန်လည် ပြောဆိုခဲ့သည်။
ရခိုင်လူထုက တစ်ဖန် ရဲလုံထိန်းများကို လာဘ်ထိုး၍ အဆိုပါ လူ ၂၀၀၀၀ ကိုခိုးသွင်းထားကြောင်း၊ ထို့ကြောင့် အောင်မင်္ဂလာ ရပ်ကွက်သို့ ကွင်းဆင်း၍ စစ်ဆေးလိုကြောင်း ပြောဆိုခဲ့သည်။ ထို့နောက် ယင်းနေ့ နံနက် (၉) နာရီ အချိန်တွင် အောင်မင်္ဂလာ ရပ်ကွက်မှ ရပ်မိရပ်ဖ များကို အစိုးရအဖွဲ့မှ ရပ်ကွက်သို့ ပြန်လည် ပို့ဆောင် ပေးခဲ့သည်။ တစ်ဖန် ယင်းနေ့ နေ့လည် ၂ နာရီ အချိန်တွင် စစ်တွေမြို့နယ် လ.၀.က ဦးစီးမှူး ရုံးသို့ ခေါ်ဆောင်၍ အောင်မင်္ဂလာ ရပ်ကွက်တွင် ပြင်ပမှ လူ ၂၀၀၀၀ ခိုးသွင်းထားသည်ဟု ရခိုင်များ တိုင်ကြားထားသည်နှင့် စပ်လျဉ်း၍ ရခိုင်များ၏ သံသယ ကင်းရှင်းစေရန် လ.၀.က အဖွဲ့၊ ရဲလုံထိန်းအဖွဲ့နှင့် ရခိုင်လူထုမှ ပုဂ္ဂိုလ်အချို့ တို့သည် မေလ (၂၁) ရက်နေ့နှင့် (၂၂) ရက်နေ့ နှစ်ရက်ဆက်တိုက် အောင်မင်္ဂလာ ရပ်ကွက်သို့ ကွင်းဆင်း၍ တစ်အိမ်ဝင် တစ်အိမ်ထွက် လူဦးရေ စစ်ဆေးမည် ဖြစ်ကြောင်း သတိပေး ပြောဆိုပြီး ပြန်လွှတ်ခဲ့ကြောင်း အောင်မင်္ဂလာ ရပ်ကွက်မှ ရပ်မိရပ်ဖ တစ်ဦးက ပြောပါသည်။
