ဥပဒေပညာရှင် ဦးကိုနီ အား သေနတ်သမားတစ်ဦးက ရန်ကုန်လေဆိပ်၌ အကြမ်းဖက်ပစ်ခတ်
RB News
30.1.2017
အမျိုးသားဒီမိုကရေစီအဖွဲ့ချုပ်၏ ဥပဒေအကြံပေး တရားလွှတ်တော်ရှေ့နေ ဦးကိုနီ အား ဇန်န၀ါရီလ (၂၉) ရက်နေ့ ညနေ (၅) နာရီခန့်အချိန်တွင် ရန်ကုန်အပြည်ပြည်ဆိုင်ရာလေဆိပ် အငှားယာဉ်များ ရပ်နားထားရာနေရာတွင် သေနတ်သမားတစ်ဦးက ဦးခေါင်းကို သေချာချိန်၍ သေနတ်ဖြင့် ပစ်ခတ်ခဲ့သည်။
ရှေ့နေ ဦးကိုနီသည် ထိုနေရာ၌ လဲကျသွားပြီး သေဆုံးသွားခဲ့သည်။ ထိုမှတဆင့် မြောက်ဥက္ကလာပ ဆေးရုံသို့ ပို့ဆောင်ခဲ့ကြောင်း အစိုးရသတင်းများက ထုတ်ပြန်ကြေညာခဲ့သည်။
သေနတ်ဖြင့် အကြမ်းဖက် ပစ်ခတ်သူမှာ မန္တလေးမြို့မှ ဖြစ်ပြီး အသက် (၅၃) နှစ် အရွယ် ဦးကြည်လင်း ဖြစ်ကြောင်း သတင်းထုတ်ပြန်ချက်များတွင် ရေးသားဖော်ပြထားသော်လည်း မည်သည့် အကြောင်းကြောင့် ပစ်ခတ်သတ်ဖြတ်ခဲ့သည်ကိုမူ ယခုအချိန်ထိ ထုတ်ပြန်ကြေညာခြင်း မရှိသေးပေ။
သေနတ်ဖြင့် ပစ်ခတ် အကြမ်းဖက်သူကို ၀ိုင်းဝန်း၍ ဖမ်းဆီးပေးသူ အငှားယာဉ်မောင်း ဦးနေ၀င်း (အသက် ၄၂ နှစ်) ကိုလည်း အကြမ်းဖက်သမားက သေနတ်ဖြင့် ပစ်ခတ်ခဲ့ပြီး၊ ဦးနေ၀င်း ကို သက်ဆိုင်ရာမှ ဆေးရုံသို့ ခေါ်ဆောင်သွားစဉ် လမ်း၌ သေဆုံးသွားကြောင်း သိရှိရသည်။
ဥပဒေပညာရှင် ဦးကိုနီ သည် မြန်မာနိုင်ငံတွင် ဥပဒေရေးရာနှင့် ပတ်သက်၍ အဓိက အားထားနေရသူတစ်ဦး ဖြစ်ပြီး၊ ယခု လုပ်ကြံခံရခြင်းသည် နိုင်ငံတော်အတွက် ကြီးမားသော ဆုံးရှုံးမှုတစ်ခုဖြစ်သည်။
ဦးကိုနီ၏ ရုပ်ကလာပ်ကို ယနေ့ ဇန်န၀ါရီလ (၃၀) ရက်နေ့ ညနေ (၄) နာရီ အချိန်တွင် ရေဝေး မွတ်စလင် သင်္ချိုင်းတွင် အစ္စလာမ်ဘာသာ ထုံးထမ်းစဉ်လာနှင့် အညီ မြေမြှပ်သဂြိုဟ်မည် ဖြစ်ပါသည်။
ဦးကိုနီ သည် ပြန်ကြားရေးဝန်ကြီးဌာန ပြည်ထောင်စုဝန်ကြီး ဒေါက်တာဖေမြင့် ဦးဆောင်သည့် မြန်မာကိုယ်စားလှယ် အဖွဲ့နှင့် အတူ အင်ဒိုနီးရှားနိုင်ငံသို့ ဇန်န၀ါရီလ (၂၂) ရက်နေ့တွင် သွားရောက်ခဲ့ပြီး၊ မြန်မာနိုင်ငံသို့ ပြန်လည် ရောက်ရှိလာသည့်နေ့တွင် လေဆိပ်၌ လုပ်ကြံခံခဲ့ရခြင်း ဖြစ်သည်။
အကြမ်းဖက်သမား၏ ပစ်ခတ်သတ်ဖြတ်မှုကြောင့် သေဆုံးသွားခဲ့သည့် ဥပဒေ ပညာရှင် ဦးကိုနီ၊ အငှားယာဉ်မောင်း ဦးနေ၀င်း တို့အတွက် RB News ၀ိုင်းတော်သားများမှ မိသားစုများနှင့် အတူ ထပ်တူထပ်မျှ ကြေကွဲ ၀မ်းနည်းရပါကြောင်း။
---
ဦးကိုနီရဲ့ ကိုယ်ရေး အကျဉ်း (ဘီဘီစီမြန်မာပိုင်းမှ ဖော်ပြချက်)
ဦးကိုနီကို ဖခင် ဦစူလတန်၊ မိခင် ဒေါ်ခင်လှ (ခ) ဒေါ်ဟလီမာတို့က စစ်ကိုင်းတိုင်းဒေသကြီး၊ ကသာ မြို့နယ်၊ အင်းရွာကျေးရွာမှာ မွေးဖွားခဲ့ပြီး ကွယ်လွန်ချိန်မှာ အသက် ၆၃ နှစ် ရှိပြီ ဖြစ်ပါတယ်။
တက္ကသိုလ်ဝင်တန်း စာမေးပွဲကို ကသာမြို့ အ.ထ.က (၁) ကျောင်း ကနေ အောင်မြင်ခဲ့ပြီး ရန်ကုန် ဝိဇ္ဇာ သိပ္ပံ တက္ကသိုလ်ကနေ ၁၉၇၅ ခုနှစ်မှာ B.A (Law) ဘွဲ့၊ ၁၉၇၆ ခုနှစ်မှာ LL.B ဘွဲ့တွေ ရရှိခဲ့ပါတယ်။
၁၉၇၅-၁၉၇၆ ပညာသင်နှစ်အတွင်းမှာ ရန်ကုန်တက္ကသိုလ် ဥပဒေအသင်းကြီးရဲ့ ဒုတိယဥက္ကဌ အဖြစ် တာဝန် ထမ်းဆောင်ခဲ့ပြီး၊ ၁၉၇၇ ခုနှစ်ကနေ ၁၉၇၉ ခုနှစ် အတွင်း ရန်ကုန်အဝေးသင်တက္ကသိုလ် ဥပဒေပညာဌာန မှာ နည်းပြဆရာ အဖြစ် တာဝန်ထမ်းဆောင်ခဲ့ပါတယ်။ တက္ကသိုလ် နည်းပြ ဘဝမှာပဲ ရှေ့နေကြီး ဆရာ ဦးကိုယုရဲ့ ရှေ့နေချိန်းဘားမှာ အလုပ်သင် ရှေ့နေ၊ အမှုလိုက် ရှေ့နေ စတဲ့ တာဝန်များကိုလည်း ပူးတွဲထမ်းဆောင်ခဲ့ပါတယ်။
ကျောင်းဆရာ အလုပ်ကို ဝါသနာပါ နှစ်သက်တဲ့အတွက် မေတ္တာဖြင့် ဟောပြောပို့ချမှုများကိုလည်း တတ်နိုင်သမျှ ပြုလုပ် ခဲ့ပါတယ်။ ၁၉၉၅ ခုနှစ်က စပြီး Laurel Law Firm ကို တရားဝင် မှတ်ပုံတင် တည်ထောင်ကာ ဥက္ကဋ္ဌ အဖြစ် တာဝန်ယူ ထမ်းဆောင်ခဲ့ပါတယ်။
ဦးကိုနီဟာ အမျိုးသားဒီမိုကရေစီ အဖွဲ့ချုပ် ဝင် တဦးဖြစ်ပြီး ပါတီအတွက် ဥပဒေရေးရာ အတိုင်ပင်ခံ အဖြစ်ဆောင်ရွက်ခဲ့သူ ဖြစ်ပါတယ်။
ဦးကိုနီဟာ ဖွဲ့စည်းပုံ အခြေခံဥပဒေရေးရာများကို အထူးကျွမ်းကျင်သူ အဖြစ် ဥပဒေလောကရဲ့ အသိအမှတ် ပြုခြင်းခံရသူပါ။ ၂၀၁၂ ခုနှစ် ကြားဖြတ်ရွေးကောက်ပွဲ အချိန်ကစပြီး ပါတီရဲ့ အခြေခံဥပဒေ ပြင်ဆင်ရေး လုပ်ငန်းစဉ်တွေကို ကွယ်လွန်ချိန် အထိ တက်တက်ကြွကြွ ပါဝင်ခဲ့သူလည်း ဖြစ်ပါတယ်။
ဦးကိုနီဟာ မြန်မာနိုင်ငံ လူ့အခွင့်အရေး အခြေအနေတွေ တိုးတက်ကောင်းမွန် စေဖို့ရာလည်း စွမ်းဆောင်ခဲ့သူ ဖြစ်တဲ့ အပြင် ဘာသာပေါင်းစုံချစ်ကြည်ရေး အလုပ်တွေကိုလည်း ကွယ်လွန်ချိန် အထိ လုပ်ဆောင်ခဲ့ပါတယ်။
