တောင်ပြိုလက်ဝဲမှ ကလေး (၃) ဦး၏ မိခင်ကို စစ်သားများက အုပ်စုဖွဲ့ မုဒိမ်းကျင့်
MYARF
RB News
6.2.2017
တောင်ပြိုလက်ဝဲ ။ ။ ရခိုင်ပြည်နယ်၊ မောင်တောခရိုင်၊ တောင်ပြိုလက်ဝဲမြို့နယ်ခွဲမှ ကလေး (၃) ဦး၏ မိခင် အမျိုးသမီးတစ်ဦးကို စစ်သားများက နေအိမ်မှာ ဆွဲထုတ်ခေါ်ယူသွားပြီး တစ်ညလုံး အုပ်စုဖွဲ့ မုဒိမ်းကျင့်ခဲ့ကြောင်း သတင်းရရှိပါသည်။
ဒေါ် ------- မုဒိမ်းကျင့်ခံရသည့် သတင်းကို ရွာသားများ ကြားသိပြီးနောက် ကျေးရွာအုပ်ချုပ်ရေးမှူး ဖြစ်သူ ဦး ကျော်ကျော်ထံသို့ သွားရောက်၍ စစ်သားများက အမျိုးသမီးတစ်ဦးကို အုပ်စုဖွဲ့ မုဒိမ်းကျင့်သည်ကို အဘယ်ကြောင့် သက်ဆိုင်ရာသို့ တိုင်တန်းခြင်း မပြုတာလဲဟု မေးမြန်းခဲ့ရာ ကျေးရွာအုပ်ချုပ်ရေးမှူးက ရွာသားများကို နှစ်သိမ့်စကား ပြောမည့်အစား၊ မုဒိမ်းကျင့်ခံရသည့် အမျိုးသမီးကို ကာကွယ်ပေးရမည့် အစား ရွာသားများကို ခြိမ်းခြောက်ခြင်းများ ပြုလုပ်ခဲ့ကြောင်း ဒေသခံများက ပြောပါသည်။
ယခုအခါ ကျေးရွာအုပ်ချုပ်ရေးမှူးက နယ်ခြားစောင့်ရဲများ၊ စစ်သားများ ခေါ်ယူလာပြီး ၎င်းအား ပြစ်တင်ဝေဖန်သည့် ရွာသားများကို ဖမ်းဆီးရန် လိုက်လံရှာဖွေ နေသဖြင့် ရွာတွင် မနေနိုင်ဘဲ ထွက်ပြေး တိမ်းရှောင်နေရကြောင်း သိရှိရသည်။
