နောက်ဆုံးသတင်း/ဆောင်းပါးများ

လုပ်ကြံစွပ်စွဲ ဖမ်းဆီးခံထားရသူ ဦးရှဥ့်ကျ ရွာသား (၃) ဦးကို ပြန်လွှတ်ပေးရန် သိန်း ၁၀၀ တောင်းခံနေ

Rohingya Eye

RB News
18.9.2016

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း၊ ငါးခူရ ကျေးရွာ အခြေစိုက် နယ်မြေ (၅) နယ်ခြားစောင့် ရဲတပ်ဖွဲ့မှ နယ်ခြားစောင့်ရဲ များသည် စက်တင်ဘာလ (၁၂) ရက်နေ့တွင် ဦးရှဥ့်ကျရွာမှ ဒေသခံရိုဟင်ဂျာ ရွာသား (၈)ဦးကို ပြင်ပလောကတွင် မရှိသည့် RSO အဖွဲ့နှင့် ဆက်သွယ်ကာ လက်နက်များ သိုဝှက် ထားသည်ဟု လုပ်ကြံစွပ်စွဲ၍ ဖမ်းဆီးပြီး ညှဉ်းပန်းနှိပ်စက်လျက်ရှိရာ ဖမ်းဆီးထားသူများထံမှ (၃) ဦးအတွက် စက်တင်ဘာလ (၁၆) ရက်နေ့က မောင်တော မြို့နယ် တရားရုံးမှ ရမန်ယူခဲ့သည်။ 

ရမန်ယူပြီးနောက် နယ်မြေ (၅) နယ်ခြားစောင့် ရဲတပ်ဖွဲ့ စခန်းတွင် ဆက်လက် ချုပ်နှောင်ထားကြောင်း ဒေသခံများက RB News သို့ပြောပါသည်။ 

တရားရုံးတွင် ရမန် ယူရန် အတွက် ဖမ်းဆီးခံထားရသူ (၃) ဦးကို ခေါ်ဆောင်လာစဉ် မော်လ၀ီ အာယုဖ် (ဘ) ဦးကာမာလ် (အသက် ၂၇ နှစ်) ၏ လက်သည်း၊ ခြေသည်းများ မရှိတော့သည်ကို တွေ့ရကြောင်း၊ ထို့အပြင် မုတ်ဆိတ်များကိုလည်း မီးရှို့ထားသည်ကို တွေ့ရသည်ဟု မျက်မြင်သက်သေ တစ်ဦးက ပြောပါသည်။ (၃) ဦးစလုံးကို မတရားအသင်းအဖွဲ့နှင့် ဆက်သွယ်မှု ပုဒ်မ (၁၇/၁) ဖြင့် ရမန်ယူထားကြောင်း သိရသည်။ ၎င်းတို့ (၃) ဦးမှာ --

(၁) မော်လ၀ီအာယုဖ် (ဘ) ဦးကာမာလ် (အသက် ၂၇ နှစ်)
(၂) အာရော်ဖ် (ဘ) ဦးနူအာလာမ် (အသက် ၂၁ နှစ်)
(၃) ခိုက်ဆဲရ် (ဘ) ဦးမိုဟာမတ်အလီ (အသက် ၂၈ နှစ်) - တို့ဖြစ်သည်။ 

၎င်းတို့နှင့် အတူ ဖမ်းဆီးထားသည့် အခြား (၅) ဦးကို စက်တင်ဘာလ (၁၆) ရက်နေ့ နံနက် ၉  နာရီခွဲ အချိန်တွင် ပြန်လည် လွှတ်ပေးခဲ့သည်။ လွှတ်ပေးလိုက်သူများ ဖြစ်ကြသည့် အပ်ချုပ်သမား ဦးဖော်ရီဇူလ္လာ (ဘ) ဦးမိုဟာမတ်ဆော်ယောဒ် (အသက် ၃၉  နှစ်) ထံမှ ငွေကျပ် (၁၀) သိန်းကို နယ်မြေ (၅) တာဝန်ခံ ဒုရဲအုပ်က လည်းကောင်း၊ ကျန် (၄) ဦးအတွက် နယ်မြေ (၅) ရဲမှူးမှ တဆင့် ကွပ်ကဲရေးမှူး အားလည်းကောင်း ပေးခဲ့ရကြောင်း ဒေသခံများက RB News သို့ပြောသည်။ 

ထို့အပြင် ၎င်းတို့ (၅) ဦးလုံးထံမှ လွှတ်ပေးရာတွင် ငွေညှစ်ခံရခြင်း မရှိကြောင်း၊ ပြင်ပဆေးခန်းတွင် ဆေးကုသမှု ပြုလုပ်မည် မဟုတ်ကြောင်း အတင်းအဓမ္မ ခံဝန်ချက် ယူခဲ့သည်ဟု ဒေသခံများက ပြောပါသည်။ ၎င်းတို့သည် ညှဉ်းပန်းနှိပ်စက်ခံရမှုများကြောင့် ယခုအချိန်ထိ အိပ်ရာတွင်လှဲနေရပြီး၊ စကားပင် ကောင်းမွန်စွာ ပြောဆိုနိုင်ခြင်း မရှိသေးဟု ဒေသခံများက ဆိုသည်။ 

ရမန်ယူ၍ ဆက်လက် ချုပ်နှောင်ထားသူ (၃) ဦးကို ပြန်လည် လွှတ်ပေးရန် အတွက် ငွေကျပ် သိန်း ၁၀၀ တောင်းခံလျက် ရှိကြောင်း သိရသည်။ 

ယနေ့ စက်တင်ဘာလ (၁၈) ရက်နေ့ နံနက် (၈) နာရီ အချိန်တွင် ဦးရှဥ့်ကျ ရွာသား (၄) ဦးကို နယ်မြေ (၅) နယ်ခြားစောင့် ရဲတပ်ဖွဲ့ စခန်းတွင် ကိုယ်တိုင် လာရောက် အစစ်ဆေးခံရန် ဆင့်ခေါ်စာ ပို့ခဲ့သည်။ အဆိုပါစာတွင် ကိုယ်တိုင် လာရောက် စစ်ဆေးမခံလျှင် BD  ပြေးအဖြစ် ကြေညာမည်ဟု ခြိမ်းခြောက် ရေးသားထားကြောင်း ရွာသားများက ပြောပါသည်။ 

"ရွာထဲမှာ မောင်မောင်စိုး ဆိုတဲ့လူက နယ်မြေရုံး အတွက် အလုပ်လုပ်တယ်။ နယ်မြေရုံးကို ငွေရှာပေးဖို့ အတွက် မဟုတ်မမှန် သတင်းတွေ အစီရင်ခံရတယ်။ အဲဒီတော့ မောင်မောင်စိုး ကြောင့် ကျွန်တော်တို့ ရွာသားတွေ ဒုက္ခရောက်ရတဲ့ အပိုင်းတွေလည်း ရှိနေတယ်။ အဲဒါကြောင့် အထက် အာဏာပိုင်တွေ အနေနဲ့ မောင်မောင်စိုး ကိုလည်း ပြင်းပြင်းထန်ထန် အရေးယူ ဟန့်တား ပေးဖို့ လိုတယ်" ဟု ဒေသခံလူကြီး တစ်ဦးက ပြောပါသည်။ 




Comment ရေးရန်

Rohingya Exodus