နောက်ဆုံးသတင်း/ဆောင်းပါးများ

ဒုချီးရားတန်း အပြစ်မဲ့ ဒေသခံတစ်ဦးကို နယ်ခြားစောင့်ရဲတပ်ဖွဲ့မှ ရဲမှူးကိုယ်တိုင် ပစ်ခတ် သတ်ဖြတ်

MYARF
RB News
19.12.2016

မောင်တော ။ ။ ရခိုင်ပြည်နယ်၊ မောင်တောမြို့နယ် ဂေါ်ဒူသာရ ကျေးရွာရှိ တံတားစခန်း အခြေစိုက် နယ်ခြားစောင့်ရဲတပ်ဖွဲ့မှ ရဲမှူးက ဒုချီးရားတန်းမှ ဒေသခံ ရိုဟင်ဂျာတစ်ဦးကို သေနတ်ဖြင့် ပစ်သတ်ခဲ့ကြောင်း သတင်း ရရှိပါသည်။

ယနေ့ ဒီဇင်ဘာလ (၁၉) ရက်နေ့ နံနက် ၉  နာရီ အချိန်ခန့်တွင် မောင်တောမြို့နယ် ဂေါ်ဒူသာရ ကျေးရွာရှိ တံတား ကင်းစခန်း အခြေစိုက် နယ်ခြားစောင့်ရဲတပ်ဖွဲ့ (စခန်း အမှတ် ၁၅) မှ ရဲမှူး အပါအ၀င် နယ်ခြားစောင့်ရဲ (၈) ဦးသည် ဆိုင်ကယ် (၄) စီးဖြင့် ဒုချီးရားတန်း ကျေးရွာအုပ်စု အနောက်ရွာသို့ ရောက်ရှိလာပြီး ကျေးရွာတာဝန်ခံ ဦးရှားအာလောမ်၏ ယောက္ခထီး ဖြစ်သူ ဦးဟာမိတ် (ဘ) ဦးနုရ်အာမတ် (အသက် ၅၅ နှစ်) ၏ နေအိမ်ထဲသို့ ၀င်ရောက်၍ WY မူးယစ်ဆေးဝါး ရောင်းချ နေသည်ဟု ဆိုကာ စစ်ဆေးခဲ့သည်။

ထိုသို့ စစ်ဆေးရာတွင် မည်သည့် တရားမ၀င် ပစ္စည်းတစ်စုံတစ်ရာ မတွေ့ရှိခဲ့သော်လည်း ဦးဟာမိတ်ကို နေအိမ်၏ ရှေ့ ကြမ်းပြင်သို့ ခေါ်ထုတ်၍ ရဲမှူး ကိုယ်တိုင် သေနတ်ဖြင့် ပစ်ခတ် သတ်ဖြတ်ခဲ့ကြောင်း ဒေသခံတစ်ဦးက RB News သို့ပြောသည်။

သေနတ်ဖြင့် ပစ်ခတ်ခံရသူ ဦးဟာမိတ်သည် ကျည်ဆံထိမှန်၍ ထိုနေရာတွင်ပင် ချက်ချင်း သေဆုံး သွားခဲ့သည်။

ထို့နောက် ရဲမှူးက မန်ကျည်းချောင်း စခန်းသို့ ဖုန်းဆက်၍ နယ်ခြားစောင့်ရဲများကို ခေါ်သဖြင့် နောက်ထပ် ဆိုင်ကယ် ၈ စီးဖြင့် နယ်ခြားစောင့်ရဲများ ရောက်ရှိလာပြီး နာရီဝက်ခန့် အကြာတွင် ပြန်လည် ထွက်ခွာသွားခဲံသည်။ အသတ်ခံရသူ၏ အလောင်းကို ထိုနေရာတွင်ပင် ထားခဲ့ကြောင်း သိရှိရသည်။

ရဲမှူးက အသတ်ခံရသူ ဦးဟာမိတ်သည် အကြမ်းဖက်သမား ဖြစ်ကြောင်း၊ ယင်းရွာတွင် အကြမ်းဖက်သမားများ နောက်ထပ် ရှိနေသည်ဟု ဆိုကာ စစ်တပ်ကို အကြောင်းကြားသဖြင့် နေ့လည် ၂ နာရီခန့်တွင် စစ်သားများ ရောက်ရှိလာခဲ့သည်။

စစ်သားများ ရောက်ရှိလာချိန်တွင် ရွာမှ အမျိုးသားများ တိမ်းရှောင် သွားခဲ့ပြီး၊ စစ်သားများက နေအိမ်များ အတွင်းသို့ ၀င်ရောက်၍ လုယက်၊ ဖျက်ဆီးခြင်းများ ပြုလုပ်ခဲ့ကြောင်း ဒေသခံများက ပြောပါသည်။

အသတ်ခံရသူ ဦးဟာမိတ်

Comment ရေးရန်

Rohingya Exodus