ဘူးသီးတောင် ကွန်ဒိုင်ရွာသား (၇) ဦးကို စစ်သားများက ဖမ်းဆီး၍ ငွေညှစ်
RB News
22.10.2016
ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် ဆိပ်ကမ်းရှိ ဆိုင်တန်းမှ ဆိုင်များပိတ်၍ ရွာသို့ ပြန်ရန် စက်လှေ စောင့်နေသည့် ကွန်ဒိုင် ရွာသား (၇) ဦးကို စစ်သားများက ဖမ်းဆီး၍ ငွေညှစ်ခဲ့ကြောင်း သတင်း ရရှိပါသည်။
ဘူးသီးတောင်မြို့နယ် ဆိပ်ကမ်းရှိ ဆိုင်တန်းများတွင် ဈေးရောင်း၍ အသက်မွေးဝမ်းကျောင်း ပြုနေသည့် ကွန်ဒိုင်ကျေးရွာအုပ်စုမှ ရွာသား (၇) ဦးသည် ယနေ့ အောက်တိုဘာလ (၂၂) ရက်နေ့ ည (၆) နာရီအချိန်တွင် နေရပ်သို့ ပြန်ရန် စက်လှေစောင့်နေစဉ် စစ်သားများက ပုဒ်မ ၁၄၄ ကို ဖောက်ဖျက်၍ လူ (၅) ဦးထက် ပိုစုသည်ဟု ဆိုကာ ဖမ်းဆီးခဲ့သည်။ ၎င်းတို့ကို ည ၈း၃၀ နာရီ အချိန်တွင် ပြန်လည် လွှတ်ပေးခဲ့ပြီး ငွေကျပ် ၁၀ သိန်း ညှစ်ယူခဲ့ကြောင်း ဒေသခံတစ်ဦးက RB News သို့ပြောသည်။
ဖမ်းဆီးခံရပြီး ငွေညှစ်ခံရသူများမှာ --
(၁) ဦးဟူစိန်း (ဘ) ဟာဂျီဦးဂိုနီမျာ
(၂) ဦးဟာဆန် (ဘ) ဟာဂျီဦးဂိုနီမျာ
(၃) ဦးအာမီရ် (ဘ) ဦးမိုဟာမတ်ဒူလ်ဟောက်
(၄) ဦးဟာဖီးဇ် (ဘ) မော်လ၀ီဦးရီယာဇူလ်ဟောက်
(၅) ဦးဟိုက်ရုလ်အာမီးန် (ဘ) ဟာဂျီဦးဟာဘီဘုလ္လာ
(၆) ဦးအဏ္ဏ၀ါ (ဘ) ဦးအာဘူလ်ကာဆိမ်း
(၇) ဦးအဗ်ဒူလ္လာ -- တို့ဖြစ်သည်။
ယနေ့ နေ့လည်ပိုင်း စစ်တပ်၊ နယ်ခြားစောင့်ရဲတပ်ဖွဲ့၊ လ.၀.က များ (၄၅) ဦးခန့် ပါဝင်သည့် အဖွဲ့တစ်ဖွဲသည့် ကွန်ဒိုင်ကျေးရွာ အုပ်စုသို့ ၀င်ရောက်၍ နေအိမ် ၅၀ ခန့်မှ မိသားစုဝင်များကို စစ်ဆေးပြီး၊ မိုဘိုင်းဖုန်းများကိုပါ စစ်ဆေးခဲ့သည်။
“အိမ်ထဲမှာ ရှိတဲ့လူတွေကို အိမ်ပြင်ထုတ်တယ်။ ပြီးတော့ အိမ်ထောင်စု စာရင်းနဲ့ လူဦးရေ စစ်တယ်။ ပြီးတော့ အဓိက လူငယ်တွေကို ပစ်မှတ်ထားပြီး စစ်ဆေးတယ်။ လူငယ်တွေနဲ့ အမျိုးသားတွေရဲ့ ဒူးတွေမှာ အမာရွတ်ရှိလား ဆိုတာကို သေချာစစ်တယ်။ အဓိက စစ်သင်တန်း တက်ထားခြင်း ရှိ မရှိ စစ်ဆေးတာပါ။” ဟု ဒေသခံတစ်ဦးက ပြောသည်။
ရွာအတွင်း စစ်ဆေးမှုတွင် ဌာနပေါင်းစုံ အတူရှိနေသဖြင့် ရိုက်နှက် ညှဉ်းပန်း နှိပ်စက်ခြင်း မရှိခဲ့ဟု ဆိုသည်။
