သာမာန် အရပ်သား တစ်ဦးက နယ်ခြားစောင့်ရဲနှင့် ပူးပေါင်း၍ ဒေသခံများကို ရိုက်နှက် ငွေညှစ်
MYARF
RB News
9.6.2016
တောင်ပြိုလက်ဝဲ ။ ။ ရခိုင်ပြည်နယ်၊ မောင်တော ခရိုင်၊ တောင်ပြိုလက်ဝဲ မြို့နယ်ခွဲ အပိုင် ကွမ်းသီးပင် ကျေးရွာအုပ်စု နံသာတောင်ရွာရှိ နယ်ခြားစောင့် ရဲတပ်ဖွဲ့ ကင်းစခန်း၏ သတင်းပေး မောမ်တာဇုလ်ဟောက် (ဘ) ဦးဘော်ရ်ှအာမောတ်သည် ရိုဟင်ဂျာတစ်ဦး၏ အိမ်သို့ စီးဝင်၍ မိသားစုဝင်များကို ထိုးကြိတ် ရိုက်နှက်သည့် အပြင် အိမ်ပစ္စည်းများ ဖျက်ဆီးပြီး ငွေကျပ် နှစ်သိန်းငါးသောင်း ညှစ်ယူခဲ့ကြောင်း သတင်း ရရှိပါသည်။
ကွမ်းသီးပင် ကျေးရွာအုပ်စု၊ နံသာတောင် ရခိုင်ရွာ အခြေစိုက် နယ်ခြားစောင့် ရဲတပ်ဖွဲ့ ကင်းစခန်း၏ သတင်းပေး မောမ်တာဇုလ်ဟောက်သည် ဇွန်လ (၅) ရက်နေ့တွင် ဦးအီဆုဖ် (ဘ) ဦးမိုဟာမတ်ဟူစိန်း (အသက် ၆၀ နှစ်) ၏ နေအိမ်သို့ နယ်ခြားစောင့် ရဲတပ်ဖွဲ့ဝင်များနှင့် အတူ သွားရောက်၍ အိမ်တံခါးများကို ချိုးဖောက် ၀င်ရောက်၍ မိသားစုဝင် များကို လူမဆန်စွာ ရိုက်နှက်ခဲ့သည်။ ထို့အပြင် ဦးအီဆုဖ်ကို နေအိမ်တွင် ဧည့်စာရင်း တိုင်ကြားခြင်း မရှိဘဲ ဧည့်သည်များ တည်းခိုနေထိုင်ခွင့် ပြုသည်ဟု လုပ်ကြံ စွပ်စွဲ၍ ငွေကျပ် နှစ်သိန်းငါးသောင်း ညှစ်ယူခဲ့ကြောင်း ဒေသခံများက RB News သို့ပြောသည်။
အလားတူ ဇွန်လ (၃) ရက်နေ့တွင် မောမ်တာဇုလ်ဟောက်သည် နယ်ခြားစောင့်ရဲ များနှင့်အတူ ဦးဇော်မိရ်ဟူစိန်း (ဘ) ဦးအတာရုဇမာန် (အသက် ၆၀ နှစ်) ၏ နေအိမ်သို့ သွားရောက်ကာ ကင်းစောင့်နေစဉ် အိပ်စက်ခဲ့သည်ဟု လုပ်ကြံ စွပ်စွဲ၍ ငွေညှစ်ခဲ့သည်။
မောမ်တာဇုလ်ဟောက်သည် လွန်ခဲ့သည့် မေလ (၂၄) ရက်နေ့မှ စ၍ နံသာတောင် အရှေ့ရွာရှိ နေအိမ်များမှ နှစ်ထောင်ကျပ်တန် ၀ါးနက်များနှင့် ဓနိရွက်များ အတင်းအဓမ္မ ကောက်ခံခဲ့ကြောင်း၊ ယိုယွင်း ပျက်စီးနေသည့် နေအိမ်များသို့ သွားရောက်၍ “မင်းတို့ နေအိမ်တွေ ပြုပြင်မယ်ဆိုရင် ငါ့ကို ငွေကျပ် ၃ သိန်း ပေးရမယ်၊ မပေးရင် အိမ်တွေ ဘယ်တော့မှ ပြင်လို့ရမှာ မဟုတ်ဘူး” ဟု ခြိမ်းခြောက်၍ မရှိဆင်းရဲသားများထံမှ ငွေအမြောက်အမြား ညှစ်ယူခဲ့ကြောင်း ဒေသခံများက ပြောပါသည်။
၎င်းသည် နယ်ခြားစောင့်ရဲ များနှင့် ပူးပေါင်း၍ ဒေသခံ ရိုဟင်ဂျာများကို နှိပ်စက်ခြင်း၊ စော်ကားခြင်း၊ အမျိုးမျိုး ခြိမ်းခြောက်၍ ငွေညှစ်ခြင်း၊ ရိုဟင်ဂျာများ ကင်းစောင့်ပေးနေစဉ် အိပ်စက်ခဲ့သည်ဟု လုပ်ကြံ စွပ်စွဲ၍ ရိုက်နှက် ငွေညှစ်ခြင်း များကို နေ့စဉ် ရက်ဆက် ပြုလုပ်နေသည်ဟု ဒေသခံများက ဆိုသည်။ ယခုကဲ့သို့ ပြုမှုနေသည်များကို တောင်ပြိုလက်ဝဲ အခြေစိုက် စစ်ဗျူဟာမှူး၊ နယ်ခြားစောင့် ရဲတပ်ဖွဲ့ တပ်ရင်းမှူး တို့အနေဖြင့် မိမိတို့၏ နယ်မြေအတွင်း ဆူပူ သောင်းကျန်းနေသည့် သာမာန် အရပ်သား တစ်ဦးအား ထိရောက်စွာ အရေးယူ ဆောင်ရွက် ပေးပါရန် ပန်ကြားလိုသည်ဟု ဒေသခံများက ပြောပါသည်။
