အဖိုးနဲ့အဖေတို့ ဒေါ်စုကို အားကိုး ယုံကြည်ခဲ့သလို ကျနော်လည်း အားကိုး ယုံကြည်ချင်ပေမယ့်လည်း
Arif Kassim
RB News
13.12.2016
ကျနော့်ရဲ့ အဖိုး အသက် (၈၀) ကျော် အရွယ်မှာ ကွန်လွန်သွားပါတယ်။ ၈၈ အရေးအခင်း နောက်ပိုင်းမှာ မြန်မာ့ နိုင်ငံရေး အခြေအနေ ပြောင်းလဲလာတာနဲ့ အမျှ နိုင်ငံရေးပါတီများစွာလည်း ပေါ်ထွက်လာခဲ့ပါတယ်။ အဲဒီတုန်းက မောင်တောမြို့ပေါ်မှာရှိတဲ့ အသက်ကြီးပိုင်း လူကြီးများနဲ့ စာတတ်ပေတတ်၊ လုပ်ငန်းရှင် လူကြီးများကို နိုင်ငံရေးပါတီ ထူထောင်ထားသူတွေက နေ့စဉ်နဲ့ အမျှ ထိတွေ့ဆက်ဆံကြတယ်။ ကျနော့် အဖိုးကတော့ အင်္ဂလိပ် ကိုလိုနီခေတ်ကတည်းက ဘုံဘေ၊ ကာရာချီနဲ့ ကလကတ္တား စတဲ့ မြို့ကြီးတွေက စာပေများစွာကို တတ်ကျွမ်းပြီး တစ်ဖက်က လုပ်ငန်း အသွယ်သွယ် လုပ်ကိုင်ခဲ့တဲ့ မြို့ပေါ်က မျက်နှာဖုံး လုပ်ငန်းရှင် တစ်ဦး ဖြစ်ပါတယ်။
အမျိုးသား ဒီမိုကရေစီအဖွဲ့ချုပ်ကို ဦးဆောင်တဲ့ ဒေါ်အောင်ဆန်းစုကြည်ကို ခြွင်းချက်မရှိ အများနဲ့ မတူအောင် ယုံကြည်ထောက်ခံသူ တစ်ဦးလည်း ဖြစ်ပါတယ်။ အဲဒီရက်တွေတုန်းက အလယ်တန်းကျောင်းသား ဖြစ်တဲ့ ကျနော်က အဖိုးရဲ့ လက်ကိုင်တုတ်အဖြစ် အချိန်ပြည့် အတူနေပေးရပါတယ်။ အဖိုးရဲ့ သားဖြစ်တဲ့ ကျနော့် အဖေဆိုလည်း ဖအေတူသား ပီပီ အမျိုးသား ဒီမိုကရေစီအဖွဲ့ချုပ်ကို အားပေး ထောက်ခံသူ ဖြစ်ပါတယ်။ အိမ်မှာ အဖိုးရဲ့ နိုင်ငံရေး စကားဝိုင်းများ၊ မောင်တောမြို့ လမ်းမကြီးပေါ်မှာရှိတဲ့ လုံးချင်းတိုက် နှစ်ခန်းတွဲ ဆိုင်ရှေ့မှောက်မှာလည်း အချိန်ပြည့် နိုင်ငံရေး စကားဝိုင်းများနဲ့  စည်စည်ကားကားရှိခဲ့ပါတယ်။
ဒေါ်အောင်ဆန်းစုကြည်ကို ထောက်ခံရတဲ့ ရည်ရွယ်ချက် များစွာထဲက အဓိက အချက်တစ်ချက်ကတော့ - ပါတီစုံ ဒီမိုကရေစီ ခေတ်မှာ ရခဲ့တဲ့ နိုင်ငံသား အခွင့်အရေးများကို ဒေါ်အောင်ဆန်းစုကြည် ဦးဆောင်တဲ့အမျိုးသား ဒီမိုကရေစီ အဖွဲ့ချုပ် လက်ထက်မှာ ပြန်လည် ခံစားနိုင်လိမ့်ဆိုတဲ့ ရည်ရွယ်ချက်နဲ့ပဲ ဖြစ်ပါတယ်။ (ဒီကနေ့ လက်ရှိချိန်မှာတော့ မဆလ ခေတ်က ဆုံးရှုံးသွားတဲ့ နိုင်ငံသား အခွင့်အရေးထက် အဆပေါင်း မြောက်များစွာ ဆုတ်ယုတ်ပြီး လူမျိုးရေး သုတ်သင်မှုအထိ ဖြစ်လာပါတယ်)
ရွေးကောက်ပွဲ အနိုင်ရ အမျိုးသား ဒီမိုကရေစီ အဖွဲ့ချုပ်နဲ့ ပါတီခေါင်းဆောင်တွေကို ဖမ်းဆီးပြီး၊ ဒေါ်အောင်ဆန်းစုကြည်ကို အိမ်မှာ အကျယ်ချုပ်ချထားခဲ့တာကို အားလုံး အသိဘဲ ဖြစ်ပါတယ်။ (စာရှည်မှာမို့ လိုရင်းကိုဘဲ ရေးရပါမယ်)
ဒီကနေ့ တစ်ချို့တွေက ပြောပါတယ်။ ဒေါ်အောင်ဆန်းစုကြည်ကို မွတ်စလင်တွေ တိုက်ခိုက်နေတယ်၊ အထူးသဖြင့် ရခိုင်ပြည်နယ်က ရိုဟင်ဂျာ လူမျိုးတွေက နိုင်ငံတကာ (မွတ်စလင် နိုင်ငံများ) အားကိုးနဲ့ ဒေါ်အောင်ဆန်းစုကြည်ရဲ့ နိုင်ငံရေး အကြပ်အတည်းကို သိသိနဲ့ တမင်နှိပ်ကွပ် နေကြတယ်လို့ ဆိုပါတယ်။ ဖိအားပေးဖို့ နိုင်ငံတကာကို ထောင်းဆိုကြတယ်လို့ ဆိုပါတယ်။ ဒေါ်အောင်ဆန်းစုကြည်ကို နာမည်ပျက်၊ အသရေပျက်အောင် လုပ်နေတယ်လို့ စွပ်စွဲကြပါတယ်။ နိုင်ငံတော် သစ္စာဖောက် ဆိုပြီးတောင် စွပ်စွဲ ပြောဆိုလာတာ တွေ့ရပါတယ်။
ဒီနေရာမှာ ကျနော် ပြောချင်တာက - ဒေါ်အောင်ဆန်းစုကြည်ကို ကျနော့် အဖိုး၊ အဖေတွေ အသက်ရှင်စဉ်ကတည်း ယုံကြည်အားကိုး ထောက်ခံလာခဲ့တာကို ပြောလိုပါတယ်။ မြန်မာ့နိုင်ငံရေးကို ဒေါ်အောင်ဆန်းစုကြည်ရဲ့ ဦးစီးဦးဆောင်မှု အောက်မှာဘဲ လိုလိုလားလားနဲ့ ရှိစေချင်ခဲ့တာကို သိစေလိုပါတယ်။ ၀န်ကြီးချုပ် ဦးနု ဦးဆောင်ခဲ့တဲ့ပါတီစုံ ဒီမိုကရေစီ ခေတ်မှာ ကျနော့် အဖိုးအဖွားတွေ ရရှိခဲ့တဲ့ နိုင်ငံသား၊ တိုင်းရင်းသား အခွင့်အရေး တွေကို မဆလ ခေတ်မှာ ဆုံးရှုံးလိုက်တာထက် အဆပေါင်း မြောက်မြားစွာ ဆုံးရှုံးနေတာကို ဒေါ်အောင်ဆန်းစုကြည်က အကောင်အထည်ဖော်ပေးဖို့ တောင်းဆိုတာဘဲ ဖြစ်ပါတယ်။
ယခင် အစိုးရ အဆက်ဆက် လက်ထက်မှာ ရိုဟင်ဂျာ လူမျိုးတွေကို ကွက်ပြီး နှိပ်စက်ခဲ့တဲ့ထဲက တစိတ်တဒေသကို ချရေးပြပါမယ်။ ရိုဟင်ဂျာ လူမျိုးကို -
လွတ်လပ်စွာ သွားလာနိုင်ခွင့် ပိတ်ပင်ထားတယ်။
လွတ်လပ်စွာ ကျန်းမာရေး စောင့်ရှောက်ခွင့်ကို ပိတ်ပင်ထားတယ်။
လွတ်လပ်စွာ ပညာသင်ယူနိုင်ခွင့် ပိတ်ပင်ထားတယ်။
လွတ်လပ်စွာ အစိုးရ အမှုထမ်းခွင့်ကို ပိတ်ပင်ထားတယ်။
လွတ်လပ်စွာ အိမ်ထောင်ပြုခွင့်ကို ပိတ်ပင်ထားတယ်။
လွတ်လပ်စွာ စိုက်ပျိုး မွေးမြူခွင့် ပိတ်ပင်ထားတယ်။
လွတ်လပ်စွာ ကူးသန်းရောင်းဝယ်ခွင့် ပိတ်ပင်ထားတယ်။
လွတ်လပ်စွာ အဆောက်အအုံ ဆောက်လုပ်ခွင့် ပိတ်ပင်ထားတယ်။
စသည်ဖြင့် အခြေခံ လွတ်လပ်မှု မှန်သမျှကို ပိတ်ပင်ထားတယ်။
လွတ်လပ်စွာ ကျန်းမာရေး စောင့်ရှောက်ခွင့်ကို ပိတ်ပင်ထားတယ်။
လွတ်လပ်စွာ ပညာသင်ယူနိုင်ခွင့် ပိတ်ပင်ထားတယ်။
လွတ်လပ်စွာ အစိုးရ အမှုထမ်းခွင့်ကို ပိတ်ပင်ထားတယ်။
လွတ်လပ်စွာ အိမ်ထောင်ပြုခွင့်ကို ပိတ်ပင်ထားတယ်။
လွတ်လပ်စွာ စိုက်ပျိုး မွေးမြူခွင့် ပိတ်ပင်ထားတယ်။
လွတ်လပ်စွာ ကူးသန်းရောင်းဝယ်ခွင့် ပိတ်ပင်ထားတယ်။
လွတ်လပ်စွာ အဆောက်အအုံ ဆောက်လုပ်ခွင့် ပိတ်ပင်ထားတယ်။
စသည်ဖြင့် အခြေခံ လွတ်လပ်မှု မှန်သမျှကို ပိတ်ပင်ထားတယ်။
ဒီထက်မက ပြောနိုင်တာတွေ အများကြီး ရှိပါတယ်။ ဒါတွေကို အကောင်အထည်ဖော်ပေးဖို့ ဒေါ်အောင်ဆန်းစုကြည်ကို တောင်းဆိုတာသာ ဖြစ်ပါတယ်။ ဒေါ်အောင်ဆန်းစုကြည်ကို အများနည်းတူ ကျနော်တို့လည်း ချစ်ကြပါတယ်။ ဒေါ်အောင်ဆန်းစုကြည် အတွက် ရိုဟင်ဂျာထုက ဆုတောင်း မေတ္တာပို့ ကြပါတယ်။ ဒေါ်စုရဲ့ ပေးဆပ်မှုကို တန်ဖိုးထား လေးစားကြပါတယ်။ ဒါပေမယ့် ဒေါ်အောင်ဆန်းစုကြည်ရဲ့ လက်ရှိ ရပ်တည်ချက်အပေါ်မှာ အားမရတာတော့ အမှန်ပါဘဲ။ အပြစ်မဲ့ ရိုဟင်ဂျာ သက်ကြီး ရွယ်အို လူမမယ် ကလေးများစွာ သတ်ဖြတ်ပြီး၊ အမျိုးသမီးတွေ မုဒိမ်းကျင့်ခံနေရတာကို မသိကျိူးကျွံနေရုံမက ပြစ်မှုကျူးလွန်နေသူတွေကို ကာကွယ်ပေးနေတဲ့ ဒေါ်အောင်ဆန်းစုကြည်ဟာ တစ်ချိန်က ကျနော့် အဖိုးနဲ့ အဖေ အားကိုးအားထားခဲ့တဲ့ ဒေါ်အောင်ဆန်းစုကြည် ဟုတ်မှဟုတ်ရဲ့လားလို့ သံသယ ဖြစ်မိတာတော့ အမှန်ပါ။ သို့သော်ငြားလည်း အခုချိန်ထိ ဒေါ်အောင်ဆန်းစုကြည်ကို အဖိုး၊ အဖေတို့ နည်းတူ အားကိုးနေချင်သေးတဲ့ ဆန္ဒက ရှိနေတုန်းပါပဲ။
